ವಾಯವ್ಯ ಭಾರತ ಮತ್ತು ಪಾಕಿಸ್ತಾನದಲ್ಲಿ ಗರಿಷ್ಟ ಪ್ರಮಾಣದ ಉಷ್ಣಮಾರುತದ ಸಾಧ್ಯತೆ: ವರದಿ | Vartha Bharati- ವಾರ್ತಾ ಭಾರತಿ

--

ವಾಯವ್ಯ ಭಾರತ ಮತ್ತು ಪಾಕಿಸ್ತಾನದಲ್ಲಿ ಗರಿಷ್ಟ ಪ್ರಮಾಣದ ಉಷ್ಣಮಾರುತದ ಸಾಧ್ಯತೆ: ವರದಿ

ಲಂಡನ್, ಮೇ 19: ಹವಾಮಾನ ಬದಲಾವಣೆಯಿಂದ ವಾಯವ್ಯ ಭಾರತ ಮತ್ತು ಪಾಕಿಸ್ತಾನದಲ್ಲಿ ದಾಖಲೆ ಮಟ್ಟದ ಉಷ್ಣಮಾರುತ ಬೀಸುವ ಸಾಧ್ಯತೆ 100%ದಷ್ಟಿದೆ ಎಂದು ಬ್ರಿಟನ್‌ನ ಹವಾಮಾನಶಾಸ್ತ್ರ ಇಲಾಖೆಯ ಅಧ್ಯಯನ ವರದಿ ಹೇಳಿದೆ.2010ರ ಎಪ್ರಿಲ್ - ಮೇ ಅವಧಿಯಲ್ಲಿ ಈ ವಲಯದಲ್ಲಿ ದಾಖಲೆ ಮೀರಿದ ತಾಪಮಾನ ವರದಿಯಾಗಿತ್ತು. ಇದನ್ನೂ ಮೀರಿದ ತಾಪಮಾನದಿಂದ ಕೂಡಿದ ಉಷ್ಣಮಾರುತ ಬೀಸಲಿದೆ ಎಂದು ಈ ವಾರ ಪ್ರಕಟವಾದ ಬ್ರಿಟನ್ ಹವಾಮಾನ ಶಾಸ್ತ್ರ ಇಲಾಖೆ ಗುಣಲಕ್ಷಣ ಅಧ್ಯಯನ ವರದಿ ಹೇಳಿದೆ.

2010ರಲ್ಲಿ ಸರಾಸರಿ ತಾಪಮಾನ ಮೀರಿದ ಉಷ್ಣಮಾರುತ ಬೀಸಿರುವುದು 312 ವರ್ಷಕ್ಕೊಮ್ಮೆ ಜರಗುವ ಸಹಜ ವಿದ್ಯಮಾನವಾಗಿದೆ. ಆದರೆ, ಈಗಿನ ಹವಾಮಾನ ವೈಪರೀತ್ಯದ ಸಂದರ್ಭದಲ್ಲಿ ಈ ಸಾಧ್ಯತೆ ಪ್ರತೀ 3.1 ವರ್ಷಕ್ಕೆ ಇಳಿದಿದೆ ಮತ್ತು ಶತಮಾನದ ಅಂತ್ಯದ ವೇಳೆಗೆ ಇದು ಪ್ರತೀ 1.15 ವರ್ಷಕ್ಕೊಮ್ಮೆ ಸಂಭವಿಸುವ ಸಾಧ್ಯತೆಯಿದೆ ಎಂದು ಅಧ್ಯಯನ ವರದಿ ಹೇಳಿದೆ. ಇತ್ತೀಚಿನ ದಿನಗಳಲ್ಲಿ ತಾಪಮಾನ 50.0 ಡಿಗ್ರಿ ಸೆಲ್ಶಿಯಸ್‌ಗೆ ಏರಿರುವುದರಿಂದ ಪ್ರಸ್ತುತ ಉಷ್ಣಮಾರುತ ಸಮುದಾಯ ಮತ್ತು ಜೀವನೋಪಾಯಗಳ ಮೇಲೆ ಪರಿಣಾಮ ಬೀರುವ ಹವಾಮಾನ ವೈಪರೀತ್ಯವಾಗಿರುವುದು ಸ್ಪಷ್ಟವಾಗಿದೆ ಎಂದು ಹವಾಮಾನ ಇಲಾಖೆಯ ಪ್ರೊಫೆಸರ್ ಪೀಟರ್ ಸ್ಟಾಟ್ ಹೇಳಿದ್ದಾರೆ.  ಹೊಸ ದಾಖಲೆಯ ಉಷ್ಣಮಾರುತದ ಸಾಧ್ಯತೆಯಿದೆ ಎಂದು ಹೇಳಲಾಗಿದ್ದರೂ ಹವಾಮಾನ ವಿಜ್ಞಾನಿಗಳು ಈ ತಿಂಗಳಾಂತ್ಯದವರೆಗೆ ಕಾಯಬೇಕಿದೆ. ತಿಂಗಳಾಂತ್ಯಕ್ಕೆ ಎಪ್ರಿಲ್-ಮೇ ತಿಂಗಳ ಎಲ್ಲಾ ತಾಪಮಾನಗಳ ದಾಖಲೆಗಳನ್ನು ಒಟ್ಟುಗೂಡಿಸಿದಾಗ ಪ್ರಸ್ತುತ ಶಾಖದ ಅಲೆಯು 2010ರ ಮಟ್ಟವನ್ನು ಮೀರುತ್ತದೆಯೇ ಎಂಬುದು ಖಚಿತವಾಗುತ್ತದೆ.

 ಈ ಅಧ್ಯಯನ ವರದಿಯನ್ನು ಡಾ. ನಿಕೋಸ್ ಕ್ರಿಸ್ಟಿಡೀಸ್ ಸಿದ್ಧಪಡಿಸಿದ್ದಾರೆ. ಯಾವಾಗಲೂ ಎಪ್ರಿಲ್ ಮತ್ತು ಮೇ ಸಮಯದಲ್ಲಿ ಉಷ್ಣತೆಯ ಸ್ಥಿತಿಯು ಆ ಪ್ರದೇಶದಲ್ಲಿ ಮುಂಗಾರು ಪೂರ್ವ ಹವಾಮಾನದ ಲಕ್ಷಣವಾಗಿದೆ. ಆದರೂ ಹವಾಮಾನ ಬದಲಾವಣೆ ಶಾಖದ ತೀವ್ರತೆಯನ್ನು ಹೆಚ್ಚಿಸುತ್ತದೆ ಎಂದು ನಮ್ಮ ಅಧ್ಯಯನವು ತೋರಿಸುತ್ತದೆ. ಇದು ದಾಖಲೆ ಮುರಿಯುವ ತಾಪಮಾನ ಉಂಟಾಗುವ 100% ಸಾಧ್ಯತೆಯನ್ನು ತೋರಿಸುತ್ತದೆ . ಶತಮಾನದ ಅಂತ್ಯದ ವೇಳೆಗೆ ಹವಾಮಾನ ಬದಲಾವಣೆಯಲ್ಲಿನ ಹೆಚ್ಚಳವು ಈ ರೀತಿಯ ದಾಖಲೆ ಮಟ್ಟದ ತಾಪಮಾನದ ಸರಾಸರಿಯನ್ನು ಪ್ರತೀ ವರ್ಷಕ್ಕೆ ಇಳಿಸಬಹುದು(ಈ ಹಿಂದೆ 312 ವರ್ಷಕ್ಕೆ ಒಮ್ಮೆ) ಎಂದವರು ಹೇಳಿದ್ದಾರೆ.

 ಈ ಮಧ್ಯೆ, ಪಾಕಿಸ್ತಾನದಲ್ಲಿ ರವಿವಾರ 51 ಡಿಗ್ರಿ ಸೆಲ್ಶಿಯಸ್‌ಗೆ ಏರಿದ್ದ ಉಷ್ಣಮಾರುತ ಸೋಮವಾರ ತುಸು ಇಳಿಕೆಯಾಗಿದೆ ಎಂದು ವರದಿಯಾಗಿದೆ. ಆದರೆ, ವಾರದ ಮಧ್ಯಾವಧಿಯಲ್ಲಿ ಮತ್ತೆ ಉಷ್ಣತೆ ಹೆಚ್ಚುವ ನಿರೀಕ್ಷೆಯಿದ್ದು ಪಾಕಿಸ್ತಾನದ ಕೆಲವೆಡೆ ತಾಪಮಾನ ಮತ್ತೆ 50 ಡಿಗ್ರಿ ಮೀರಬಹುದು. ವಾರಾಂತ್ಯದ ವೇಳೆ ಮತ್ತೆ ಸರಾಸರಿ ಮಟ್ಟಕ್ಕೆ ಕುಸಿಯಬಹುದು. ದೇಶದ ಕೆಲವೆಡೆ ಕೃಷಿ ಕಾಯಕದ ಪೂರ್ವಭಾವಿಯಾಗಿ ಯೋಜಿತ ಕೃಷಿ ದಹನ(ತರಗೆಲೆ, ಮಣ್ಣು, ಕಸಕಡ್ಡಿ ಒಟ್ಟುಸೇರಿಸಿ ಸುಡುವ ಮೂಲಕ ಮಣ್ಣಿನ ಫಲವತ್ತತೆ ಹೆಚ್ಚಿಸುವುದು) ಕಾರ್ಯ ನಡೆಯುತ್ತಿರುವುದರಿಂದ ವಾಯು ಗುಣಮಟ್ಟ ಕುಸಿಯಲಿದೆ ಎಂದು ಬ್ರಿಟನ್ ಹವಾಮಾನ ಇಲಾಖೆಯ ಜಾಗತಿಕ ಮಾರ್ಗದರ್ಶನ ಘಟಕದ ಅಧಿಕಾರಿ ಪೌಲ್ ಹಚಿಯನ್ ಹೇಳಿದ್ದಾರೆ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

ಇಂದು ಹೆಚ್ಚು ಓದಿದ್ದು


Back to Top