ಲ್ಯಾಟಿನ್ ಅಮೆರಿಕದಲ್ಲಿ ಹಸಿವಿನ ಸಮಸ್ಯೆ 30% ಹೆಚ್ಚಳ: ವಿಶ್ವಸಂಸ್ಥೆ

-

ನ್ಯೂಯಾರ್ಕ್, ಡಿ.1: ಲ್ಯಾಟಿನ್ ಅಮೆರಿಕ ಹಾಗೂ ಕೆರಿಬಿಯನ್ ದೇಶಗಳಲ್ಲಿ ಹಸಿವಿನಿಂದ ಬಳಲುವವರ ಸಂಖ್ಯೆಯಲ್ಲಿ 2019ರಿಂದ 30% ಹೆಚ್ಚಳವಾಗಿ ಕಳೆದ 15 ವರ್ಷಗಳಲ್ಲೇ ಗರಿಷ್ಟ ಹಂತ ತಲುಪಿದೆ . ಇದು ಗಂಭೀರ ಪರಿಸ್ಥಿತಿಯಾಗಿದೆ ಎಂದು ವಿಶ್ವಸಂಸ್ಥೆಯ ಏಜೆನ್ಸಿಗಳ ಒಕ್ಕೂಟ ಹೇಳಿದೆ.

ಪ್ರಸ್ತುತ, ಈ ವಲಯದ 59 ಮಿಲಿಯನ್‌ಗೂ ಅಧಿಕ ಜನತೆಗೆ ಸಾಕಷ್ಟು ಆಹಾರದ ಕೊರತೆಯಿದೆ. ಕಳೆದ ವರ್ಷಕ್ಕೆ ಹೋಲಿಸಿದರೆ ಆಹಾರದ ಕೊರತೆ ಎದುರಿಸುವವರ ಸಂಖ್ಯೆ 13.8 ಮಿಲಿಯನ್ ಹೆಚ್ಚಿದೆ . ಲ್ಯಾಟಿನ್ ಅಮೆರಿಕಾ ಮತ್ತು ಕೆರಿಬಿಯನ್ ದೇಶಗಳ 9%ಕ್ಕೂ ಅಧಿಕ ಜನತೆ ಹಸಿವಿನ ಸಮಸ್ಯೆ ಎದುರಿಸುತ್ತಿದ್ದಾರೆ ಎಂದು ಮಂಗಳವಾರ ಪ್ರಕಟಗೊಂಡ‘ ಆಹಾರ ಭದ್ರತೆ ಮತ್ತು ಪೌಷ್ಟಿಕತೆ 2021’  ವರದಿಯಲ್ಲಿ ವಿಶ್ವಸಂಸ್ಥೆಯ 5 ಏಜೆನ್ಸಿಗಳ ಒಕ್ಕೂಟ ತಿಳಿಸಿದೆ.

ಆಹಾರ ಭದ್ರತೆಗೆ ಸಂಬಂಧಿಸಿ ಲ್ಯಾಟಿನ್ ಅಮೆರಿಕಾ ಮತ್ತು ಕೆರಿಬಿಯನ್ ದೇಶಗಳು ಗಂಭೀರ ಪರಿಸ್ಥಿತಿ ಎದುರಿಸುತ್ತಿವೆ ಎಂದು ಗಟ್ಟಿಧ್ವನಿಯಲ್ಲಿ ಮತ್ತು ಸ್ಪಷ್ಟವಾಗಿ ಹೇಳಬೇಕಾಗಿದೆ . ಹಸಿವಿನಿಂದ ಬಳಲುವವರ ಪ್ರಮಾಣ 2014ರಿಂದ 20ರ ಅವಧಿಯಲ್ಲಿ 79%ದಷ್ಟು ಹೆಚ್ಚಳವಾಗಿದೆ ಎಂದು ವಿಶ್ವಸಂಸ್ಥೆಯ ಆಹಾರ ಮತ್ತು ಕೃಷಿ ಸಂಘಟನೆ(ಎಫ್‌ಒಕ್ಯು)ನ ಪ್ರಾದೇಶಿಕ ಪ್ರತಿನಿಧಿ ಜೂಲಿಯೊ ಬೆರ್ಡೆಗ್ ಹೇಳಿದ್ದಾರೆ. ಕೊರೋನ ಸಾಂಕ್ರಾಮಿಕ ಈ ಸಮಸ್ಯೆಯನ್ನು ಇನ್ನಷ್ಟು ತೀವ್ರಗೊಳಿಸಿತು ಎಂದು ವರದಿ ಹೇಳಿದೆ.

ಈ ವಲಯದ ಅತ್ಯಂತ ದೊಡ್ಡ ಮತ್ತು ಅತ್ಯಧಿಕ ಜನಸಂಖ್ಯೆಯ ದೇಶವಾದ ಬ್ರೆಝಿಲ್‌ನಲ್ಲಿ ಸುಮಾರು 19 ಮಿಲಿಯ ಜನತೆ ಕೊರೋನ ಸೋಂಕಿನ ಸಂದರ್ಭ ಆಹಾರದ ಕೊರತೆ ಎದುರಿಸಿದ್ದರು. ದೇಶದ ಜನಸಂಖ್ಯೆಯ ಸುಮಾರು 50%ದಷ್ಟು ಅಂದರೆ 117 ಮಿಲಿಯನ್ ಜನತೆಗೆ ಆಹಾರದ ಭದ್ರತೆ ಸಮಸ್ಯೆ ಎದುರಾಗಿದೆ. ಲ್ಯಾಟಿನ್ ಅಮೆರಿಕ ಮತ್ತು ಕೆರಿಬಿಯನ್ ದೇಶಗಳ ಪ್ರತೀ 10 ಜನರಲ್ಲಿ 4 ಮಂದಿ, ಅಥವಾ 267 ಮಿಲಿಯನ್ ಜನತೆ 2020ರಲ್ಲಿ ಸಾಧಾರಣ ಅಥವಾ ಗಂಭೀರ ಪ್ರಮಾಣದ ಆಹಾರ ಅಭದ್ರತೆ ಸಮಸ್ಯೆ ಎದುರಿಸುತ್ತಿದ್ದಾರೆ .

2019ಕ್ಕೆ ಹೋಲಿಸಿದರೆ ಇದು 9% ಹೆಚ್ಚಳವಾಗಿದೆ. ವಿಶ್ವದ ಇತರ ವಲಯಗಳನ್ನು ಗಮನಿಸಿದರೆ ಇದು ಅತ್ಯಂತ ಸ್ಪಷ್ಟ ಹೆಚ್ಚಳವಾಗಿದೆ. ಆದರೆ ಈ ಎರಡೂ ವಲಯಗಳಲ್ಲಿ ಇತ್ತೀಚಿನ ವರ್ಷಗಳಲ್ಲಿ ಮಕ್ಕಳ ಕುಂಠಿತ ಬೆಳವಣಿಗೆ ಸಮಸ್ಯೆ ಸ್ವಲ್ಪ ಕಡಿಮೆಯಾಗಿದೆ. ಅಲ್ಲದೆ ಮಕ್ಕಳು ಕೃಶಕಾಯವಾಗುವ ಸಮಸ್ಯೆಯೂ ಈ ವಲಯದಲ್ಲಿ 1.3% ಆಗಿದ್ದು ವಿಶ್ವದ ಇತರೆಡೆ ಇದು 6.7% ಆಗಿದೆ ಎಂದು ವರದಿ ಹೇಳಿದೆ. ಜಾಗತಿಕವಾಗಿ, ಪ್ರತೀ ನಿಮಿಷಕ್ಕೆ 11 ವ್ಯಕ್ತಿ ಹಸಿವಿನಿಂದ ಸಾಯುತ್ತಿದ್ದಾನೆ. ಕಳೆದ ವರ್ಷ ಬರಗಾಲದಂತಹ ವಿಪತ್ತು 6 ಪಟ್ಟು ಹೆಚ್ಚಿರುವುದು ಇದಕ್ಕೆ ಮೂಲ ಕಾರಣ ಎಂದು ‘ಓಕ್ಸ್‌ಫಾಮ್’ ಸಂಸ್ಥೆ ವರದಿ ಮಾಡಿದೆ.

ಮಹಿಳೆಯರ ಪ್ರಮಾಣ ಅಧಿಕ ಲ್ಯಾಟಿನ್ ಅಮೆರಿಕ ಮತ್ತು ಕೆರಿಬಿಯನ್ ರಾಷ್ಟ್ರಗಳಲ್ಲಿ ಹಸಿವಿನ ಸಮಸ್ಯೆ ಹೆಚ್ಚಳದಿಂದ ಹೆಚ್ಚು ಪರಿಣಾಮಕ್ಕೆ ಒಳಗಾದವರು ಮಹಿಳೆಯರು. 2020ರಲ್ಲಿ ಈ ವಲಯದ 41.8% ಮಹಿಳೆಯರಲ್ಲಿ ಸಾಧಾರಣ ಅಥವಾ ತೀವ್ರ ಪ್ರಮಾಣದ ಆಹಾರ ಅಭದ್ರತೆಯ ಭಾವ ಕಾಡಿತ್ತು.(ಪುರುಷರ ಪ್ರಮಾಣ 32%). ಈ ಅಸಮಾನತೆ ಕಳೆದ 6 ವರ್ಷದಿಂದ ಹೆಚ್ಚುತ್ತಿದೆ. 2019ರಲ್ಲಿ ಅಸಮಾನತೆಯ ಪ್ರಮಾಣ 6.4% ಆಗಿದ್ದರೆ 2020ರಲ್ಲಿ 9.6%ಕ್ಕೆ ಹೆಚ್ಚಿದೆ ಎಂದು ವಿಶ್ವಸಂಸ್ಥೆಯ ವರದಿ ಹೇಳಿದೆ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

ಇಂದು ಹೆಚ್ಚು ಓದಿದ್ದು


Back to Top