'ನ್ಯೂಜೆ'ಯಿಂದ ಫೇಸ್‌ಬುಕ್‌ ಮೂಲಕ ಬಿಜೆಪಿ ಟೀಕಾಕಾರ ವಿರುದ್ದ ಆಕ್ಷೇಪಾರ್ಹ ವೀಡಿಯೊಗಳ ಪ್ರಸಾರ

ಬಿಜೆಪಿ ಪರ ಪ್ರಚಾರ ನಡೆಸುತ್ತಿರುವ ಅಂಬಾನಿ ಬಂಡವಾಳ ಹೂಡುತ್ತಿರುವ ಸಂಸ್ಥೆ: ಅಲ್‌ಜಝೀರಾ ವರದಿ

-

ಹೊಸದಿಲ್ಲಿ, ಮಾ.14: 2019ರ ಲೋಕಸಭಾ ಚುನಾವಣೆಯಲ್ಲಿ ಗೆಲುವು ಸಾಧಿಸಲು ರಿಲಯನ್ಸ್ ಒಡೆತನದ ಮಾಧ್ಯಮ ಸಂಸ್ಥೆಯೊಂದು ಸಾಮಾಜಿಕ ಜಾಲತಾಣ ಫೇಸ್‌ಬುಕ್ ಮೂಲಕ ನಿರ್ಲಜ್ಜವಾಗಿ ಬಿಜೆಪಿಗೆ ಸಹಕರಿಸಿತ್ತ್ತು ಎಂದು ‘aljazeera.com’ ಬಹಿರಂಗಪಡಿಸಿದೆ.

ಮುಕೇಶ್ ಅಂಬಾನಿಯವರ ರಿಲಯನ್ಸ್ ಗ್ರೂಪ್‌ಗೆಸೇರಿದ ಜಿಯೋ ಫ್ಲಾಟ್‌ಫಾರಂ ಲಿ.ನ ಅಂಗಸಂಸ್ಥೆಯಾದ ನ್ಯೂಜೆ (ನ್ಯೂ ಎಮರ್ಜಿಂಗ್ ವರ್ಲ್ಡ್‌ಆಫ್ ಜರ್ನಲಿಸಂ ಲಿ.) ಸಾಮಾಜಿಕ ಜಾಲತಾಣದಿಂದ ಫೇಸ್‌ಬುಕ್ ಮೂಲಕ ಬಿಜೆಪಿ ಪರವಾದ ಪ್ರಚಾರ ಗಳನ್ನು ನಡೆಸಲಾಗಿತ್ತು ಹಾಗೂ ಬಿಜೆಪಿ ವಿರೋಧಿಗಳ ವಿರುದ್ಧ ಟೀಕಾ ಪ್ರಹಾರ ನಡೆಸಲಾಗುತ್ತಿತ್ತು ಎಂದು ಅಲ್‌ಜಝೀರಾ ನಡೆಸಿದ ಸರಣಿ ತನಿಖಾ ವರದಿಗಳು ಬಹಿರಂಗಪಡಿಸಿವೆ.

2019ರ ಚುನಾವಣೆಗೆ ತಿಂಗಳಿರುವಾಗ ನ್ಯೂ ಜೆ ಜಾಹೀರಾತು ಸಂಸ್ಥೆ ಕೂಡ ಬಿಜೆಪಿ ಸರಕಾರದ ಯೋಜನೆಗಳನ್ನು ಫೇಸ್‌ಬುಕ್ ಜಾಹೀರಾತುಗಳ ಮೂಲಕ ಪ್ರಶಂಸಿಸುವ ಸರಣಿ ವೀಡಿಯೊಗಳನ್ನು ಬಿಡುಗಡೆಗೊಳಿಸಿತ್ತು. ಪ್ರತಿಭಟನೆ ಹಾಗೂ ರೈತರ ಪ್ರತಿಭಟನೆೆ ಸೇರಿದಂತೆ ಕೇಂದ್ರ ಸರಕಾರದ ವಿರುದ್ಧದ ಯಾವುದೇ ಟೀಕೆಯ ವೀಡಿಯೊವನ್ನು ಕಂಪೆನಿ ನಿರಂತರ ಪ್ರಕಟಿಸುತ್ತಿತ್ತು. 2019 ಲೋಕಸಭೆ ಚುನಾವಣೆ ಸಂದರ್ಭ ರಿಲಯನ್ಸ್ ಒಡೆತದ ಜಾಹೀರಾತು ಸಂಸ್ಥೆ ನ್ಯೂಜೆ ಬಿಜೆಪಿ ವಿರೋಧಿ ನಾಯಕರ ಮಾನಹಾನಿಕರ ವೀಡಿಯೊಗಳ ಸರಣಿಯನ್ನು ಬಿಡುಗಡೆ ಮಾಡಿತ್ತು. ಉದಾರಣೆಗೆ ಕಾಂಗ್ರೆಸ್‌ನ ನಾಯಕ ರಾಹುಲ್ ಗಾಂಧಿ ಅವರು ಪಾಕ್ ಭಯೋತ್ಪಾದಕ ಮಸೂದ್ ಅಝರ್‌ನನ್ನು ಮಸೂದ್ ಅಝರ್ ಜೀ ಎಂದು ಗೌರವಾನ್ವಿತವಾಗಿ ಉಲ್ಲೇಖಿಸಿದ್ದಾರೆಂದು ಬಿಂಬಿಸುವ ವೀಡಿಯೊವನ್ನು ಸಾಮಾಜಿಕ ಜಾಲತಾಣದಲ್ಲಿ ಪ್ರಸಾರ ಮಾಡಿಸಿತ್ತು. ಈ ವೀಡಿಯೊವನ್ನು ನಾಲ್ಕು ದಿನಗಳಲ್ಲಿ 650,000 ಜನರು ವೀಕ್ಷಿಸಿದ್ದರು. ಕಾಶ್ಮೀರದ ಮುಖ್ಯಮಂತ್ರಿ ಮೆಹಬೂಬ ಮುಫ್ತಿ ಅವರನ್ನು ಪಾಕಿಸ್ತಾನದ ಬೆಂಬಲಿಗರು ಎಂದು ಇನ್ನೊಂದು ವೀಡಿಯೊದಲ್ಲಿ ಬ್ರಾಂಡ್ ಮಾಡಲಾಗಿತ್ತು. 2020ರ ನವೆಂಬರ್‌ನಲ್ಲಿ ಭಾರತದ ವಿವಾದಾತ್ಮಕ ಪೌರತ್ವ ತಿದ್ದುಪಡಿ ಕಾಯ್ದೆಗೆ ಬೆಂಬಲವನ್ನು ಕ್ರೋಡೀಕರಿಸಲು ನ್ಯೂಡಬ್ಲುಜೆ ಬಾಂಗ್ಲಾದೇಶದಲ್ಲಿ ಹಿಂದೂಗಳ ಮನೆಗಳ ಮೇಲೆ ಮುಸ್ಲಿಮರ ಗುಂಪುಗಳು ದಾಳಿ ನಡೆಸುವ ವೀಡಿಯೊಗಳನ್ನು ಪ್ರಸಾರ ಮಾಡಿತ್ತು. ‘ಮುಸ್ಲಿಮರು ಬಹುಸಂಖ್ಯಾತರಾಗಿರುವ ಬಾಂಗ್ಲಾದೇಶದಲ್ಲಿ ಅಲ್ಪಸಂಖ್ಯಾತ ಹಿಂದೂಗಳು ಆಕ್ರೋಶಕ್ಕೆ ತುತ್ತಾಗುತ್ತಾರೆ’ ಎಂಬ ಶೀರ್ಷಿಕೆಯನ್ನು ವೀಡಿಯೊಗೆ ನೀಡಲಾಗಿತ್ತು.

ನ್ಯೂ ಜೆಯನ್ನು 1 ಲಕ್ಷ ರೂಪಾಯಿ ಬಂಡವಾಳದಲ್ಲಿ 2018 ಜನವರಿಯಲ್ಲಿ ಆರಂಭಿಸಲಾಗಿತ್ತು. ನ್ಯೂಜೆನ ಸಂಸ್ಥಾಪಕ ಶಲಭ್ ಉಪಾಧ್ಯಾಯ ಅವರು ರಿಲಯನ್ಸ್ ಇಂಡಸ್ಟ್ರೀಸ್ ಲಿ. ಮಾಧ್ಯಮ ನಿರ್ದೇಶಕರಾಗಿದ್ದರು ಹಾಗೂ ರಿಲಯನ್ಸ್ ನೆಟ್‌ವರ್ಕ್ 18 ಗ್ರೂಪ್‌ನ ಮಾಜಿ ಅಧ್ಯಕ್ಷ. ಶಲಭ್ ಅವರ ಮಾವ ಸತೀಶ್ ಅವರು ಪಕ್ಷದ ದಿಲ್ಲಿ ಘಟಕದ ಅಧ್ಯಕ್ಷರಾಗಿದ್ದಾರೆ.

ನ್ಯೂ ಜೆಯಲ್ಲಿ ರಿಲಯನ್ಸ್ ಇಂಡಸ್ಟ್ರಿಯಲ್ ಇನ್ವೆಸ್ಟ್‌ಮೆಂಟ್ ಆ್ಯಂಡ್ ಹೋಲ್ಡಿಂಗ್ಸ್ ಲಿಮಿಟೆಡ್ ಶೇ. 75 ಶೇರು ಹೊಂದಿತ್ತು. ರಿಲಯನ್ಸ್ ಸಮೂಹ ಈ ಕಂಪೆನಿಯಲ್ಲಿ 8.4 ಕೋಟಿ ರೂಪಾಯಿ ಹೂಡಿಕೆ ಮಾಡಿತ್ತು. ನ್ಯೂ ಜೆ ಇಂತಹ ವೀಡಿಯೊಗಳನ್ನು ಮುಖ್ಯವಾಗಿ ಫೇಸ್‌ಬುಕ್ ಹಾಗೂ ಯುಟ್ಯೂಬ್‌ನಲ್ಲಿ ಪೋಸ್ಟ್ ಮಾಡುತ್ತಿತ್ತು. 2019ರಲ್ಲಿ ರಿಲಯನ್ಸ್ ಸಮೂಹ ನ್ಯೂ ಜೆಯಲ್ಲಿ ಮತ್ತೆ 12.5 ಕೋಟಿ ರೂಪಾಯಿ ಹೂಡಿಕೆ ಮಾಡಿತು. ರಿಲಯನ್ಸ್ ಇನ್ವೆಸ್ಟ್‌ಮೆಂಟ್ ಹಾಗೂ ಹೋಲ್ಡಿಂಗ್ ಲಿಮಿಟೆಡ್ ಅನ್ನು ಆನಂತರ ಇನ್ನೊಂದು ರಿಲಯನ್ಸ್ ಸಮೂಹ ಜಿಯೋ ಪ್ಲಾಟ್‌ಫಾರ್ಮ್ ಲಿಮಿಟೆಡ್ ಸ್ವಾಧೀನಪಡಿಸಿಕೊಂಡಿತು. ಈ ವೀಡಿಯೊಗಳನ್ನು ನ್ಯೂ ಜೆ ರೂಪಿಸಿತ್ತು ಹಾಗೂ ಫೇಸ್‌ಬುಕ್‌ನಲ್ಲಿ ಪಾವತಿ ಜಾಹೀರಾತಿನಂತೆ ಪೋಸ್ಟ್ ಮಾಡಿತ್ತು. ಈ ಬಗ್ಗೆ ಅಲ್ ಜಝಿರಾ ನ್ಯೂ ಜೆಯನ್ನು ವಿವರಣೆ ನೀಡುವಂತೆ ಕೋರಿತ್ತು. ಇದಕ್ಕೆ ಪ್ರತಿಕ್ರಿಯಿಸಿದ ನ್ಯೂ ಜೆ ನಮ್ಮ ಕೆಲಸ 2019ರ ಚುನಾವಣೆಯ ಬಳಿಕವೂ ಮುಂದುವರಿಯಲಿದೆ ಎಂದು ಹೇಳಿತ್ತು.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top