ಅಫ್ಘಾನಿಸ್ತಾನದಲ್ಲಿ ಕೊಲ್ಲಲ್ಪಟ್ಟ ಪತ್ರಕರ್ತ ದಾನಿಶ್ ಸಿದ್ದೀಕಿ ಶರೀರ ವಿರೂಪಗೊಂಡಿತ್ತು: ಅಧಿಕಾರಿಗಳಿಂದ ಮಾಹಿತಿ | Vartha Bharati- ವಾರ್ತಾ ಭಾರತಿ

--

ಆರೋಪ ನಿರಾಕರಿಸಿದ ತಾಲಿಬಾನ್

ಅಫ್ಘಾನಿಸ್ತಾನದಲ್ಲಿ ಕೊಲ್ಲಲ್ಪಟ್ಟ ಪತ್ರಕರ್ತ ದಾನಿಶ್ ಸಿದ್ದೀಕಿ ಶರೀರ ವಿರೂಪಗೊಂಡಿತ್ತು: ಅಧಿಕಾರಿಗಳಿಂದ ಮಾಹಿತಿ

photo : PTI

ಹೊಸದಿಲ್ಲಿ, ಆ.1: ಅಫ್ಘಾನಿಸ್ತಾನದಲ್ಲಿ ಕೊಲ್ಲಲ್ಪಟ್ಟ ಪುಲಿಟ್ಝರ್ ಪ್ರಶಸ್ತಿ ಪುರಸ್ಕೃತ ರೂಟರ್ಸ್ನ ಫೋಟೊ ಜರ್ನಲಿಸ್ಟ್,ಭಾರತೀಯ ಪ್ರಜೆ ದಾನಿಶ್ ಸಿದ್ದೀಕಿ ಅವರ ಶರೀರವು ತಾಲಿಬಾನಿಗಳ ವಶದಲ್ಲಿದ್ದಾಗ ತೀವ್ರವಾಗಿ ವಿರೂಪಗೊಂಡಿತ್ತು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಆಗಷ್ಟೇ ತಾಲಿಬಾನಿಗಳು ವಶಪಡಿಸಿಕೊಂಡಿದ್ದ ಸ್ಪಿನ್ ಬೋಲ್ಡಕ್ ಜಿಲ್ಲೆಗೆ ಜು.16ರಂದು ಬೆಳಿಗ್ಗೆ ಅಫಘಾನ್ ಕಮಾಂಡೋಗಳೊಂದಿಗೆ ತೆರಳಿದ್ದ ಸಂದರ್ಭ ಸಿದ್ದಿಕಿ ಕೊಲ್ಲಲ್ಪಟ್ಟಿದ್ದರು. ಅವರ ಶರೀರದಲ್ಲಿ ಹಲವಾರು ಗುಂಡಿನ ಗಾಯಗಳಿದ್ದರೂ ಅದು ವಿರೂಪಗೊಂಡಿರಲಿಲ್ಲ ಎನ್ನುವುದನ್ನು ಘಟನಾ ಸ್ಥಳದಲ್ಲಿಯ ಆರಂಭಿಕ ಚಿತ್ರಗಳು ತೋರಿಸಿದ್ದವು. 

ಆದರೆ ಸಂಜೆ ರೆಡ್ ಕ್ರಾಸ್ ಅಧಿಕಾರಿಗಳಿಗೆ ಹಸ್ತಾಂತರಿಸಲ್ಪಟ್ಟು ಕಂದಹಾರ್ ನ ಆಸ್ಪತ್ರೆಗೆ ಸಾಗಿಸಿದಾಗ ಅದು ತೀವ್ರವಾಗಿ ವಿರೂಪಗೊಂಡಿತ್ತು ಎಂದು ಅಲ್ಲಿದ್ದ ಇಬ್ಬರು ಭಾರತೀಯ ಅಧಿಕಾರಿಗಳು ಮತ್ತು ಇಬ್ಬರು ಅಫಘಾನ್ ಆರೋಗ್ಯ ಅಧಿಕಾರಿಗಳು ತಿಳಿಸಿದ್ದಾರೆ. ಸಿದ್ದಿಕಿ ಅವರ ಶರೀರದಲ್ಲಿ ಸುಮಾರು ಒಂದು ಡಝನ್ ಗುಂಡಿನ ಗಾಯಗಳಿದ್ದವು ಮತ್ತು ಮುಖ ಹಾಗೂ ಎದೆಯ ಮೇಲೆ ಟೈರ್ ಗುರುತುಗಳಿದ್ದವು ಎಂದು ಭಾರತೀಯ ಅಧಿಕಾರಿಯೋರ್ವರು ತಿಳಿಸಿದರು.

ಸಿದ್ದಿಕಿಯವರ ಮೃತಶರೀರವನ್ನು ಜು.16ರಂದು ರಾತ್ರಿ ಎಂಟು ಗಂಟೆಯ ಸುಮಾರಿಗೆ ಆಸ್ಪತ್ರೆಗೆ ತಂದಾಗ ಅವರ ಮುಖ ಗುರುತು ಹಿಡಿಯಲು ಸಾಧ್ಯವಿಲ್ಲದಷ್ಟು ವಿರೂಪಗೊಂಡಿತ್ತು ಮತ್ತು ಅವರ ಶರೀರಕ್ಕೆ ಏನು ಮಾಡಲಾಗಿತ್ತು ಎನ್ನುವುದನ್ನು ನಿರ್ಧರಿಸಲು ತನಗೆ ಸಾಧ್ಯವಾಗಿರಲಿಲ್ಲ ಎಂದು ಕಂದಹಾರ್ ನ ಆರೋಗ್ಯ ಅಧಿಕಾರಿಯೋರ್ವರು ತಿಳಿಸಿದ್ದಾರೆ. 

ಸಿದ್ಧಿಕಿ ಜೊತೆಯಲ್ಲಿ ತೆರಳಿದ್ಧ ಅಫಘಾನ್ ವಿಶೇಷ ಪಡೆಗಳು ಸ್ಪಿನ್ ಬೋಲ್ಡಕ್ ಅನ್ನು ಮರಳಿ ವಶಪಡಿಸಿಕೊಳ್ಳುವ ಪ್ರಯತ್ನದಲ್ಲಿದ್ದರಿಂದ ಅಲ್ಲಿ ಏನು ಸಂಭವಿಸಿತ್ತು ಎನ್ನುವುದರ ಬಗ್ಗೆ ವಿರೋಧಾಭಾಸದ ವರದಿಗಳಿವೆ.

ಸ್ಥಳೀಯ ಅಧಿಕಾರಿಗಳು ಮತ್ತು ತಾಲಿಬಾನ್ ಸದಸ್ಯರು ಹೇಳುವಂತೆ ಅಫ್ಘಾನಿಸ್ತಾನದ ಪಡೆಗಳ ಮೇಲೆ ಎಲ್ಲ ದಿಕ್ಕುಗಳಿಂದಲೂ ದಾಳಿ ನಡೆದಾಗ ಓರ್ವ ಅಫಘಾನ್ ಕಮಾಂಡರ್ ಮತ್ತು ಸಿದ್ದಿಕಿ ಕೊಲ್ಲಲ್ಪಟ್ಟಿದ್ದರು ಹಾಗೂ ಪಡೆಯು ವಾಪಸಾಗಿದ್ದು,ಅವರಿಬ್ಬರ ಶವಗಳು ಅಲ್ಲಿಯೇ ಬಿದ್ದುಕೊಂಡಿದ್ದವು.

ತಾಲಿಬಾನಿಗಳು ಸಿದ್ದಿಕಿಯವರನ್ನು ಜೀವಂತವಾಗಿ ಸೆರೆ ಹಿಡಿದಿರಬಹುದು ಮತ್ತು ನಂತರ ಅವರನ್ನು ಕೊಂದಿರಬಹುದು ಎಂದು ಕೆಲವು ವರದಿಗಳು ಹೇಳಿವೆಯಾದರೂ ಇವು ದೃಢಪಟ್ಟಿಲ್ಲ. ಆದರೆ ಸಿದ್ದಿಕಿಯವರ ಶರೀರದಲ್ಲಿದ್ದ ಕೆಲವು ಗಾಯಗಳು ಸಮೀಪದಿಂದ ಗುಂಡು ಹಾರಿಸಿದ್ದರಿಂದ ಉಂಟಾದ ಗಾಯಗಳಂತೆ ಕಂಡು ಬಂದಿದ್ದವು ಎಂದು ಭಾರತೀಯ ಅಧಿಕಾರಿಯೋರ್ವರು ಹೇಳಿದ್ದಾರೆ.

ಆರೋಪವನ್ನು ನಿರಾಕರಿಸಿರುವ ತಾಲಿಬಾನ್ ವಕ್ತಾರ ಝಬಿಹುಲ್ಲಾ ಮುಜಾಹಿದ್, "ನಾವು ಮೃತರ ಶರೀರಗಳನ್ನು ಗೌರವದಿಂದ ನೋಡಿಕೊಳ್ಳುತ್ತೇವೆ ಮತ್ತು ಸ್ಥಳೀಯ ಹಿರಿಯರಿಗೆ ಅಥವಾ ರೆಡ್ ಕ್ರಾಸ್‌ ಗೆ ಅವುಗಳನ್ನು ಹಸ್ತಾಂತರಿಸುತ್ತೇವೆ" ಎಂದು ತಿಳಿಸಿದ್ದಾರೆ. ಆದರೆ ಆಗ ಆ ಪ್ರದೇಶವು ತಾಲಿಬಾನಿಗಳ ನಿಯಂತ್ರಣದಲ್ಲಿತ್ತು ಮತ್ತು ತಾಲಿಬಾನಿ ಹೋರಾಟಗಾರರಂತೆ ಕಂಡು ಬರುತ್ತಿರುವ ಕೆಲವರು ಆಗ ಇನ್ನೂ ಸುಸ್ಥಿತಿಯಲ್ಲಿದ್ದ ಸಿದ್ದಿಕಿಯವರ ಮೃತಶರೀರದ ಸುತ್ತ ನಿಂತುಕೊಂಡಿದ್ದನ್ನು ಕೆಲವು ಚಿತ್ರಗಳು ತೋರಿಸಿವೆ.
ಶಾಂತಿ ಮಾತುಕತೆಗಳು ಸ್ಥಗಿತಗೊಂಡು ಅಫಘಾನ್ ಪಡೆಗಳು ಮತ್ತು ತಾಲಿಬಾನಿಗಳ ನಡುವಿನ ಕಾಳಗ ತೀವ್ರಗೊಂಡಿರುವ ನಡುವೆಯೇ ಸಿದ್ದಿಕಿಯವರ ಶವ ವಿರೂಪಗೊಂಡಿತ್ತು ಎನ್ನುವುದು ಬಹಿರಂಗಗೊಂಡಿದೆ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top