ಚಾಮರಾಜನಗರ ಜಿಲ್ಲಾಸ್ಪತ್ರೆಯಲ್ಲಿ ದುರಂತ: ಸಿಎಂ, ಆರೋಗ್ಯ ಸಚಿವರ ರಾಜೀನಾಮೆಗೆ ಆಗ್ರಹಿಸಿ ಟ್ವಿಟರ್ ಅಭಿಯಾನ
#ResignSudhakar, #ResignBSY ಟ್ರೆಂಡಿಂಗ್
ಬೆಂಗಳೂರು, ಮೇ 3: ಚಾಮರಾಜನಗರ ಜಿಲ್ಲಾಸ್ಪತ್ರೆಯಲ್ಲಿ ಆಮ್ಲಜನಕ ಕೊರತೆಯಿಂದ 20ಕ್ಕೂ ಅಧಿಕ ಮಂದಿ ಕೋವಿಡ್ ಸೋಂಕಿತರು ಸಾವನ್ನಪ್ಪಿರುವ ಘಟನೆ ಇದೀಗ ರಾಷ್ಟ್ರದ ಗಮನ ಸೆಳೆದಿದ್ದು, ರಾಜಕೀಯ ನಾಯಕರು, ಸಾಮಾಜಿಕ ಜಾಲತಾಣ ಬಳಕೆದಾರರು ಸಿಎಂ ಯಡಿಯೂರಪ್ಪ ಹಾಗೂ ಆರೋಗ್ಯ ಸಚಿವ ಸುಧಾಕರ್ ಅವರು ರಾಜೀನಾಮೆ ನೀಡಬೇಕು ಎಂದು ಆಗ್ರಹಿಸಿದ್ದಾರೆ.
ಈ ಸಂಬಂಧ ಹಲವು ರಾಜಕೀಯ ನಾಯಕರು ಹೇಳಿಕೆಗಳನ್ನು ನೀಡಿದ್ದು, ನೆಟ್ಟಿಗರು ಟ್ವಿಟರ್, ಫೇಸ್ಬುಕ್ ಮೂಲಕ ಅಭಿಯಾನ ನಡೆಸುತ್ತಿದ್ದಾರೆ. #ResignSudhakar, #ResignBSY ಹ್ಯಾಶ್ ಟ್ಯಾಗ್ ಗಳು ಟ್ರೆಂಡಿಂಗ್ ಆಗಿದ್ದು, ಆರೋಗ್ಯ ಸಚಿವ ಸುಧಾಕರ್ ಮತ್ತು ಸಿಎಂ ಯಡಿಯೂರಪ್ಪ ಅವರು ರಾಜೀನಾಮೆ ನೀಡುವಂತೆ ಆಗ್ರಹಿಸಿ 10 ಸಾವಿರಕ್ಕೂ ಅಧಿಕ ಟ್ವೀಟ್ ಮಾಡಲಾಗಿದೆ.
''ಜಿಲ್ಲಾ ಆಸ್ಪತ್ರೆಯಲ್ಲಿ ಆಮ್ಲಜನಕವಿಲ್ಲದ ಕಾರಣ 24 ಜನರು ಸಾವನ್ನಪ್ಪಿದ್ದಾರೆ. ಇದು ಸಿಎಂ ಯಡಿಯೂರಪ್ಪ ಮತ್ತು ಸಚಿವ ಸುಧಾಕರ್ ಅವರ ಕ್ರಿನಿನಲ್ ನಿರ್ಲಕ್ಷ್ಯ. #ResignSudhakar'' ಎಂದು ರಾಜ್ಯಸಭಾ ಸದಸ್ಯ ಜಿ.ಸಿ ಚಂದ್ರಶೇಖರ್ ಟ್ವೀಟ್ ಮಾಡಿದ್ದಾರೆ.
ಕರ್ನಾಟಕದ ಆರೋಗ್ಯ ಸಚಿವ ಸುಧಾಕರ್ ಆಮ್ಲಜನಕದ ಕೊರತೆಯಿಲ್ಲ ಎಂದು ಹೇಳಿದ್ದರು. ಅವರು ಈಗ ಜವಾಬ್ದಾರಿಯನ್ನು ತೆಗೆದುಕೊಳ್ಳುತ್ತಾರೆಯೇ? ಎಂದು ವಂಶಿ ಚಾಂದ್ ರೆಡ್ಡಿ ಎಂಬವರು ಪ್ರಶ್ನಿಸಿದ್ದಾರೆ.
ನಮ್ಮ ಕರ್ನಾಟಕ ಮತ್ತೊಂದು ಉತ್ತರ ಪ್ರದೇಶ ಆಗುವುದ ನಮಗೆ ಬೇಕಾಗಿಲ್ಲ. ಈ ಸಾವಿಗೆ ಸಿಎಂ ಯಡಿಯೂರಪ್ಪ ಅವರು ನೈತಿಕ ಹೊಣೆಗಾರಿಕೆಹೊರಲಿದ್ದಾರೆಯೇ ಎಂದು ವನಿತಾ ಸುರ್ವಣ ಎಂಬವರು ಕೇಳಿದ್ದಾರೆ.
ಕೊರೋನದೊಂದಿಗಿನ ಹೋರಾಟದಲ್ಲಿ ಕರ್ನಾಟಕ ಗಂಭೀರ ಸ್ಥಿತಿಗೆ ಇಳಿದಿದೆ. ಡಾ.ಸುಧಾಕರ್ ಅವರು ಕರ್ನಾಟಕದ ಕೋವಿಡ್ ಪರಿಸ್ಥಿತಿಯನ್ನು ನಿಭಾಯಿಸುವ ಸಾಮರ್ಥ್ಯ ಹೊಂದಿಲ್ಲ. #ResignSudhakar ಎಂದು ಸಂದೀಪ್ ಎಂಬವರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಚಾಮರಾಜನಗರ ಜಿಲ್ಲಾಸ್ಪತ್ರೆಯಲ್ಲಿ ಆದ ಸಾವಿನ ನೈತಿಕ ಹೊಣೆಯನ್ನ ಸಚಿವರಾದ ಸುಧಾಕರ್ ಅವರು ಹೊತ್ತು ಈ ಕೂಡಲೆ ರಾಜೀನಾಮೆ ನೀಡಬೇಕು. #ResignSudhakar ಎಂದು ಭುವನ್ ಕರ್ಕೇರ ಎಂಬವರು ಆಗ್ರಹಿಸಿದ್ದು, '' ನನ್ನ ರಾಜ್ಯದ ಜನರಿಗೆ ಆಕ್ಸಿಜನ್ ಕೊಡದ ನೀವು ಸಚಿವನ ಸ್ಥಾನದಲ್ಲಿ ಕುಳಿತಿರುವುದು ವ್ಯರ್ಥ, #ResignSudhakar ಎಂದು ರೇಣುಕ ಸ್ವಾಮಿ ಎಂಬವರು ತಿಳಿಸಿದ್ದಾರೆ.
ಆರೋಗ್ಯ ಸಚಿವ ಸುಧಾಕರ್ ಅವರೇ ಜನ ಸಾಯುತ್ತಿದ್ದರೂ ಕಮಿಷನ್ ಲೆಕ್ಕ ಹಾಕುವುದರಲ್ಲಿ ಮುಳುಗಿದ್ದೀರಾ? ಹೆಣದ ಮೇಲೆ ಹಣ ಮಾಡಿ ಯಾವ ಸಾಮ್ರಾಜ್ಯ ಕಟ್ಟಲು ಹೊರಟಿದ್ದೀರಾ ಸ್ವಾಮಿ? ರಾಜೀನಾಮೆ ಕೊಡಿ ಎಂದು ಗುಲಾಬ್ ಬಾಳೇಕುಂದ್ರಿ ಎಂಬವರು ಟ್ವೀಟ್ ಮಾಡಿದ್ದಾರೆ.
ಸರ್ಕಾರವೇ 24 ಜನರನ್ನ ಕೊಂದು, ಸರ್ಕಾರವೇ ಒಂದು ಐಎಎಸ್ ಅಧಿಕಾರಿಯನ್ನ ನೇಮಿಸಿ, ಸರ್ಕಾರದ ವಿರುದ್ಧವೇ ತನಿಖೆ ಮಾಡಿ ಎಂದು ಆದೇಶ ನೀಡಿತಂತೆ. ನಗಬೇಕು, ಅಳಬೇಕೋ ನೀವೇ ಹೇಳಿ. #ಆರೋಗ್ಯಮಂತ್ರಿ_ಸಾವನ್ನೇತಂದ್ರಿ #ResignSudhakar #ರಾಜೀನಾಮೆಕೊಡಿ ಎಂದು ರವಿ ಎಂಬವರು ಆಗ್ರಹಿಸಿದ್ದಾರೆ.
ಎಂತ ದರಿದ್ರ ಬಿಜೆಪಿ ಸರ್ಕಾರ. ಎಂತಹ ಪರಿಸ್ಥಿತಿ ನಿರ್ಮಾಣವಾಗಿದೆ. ಇಂತಹ ಸಮಾಜದಲ್ಲಿ ಬದುಕುತ್ತಿದ್ದೇವೆ. ಬೆಳಗ್ಗೆ ಕಳವಾಗಿದ್ದ ಒಬ್ಬ ಕೊರೋನ ಸೋಂಕಿತ ಸಂಜೆ ವೇಳೆಗೆ ಮೋರಿಯಲ್ಲಿ ಹೆಣವಾಗಿ ಪತ್ತೆ. ಏನಾಗಿದೆ ಚಾಮರಾಜನಗರ ಆಸ್ಪತ್ರೆಗೆ #ResignSudhakar ಎಂದು ಸಚಿನ್ ಎಂಬವರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಹಲೋ ತೇಜಸ್ವಿ ಸೂರ್ಯ ಅವರೇ, ನೀವು ಈಗ ಎಲ್ಲಿ ಅಡಗಿದ್ದೀರಿ? ಆಕ್ಸಿಜನ್ ಪೂರೈಕೆಯ ಕೊರತೆಯನ್ನು ನೀವು ನಿರಾಕರಿಸಿದ್ದೀರಿ ಮತ್ತು ಪ್ರತಿಪಕ್ಷಗಳು ವಂಚನೆಯ ನಿರೂಪಣೆ ರಚಿಸುತ್ತಿರುವುದಾಗಿ ದೂರಿದ್ದೀರಿ. ಈಗ ಈ ದುರ್ಘಟನೆಗೆ ಕಾರಣ ಯಾರು ? ಚಾಮರಾಜನಗರದಂತಹ ಘಟನೆ ಮತ್ತೆ ಸಂಭವಿಸಿದರೆ? ಎಂದು ಪ್ರತಾಪ್ ಕಣಗಾಲ್ ಎಂಬವರು ಟ್ವೀಟ್ ಮಾಡಿದ್ದಾರೆ.
ಆಮ್ಲಜನಕದ ಕೊರತೆಯಿಂದಾಗಿ ಚಾಮರಾಜನಗರದಲ್ಲಿ 24 ಜೀವಗಳನ್ನು ಕಳೆದುಕೊಂಡಿರುವುದು ವಿನಾಶಕಾರಿ. ಈ ಸಾವುಗಳು ಸರ್ಕಾರದ ವೈಫಲ್ಯದಿಂದ ಆಗಿದೆ. ಆಮ್ಲಜನಕದ ಕೊರತೆಯ ಬಗ್ಗೆ ಮಾತನಾಡುವಾಗ ಬೆದರಿಕೆ ಹಾಕುವ ಬದಲು, ಸರ್ಕಾರವು ಆಮ್ಲಜನಕವನ್ನು ಪೂರೈಸಿದ್ದರೆ ದುರಂತವನ್ನು ತಪ್ಪಿಸಬಹುದಿತ್ತು ಎಂದು ಶಾಸಕ ಕೃಷ್ಣಬೈರೇಗೌಡ ತಿಳಿಸಿದ್ದಾರೆ.
ಕರ್ನಾಟಕ ಈ ಕೋವಿಡ್ ಅವ್ಯವಸ್ಥೆಯಲ್ಲಿ ಇರುವುದಕ್ಕೆ ಕಾರಣ ಬಿಜೆಪಿ. ಆರೋಗ್ಯ ತಜ್ಞರ ಸಲಹೆಯನ್ನು ನಿರ್ಲಕ್ಷಿಸಲಾಗಿದೆ. ಜೀವಂತವಾಗಿರುವಾಗ ಅಥವಾ ಮರಣ ಹೊಂದಿದಾಗ ಜನರಿಗೆ ಯಾವುದೇ ಘನತೆ ಇರುವುದಿಲ್ಲ ಎಂದು ಈ ಸರ್ಕಾರ ಖಚಿತಪಡಿಸಿದೆ. ಅತ್ಯಂತ ಅಸಮರ್ಥ ಜನರು ರಾಜ್ಯವನ್ನು ನಡೆಸುತ್ತಿದ್ದಾರೆ. #ResignSudhakar
- ಪ್ರಿಯಾಂಕ್ ಖರ್ಗೆ, ಕಾಂಗ್ರೆಸ್ ಶಾಸಕ
The reason why Karnataka is in this #Covid mess is because @BJP4Karnataka ignored the advice of health experts. This Govt has ensured that people don’t have any dignity when alive or in death.
— Priyank Kharge / ಪ್ರಿಯಾಂಕ್ ಖರ್ಗೆ (@PriyankKharge) May 3, 2021
State is run by the most incompetent people. State deserves better.#ResignSudhakar
Series of SOS calls are being received due to lack of oxygen in various hospitals of our State.
— Siddaramaiah (@siddaramaiah) May 3, 2021
We don't want to see another Chamarajanagar hospital incident. Every life is precious.
To prevent further State sponsored murders, I call for #ResignBSY & #ResignSudhakar.
Too many distress calls even today, two weeks since the surge. Don't know when this will end. Just got off a call from a son pleading to help save his mother :(
— Srivatsa (@srivatsayb) May 3, 2021
Health infra has collapsed. 'Oxygen Murders' continue everyday.
Sadly, no accountability at all.#ResignSudhakar
Loss of 24 lives in Chamarajanagr due to lack of oxygen is devastating.
— Krishna Byre Gowda (@krishnabgowda) May 3, 2021
These deaths are primarily due to Govt failure. Instead of threatening criminal cases for speaking of oxygen shortage, Govt had supplied oxygen, tragedy could have been avoided. #ResignSudhakar
BSY Gov in K'taka seems 2 hve no strategy in place 2 arrest d surging Covid crisis.
— Shree Speaks (@StayingReal0511) May 3, 2021
D Ste faces grave shortages in everything ranging fr Vaccines 2 Hosp essntials 2 Oxygen.
In a tragic twist,24 patients lost thr lives due to d absence of O2 in Chamarajngr Dist!!#ResignSudhakar pic.twitter.com/JjZLU4L3fQ
24 people have died and this shameless guy says only 3 have die due to lack of oxygen...#ResignSudhakar https://t.co/JYbLRhx50k
— Savita Vantagodi (@SavitaVantagodi) May 3, 2021