ಭಾರತೀಯ ಪತ್ರಕರ್ತೆ ರಾಣಾ ಅಯ್ಯೂಬ್ ಗೆ ಪ್ರತಿಷ್ಠಿತ ಅಂತಾರಾಷ್ಟ್ರೀಯ ಜಾನ್ ಅಬುಚನ್ ಪ್ರಶಸ್ತಿ
ವಾಷಿಂಗ್ಟನ್: ನ್ಯಾಷನಲ್ ಪ್ರೆಸ್ ಕ್ಲಬ್ನ (ಎನ್ಪಿಸಿ) ಅಧ್ಯಕ್ಷೆ ಜೆನ್ ಜುಡ್ಸನ್ ಮತ್ತು ನ್ಯಾಷನಲ್ ಪ್ರೆಸ್ ಕ್ಲಬ್ ಜರ್ನಲಿಸಂ ಇನ್ಸ್ಟಿಟ್ಯೂಟ್ನ ಅಧ್ಯಕ್ಷ ಗಿಲ್ ಕ್ಲೈನ್ ಅವರು ಭಾರತೀಯ ಪತ್ರಕರ್ತೆ ರಾಣಾ ಅಯೂಬ್ ಅವರು 2022 ರ ʼಅಂತರರಾಷ್ಟ್ರೀಯ ಜಾನ್ ಆಬುಚನ್ ಪ್ರಶಸ್ತಿʼ ಸನ್ಮಾನಿತರು ಎಂದು ಘೋಷಿಸಿದ್ದಾರೆ. ಆಬುಚನ್ (Aubuchon ) ಪತ್ರಿಕಾ ಸ್ವಾತಂತ್ರ್ಯಕ್ಕಾಗಿ ನೀಡಲ್ಪಡುವ ಅತ್ಯುನ್ನತ ಗೌರವವಾಗಿದೆ .
"ರಾಣಾ ಅಯ್ಯೂಬ್ ಅವರನ್ನು 2022 ರ ಜಾನ್ ಆಬುಚನ್ ಪ್ರಶಸ್ತಿ ಅಂತರರಾಷ್ಟ್ರೀಯ ಗೌರವಕ್ಕೆ ಹೆಸರಿಸಲು ನಾವು ಸಂತೋಷಪಡುತ್ತೇವೆ. ಅಯ್ಯೂಬ್ ಅವರ ಧೈರ್ಯ ಮತ್ತು ತನಿಖಾ ಕಾರ್ಯದಲ್ಲಿನ ಕೌಶಲ್ಯವು ಅವರ ವಿಶಿಷ್ಟ ವೃತ್ತಿಜೀವನದ ಉದ್ದಕ್ಕೂ ಸ್ಪಷ್ಟವಾಗಿದೆ. ಸರ್ಕಾರದ ಮೇಲಿನ ಅವರ ಟೀಕೆಗಳು ಅವರ ಹಕ್ಕುಗಳು ಮತ್ತು ಸ್ವಾತಂತ್ರ್ಯದ ಮೇಲೆ ಅನಪೇಕ್ಷಿತ ಆಕ್ರಮಣವನ್ನು ಎದುರಿಸಲು ಕಾರಣವಾಗಿವೆ. 2000 ರ ದೂರಸಂಪರ್ಕ ಕಾಯಿದೆ (2000 ಟೆಲಿಕಮ್ಯುನಿಕೇಷನ್ಸ್ ಆಕ್ಟ್) ಅನ್ನು ಉಲ್ಲೇಖಿಸಿ, ಅಯ್ಯೂಬ್ ಅವರ ಟ್ವಿಟರ್ ಅಕೌಂಟನ್ನು ಭಾರತದೊಳಗೆ ಸೆನ್ಸಾರ್ ಮಾಡಬೇಕೆಂಬ ಭಾರತ ಸರ್ಕಾರದ ಬೇಡಿಕೆಯನ್ನು ಅನುಸರಿಸುತ್ತಿದೆ ಎಂದು ವಾರಾಂತ್ಯದಲ್ಲಿ ಟ್ವಿಟ್ಟರ್ ಅಯ್ಯೂಬ್ ಅವರಿಗೆ ತಿಳಿಸಿದ್ದು ನಮಗೆ ಕಳವಳಕಾರಿಯಾಗಿದೆ. ಇದು ಭಾರತದಲ್ಲಿ ಪ್ರಕಟವಾಗುವುದರ ಮೇಲೆ ಭಾರತ ಸರ್ಕಾರಕ್ಕೆ ನಿಯಂತ್ರಣವನ್ನು ನೀಡುತ್ತದೆ. ಇದು ಪ್ರಜಾಪ್ರಭುತ್ವ ಸಂಪ್ರದಾಯಗಳನ್ನು ಹೊಂದಿರುವ ರಾಷ್ಟ್ರಕ್ಕೆ ಅನರ್ಹವಾಗಿದೆ. ಆಕೆಯ ಖಾತೆಯನ್ನು ತಕ್ಷಣವೇ ಮರುಸ್ಥಾಪಿಸಲು ನಾವು ಟ್ಟಿಟರ್ ಗೆ ಒತ್ತಾಯಿಸುತ್ತೇವೆ.” ಎಂದು ಎನ್ಪಿಸಿ ಪತ್ರಿಕಾ ಪ್ರಕಟಣೆ ಹೊರಡಿಸಿದೆ.
"ಭಾರತದಲ್ಲಿ ಪತ್ರಕರ್ತರ ಮೇಲಿನ ಹಿಂಸಾಚಾರವು ಸಾರ್ವಕಾಲಿಕ ಅತ್ಯಧಿಕವಾಗಿದೆ. ಕಳೆದ 5 ವರ್ಷಗಳಲ್ಲಿ ಭಾರತದಲ್ಲಿ ಸುಮಾರು 18 ಪತ್ರಕರ್ತರನ್ನು ಹತ್ಯೆ ಮಾಡಲಾಗಿದೆ, ʼರಿಪೋರ್ಟರ್ಸ್ ವಿದೌಟ್ ಬಾರ್ಡರ್ಸ್ʼ ಪ್ರಕಾರ, ಇದು ಪತ್ರಕರ್ತರಿಗೆ ವಿಶ್ವದ ಅತ್ಯಂತ ಮಾರಣಾಂತಿಕ ದೇಶಗಳಲ್ಲಿ ಒಂದಾಗಿದೆ. ಈ ವರ್ಷ ಭಾರತದಲ್ಲಿ ಪತ್ರಕರ್ತರ ಬಂಧನ ಮತ್ತು ಬಂಧನದ ಪ್ರವೃತ್ತಿಯು ವೇಗಗೊಳ್ಳುತ್ತಿರುವಂತೆ ತೋರುತ್ತಿದೆ. ಈ ಸುಳಿಯ ವಿರುದ್ಧ ರಾಣಾ ಅಯೂಬ್ ನಿಂತಿದ್ದಾರೆ ಮತ್ತು ನ್ಯಾಷನಲ್ ಪ್ರೆಸ್ ಕ್ಲಬ್ ಅವರೊಂದಿಗೆ ನಿಂತಿದೆ. ಅಯ್ಯೂಬ್ ಜಾನ್ ಆಬುಚನ್ ಪ್ರಶಸ್ತಿಯನ್ನು ಪಡೆದ ಮೊದಲ ಭಾರತೀಯ ಪತ್ರಕರ್ತರಾಗಿದ್ದಾರೆ.”
ಪ್ರಶಸ್ತಿ ಬಂದ ಕುರಿತು ಪ್ರತಿಕ್ರಿಯಿಸಿರುವ ರಾಣಾ ಅಯ್ಯೂಬ್, ʼ ಭಾರತದಲ್ಲಿ ಪತ್ರಿಕೋದ್ಯಮಕ್ಕೆ ಇದು ಪರೀಕ್ಷೆಯ ಸಮಯ. ಈ ಪ್ರಶಸ್ತಿಯನ್ನು ಸ್ವೀಕರಿಸುವ ಮೊದಲ ಭಾರತೀಯಳಾಗಿರುವುದು ದೊಡ್ಡ ಗೌರವ,. ಸತ್ಯವನ್ನು ಹೇಳಿದ ಕಾರಣಕ್ಕಾಗಿ ಜೈಲಿನಲ್ಲಿರುವ ನನ್ನ ಸಹೋದ್ಯೋಗಿಗಳಾದ ಮಹಮ್ಮದ್ ಝುಬೈರ್, ಸಿದ್ದಿಕ್ ಕಪ್ಪನ್ ಮತ್ತು ಆಸಿಫ್ ಸುಲ್ತಾನ್ ಅವರಿಗೆ ಈ ಪ್ರಶಸ್ತಿಯನ್ನು ಅರ್ಪಿಸುತ್ತಿದ್ದೇನೆ. ಧನ್ಯವಾದಗಳುʼ ಎಂದು ಟ್ವೀಟ್ ಮಾಡಿದ್ದಾರೆ.
1908 ರಲ್ಲಿ ಸ್ಥಾಪನೆಯಾದ ನ್ಯಾಷನಲ್ ಪ್ರೆಸ್ ಕ್ಲಬ್ ಪತ್ರಕರ್ತರಿಗಾಗಿ ವಿಶ್ವದ ಪ್ರಮುಖ ವೃತ್ತಿಪರ ಸಂಸ್ಥೆಯಾಗಿದೆ. ಕ್ಲಬ್ ಪ್ರತಿ ಪ್ರಮುಖ ಸುದ್ದಿ ಸಂಸ್ಥೆಯನ್ನು ಪ್ರತಿನಿಧಿಸುವ 3,000 ಸದಸ್ಯರನ್ನು ಹೊಂದಿದೆ. ಇದು ಅಮೇರಿಕಾ ಸೇರಿದಂತೆ ವಿಶ್ವಾದ್ಯಂತ ಪತ್ರಿಕಾ ಸ್ವಾತಂತ್ರ್ಯಕ್ಕಾಗಿ ಪ್ರಮುಖ ಧ್ವನಿಯಾಗಿದೆ.
It is a testing time for journalism in India. Huge honour to receive this award, the first ever for an Indian. Dedicating this to my colleagues Mohd. Zubair, Siddique Kappan and Asif Sultan, incarcerated for speaking truth to power. Thank you @PressClubDC https://t.co/ctWgegCUgp pic.twitter.com/nBpVlYW9xp
— Rana Ayyub (@RanaAyyub) June 29, 2022