ʻಪಠಾಣ್ʼ ಜಯಭೇರಿ ಬಾರಿಸುತ್ತಿದ್ದಂತೆ ಬಾಯ್ಕಾಟ್ ಗ್ಯಾಂಗ್ಗೆ ಪ್ರಕಾಶ್ ರಾಜ್ ತಿರುಗೇಟು
ಮುಂಬೈ: ಶಾರುಖ್ ಖಾನ್ (Shah Rukh Khan) ಮತ್ತು ದೀಪಿಕಾ ಪಡುಕೋಣೆ (Deepika Padukone) ಅಭಿನಯದ ಪಠಾಣ್(Pathaan) ಚಿತ್ರದ ʻಕೇಸರಿ ಬಿಕಿನಿʼ ಹಾಗೂ ಬೇಷರಂ ರಂಗ್ ಹಾಡು ವಿವಾದಕ್ಕೀಡಾದ ಸಂದರ್ಭ ಶಾರುಖ್ ಹಾಗೂ ಚಿತ್ರಕ್ಕೆ ಬೆಂಬಲವಾಗಿ ನಿಂತಿದ್ದ ನಟ ಪ್ರಕಾಶ್ ರಾಜ್ (Prakash Raj), ಇದೀಗ ಪಠಾಣ್ ಬಿಡುಗಡೆಯಾಗಿ ಬಾಕ್ಸಾಫೀಸ್ ದಾಖಲೆಯತ್ತ ದಾಪುಗಾಲು ಹಾಕುತ್ತಿದ್ದಂತೆ ಟ್ವೀಟ್ ಮಾಡಿ ಬಾಯ್ಕಾಟ್ ಗ್ಯಾಂಗ್ಗೆ ತಿರುಗೇಟು ನೀಡಿದ್ದಾರೆ.
"ಹೇ #ಬಾಯ್ಕಾಟ್ಬೈಗಾಟ್ಸ್ಶ್...#ಹಲ್ಲಾಬೋಲ್ ಕಿಂಗ್ ಖಾನ್ ವಾಪಸ್ ಬಂದಿದ್ದಾರೆ... ಕೀಪ್ ರಾಕಿಂಗ್ ದೀಪಿಕಾ ಪಡುಕೋಣೆ, ಜಾನ್ ಅಬ್ರಹಾಂ ಮತ್ತು ಟೀಂ ಪಠಾನ್....#ಬೇಷರಮ್ ರಂಗ್" ಎಂದು ಪ್ರಕಾಶ್ ರಾಜ್ ಟ್ವೀಟ್ ಮಾಡಿದ್ದಾರೆ.
ಈ ಹಿಂದೆ ಕೇಸರಿ ಬಿಕಿನಿ ವಿವಾದ ಕಾವೇರಿದ್ದ ಸಂದರ್ಭ ಟ್ವೀಟ್ ಮಾಡಿದ್ದ ಪ್ರಕಾಶ್, "#ಬೇಷರಂಬೈಗಾಟ್ಸ್. ಅತ್ಯಾಚಾರಿಗಳಿಗೆ ಕೇಸರಿಧಾರಿ ವ್ಯಕ್ತಿಗಳು ಮಾಲೆ ಅರ್ಪಿಸಿದರೆ, ದ್ವೇಷದ ಭಾಷಣ ಮಾಡಿದರೆ, ಶಾಸಕರ ಖರೀದಿಸಿದರೆ, ಕೇಸರಿಧಾರಿ ಸ್ವಾಮೀಜಿ ಅಪ್ರಾಪ್ತರನ್ನು ಅತ್ಯಾಚಾರಗೈದರೆ ಚಿಂತೆಯಿಲ್ಲ. ಆದರೆ ಚಿತ್ರವೊಂದರಲ್ಲಿ ಒಂದು ಉಡುಗೆ ಸರಿಯಿಲ್ಲ? #ಜಸ್ಟ್ಆಸ್ಕಿಂಗ್" ಎಂದು ಬರೆದಿದ್ದರು.
ಇದನ್ನೂ ಓದಿ: ಬಿಡುಗಡೆಯಾದ ಮೊದಲ ದಿನವೇ ರೂ. 100 ಕೋಟಿ ಗಳಿಕೆ ಮಾಡಿ ದಾಖಲೆ ಬರೆದ 'ಪಠಾಣ್'
Hey #BoycotBigots Shhhhhhhhh … #HallaBol King Khan @iamsrk is back.. keep rocking @deepikapadukone #JohnAbraham and team #Pathan ..#BesharamRang
— Prakash Raj (@prakashraaj) January 25, 2023