--

ಅಮೆರಿಕ, ಆಸ್ಟ್ರೇಲಿಯದಲ್ಲೂ ಒಮೈಕ್ರಾನ್ ಪತ್ತೆ

ಸಾಂದರ್ಭಿಕ ಚಿತ್ರ

ವಾಶಿಂಗ್ಟನ್,ಡಿ.3: ಜಗತ್ತಿನಾದ್ಯಂತ ಆತಂಕ ಸೃಷ್ಟಿಸಿರುವ ಕೊರೋನವೈರಸ್‌ನ ರೂಪಾಂತರಿ ಒಮೈಕ್ರಾನ್ ಸ್ಥಳೀಯವಾಗಿ ಹರಡಿರುವ ಪ್ರಕರಣಗಳು ಪತ್ತೆಯಾಗಿರುವುದಾಗಿ ಅಮೆರಿಕ ಹಾಗೂ ಆಸ್ಟ್ರೇಲಿಯ ಗುರುವಾರ ಘೋಷಿಸಿವೆ. ಒಮೈಕ್ರಾನ್ ವೈರಸ್‌ನ ಹರಡುವುದನ್ನು ಮೊಳಕೆಯಲ್ಲೇ ಚಿವುಟಲು ವಿಶ್ವದಾದ್ಯಂತ ಸರಕಾರಗಳು ಯತ್ನಿಸುತ್ತಿರುವಂತೆಯೇ ಈ ಮಾರಕ ಸೋಂಕು ಹಲವು ದೇಶಗಳಲ್ಲಿ ಪತ್ತೆಯಾಗುತ್ತಿರುವುದು ಕಳವಳಕ್ಕೆ ಕಾರಣವಾಗಿದೆ.

ಒಮೈಕ್ರಾನ್ ಉಳಿದ ರೂಪಾಂತರಿ ವೈರಸ್‌ಗಳಿಗಿಂತ ಗಳಿಗಿಂತ ಅಧಿಕ ಹರಡುವ ಸಾಮರ್ಥ್ಯವನ್ನು ಹೊಂದಿದೆಯೇ ಹಾಗೂ ಅದು ಇನ್ನೂ ಹೆಚ್ಚಿನ ಸೋಂಕಿಗೆ ಕಾರಣವಾಗಿದೆಯೇ ಎಂಬುದನ್ನು ನಿರ್ಧರಿಸಲು ತನಗೆ ಕೆಲವು ವಾರಗಳು ಬೇಕಾಗಬಹುದೆಂದು ವಿಶ್ವ ಆರೋಗ್ಯಸಂಸ್ಥೆ ತಿಳಿಸಿದೆ.

ದಕ್ಷಿಣ ಆಫ್ರಿಕದಲ್ಲಿ ಪ್ರಥಮ ಬಾರಿಗೆ ಪತ್ತೆಯಾದ ಒಮೈಕ್ರಾನ್ ವೈರಸ್, ಜಗತ್ತು ಕೋವಿಡ್19 ಸೋಂಕಿನಿಂದ ಸದ್ಯಕ್ಕೆ ಹೊರಬರುವ ಸಾಧ್ಯತೆಯ ಬಗ್ಗೆ ಸಂದೇಹವನ್ನು ಮೂಡಿಸಿದೆ. ಒಮೈಕ್ರಾನ್‌ನಿಂದಾಗಿ ಮುಂದಿನ ಕೆಲವು ತಿಂಗಳುಗಳಲ್ಲಿ ಯುರೋಪ್‌ನಲ್ಲಿ ಕೋವಿಡ್ ಪ್ರಕರಣಗ ಸಂಖ್ಯೆ ಹಾಲಿ ಸೋಂಕಿನ ಪ್ರಕರಣಗಳ ಸಂಖ್ಯೆಗಿಂತ ಅರ್ಧದಷ್ಟು ಅಧಿಕವಾಗಲಿದೆ ಎಂದು ಎಚ್ಚರಿಕೆ ನೀಡಿದೆ.

ಅಮೆರಿಕದಲ್ಲಿ ಗುರುವಾರ ಒಮೈಕ್ರಾನ್ ಸೋಂಕಿನ ಹತ್ತು ಪ್ರಕರಣಗಳು ದೃಢಪಟ್ಟಿದ್ದು, ಆ ಪೈಕಿ ಐದು ಪ್ರಕರಣಗಳು ನ್ಯೂಯಾರ್ಕ್‌ನಲ್ಲಿಯೇ ವರದಿಯಾಗಿವೆ. ಲಾಸ್ ಏಂಜಲೀಸ್‌ನಲ್ಲಿ ಹಾಗೂ ಹವಾಯಿಯಲ್ಲಿ ತಲಾ ಒಂದು ಪ್ರಕರಣಗಳು ವರದಿಯಾಗಿವೆ.

ಒಮೈಕ್ರಾನ್ ಸೋಂಕು ತಗಲಿದ ಹವಾಯಿ ಹಾಗೂ ಮಿನ್ನೆಸೊಟಾದ ಇಬ್ಬರು ನಿವಾಸಿಗಳು, ಇತ್ತೀಚೆಗೆ ವಿದೇಶಕ್ಕೆ ಪ್ರಯಾಣಿಸಿದ ಇತಿಹಾಸವನ್ನು ಹೊಂದಿಲ್ಲ, ಹೀಗಾಗಿ ಈ ರೂಪಾಂತರಿ ವೈರಸ್ ಈಗಾಗಲೇ ಅಮೆರಿಕದಲ್ಲಿ ಹರಡುತ್ತಿದೆ ಎಂಬ ಸಂದೇಹಕ್ಕೆ ಪುಷ್ಟಿ ನೀಡಿದೆ.

ಒಮೈಕ್ರಾನ್ ಪ್ರಕರಣಗಳು ಅಮೆರಿಕದಲ್ಲಿ ವರದಿಯಾಗುತ್ತಿದ್ದಂತೆಯೇ ಅಧ್ಯಕ್ಷ ಜೋ ಬೈಡನ್ ಅವರು ಮುಂದಿನ ಚಳಿಗಾಲದಲ್ಲಿ ಕೋವಿಡ್19 ವಿರುದ್ಧ ಹೋರಾಟಕ್ಕೆ ನೂತನ ಯೋಜನೆಗಳನ್ನು ರೂಪಿಸಿದ್ದಾರೆ. ಅಮೆರಿಕವು ಗುರುವಾರ ಪ್ರಕಟಿಸಿರುವ ನೂತನ ಕೋವಿಡ್ ನಿಯಮಾವಳಿಗಳ ಪ್ರಕಾರ ಆ ದೇಶಕ್ಕೆ ಆಗಮಿಸುವ ಎಲ್ಲಾ ಪ್ರಯಾಣಿಕರು ತಾವು ವಿಮಾನವೇರುವ ಒಂದು ದಿನದೊಳಗೆ ಕೋವಿಡ್ ಪರೀಕ್ಷೆಗೊಳಗಾಗಿ ನೆಗೆಟಿವ್ ಫಲಿತಾಂಶವನ್ನು ಪಡೆದಿರೇಕಾಗುತ್ತದೆ. ಪ್ರಸ್ತುತ ಅಮೆರಿಕದಲ್ಲಿ ರ್ಯಾಪಿಡ್ ಕೋವಿಡ್19 ಪರೀಕ್ಷೆಗೆ 25 ಡಾಲರ್ ವೆಚ್ಚ ತಗಲುತ್ತಿದ್ದು ಅವನ್ನು ವಿಮಾನ ಕಂಪೆನಿಗಳು ಭರಿಸುತ್ತವೆ ಹಾಗೂ ವಿಮೆಯನ್ನು ಪಡೆದಿರದವರಿಗೆ ಅದನ್ನು ಉಚಿತವಾಗಿ ಒದಗಿಸಲಾಗುತ್ತದೆ.

ಆಸ್ಟ್ರೇಲಿಯದ ಸಿಡ್ನಿಯಲ್ಲಿ ಮೂವರು ವಿದ್ಯಾರ್ಥಿಗಳಲ್ಲಿ ಒಮೈಕ್ರಾನ್ ವೈರಸ್ ಸೋಂಕು ದೃಢಪಟ್ಟಿದೆ. ತನ್ನ ಪ್ರಜೆಗಳಲ್ಲದವರು ದೇಶ ಪ್ರವೇಶಿಸುವುದನ್ನು ನಿಷೇಧಿಸಿರುವುದು ಹಾಗೂ ದಕ್ಷಿಣ ಆಫ್ರಿಕಕ್ಕೆ ವಿಮಾನ ಸಂಚಾರ ನಿಷೇಧಿಸಿರುವ ಹೊರತಾಗಿಯೂ ವೈರಸ್ ಪತ್ತೆಯಾಗಿರುವುದು ಆಸ್ಟ್ರೇಲಿಯವನ್ನು ಚಿಂತೆಗೀಡು ಮಾಡಿದೆ.

ಶ್ರೀಲಂಕಾದಲ್ಲಿಯೂ ಕೋವಿಡ್19 ನ ಒಮೈಕ್ರಾನ್ ರೂಪಾಂತರಿ ವೈರಸ್‌ನ ಮೊದಲ ಪ್ರಕರಣ ವರದಿಯಾಗಿದೆ. ಇತ್ತೀಚೆಗೆ ವಿದೇಶಕ್ಕೆ ಪ್ರಯಾಣಿಸಿದ ಶ್ರೀಲಂಕಾ ಪ್ರಜೆಯೊಬ್ಬರಲ್ಲಿ ಸೋಂಕು ಪತ್ತೆಯಾಗಿದೆಯಂದು ಈ ದ್ವೀಪ ರಾಷ್ಟ್ರದ ಆರೋಗ್ಯ ಇಲಾಖೆಯ ಅಧಿಕಾರಿಗಳು ತಿಳಿಸಿದ್ದಾರೆ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top