ಫೆಡ್ ಕಪ್: ರೊನಾಲ್ಡೊ ತಂಡಕ್ಕೆ ಸೊಲುಣಿಸಿದ ಚಿಲಿ ಫೈನಲ್ಗೆ
ಕಝಾನ್, ಜೂ. 29: ಕ್ಲಾಡಿಯೊ ಬ್ರಾವೊ ಅವರ ಸಾಹಸದಿಂದ ಪೋರ್ಚ್ಗಲ್ ತಂಡವನ್ನು ಪೆನಾಲ್ಟಿ ಶೂಟೌಟ್ನಲ್ಲಿ 3-0 ಗೋಲುಗಳಿಂದ ಸೋಲಿಸಿದ ಚಿಲಿ ಪ್ರತಿಷ್ಠಿತ ಫೆಡರೇಶನ್ಸ್ ಕಪ್ ಫುಟ್ಬಾಲ್ ಪಂದ್ಯಾವಳಿಯು ಫೈನಲ್ಗೆ ಲಗ್ಗೆ ಇಟ್ಟಿದೆ.
ಮ್ಯಾಂಚೆಸ್ಟರ್ ಸಿಟಿ ಗೋಲ್ಕೀಪರ್ ವಿರೋಧಿ ತಂಡದ ರಿಕಾರ್ಡೊ ಕ್ವರೇಸ್ಮಾ, ಜಾವೊ ಮೌತಿನೊ ಹಾಗೂ ನಾನಿ ಹೀಗೆ ಎಲ್ಲ ಮೂವರು ಆಟಗಾರರ ಪೆನಾಲ್ಟಿ ಕಿಕ್ಗಳನ್ನೂ ಅದ್ಭುತವಾಗಿ ತಡೆದು ತಂಡಕ್ಕೆ ಅಭೂತಪೂರ್ವ ವಿಜಯ ದೊರಕಿಸಿಕೊಟ್ಟರು. ವಿಜೇತ ತಂಡದ ಪರವಾಗಿ ಆರ್ಥೊರೊ ವಿದಾಲ್, ಚಾರ್ಲ್ಸ್ ಅರಂಗ್ವಿರ್ ಹಾಗೂ ಅಲೆಕ್ಸಿಸ್ ಸಾಂಚೆಸ್ ಚೆಂಡನ್ನು ಗುರಿಮುಟ್ಟಿಸಿದರು.
"ಫಲಿತಾಂಶದ ಬಗ್ಗೆ ಮತ್ತು ನಮ್ಮ ಆಟದ ಬಗ್ಗೆ ನಮಗೆ ತೃಪ್ತಿ ಇದೆ. ಆದರೆ ನಾವು ಇನ್ನೂ ಏನನ್ನೂ ಗೆದ್ದಿಲ್ಲ" ಎಂದು 34 ವರ್ಷದ ಹೀರೊ ಬ್ರಾವೊ ಎಚ್ಚರಿಕೆಯ ಮಾತುಗಳನ್ನಾಡಿದರು. ರವಿವಾರ ಸೆಂಟ್ ಪಿಟ್ಸ್ಬರ್ಗ್ನಲ್ಲಿ ನಡೆಯುವ ಫೈನಲ್ನಲ್ಲಿ ಚಿಲಿ, ಮೆಕ್ಸಿಕೊ ಅಥವಾ ಜರ್ಮನಿಯನ್ನು ಎದುರಿಸಲಿದೆ. ಇನ್ನೊಂದು ಸೆಮಿಫೈನಲ್ ಪಂದ್ಯ ಸೋಚಿಯಲ್ಲಿ ಗುರುವಾರ ನಡೆಯಲಿದೆ. ಪರಾಜಿತ ತಂಡವಾದ ಪೋರ್ಚ್ಗಲ್, ಮೂರನೇ ಸ್ಥಾನಕ್ಕಾಗಿ ನಡೆಯುವ ಪ್ಲೇ ಆಫ್ ಪಂದ್ಯದಲ್ಲಿ ರವಿವಾರ ಸೆಣಸಲಿದೆ. ಪೋರ್ಚ್ಗಲ್ನ ಸೂಪರ್ಸ್ಟಾರ್ ಆಟಗಾರ ಕ್ರಿಸ್ಟಿಯಾನೊ ರೊನಾಲ್ಡೊ ಅವರಿಗೆ ಈ ಕಝಾನ್ ಸೋಲು ನಿರಾಸೆಗೆ ಕಾರಣವಾಗಿದೆ.