ಬಾನ ದಾರಿಯಲ್ಲಿ ಸೂರ್ಯ ಜಾರಿ ಹೋದ.. | Vartha Bharati- ವಾರ್ತಾ ಭಾರತಿ

--

ಅಪ್ಪು ನೆನಪಿನಲ್ಲಿ...

ಬಾನ ದಾರಿಯಲ್ಲಿ ಸೂರ್ಯ ಜಾರಿ ಹೋದ..

 ರೇಡಿಯೊದಲ್ಲಿ ‘ಬಾನ ದಾರಿಯಲ್ಲಿ ಸೂರ್ಯ ಜಾರಿ ಹೋದ’ ಎನ್ನುವ ಹಾಡು ಆಲಿಸುವಾಗ ಆತ್ಮೀಯವಾದ ಕಂಠ ಅದು. ಅಪ್ಪುಬಾಲನಟನಾಗಿ ನಟಿಸಿದ ಚಿತ್ರಗಳಲ್ಲಿ ‘ಬೆಟ್ಟದ ಹೂವು’ ತುಂಬ ಇಷ್ಟವಾಗಿತ್ತು. ‘‘ಪ್ರಶಸ್ತಿಗಾಗಿ ಚಿತ್ರ ಮಾಡುವುದಲ್ಲ, ಪ್ರೇಕ್ಷಕರಿಗಾಗಿ ಚಿತ್ರ ಮಾಡಬೇಕು’’ ಎನ್ನುವ ಡಾ. ರಾಜ್‌ಕುಮಾರ್ ಅವರ ಮಾತನ್ನು ಉಳಿಸಿಕೊಂಡಂತಹ ಚಿತ್ರ ಅದಾಗಿತ್ತು. ಜನಪ್ರಿಯತೆಯ ಜೊತೆಯಲ್ಲೇ ಅಪ್ಪುಶ್ರೇಷ್ಠ ಬಾಲನಟನಾಗಿ ಪ್ರಶಸ್ತಿ ಪಡೆದಾಗ ರಾಜ್‌ಕುಮಾರ್ ಕುಟುಂಬಕ್ಕೆ ದುಪ್ಪಟ್ಟು ಖುಷಿಯಾಗಿತ್ತು. ಆದರೆ ಆ ಖುಷಿ ನಾಡಿನ ಹೆಮ್ಮೆಯಾಗಲು ಹೆಚ್ಚು ದಿನ ಬೇಕಾಗಲಿಲ್ಲ. ಪುನೀತ್ ಅವರಲ್ಲಿ ಅಂತಹದ್ದೊಂದು ವೇಗವನ್ನು ಕಂಡೇ ಖುದ್ದು ಅವರ ಹಿರಿಯಣ್ಣ ಶಿವರಾಜ್ ಕುಮಾರ್ ‘ಪವರ್ ಸ್ಟಾರ್’ ಎನ್ನುವ ಬಿರುದು ನೀಡಿದ್ದರು. ಆದರೆ ವಿಪರ್ಯಾಸ ಎನ್ನುವಂತೆ ಅವರು ಅದೇ ವೇಗವನ್ನು ಜಗತ್ತು ತೊರೆಯುವಲ್ಲಿಯೂ ತೋರುವಂತಾಗಿದ್ದು ದುರಂತ.

ಬೆಂಗಳೂರಿನ ಸಿನೆಮಾ ಮಾಧ್ಯಮದಲ್ಲಿದ್ದು ಕೊಂಡು ವೈಯಕ್ತಿಕವಾಗಿ ನನಗೆ ಕಂಡಂತೆ ಹೇಳುವುದಾದರೆ ಪುನೀತ್ ಅವರು ಮಾಧ್ಯಮದ ಜೊತೆಗೆ ಹೆಚ್ಚು ಹೊತ್ತು ಕಳೆದವರಲ್ಲ. ಅವರು ಮಾತುಕತೆಗೆ ದೊರಕುವುದು ಅಪರೂಪದ ಸಂದರ್ಭಗಳಲ್ಲಿ ಮಾತ್ರ. ಆಡುವುದು ಕೂಡ ನಿಯಮಿತವಾದ ಮಾತುಗಳನ್ನು. ಹೆಚ್ಚಿನ ಪ್ರಶ್ನೆಗಳು ಅನಗತ್ಯ ಅನಿಸಿದಾಗ ಮುದ್ರಣ ಮಾಧ್ಯಮದವರತ್ತ ಎಂದೂ ಸಿಡುಕಿದವರಲ್ಲ. ಬದಲಿಗೆ ‘‘ನೀವೇನ್ರೀ ಹೀಗೆ ಕೇಳ್ತೀರ?’’ ಎಂದು ನಕ್ಕು ಜಾರಿಕೊಳ್ಳುವ ಜಾಣ್ಮೆ ಅವರಿಗೆ ಇತ್ತು. ಸುದ್ದಿಗೋಷ್ಠಿಯಲ್ಲಿಯೂ ಅಷ್ಟೇ, ಬಂದವರೇ ಚಿತ್ರದ ಬಗ್ಗೆ ಮಾತನಾಡಿ ಬೇರೆ ಯಾವುದೇ ವಿವಾದಗಳಿಗೆ ದೊರಕದೆ ವಿದ್ಯುತ್ ವೇಗದಲ್ಲೇ ಮಾಯವಾಗಿಬಿಡುತ್ತಿದ್ದರು. ಪುನೀತ್ ಒಬ್ಬ ನಟ ಮಾತ್ರ ಆಗಿರಲಿಲ್ಲ ಎನ್ನುವುದು ಕೂಡ ಅವರು ಸದಾ ಕಾರ್ಯಚಟುವಟಿಕೆಯಲ್ಲಿರಲು ಕಾರಣವಾಗಿರಬಹುದು.

ವೇಗದ ಬದುಕು ಜಗತ್ತಿನಲ್ಲಿ ಹೆಚ್ಚು ಕೆಲಸಗಳನ್ನು ಮಾಡಿ, ಆ ಕೆಲಸಗಳ ಮೂಲಕ ಮುಂದೆಯೂ ಗುರುತಿಸುವಂತೆ ಮಾಡುತ್ತದೆ. ಆದರೆ ಅವರು ಬದುಕಿದ್ದಾಗಿನ ವೇಗ ನಮಗೆ ಅವರ ನಡೆಯನ್ನು ಅರ್ಥ ಮಾಡಿಕೊಳ್ಳುವ ಅವಕಾಶವನ್ನೇ ಕಡಿಮೆ ಮಾಡುತ್ತದೆ. ಅದಕ್ಕೊಂದು ದೊಡ್ಡ ಉದಾಹರಣೆ ಶಂಕರನಾಗ್. ಮೂರೇ ದಶಕದ ಬದುಕು ಮುಗಿಸಿದ ಬಳಿಕ ಮತ್ತೆ ಮೂರು ದಶಕ ಕಳೆದರೂ ಜನತೆಗೆ ಇಂದಿಗೂ ಅವರೆಂದರೆ ಇಷ್ಟ. ಅಪ್ಪುಕೂಡ ಹಾಗೆಯೇ. ಅವರ ನಿಧನದ ಬಳಿಕ ಅವರು ಎಷ್ಟೆಲ್ಲ ಸಮಾಜ ಸೇವೆಗಳನ್ನು ಮಾಡುತ್ತಿದ್ದರು ಎನ್ನುವ ಪಟ್ಟಿಯೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಲು ತೊಡಗಿವೆ. ಬದುಕಿದ್ದಾಗ ಯಾಕೆ ಇದನ್ನು ಯಾರೂ ಹೇಳಿಲ್ಲ ಎಂದರೆ ಸ್ವತಃ ಪುನೀತ್ ರಾಜ್ ಕುಮಾರ್ ಅವರೇ ಅದಕ್ಕೆ ಅವಕಾಶ ನೀಡಿರಲಿಲ್ಲ! ಯಾಕೆಂದರೆ ಅದು ಡಾ.ರಾಜ್ ಕುಮಾರ್ ಅವರು ಹಾಕಿಕೊಟ್ಟ ಪರಂಪರೆ. ಒಂದು ಕೈಯಲ್ಲಿ ದಾನ ಮಾಡಿದರೆ ಆ ವಿಚಾರ ಮತ್ತೊಂದು ಕೈಗೆ ಗೊತ್ತಾಗದಷ್ಟು ಗೌಪ್ಯವಾಗಿರಬೇಕು ಎನ್ನುವುದೇ ಆ ನಿಯಮ. ಇದನ್ನು ರಾಜ್ ಕುಟುಂಬದವರು ಮಾತ್ರವಲ್ಲದೆ ಕನ್ನಡದ ಸಾಕಷ್ಟು ಹಿರಿಯ ತಾರೆಯರು ಕೂಡ ಅನುಸರಿಸುತ್ತಾರೆ. ಹಾಗಾಗಿ ಕಲಾವಿದರ ಸಂಪಾದನೆ ಬಗ್ಗೆ ಮಾತ್ರ ಆಡಿಕೊಳ್ಳುವವರು ಆ ಬಗ್ಗೆ ಕೂಡ ಮನದಟ್ಟು ಮಾಡಿಕೊಂಡಿರುವುದು ಉತ್ತಮ. ಎಲ್ಲಕ್ಕಿಂತ ಒಬ್ಬ ನಟನ ಅಂತ್ಯಕ್ರಿಯೆಗೆ ಗಣ್ಯರು ಮಾತ್ರವಲ್ಲ, ಸಾಗರದಂತೆ ಅಭಿಮಾನಿಗಳು ಸೇರುತ್ತಾರಲ್ಲ? ಆ ಸಂಪಾದನೆಯನ್ನು ಯಾರಿಂದಲೂ ಪ್ರಶ್ನಿಸಲು ಸಾಧ್ಯವಿಲ್ಲ.

ಪಿಆರ್‌ಕೆ ಅಂದರೆ ಪುನೀತ್‌ ರಾಜ್‌ಕುಮಾರ್ ಮಾತ್ರವಲ್ಲ, ಪಾರ್ವತಮ್ಮ ರಾಜ್‌ಕುಮಾರ್ ಕೂಡ ಹೌದು. ಅವರಲ್ಲಿ ಮಾತೃಹೃದಯದ ಜೊತೆಯಲ್ಲೇ ತಾಯಿಗಿದ್ದ ವ್ಯಾವಹಾರಿಕ ಜ್ಞಾನವೂ ಸೇರಿಕೊಂಡಿತ್ತು. ಹೊಸ ನಿರ್ದೇಶಕರ ಉತ್ತಮ ಪ್ರಯತ್ನಗಳಿಗೆ ಪ್ರೋತ್ಸಾಹ ನೀಡುವುದಷ್ಟೇ ಅಲ್ಲ, ಒಟಿಟಿ ಫ್ಲಾಟ್‌ಫಾರ್ಮ್ ನ ವ್ಯವಹಾರ ರೀತಿಯ ಬಗ್ಗೆ ಸರಿಯಾಗಿ ಅರಿತುಕೊಂಡಿದ್ದ ಅಪರೂಪದ ಚಿತ್ರೋದ್ಯಮಿ ಕೂಡ ಅವರಾಗಿದ್ದರು. ಅವರು ಒಬ್ಬ ವ್ಯಾಪಾರಿಯಂತೆ ಕಂಡು ಬಂದರೂ ಕೂಡ ಅದನ್ನು ಹೇಗೆ ಸಮಾಜ ಸೇವೆಗೆ ಬಳಸಿಕೊಂಡಿದ್ದರು ಎನ್ನುವುದನ್ನು ಜನತೆ ಅರಿತಿದ್ದಾರೆ. ಅಲ್ಲದೆ ಶಿವಣ್ಣನಷ್ಟು ಸರಳತೆ ಇವರಿಗಿಲ್ಲವೇನೋ ಎಂದು ನಾನು ಸಂದೇಹ ವ್ಯಕ್ತಪಡಿಸಿದಾಗೆಲ್ಲ ಅವರ ಸಹಕಲಾವಿದರು ನನ್ನನ್ನು ತಿದ್ದಿದ್ದಾರೆ. ಸ್ವತಃ ಪುನೀತ್ ಪೋಷಕ ಪಾತ್ರಧಾರಿಗಳ ನಟನೆಯನ್ನು ಮೆಚ್ಚಿ ಫೋನ್ ಮಾಡಿ ವಿಚಾರಿಸುತ್ತಿದ್ದುದು, ಕ್ಯಾರವಾನ್ ಇದ್ದರೂ ಒಳಗೆ ಹೋಗದೆ ಇತರ ಕಲಾವಿದರ ಜೊತೆಗೆ ಬೆರೆಯುತ್ತಿದ್ದುದು ಇವೆಲ್ಲವನ್ನು ನನ್ನೊಂದಿಗೆ ಮಾತನಾಡುವ ಸಂದರ್ಭದಲ್ಲಿ ರಚಿತಾರಾಮ್, ಚಿತ್ಕಳಾ ಬಿರಾದಾರ ಮೊದಲಾದ ನಟಿಯರೇ ಹೇಳಿಕೊಂಡದ್ದಿದೆ.

ರಾಜಕುಮಾರ ಸಿನೆಮಾ ನೋಡಿದ ಮೇಲೆ ಪುನೀತ್ ಅವರ ಆಂಗಿಕ ಭಾಷೆಯಲ್ಲಿ ಹೆಚ್ಚು ಹೆಚ್ಚು ರಾಜ್‌ಕುಮಾರ್ ಕಾಣಿಸುವಂತೆ ಅನಿಸಿತ್ತು. ಅದನ್ನು ಮನಸ್ಸಲ್ಲಿಟ್ಟುಕೊಂಡೇ ನಾನು ‘‘ತಂದೆಯ ಆತ್ಮಚರಿತ್ರೆ ಕುರಿತಾದ ಸಿನೆಮಾ ಮಾಡಿದರೆ ನೀವು ಅದರಲ್ಲಿ ರಾಜ್ ಕುಮಾರ್ ಆಗಿ ನಟಿಸುತ್ತೀರ?’’ ಎಂದು ಅವರಲ್ಲೇ ಕೇಳಿದ್ದೆ. ಅದಕ್ಕೆ ನಗುತ್ತಾ ಉತ್ತರಿಸಿದ ಅವರು, ‘‘ಅಂತಹ ಯಾವುದೇ ಆಫರ್ಸ್ ನನ್ನ ಮುಂದೆ ಬಂದಿಲ್ಲ. ಹಾಗೆ ಬಂದಾಗ ನೋಡುವ’’ ಎಂದಿದ್ದರು. ಈಗ ಪುನೀತ್ ಅವರೇ ಕತೆಯಾಗಿಬಿಟ್ಟಿದ್ದಾರೆ. ಆದರೆ ನಮ್ಮ ಜೀವನಕ್ಕಾಗುವಷ್ಟು ನೆನಪುಗಳನ್ನು ತುಂಬಿಕೊಟ್ಟಿದ್ದಾರೆ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

ಇಂದು ಹೆಚ್ಚು ಓದಿದ್ದು


Back to Top