'ಯೋಗ ಮಾಡೋಣ ಕೋರೋನ ಗೆಲ್ಲೋಣ': ಜೂ.7ರಿಂದ ಉಚಿತ ಆನ್ಲೈನ್ ಯೋಗ ತರಬೇತಿ
ಬೆಂಗಳೂರು, ಜೂ. 5: `ಯೋಗ ಮಾಡೋಣ ಕೋರೋನ ಗೆಲ್ಲೋಣ' ಘೋಷ ವಾಕ್ಯದಡಿ 'ಯೋಗ ಗಂಗೋತಿ' ಸಂಸ್ಥೆಯು ನಾಳೆ(ಜೂ.7)ಯಿಂದ ಜೂ.21ರ ವರೆಗೆ 15 ದಿನಗಳ ಕಾಲ ಕೊರೋನ ಗೆಲ್ಲಲು ಅತ್ಯಂತ ಉಪಯುಕ್ತವಾಗುವ ಯೋಗ, ಪ್ರಾಣಾಯಾಮ, ಧ್ಯಾನ ಕ್ರಿಯೆಗಳನ್ನು ಜನರಿಗೆ ಸುಲಭ ರೀತಿಯಲ್ಲಿ ಉಚಿತವಾಗಿ ಹೇಳಿಕೊಡಲಾಗುತ್ತಿದೆ.
ಸಾರ್ವಜನಿಕರು ಮನೆಯಲ್ಲೇ ಕುಳಿತು ಎಲ್ಲ ಕಾರ್ಯಕ್ರಮವನ್ನು ಆನ್ಲೈನ್ ಮೂಲಕ ವೀಕ್ಷಿಸಬಹುದಾಗಿದೆ. ಇದರಲ್ಲಿ ದೇಶ-ವಿದೇಶಗಳ ಯೋಗ ತಜ್ಞರು, ಯೋಗ ಪಟುಗಳು ಕಾರ್ಯಕ್ರಮ ನೀಡಲಿದ್ದಾರೆ. ಎಲ್ಲ ಕಾರ್ಯಕ್ರಮಗಳು ಯೋಗ ಗಂಗೋತ್ರಿ ಯೋಗಗುರು ಡಾ.ಎನ್.ಆರಾಧ್ಯ ಅವರ ಮಾರ್ಗದರ್ಶನದಲ್ಲಿ ನಡೆಯಲಿದ್ದು, ಅನೇಕ ಸಂಘಟನೆಗಳ ಸಹಯೋಗವಿದೆ.
ಕಾರ್ಯಕ್ರಮ ಪ್ರತಿದಿನ ಸಂಜೆ 5 ರಿಂದ 6 ಗಂಟೆಯವರೆಗೂ ಇರುತ್ತದೆ. ಎಲ್ಲ ಕಾರ್ಯಕ್ರಮಗಳು ಉಚಿತವಾಗಿದ್ದು ಸಾರ್ವಜನಿಕರು ಝೂಮ್ ಲಿಂಕ್ ಮೂಲಕ ವೀಕ್ಷಿಸಬಹುದು. ಮತ್ತು ಯೋಗ ಗಂಗೋತ್ರಿ ಫೇಸ್ಬುಕ್, ಯೂಟೂಬ್ ನಲ್ಲಿಯು ವೀಕ್ಷಿಸಬಹುದಾಗಿದೆ. ಕಾರ್ಯಕ್ರಮ ವೀಕ್ಷಣೆಗಾಗಿ ಮತ್ತು ಹೆಚ್ಚಿನ ಮಾಹಿತಿಗೆ ಮೊಬೈಲ್ ಸಂಖ್ಯೆ-88846 46108 ಅಥವಾ 84314 99898 ಅನ್ನು ಸಂಪರ್ಕಿಸಬಹುದು ಎಂದು ಪ್ರಕಟಣೆ ತಿಳಿಸಿದೆ.
