ಅಫ್ಘಾನ್‌ನಿಂದ ಪಲಾಯನ ಮಾಡುವವರಿಗೆ ಸೂಕ್ತ ನೆರವು ಒದಗಿಸಲು ಇಯು ವಿಫಲ | Vartha Bharati- ವಾರ್ತಾ ಭಾರತಿ

--

ಮಾನವ ಹಕ್ಕುಗಳ ಸಂಘಟನೆ ಆರೋಪ

ಅಫ್ಘಾನ್‌ನಿಂದ ಪಲಾಯನ ಮಾಡುವವರಿಗೆ ಸೂಕ್ತ ನೆರವು ಒದಗಿಸಲು ಇಯು ವಿಫಲ

ಬ್ರಸೆಲ್ಸ್, ಸೆ.16: ಅಫ್ಘಾನಿಸ್ತಾನದಲ್ಲಿ ತಾಲಿಬಾನ್‌ಗಳ ಆಡಳಿತದಲ್ಲಿ ಭೀತಿಯಿಂದ ಬದುಕುತ್ತಿರುವ ಜನತೆ ದೇಶ ಬಿಟ್ಟು ತೆರಳುವ ಕಾರ್ಯದಲ್ಲಿ ಸೂಕ್ತ ನೆರವು ನೀಡಲು ಯುರೋಪಿಯನ್ ಯೂನಿಯನ್(ಇಯು) ವಿಫಲವಾಗಿದೆ ಎಂದು ಮಾನವಹಕ್ಕುಗಳು ಹಾಗೂ ನಿರಾಶ್ರಿತರ ಸಂಘಟನೆ ಆರೋಪಿಸಿದೆ. ಜುಲೈ ತಿಂಗಳಿನಲ್ಲಿ (ಅಫ್ಘಾನ್‌ನಲ್ಲಿ ಸಂಘರ್ಷ ತೀವ್ರವಾಗಿದ್ದಾಗ ಮತ್ತು ಸರಕಾರ ಪತನಗೊಳ್ಳುವ ಮೊದಲು) ಯುರೋಪಿಯನ್ ಯೂನಿಯನ್ ದೇಶದಲ್ಲಿ ಆಶ್ರಯ ಕೋರಿ ಸಲ್ಲಿಸಿದ್ದ ಅರ್ಜಿಗಳ ಸಂಖ್ಯೆ ಜೂನ್‌ಗಿಂತ 21% ಹೆಚ್ಚಾಗಿದೆ. ಇವರಲ್ಲಿ ಸುಮಾರು 1,200 ಅರ್ಜಿಗಳು ಅಲ್ಪಸಂಖ್ಯಾತ ಸಮುದಾಯದವರದ್ದು. ಆದರೆ ಒಟ್ಟು ಅರ್ಜಿಗಳಲ್ಲಿ 50%ಕ್ಕೂ ಅಧಿಕ ಅರ್ಜಿಗಳನ್ನು ತಿರಸ್ಕರಿಸಲಾಗಿದೆ ಎಂದು 24 ಸರಕಾರೇತರ ಸಂಘಟನೆಗಳ ಒಕ್ಕೂಟ ‘ಇಯು ಆಶ್ರಯ ಸಂಘಟನೆ’ಯ ಅಂಕಿಅಂಶಗಳನ್ನು ಉಲ್ಲೇಖಿಸಿ ಸುದ್ಧಿಸಂಸ್ಥೆ ವರದಿ ಮಾಡಿದೆ.

ನಿರಾಶ್ರಿತರಿಗೆ ರಕ್ಷಣೆ ಒದಗಿಸುವ ಜವಾಬ್ದಾರಿಯಿಂದ ನುಣುಚಿಕೊಳ್ಳುವ ಬದಲು ರಕ್ಷಣೆಯ ಹೊಣೆಯನ್ನು ಇಯು ಹಂಚಿಕೊಳ್ಳಬೇಕು ಎಂದು ಸಂಘಟನೆ ಹೇಳಿದೆ. ಆ್ಯಮ್ನೆಸ್ಟಿ ಇಂಟರ್‌ನ್ಯಾಷನಲ್, ಕ್ಯಾರಿಟಾಸ್ ಯುರೋಪ, ದಿ ಇಂಟರ್‌ನ್ಯಾಷನಲ್ ರೆಸ್ಕ್ಯೂ ಕಮಿಟಿ, ಆಕ್ಸ್‌ಫಮ್, ರೆಡ್‌ಕ್ರಾಸ್ ಮುಂತಾದ ಪ್ರಮುಖ ಸಂಸ್ಥೆಗಳು ಈ ಒಕ್ಕೂಟದಲ್ಲಿವೆ.

ಅಫ್ಘಾನ್‌ನ ಜನಸಂಖ್ಯೆಯ ಸುಮಾರು ಅರ್ಧಾಂಶದಷ್ಟು, ಅಂದರೆ ಸುಮಾರು 18 ಮಿಲಿಯನ್ ಜನತೆಗೆ ಮಾನವೀಯ ನೆರವಿನ ತುರ್ತು ಅಗತ್ಯವಿದ್ದು ಸುಮಾರು 6,30,000 ಮಂದಿ ಹಿಂಸಾಚಾರ ಮತ್ತು ಬರಗಾಲದಿಂದ ಕಂಗೆಟ್ಟು ಮನೆಬಿಟ್ಟು ಬೇರೆಡೆಗೆ ಸ್ಥಳಾಂತರಗೊಳ್ಳುವ ಅನಿವಾರ್ಯತೆಗೆ ಸಿಲುಕಿದ್ದಾರೆ ಎಂದು ಸಂಘಟನೆ ಹೇಳಿದೆ. ಆಶ್ರಯ ಕೋರಿದ ಅರ್ಜಿಗಳ ಸಂಖ್ಯೆ ಹೆಚ್ಚಿದ್ದರೂ, ಯುರೋಪಿಯನ್ ಯೂನಿಯನ್‌ಗೆ ಅಫ್ಘಾನ್ ನಿರಾಶ್ರಿತರ ಆಗಮನದ ಸವಾಲು ತಕ್ಷಣ ಎದುರಾಗದು. ಯಾಕೆಂದರೆ ಹೆಚ್ಚಿನ ನಿರಾಶ್ರಿತರು ಇರಾನ್, ಪಾಕಿಸ್ತಾನ, ಉಜ್ಬೇಕಿಸ್ತಾನ ಮತ್ತು ತಜಿಕಿಸ್ತಾನದತ್ತ ಧಾವಿಸುತ್ತಿದ್ದಾರೆ ಎಂದು ಯುರೋಪಿಯನ್ ಯೂನಿಯನ್‌ನ ಅಧಿಕಾರಿಗಳು ಹೇಳಿದ್ದಾರೆ.

ಆದರೂ, 2015ರ ಉದಾಹರಣೆಯನ್ನು ಮುಂದಿರಿಸಿಕೊಂಡು ಇಯು ಸದಸ್ಯ ರಾಷ್ಟ್ರಗಳು ಮುನ್ನೆಚ್ಚರಿಕಾ ಕ್ರಮ ಕೈಗೊಂಡಿವೆ. 2015ರಲ್ಲಿ ಸಿರಿಯಾ ಅಂತರ್ಯುದ್ಧ ತೀವ್ರಗೊಂಡ ಸಂದರ್ಭ 1 ಮಿಲಿಯನ್‌ಗೂ ಅಧಿಕ ಮಂದಿ ಯುರೋಪ್ ಪ್ರವೇಶಿಸಿದ್ದರು. ಈ ರೀತಿಯ ಮುನ್ನೆಚ್ಚರಿಕಾ ಕ್ರಮಗಳು ತಪ್ಪುಸಂದೇಶ ರವಾನಿಸುತ್ತವೆ ಮತ್ತು ಯುರೋಪ್‌ನ ಗಡಿಭಾಗದಲ್ಲಿ ಹೊಸ ಬಿಕ್ಕಟ್ಟನ್ನು ಸೃಷ್ಟಿಸಬಹುದು . ಜೊತೆಗೆ, ಯುರೋಪ್ ಸಮಾಜದಲ್ಲಿ ನಿರಾಶ್ರಿತರ ಸಂಯೋಜನೆ ಮತ್ತು ಒಳಗೊಳ್ಳುವಿಕೆಗೆ ತೊಡಕಾಗಬಹುದು ಎಂದು ‘ಇಯು ಆಶ್ರಯ ಸಂಘಟನೆ’ ಆಕ್ಷೇಪಿಸಿದೆ.

ಅಫ್ಘಾನ್‌ನಲ್ಲಿ ಭದ್ರತೆಯ ಅಗತ್ಯವಿರುವವರಿಗೆ ಯುರೋಪ್ ಪ್ರವೇಶಕ್ಕೆ ಸುರಕ್ಷಿತ ವ್ಯವಸ್ಥೆ ರೂಪಿಸುವ ಜತೆಗೆ, ಈಗಾಗಲೇ ಪಾಕಿಸ್ತಾನ ಮತ್ತು ಇರಾನ್‌ನಲ್ಲಿ ನೆಲೆ ಕಂಡುಕೊಂಡಿದ್ದು ಈಗ ಯುರೋಪ್‌ಗೆ ಸ್ಥಳಾಂತರಗೊಳ್ಳಬಯಸುವ ಜನರಿಗೆ ಮಹಾತ್ವಾಕಾಂಕ್ಷೆಯ ಪುನರ್ವಸತಿ ಯೋಜನೆ ರೂಪಿಸುವಂತೆ ಇಯು ಸದಸ್ಯ ರಾಷ್ಟ್ರಗಳಿಗೆ ಕರೆ ನೀಡಿದೆ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top