ದಿಲ್ಲಿ ಲಾಕ್ಡೌನ್ ಇನ್ನೊಂದು ವಾರ ವಿಸ್ತರಣೆ: ಅರವಿಂದ ಕೇಜ್ರಿವಾಲ್
ಹೊಸದಿಲ್ಲಿ: ದಿಲ್ಲಿಯಲ್ಲಿ ಲಾಕ್ಡೌನ್ ಅನ್ನು ಇನ್ನೂ ಒಂದು ವಾರ ವಿಸ್ತರಿಸಲಾಗಿದೆ ಎಂದು ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ರವಿವಾರ ಹೇಳಿದ್ದಾರೆ.
ದಿಲ್ಲಿಯಲ್ಲಿ ಕೋವಿಡ್ ಸಂಖ್ಯೆಗಳು ಇಳಿಮುಖವಾಗುತ್ತಿದ್ದರೂ ಸಕಾರಾತ್ಮಕ ದರ ಇನ್ನೂ ಶೇಕಡಾ 5 ಕ್ಕಿಂತ ಕಡಿಮೆ ತಲುಪಿಲ್ಲ ಎನ್ನುವುದನ್ನು ಕೇಜ್ರಿವಾಲ್ ಬೆಟ್ಟು ಮಾಡಿದರು.
"ಲಾಕ್ ಡೌನ್ ನಂತರ ನಾವು ಉತ್ತಮ ಚೇತರಿಕೆಗೆ ಸಾಕ್ಷಿಯಾಗಿದ್ದೇವೆ. ಕೊರೋನ ವೈರಸ್ ಪ್ರಕರಣಗಳು ಕ್ಷೀಣಿಸುತ್ತಿವೆ" ಎಂದು ಕೇಜ್ರಿವಾಲ್ ಇಂದು ಸುದ್ದಿಗಾರರಿಗೆ ತಿಳಿಸಿದರು.
"ಕಳೆದ ಕೆಲವು ದಿನಗಳಲ್ಲಿ ನಾವು ಗಳಿಸಿದ ಲಾಭವನ್ನು ಕಳೆದುಕೊಳ್ಳಲು ನಾವು ಬಯಸುವುದಿಲ್ಲ. ನಾವು ಇನ್ನೂ ಒಂದು ವಾರದವರೆಗೆ ಲಾಕ್ಡೌನ್ ಅನ್ನು ವಿಸ್ತರಿಸುತ್ತಿದ್ದೇವೆ. ನಾಳೆಯ ಬದಲು, ಮುಂದಿನ ಸೋಮವಾರ, ದಿಲ್ಲಿಯಲ್ಲಿ ಬೆಳಿಗ್ಗೆ 5 ಗಂಟೆಯವರೆಗೆ ಲಾಕ್ಡೌನ್ ವಿಸ್ತರಿಸಲಾಗಿದೆ" ಎಂದು ಅವರು ಹೇಳಿದರು.
ದಿಲ್ಲಿಯಲ್ಲಿ ಶುಕ್ರವಾರ 8,506 ಕೊರೋನವೈರಸ್ ಪ್ರಕರಣಗಳು ದಾಖಲಾಗಿವೆ, ದೈನಂದಿನ ಕೇಸ್ ಒಂದು ತಿಂಗಳ ನಂತರ ಮತ್ತೆ 10,000 ಕ್ಕಿಂತಲೂ ಕಡಿಮೆಯಾಗಿದೆ. ಕೊರೋನದ ಎರಡನೇ ಅಲೆ ಕಡಿಮೆಯಾಗಲು ಲಾಕ್ ಡೌನ್ ಪ್ರಮುಖ ಅಂಶವಾಗಿದೆ ವೈದ್ಯಕೀಯ ತಜ್ಞರು ಹೇಳಿದ್ದಾರೆ.