'ನಟನೆಗೆ ನಿವೃತ್ತಿ ತೆಗೆದುಕೊಳ್ಳಿ' ಎಂದ ನೆಟ್ಟಿಗನಿಗೆ ಶಾರುಖ್ ನೀಡಿದ ಉತ್ತರವೇನು?

ಮುಂಬೈ: ಬಾಲಿವುಡ್‌ ನಟ ಶಾರುಖ್ ಖಾನ್ (Shah Rukh Khan) ಅವರು ಬುಧವಾರ ತಮ್ಮ ಅಭಿಮಾನಿಗಳೊಂದಿಗೆ ಮತ್ತೊಮ್ಮೆ ಸಂವಾದವನ್ನು ನಡೆಸಿದ್ದಾರೆ. ಟ್ವಿಟರಿನಲ್ಲಿ (Twitter) ಅಭಿಮಾನಿಗಳು ಕೇಳಿದ ಪ್ರಶ್ನೆಗಳಿಗೆ ಶಾರುಖ್‌ ಖಾನ್‌ ಅವರು ನೀಡಿರುವ ಉತ್ತರಗಳು ಸಾಕಷ್ಟು ಗಮನ ಸೆಳೆದಿವೆ. ಟ್ವಿಟರ್‌ನಲ್ಲಿ #AskSRK ಹ್ಯಾಷ್‌ಟ್ಯಾಗ್‌ ಮೂಲಕ ಪ್ರಶ್ನೆ ಕೇಳಲು ಶಾರುಖ್‌ ಅನುವು ಮಾಡಿಕೊಟ್ಟಿದ್ದು, ಅಭಿಮಾನಿಗಳು ಸೇರಿದಂತೆ ವಿರೋಧಿಗಳೂ ಪ್ರಶ್ನೆಗಳನ್ನು ಕೇಳಿದ್ದಾರೆ.

ಮೋಜಿಗಾಗಿ ಈ ಪ್ರಶ್ನೋತ್ತರಗಳನ್ನು ಆರಂಭಿಸಿದ್ದರಾದರೂ, ನೆಟ್ಟಿಗರೊಬ್ಬರು ಶಾರುಖ್‌ ಕಾಲೆಳೆದಿದ್ದಾರೆ.  "'ಪಠಾಣ್‌' ಚಿತ್ರ ಈಗಾಗಲೇ ವಿಫಲಗೊಂಡಿದೆ, ನಿವೃತ್ತಿ ತೆಗೆದುಕೊಳ್ಳಿ" ಎಂದು ನೆಟ್ಟಿಗರೊಬ್ಬರು ಟ್ವೀಟ್‌ ಮಾಡಿದ್ದಾರೆ. ಇದಕ್ಕೆ ಪ್ರತಿಕ್ರಿಯಿಸಿದ ಶಾರುಖ್‌ ಖಾನ್‌ ತಮ್ಮ ಶೈಲಿಯಲ್ಲಿ ಪ್ರತಿಕ್ರಿಯೆ ನೀಡಿದ್ದು, "ಮಗನೇ, ಇದು ಹಿರಿಯರೊಂದಿಗೆ ಮಾತನಾಡುವ ವಿಧಾನವಲ್ಲ" ಎಂದು ಹೇಳಿದ್ದಾರೆ.

"13 ವರ್ಷಗಳು ಟ್ವಿಟರ್‌ನಲ್ಲಿ ಇದನ್ನು ಅರಿತುಕೊಂಡೆ. ನೀವೆಲ್ಲರೂ ಮತ್ತು ಅಭಿಮಾನಿಗಳ ಸಂಘಗಳು ನನ್ನನ್ನು ತುಂಬಾ ಪ್ರೀತಿಸುತ್ತಿರುವುದು ಖುಷಿ ಕೊಟ್ಟಿದೆ. ಶುಭ ಹಾರೈಕೆಗಳು, ಸಲಹೆಗಳು, ಮೀಮ್‌ಗಳು, ಮರು-ಎಡಿಟ್, ನಿರೀಕ್ಷೆಗಳು, ಅಪೇಕ್ಷಿಸದ ಸಲಹೆಗಳು ಮತ್ತು ಕೆಲವು ಅನಪೇಕ್ಷಿತ ನಡವಳಿಕೆಗಳೊಂದಿಗೆ ಮಿಶ್ರಿತವಾಗಿದೆ ... ನಿಮ್ಮೆಲ್ಲರಿಗೂ, ನೈಜ ಜಗತ್ತಿನಲ್ಲಿ ಉತ್ತಮ ಜೀವನ‌ ಲಭಿಸಲು ನನ್ನ ಶುಭಾಶಯಗಳು” ಎಂದು ಶಾರುಖ್‌ ಟ್ವೀಟ್‌ ಮಾಡಿದ್ದಾರೆ.

ಮತ್ತೊಬ್ಬ ಅಭಿಮಾನಿ ಸಲ್ಮಾನ್ ಖಾನ್ ಅವರನ್ನು ‘ಪಠಾನ್’ ಚಿತ್ರದಲ್ಲಿ ಅತಿಥಿ ಪಾತ್ರದಲ್ಲಿ ನೋಡಬಹುದೇ ಎಂದು ಕೇಳಿದ್ದಾರೆ. ಅದಕ್ಕೆ ಪ್ರತಿಕ್ರಿಯಿಸಿದ ಶಾರುಖ್, "#ಪಠಾನ್ ಒಂದು ಸಂವಾದಾತ್ಮಕ ಚಲನಚಿತ್ರವಾಗಿದೆ, ನೀವು ಚಿತ್ರದಲ್ಲಿ ಭಾಯ್ (ಸಲ್ಮಾನ್ ಖಾನ್) ಬರಬೇಕೆಂದು ಬಯಸಿದಾಗ ಟಿಕೆಟ್‌ನಲ್ಲಿರುವ ಕ್ಯೂಆರ್ ಕೋಡ್ ಬಳಸಿ ಮತ್ತು ಅವರು ಚಿತ್ರದಲ್ಲಿ ಬರುತ್ತಾರೆ." ಎಂದು ಬರೆದಿದ್ದಾರೆ.

ಈ ನಡುವೆ, ತಮಿಳು ಅಭಿಮಾನಿಗಳು ರಜಿನಿಕಾಂತ್‌, ವಿಜಯ್‌, ವಿಜಯ್‌ ಸೇತುಪತಿ ಬಗ್ಗೆ ಪ್ರಶ್ನೆಗಳನ್ನು ಕೇಳಿದ್ದು, ಅದಕ್ಕೆಲ್ಲಾ ಶಾರುಖ್‌ ನೀಡಿರುವ ಉತ್ತರ ಅಭಿಮಾನಿಗಳನ್ನು ಖುಷಿ ಪಡಿಸಿದೆ.

ಇದನ್ನೂ ಓದಿ: ಚಹಾದೊಂದಿಗೆ ರಸ್ಕ್ ನಿಮಗೆ ಇಷ್ಟವೇ?: ಅದರ ಅಪಾಯವೂ ನಿಮಗೆ ತಿಳಿದಿರಲಿ

Beta badhon se aise baat nahi karte!! https://t.co/G5xPYBdUCK

— Shah Rukh Khan (@iamsrk) January 4, 2023

Realised it’s 13yrs on twitter. It’s been fun with all of u & fan clubs loving me so much. Mixed with good wishes, suggestions, memes, re-edits, expectations, unsolicited advice & some unsavoury behaviour…to all of u my best wishes to make a good life in the real world. #Pathan

— Shah Rukh Khan (@iamsrk) January 4, 2023

He just composed a lovely song for Jawan with Atlee. Too good both of them are and fun. https://t.co/hUKLekPAHs

— Shah Rukh Khan (@iamsrk) January 4, 2023

Arre Duggu is my inspiration for the body….!! https://t.co/iPMcirtxa5

— Shah Rukh Khan (@iamsrk) January 4, 2023

Aur koi script suggestion??? https://t.co/pTHiYb3tCL

— Shah Rukh Khan (@iamsrk) January 4, 2023