ಹುಲಿವೇಷ- ಜನಪ್ರಿಯ ದಾಟಿಯ ಕತೆಗಳು
-
ಹುಲಿ ವೇಷ ಕರಾವಳಿಯಲ್ಲಿ ಜಾನಪದ ಕಲೆಯಂತೆಯೇ ಬೆಳೆದು ಬಂದಿದೆ. ವೃತ್ತಿ, ಧರ್ಮ, ಸಂಸ್ಕೃತಿ, ಮನರಂಜನೆ ಎಲ್ಲವೂ ಜೊತೆಯಾಗಿ ಮಿಳಿತಗೊಂಡಿರುವ ಕಲೆ ಇದು. ಮಕ್ಕಳ ಬಾಲ್ಯವನ್ನು ರಮ್ಯಗೊಳಿಸುವಲ್ಲಿ, ನವರಾತ್ರಿಯ ಹುಲಿವೇಷದ ಪಾತ್ರ ಬಹುದೊಡ್ಡದು. ಇಂತಹ ಹುಲಿವೇಷವನ್ನು ಇಟ್ಟುಕೊಂಡು ವಿಠಲ್ ಶೆಣೈ ಅವರು ಬರೆದ ನೀಳ್ಗತೆ ಅಥವಾ ಮಿನಿ ಕಾದಂಬರಿಯೇ ‘ಹುಲಿ ವೇಷ’. ಲೇಖಕರೇ ಹೇಳುವಂತೆ ಹುಲಿವೇಷದ ದಂಡನ್ನು ಆಧರಿಸಿ ಬರೆದ ಕತೆ ಸುದೀರ್ಘವಾಗಿ ಅತ್ತ ಸಣ್ಣ ಕತೆಯೂ ಆಗದೆ, ಕಾದಂಬರಿಯೂ ಆಗದೆ ಉಳಿದಾಗ ಅದರ ಜೊತೆಗೆ ಇನ್ನಷ್ಟು ಕತೆಗಳನ್ನು ಸೇರಿಸಿ ಅವರು ಸಂಕಲನ ತಂದಿದ್ದಾರೆ. ನೀಳ್ಗತೆಯ ಜೊತೆಗೆ ಆರು ಕತೆಗಳನ್ನು ಜೋಡಿಸಿದ್ದಾರೆ.
ಭಾನು ಶೆಟ್ಟಿ ಫ್ರೆಂಡ್ಸ್ ಸರ್ಕಲ್ ಹುಲಿಗಳು ಎಂದರೆ ಇಡೀ ಮಂಗಳೂರಿಗೆ ಫೇಮಸ್. 75 ವರ್ಷಗಳಿಂದ ಈ ತಂಡ ಮಂಗಳೂರಿನ ದಸರಾದ ಸಂಭ್ರಮವನ್ನು ಮೇಲೆತ್ತಿ ತೋರಿಸುತ್ತಿದೆ. ಪ್ರತಿ ವರ್ಷದ ಹಾಗೆ ಈ ಟ್ರೂಫ್ ಈ ಬಾರಿಯೂ ದಸರಾದಲ್ಲಿ ಭಾಗವಹಿಸಲು ಸಿದ್ಧತೆ ನಡೆಸುತ್ತಿದೆ. ಈ ಸಂದರ್ಭದಲ್ಲೇ ರಾಜ್ಯದಲ್ಲಿ ರಾಜಕೀಯ ಬೆಳವಣಿಗೆಗಳು ನಡೆಯುತ್ತವೆ. ಇವೆರಡನ್ನೂ ಜೊತೆಗೆ ತಂದು ಕತೆಯನ್ನು ಲೇಖಕರು ಬೆಳೆಸುತ್ತಾ ಹೋಗುತ್ತಾರೆ.
ಗಾಯಕನೊಬ್ಬನ ಒಳದನಿಯನ್ನು ಹೇಳುವ ‘ಅದೇ ಧ್ವನಿ’, ಸರ್ಪ ದೋಷದ ಹಿನ್ನೆಲೆಯನ್ನು ಇಟ್ಟುಕೊಂಡು ಧನುಷ್‌ನ ಮಾನಸಿಕ ತಳಮಳವನ್ನು ಹೇಳುವ ‘ತಕ್ಷಕನ ದೋಷ’, ಕತ್ತಲ ಕೋಣೆಯೊಳಗಿನ ಕತೆಯನ್ನು ಹೇಳುವ ‘ಅವಳು, ಅವನು ಮತ್ತು ಕೋಣೆ’, ರಾತ್ರಿಯ ನಿದ್ದೆಯಿಲ್ಲದೆ ಬಳಲುತ್ತಿರುವ ಸುಮಂತ್ ಅದನ್ನು ಎದುರಿಸಲಾಗದೆ, ತನ್ನಂಥವರನ್ನೇ ಕೂಡಿಸಿಕೊಂಡು ನಡೆಸುವ ಹೋರಾಟವನ್ನು ಹೇಳುವ ‘ನಿ. ಹೀ. ಸಂ’., ಸುಜಾತಳ ಬಂಗಾರದ ಬಳೆಯ ಕನಸನ್ನು ನನಸು ಮಾಡುವ ನವೀನ್ ಪ್ರಯತ್ನಕ್ಕೆ ಸವಾಲಾಗುವ ವಿಧಿಯನ್ನು ಹೇಳುವ ‘ಬಂಗಾರದ ಬಳೆ’ ಸರಳ ಜನಪ್ರಿಯ ಓದನ್ನು ಬಯಸುವ ಓದುಗರಿಗೆ ಇಷ್ಟವಾಗಬಹುದು. ಒಂದು ರೀತಿಯಲ್ಲಿ ಎಲ್ಲವೂ ಸಮಯ ಕಳೆಯುವುದಕ್ಕಾಗಿ ಓದಬಹುದಾದ ಕತೆಗಳು. ಯಂಡಮೂರಿ ವೀರೇಂದ್ರನಾಥ್, ಕೆ. ಎನ್. ಗಣೇಶಯ್ಯ ಮೊದಲಾದವರ ಪ್ರಭಾವ ಲೇಖಕರ ಮೇಲೆ ಗಾಢವಾಗಿ ಬಿದ್ದಂತಿದೆ.
ಟೋಟಲ್ ಕನ್ನಡ ಬೆಂಗಳೂರು ಹೊರತಂದಿರುವ ಈ ಕೃತಿಯ ಒಟ್ಟು ಪುಟಗಳು 206. ಮುಖಬೆಲೆ 160 ರೂ. ಆಸಕ್ತರು 98459 04451 ದೂರವಾಣಿಯನ್ನು ಸಂಪರ್ಕಿಸಬಹುದು.
‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ?
ಬೆಂಬಲಿಸಲು ಇಲ್ಲಿ ಕ್ಲಿಕ್ ಮಾಡಿ
The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request.
Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil.
www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು ' ವಾರ್ತಾ ಭಾರತಿ' ಕಾದಿರಿಸಿದೆ.
ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ. ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.
ಇಂದು ಹೆಚ್ಚು ಓದಿದ್ದು
ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಇಮಾಮ್ (Photo credit: indiatoday.in)
