''ಆಧುನಿಕ ಮಹಿಳೆಯರು ಮಕ್ಕಳನ್ನು ಬಯಸುವುದಿಲ್ಲ'' ಎಂಬ ಸಚಿವ ಸುಧಾಕರ್ ಹೇಳಿಕೆಗೆ ಸಾಮಾಜಿಕ ತಾಣಗಳಲ್ಲಿ ವ್ಯಾಪಕ ಆಕ್ರೋಶ

ಬೆಂಗಳೂರು: ‘ಆಧುನಿಕ ಮಹಿಳೆಯರು ಮಕ್ಕಳನ್ನು ಬಯಸುವುದಿಲ್ಲ’ ಎಂದು ಹೇಳಿಕೆ ನೀಡಿದ್ದ ಆರೋಗ್ಯ ಸಚಿವ ಡಾ.ಕೆ .ಸುಧಾಕರ್ ವಿರುದ್ಧ ಸಾಮಾಜಿಕ ತಾಣಗಳಲ್ಲಿ ವ್ಯಾಪಕ ಆಕ್ರೋಶ ವ್ಯಕ್ತವಾಗಿದೆ.

‘’ ದೇಶದಲ್ಲಿನ ಆಧುನಿಕ ಮಹಿಳೆಯರು ಒಬ್ಬರೇ ಜೀವನ ನಡೆಸಲು ಬಯಸುತ್ತಿದ್ದಾರೆ. ವಿವಾಹವಾದರೂ ಮಕ್ಕಳಿಗೆ ಜನ್ಮ ನೀಡಲು ಇಷ್ಟ ಪಡುತ್ತಿಲ್ಲ. ಬದಲಾಗಿ ಬಾಡಿಗೆ ತಾಯ್ತನವನ್ನು ಅನುಸರಿಸುತ್ತಿದ್ದಾರೆ’’ ಎಂದು ರವಿವಾರ ಹೊಸೂರು ರಸ್ತೆಯಲ್ಲಿರುವ ರಾಷ್ಟ್ರೀಯ ಮಾನಸಿಕ ಆರೋಗ್ಯ ಮತ್ತು ನರವಿಜ್ಞಾನ ಸಂಸ್ಥೆ (ನಿಮ್ಹಾನ್ಸ್) ಆಯೋಜಿಸಿದ್ದ 25ನೇ ಘಟಿಕೋತ್ಸವ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಸಚಿವ ಡಾ.ಕೆ.ಸುಧಾಕರ್ ಹೇಳಿಕೆ ನೀಡಿದ್ದರು.

ಈ ಕುರಿತಾದ ಅವರ ಹೇಳಿಕೆಯ ವೀಡಿಯೋ ತುಣುಕೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿದ್ದು, ಹಲವರು ಪ್ರತಿಕ್ರಿಯಿಸಿ ವಿರೋಧ ವ್ಯಕ್ತಪಡಿಸಿದ್ದಾರೆ.  

‘’ಮಕ್ಕಳನ್ನು ಹೆರುವುದು ಮಾತ್ರ ಮಹಿಳೆಯರ ಪಾತ್ರ ಎಂದು ಎಂಎಲ್‌ಎ ಸುಧಾಕರ್‌ ಭಾವಿಸಿದ್ದಾರೆಯೇ? ಮದುವೆ ಹೊರತಾಗಿ ಮಹಿಳೆರಯ ಏನೂ ಅಲ್ಲವೇ? ಅಥವಾ ಇದು ಹಿಂದುತ್ವದ ಅಡಿಯಲ್ಲಿ ಪಿತೃಪ್ರಭುತ್ವದ ಬೋಧನೆಯ ಫಲಿತಾಂಶವಾಗಿದೆಯೇ?’’ ಎಂದು ಲಿಯೋ ಸಾಲ್ಡಾನಾ ಎಂಬವರು ಪ್ರತಿಕ್ರಿಯಿಸಿದ್ದಾರೆ.

Does @mla_sudhakar Minister of @DHFWKA think women’s role is that of making babies? That they are nobody outside of marriage? Or is this an outcome of patriarchal indoctrination under Hindutwa which he subordinated himself to?

— Leo Saldanha (@leofsaldanha) October 11, 2021

Disgusting!
Coming from the health minister and a doctor by profession.
To deny women the agency over their own body is abominable https://t.co/76WJPrDbdB

— Lavanya Ballal (@LavanyaBallal) October 11, 2021