ಭಾರತ ವಿರುದ್ಧ ಟಿ-20 ಸರಣಿಗೆ ಪೊಲಾರ್ಡ್, ನರೇನ್ ವಾಪಸ್
ಸೈಂಟ್ಜಾನ್ಸ್, ಜು.23: ಭಾರತ ವಿರುದ್ಧ ಮೊದಲೆರಡು ಟ್ವೆಂಟಿ-20 ಅಂತರ್ರಾಷ್ಟ್ರೀಯ ಪಂದ್ಯಗಳಿಗೆ 14 ಸದಸ್ಯರುಗಳನ್ನು ಒಳಗೊಂಡ ವೆಸ್ಟ್ಇಂಡೀಸ್ ತಂಡವನ್ನು ಸೋಮವಾರ(ಸ್ಥಳೀಯ ಕಾಲಮಾನ)ಪ್ರಕಟಿಸಲಾಗಿದೆ. ಕಿರೊನ್ ಪೊಲಾರ್ಡ್ ಹಾಗೂ ಸುನೀಲ್ ನರೇನ್ ವಿಂಡೀಸ್ ತಂಡಕ್ಕೆ ವಾಪಸಾಗಿದ್ದಾರೆ.
ಆ್ಯಂಡ್ರೆ ರಸೆಲ್ ಕೂಡ ತಂಡಕ್ಕೆ ಸೇರ್ಪಡೆಯಾಗಿದ್ದಾರೆ. ಆದರೆ, ಅವರು ಟಿ-20 ತಂಡವನ್ನು ಸೇರಿಕೊಳ್ಳುವ ಮೊದಲು ಫಿಟ್ನೆಸ್ ಪರೀಕ್ಷೆಗೆ ಒಳಗಾಗಲಿದ್ದಾರೆ. ಟಿ-20 ತಂಡವನ್ನು ಕಾರ್ಲೊಸ್ ಬ್ರಾತ್ವೇಟ್ ನಾಯಕನಾಗಿ ಮುನ್ನಡೆಸಲಿದ್ದಾರೆ. ಎಡಗೈ ಆರಂಭಿಕ ಆಟಗಾರ ಜಾನ್ ಕ್ಯಾಂಪ್ಬೆಲ್ ಹಾಗೂ ಎಡಗೈ ಸ್ಪಿನ್ನರ್ ಖಾರಿ ಪೀರ್ ತಂಡದಲ್ಲಿ ಸ್ಥಾನ ಗಿಟ್ಟಿಸಿಕೊಂಡಿದ್ದಾರೆ.
3 ಪಂದ್ಯಗಳ ಟಿ-20 ಸರಣಿಯು ಆಗಸ್ಟ್ 3ರಿಂದ ಆರಂಭವಾಗಲಿದೆ.
ವೆಸ್ಟ್ಇಂಡೀಸ್ ತಂಡ: ಜಾನ್ ಕ್ಯಾಂಪ್ಬೆಲ್, ಎವಿನ್ ಲೂವಿಸ್, ಶಿಮ್ರಾನ್ ಹೆಟ್ಮೆಯರ್, ನಿಕೊಲಸ್ ಪೂರನ್, ಕಿರೊನ್ ಪೊಲಾರ್ಡ್, ರೊವ್ಮನ್ ಪೊವೆಲ್, ಕಾರ್ಲೊಸ್ ಬ್ರಾತ್ವೇಟ್(ನಾಯಕ), ಕೀಮೊ ಪಾಲ್, ಸುನೀಲ್ ನರೇನ್, ಶೆಲ್ಡನ್ ಕಾಟ್ರೆಲ್, ಒಶಾನೆ ಥಾಮಸ್, ಅಂಥೋನಿ ಬ್ರಾಂಬೆಲ್, ಆ್ಯಂಡ್ರೆ ರಸೆಲ್, ಖಾರೆ ಪೀರ್.