-

ಶ್ರೀಲಂಕಾ ಪದಚ್ಯುತ ಅಧ್ಯಕ್ಷ ಗೊತಬಯ ಬಂಧನಕ್ಕೆ ವ್ಯಾಪಕ ಆಗ್ರಹ

-

ಕೊಲಂಬೊ, ಸೆ.೩: ಸುಮಾರು ೨ ತಿಂಗಳು ಸ್ವಯಂ ಘೋಷಿತ ದೇಶಭ್ರಷ್ಟತೆಯಿಂದ ಶನಿವಾರ ದೇಶಕ್ಕೆ ಹಿಂದಿರುಗಿರುವ ಶ್ರೀಲಂಕಾದ ಪದಚ್ಯುತ ಅಧ್ಯಕ್ಷ ಗೊತಬಯ ರಾಜಪಕ್ಸರನ್ನು ಬಂಧಿಸಬೇಕೆಂಬ ಆಗ್ರಹ ದೇಶದೆಲ್ಲೆಡೆ ವ್ಯಕ್ತವಾಗಿದೆ.ಕಳೆದ ಜುಲೈಯಲ್ಲಿ ದೇಶದಿಂದ ಪಲಾಯನ ಮಾಡುವಾಗ ಅಧಿಕಾರ ವಹಿಸಿಕೊಂಡ ಸರಕಾರದ ಆಶ್ರಯದಲ್ಲಿ ರಾಜಪಕ್ಸ ಮಾಲ್ದೀವ್ಸ್, ಸಿಂಗಾಪುರ, ಬ್ಯಾಂಕಾಕ್ ಇತ್ಯಾದಿ ದೇಶಗಳಲ್ಲಿ ನೆಲೆಸಿದ್ದರು.

ಇದೀಗ ಅಧ್ಯಕ್ಷರಿಗೆ ದೊರಕುವ ಬಂಧನದಿಂದ ವಿನಾಯತಿ ಸೌಲಭ್ಯವನ್ನು ಅವರು ಕಳೆದುಕೊಂಡಿರುವುದರಿಂದ ತಕ್ಷಣವೇ ಅವರನ್ನು ಬಂಧಿಸಿ ಕಾನೂನು ಕ್ರಮಕ್ಕೆ ಒಳಗಾಗಿಸಬೇಕು ಎಂದು ಒತ್ತಾಯಿಸಲಾಗಿದೆ.

ಅವರನ್ನು ಯಾವ ದೇಶವೂ ಸ್ವೀಕರಿಸಲು ಒಪ್ಪಲಿಲ್ಲ. ಅಡಗಿ ಕುಳಿತಿರಲು ಜಾಗವಿಲ್ಲದ ಕಾರಣ ಅನಿವಾರ್ಯವಾಗಿ ದೇಶಕ್ಕೆ ಮರಳಿದ್ದಾರೆ. ಶ್ರೀಲಂಕಾದ ೨೨ ಮಿಲಿಯನ್ ಜನರ ಬದುಕನ್ನು ನರಕಸದೃಶಗೊಳಿಸಿರುವುದಕ್ಕಾಗಿ ಅವರನ್ನು ತಕ್ಷಣವೇ ಬಂಧಿಸಬೇಕು ಮತ್ತು ಅವರ ಅಪರಾಧಕ್ಕಾಗಿ ಕಾನೂನು ಕ್ರಮಕ್ಕೆ ಒಳಗಾಗಿಸಬೇಕು. ಏನೂ ಆಗಲೇ ಇಲ್ಲ ಎಂಬ ರೀತಿ ಅವರನ್ನು ಮುಕ್ತವಾಗಿ ಬದುಕಲು ಬಿಡಬಾರದು  ಎಂದು ಸರಕಾರದ ವಿರುದ್ಧದ ಪ್ರತಿಭಟನೆಯನ್ನು ಸಂಯೋಜಿಸಿದ್ದ  ಶಿಕ್ಷಕರ ಸಂಘಟನೆಯ ಮುಖಂಡ ಜೋಸೆಫ್ ಸ್ಟಾಲಿನ್ ಆಗ್ರಹಿಸಿದ್ದಾರೆ.

ಈ ಮಧ್ಯೆ, ೨೦೦೯ರಲ್ಲಿ ಪ್ರಮುಖ ಪತ್ರಿಕೆಯೊಂದರ ಸಂಪಾದಕ ಲಸಂತಾ ವಿಕ್ರಮಸಿಂಘೆಯ ಹತ್ಯೆಯಲ್ಲಿ ರಾಜಪಕ್ಸ ಅವರ ಆಪಾದಿತ ಪಾತ್ರವೂ ಸೇರಿದಂತೆ ಹಲವು ಪ್ರಕರಣಗಳಲ್ಲಿ ರಾಜಪಕ್ಸರ ವಿರುದ್ಧ ಕಾನೂನುಕ್ರಮಕ್ಕೆ ಒತ್ತಡ ಹೇರಲಾಗುವುದು ಎಂದು ಮಾನವ ಹಕ್ಕುಗಳ ಕಾರ್ಯಕರ್ತರು ಹೇಳಿದ್ದಾರೆ. ರಾಜಪಕ್ಸ ವಾಪಾಸು ಬಂದಿರುವುದನ್ನು ನಾವು ಸ್ವಾಗತಿಸುತ್ತೇವೆ. ಇದರಿಂದ ಆತ ಎಸಗಿರುವ ಅಪರಾಧಕ್ಕೆ ಶಿಕ್ಷೆ ವಿಧಿಸಲು ಸಾಧ್ಯವಾಗಲಿದೆ ಎಂದು `ಶ್ರೀಲಂಕಾ ಯಂಗ್ ಜರ್ನಲಿಸ್ಟ್ ಅಸೋಸಿಯೇಷನ್' ಹೇಳಿದೆ. ಅಧ್ಯಕ್ಷರಾಗಿ ಆಯ್ಕೆಗೊಂಡ ಬಳಿಕ ರಾಜಪಕ್ಸ ವಿರುದ್ಧ ಹಲವು ಭ್ರಷ್ಟಾಚಾರ ಪ್ರಕರಣಗಳು ದಾಖಲಿಸಲ್ಪಟ್ಟಿವೆ. ಜತೆಗೆ, ಪತ್ರಕರ್ತ ವಿಕ್ರಮಸಿಂಘೆ ಹತ್ಯೆ ಪ್ರಕರಣ ಹಾಗೂ ತಮಿಳು ಕೈದಿಗಳಿಗೆ ಚಿತ್ರಹಿಂಸೆ ನೀಡಿರುವುದಕ್ಕೆ  ಸಂಬಂಧಿಸಿ ಅಮೆರಿಕದ ನ್ಯಾಯಾಲಯದಲ್ಲಿ ಪ್ರಕರಣ ದಾಖಲಾಗಿದೆ.

ರಾಜಪಕ್ಸಗೆ ಭದ್ರತೆ, ಸರಕಾರಿ ನಿವಾಸದ ಸೌಲಭ್ಯ

 ಕಳೆದ ಜುಲೈಯಲ್ಲಿ ಶ್ರೀಲಂಕಾದಲ್ಲಿ ಸರಕಾರ ವಿರೋಧಿ ಪ್ರತಿಭಟನೆ ಉತ್ತುಂಗ ಹಂತ ತಲುಪಿದ್ದ ಸಂದರ್ಭ ದೇಶದಿಂದ ಪಲಾಯನ ಮಾಡಿದ್ದ ಪದಚ್ಯುತ ಅಧ್ಯಕ್ಷ ಗೊತಬಯ ರಾಜಪಕ್ಸ ಶನಿವಾರ ದೇಶಕ್ಕೆ ಮರಳಿದ್ದು ಅವರಿಗೆ ಸರಕಾರದ ವತಿಯಿಂದ  ಸೂಕ್ತ ಭದ್ರತೆ ಹಾಗೂ ಸರಕಾರಿ ನಿವಾಸವನ್ನು ಒದಗಿಸಲಾಗಿದೆ ಎಂದು ಹಿರಿಯ ಅಧಿಕಾರಿಗಳು ಹೇಳಿದ್ದಾರೆ.

ಜುಲೈ ೧೩ರ ಬೆಳಿಗ್ಗೆ ಲಂಕಾ ದಿಂದ ಪಲಾಯನ ಮಾಡಿದ್ದ ಗೊತಬಯಗೆ  ಮಾಲ್ದೀವ್ಸ್, ಸಿಂಗಾಪುರ ಹಾಗೂ ಥೈಲ್ಯಾಂಡ್ ನಲ್ಲಿ ತಾತ್ಕಾಲಿಕವಾಗಿ ಆಶ್ರಯ ಕಲ್ಪಿಸಲು ಈಗಿನ ಅಧ್ಯಕ್ಷ ವಿಕ್ರಮಸಿಂಘೆ ನೇತೃತ್ವದ ಸರಕಾರ ಮನವಿ ಮಾಡಿತ್ತು. ಶನಿವಾರ ಮರಳಿ ಬಂದ ಗೊತಬಯ, ಕೊಲಂಬೋದ ಅಂತರಾಷ್ಟೀಯ ವಿಮಾನ ನಿಲ್ದಾಣದಲ್ಲಿ ಇಳಿಯುತ್ತಿದ್ದಂತೆಯೇ ಸಚಿವರು ಹಾಗೂ ಹಿರಿಯ ಮುಖಂಡರ ನೇತೃತ್ವದಲ್ಲಿ ಹಾರ ಹಾಕಿ ಹಾರ್ದಿಕವಾಗಿ ಸ್ವಾಗತಿಸಲಾಯಿತು. ಬಳಿಕ ಭದ್ರತಾ ಪಡೆಗಳ ವಾಹನಗಳ ಬೆಂಗಾವಲಿನೊಂದಿಗೆ, ಸರಕಾರ ಒದಗಿಸಿದ ನಿವಾಸಕ್ಕೆ ಗೊತಬಯ ತೆರಳಿದರು ಎಂದು ವರದಿಯಾಗಿದೆ. 

ರಾಜಪಕ್ಸ ಅವರ ಮುಂದಿನ ನಡೆಯ ಬಗ್ಗೆ ಸ್ಪಷ್ಟವಾಗಿಲ್ಲ. ಸದ್ಯಕ್ಕೆ ಭದ್ರತಾ ಕಾರಣಗಳಿಂದ ಅವರು ಮನೆಯಿಂದ ಹೊರಬರುವಂತಿಲ್ಲ ಎಂದು ಶ್ರೀಲಂಕಾ ಸರಕಾರದ ಸಚಿವರೊಬ್ಬರನ್ನು ಉಲ್ಲೇಖಿಸಿ ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ. 

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

ಇಂದು ಹೆಚ್ಚು ಓದಿದ್ದು


Back to Top