-

ಮಸೀದಿ ರಕ್ಷಣೆಗೆ ಮಾನವ ಸರಪಳಿ ರಚಿಸಿದ ಕೇಸರಿಧಾರಿ ಯುವಕರು: ವೈರಲ್‌ ಫೋಟೊ ಹಿಂದಿನ ವಾಸ್ತವಾಂಶವೇನು?

-

Photo: twitter/Er_IrshadINC

ಪಾಟ್ನಾ: ಬಿಹಾರದ ಕತಿಹಾರ್ ಜಿಲ್ಲೆಯಲ್ಲಿ ರಾಮ ನವಮಿಯ ಮೆರವಣಿಗೆ ವೇಳೆಯ ಫೋಟೋ ಹಾಗೂ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ಸಾಕಷ್ಟು ವೈರಲ್ ಆಗುತ್ತಿದೆ. ವೈರಲ್‌ ಆಗಿರುವ ವಿಡಿಯೋ ಮತ್ತು ಫೊಟೋದಲ್ಲಿ, ಕತಿಹಾರ್‌ನ ಎಂಜಿ ರಸ್ತೆಯಲ್ಲಿರುವ ಜಾಮಾ ಮಸೀದಿ ಎದುರು ಕೇಸರೀ ಧಾರಿ ಯುವಕರು ಮಾನವ ಸರಪಳಿ ರಚಿಸಿರುವುದನ್ನು ಕಾಣಬಹುದು.

ದೇಶಾದ್ಯಂತ ವಿವಿಧ ರಾಜ್ಯಗಳಲ್ಲಿ ರಾಮನವಮಿ ಮೆರವಣಿಗೆ ವೇಳೆಯಲ್ಲಿ ಮಸೀದಿಗಳಿಗೆ ಹಾನಿಯುಂಟು ಮಾಡಿದ ಹಾಗೂ ಗಲಭೆ ನಡೆದಿರುವ ಹಿನ್ನೆಲೆಯಲ್ಲಿ ಹಿಂದೂ ಯುವಕರು ಮಸೀದಿಗೆ ರಕ್ಷಣೆ ಕೊಡುತ್ತಿದ್ದಾರೆ ಎಂಬ ಅಡಿ ಬರೆಹದೊಂದಿಗೆ ಇದು ವ್ಯಾಪಕ ವೈರಲ್‌ ಆಗಿತ್ತು. 

ಬರಹಗಾರ ಅಸ್ಗರ್ ವಜಾಹತ್‌ನಿಂದ ಹಿಡಿದು ನಟಿ ಸ್ವರಾ ಭಾಸ್ಕರ್ ವರೆಗೆ, ಈ ಚಿತ್ರವನ್ನು ಹಂಚಿಕೊಂಡಿದ್ದು, ಇದನ್ನು ʼಭರವಸೆಯ ಚಿತ್ರʼ ಎಂದು ಬಣ್ಣಿಸುತ್ತಾ, ʼನಮಗೆ ಅಂತಹ ಮಾನವೀಯತೆ ಬೇಕುʼ ಎಂದು ಬರೆದು ಕೊಂಡಿದ್ದರು.

ಆದರೆ, ವೈರಲ್‌ ಆಗಿರುವ ಈ ಚಿತ್ರಕ್ಕೆ ಸಂಬಂಧಿಸಿದಂತೆ, BBC ವಾಸ್ತವಾಂಶ ಏನೆಂದು ತಿಳಿಯಲು ಪ್ರಯತ್ನಿಸಿದೆ. ಈ ಚಿತ್ರದ ನಿಜಾಂಶ ಏನು ಮತ್ತು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗುತ್ತಿರುವ ವಿಷಯಗಳಲ್ಲಿ ಎಷ್ಟು ಸತ್ಯವಿದೆ? ಎನ್ನುವುದನ್ನು ಬಿಬಿಸಿ ಹಿಂದಿ ಫ್ಯಾಕ್ಟ್‌ ಚೆಕ್‌ ಮಾಡಿದೆ. 

ಸಂಘಟಕರು ಹೇಳುವುದೇನು?

ಬಿಹಾರದ ರಾಜಧಾನಿ ಪಾಟ್ನಾದಿಂದ ಸುಮಾರು 300 ಕಿಮೀ ದೂರದಲ್ಲಿರುವ ಕತಿಹಾರ್‌ನಲ್ಲಿ ಏಪ್ರಿಲ್ 10 ರಂದು ರಾಮನವಮಿಯಂದು ಈ ಮೆರವಣಿಗೆ ನಡೆದಿದೆ. ಈ ಮೆರವಣಿಗೆಯನ್ನು ಭಜರಂಗದಳ, ವಿಶ್ವ ಹಿಂದೂ ಪರಿಷತ್ ಮತ್ತು ಇತರ ಹಿಂದುತ್ವ ಸಂಘಟನೆಗಳು ಆಯೋಜಿಸಿದ್ದವು.

ವಿಶ್ವ ಹಿಂದೂ ಪರಿಷತ್ತಿನ ಜಿಲ್ಲಾ ಸಚಿವ ರಿತೇಶ್ ದುಬೆ ಬಿಬಿಸಿ ಹಿಂದಿಗೆ ತಿಳಿಸಿದ ಪ್ರಕಾರ ಅವರು ಮಸೀದಿಯನ್ನು ರಕ್ಷಿಸಲು ಮಾನವ ಸರಪಳಿ ರಚಿಸಿಲ್ಲ. 

"ನಾವು ಮಸೀದಿಯನ್ನು ಉಳಿಸಲು ಮಾನವ ಸರಪಳಿಯನ್ನು ರಚಿಸಲಿಲ್ಲ, ನಮ್ಮ ಮೆರವಣಿಗೆಯಲ್ಲಿ ತೊಡಗಿರುವ ಜನರಿಗೆ ಯಾವುದೇ ರೀತಿಯ ತೊಂದರೆಯಾಗಬಾರದೆಂದು ನಾವು ಮಾನವ ಸರಪಳಿಯನ್ನು ರಚಿಸಿದ್ದೇವೆ" ಎಂದು ರಿತೇಶ್‌ ದುಬೆ ತಿಳಿಸಿದ್ದಾರೆ. 

ಏಳು ಕಿಲೋಮೀಟರ್ ಉದ್ದದ ಮೆರವಣಿಗೆ ಮಧ್ಯಾಹ್ನ 1.30 ರ ಸುಮಾರಿಗೆ ಪ್ರಾರಂಭವಾಗಿ ಸಂಜೆ 7 ಗಂಟೆಗೆ ಕೊನೆಗೊಂಡಿತು. BBC ಯಲ್ಲಿ ಲಭ್ಯವಿರುವ ಫೋಟೋಗಳು ಮತ್ತು ವೀಡಿಯೊಗಳು, ಮೆರವಣಿಗೆಯಲ್ಲಿ ಮಹಿಳೆಯರು ಮತ್ತು ಮಕ್ಕಳು ಸೇರಿದಂತೆ ಹೆಚ್ಚಿನ ಸಂಖ್ಯೆಯ ಜನರು ಭಾಗವಹಿಸಿರುವುದನ್ನು ತೋರಿಸುತ್ತವೆ.

ಈ ಮೆರವಣಿಗೆಯು ಕೂಡಾ ಇತರೆಡೆಯ ರಾಮನವಮಿಯ ಕಾರ್ಯಕ್ರಮಗಳಂತೆ ದೊಣ್ಣೆ ಮತ್ತು ಕತ್ತಿಗಳೊಂದಿಗೆ ಹೊರಟಿದೆ.  ಕತಿಹಾರ್‌ನಲ್ಲಿ ರಾಮನವಮಿ ಮೆರವಣಿಗೆ ಹೊರಡುವ ಮಾರ್ಗದಲ್ಲಿ ಎರಡು ಮಸೀದಿಗಳು ಸಿಗುತ್ತವೆ. ಮೊದಲನೆಯದು ಎಂಜಿ ರಸ್ತೆಯಲ್ಲಿರುವ ಜಾಮಾ ಮಸೀದಿ ಮತ್ತು ಎರಡನೆಯದು ಬಾಟಾ ಚೌಕ್‌ನಲ್ಲಿದೆ. ವೈರಲ್‌ ಆಗಿರುವ ಫೋಟೋ ಮತ್ತು ವಿಡಿಯೋಗಳು ಎಂಜಿ ರಸ್ತೆಯಲ್ಲಿರುವ ಜಾಮಾ ಮಸೀದಿಯ ಮುಂಭಾಗದ್ದು ಎಂದು ಬಿಬಿಸಿ ವರದಿ ಮಾಡಿದೆ. 
ಈ ನಿಟ್ಟಿನಲ್ಲಿ ಮತ್ತೊಬ್ಬ ಆಯೋಜಕ, ಬಜರಂಗದಳದ ವಿಭಾಗ ಸಂಯೋಜಕ ಪವನ್ ಪೊದ್ದಾರ್ ಜೊತೆಗೂ ಬಿಬಿಸಿ ಮಾತನಾಡಿದೆ.    
“ರಾಮನವಮಿಯಂದು ಕಲ್ಲು ತೂರಾಟ ಸಾಮಾನ್ಯವಾಗಿದೆ. ಯಾವುದೇ ಸಮಾಜಘಾತುಕ ಶಕ್ತಿಗಳು ನಮ್ಮ ಮೆರವಣಿಗೆಯನ್ನು ಹಾಳು ಮಾಡಬಾರದು ಎಂಬ ಉದ್ದೇಶದಿಂದ ನಾವು ಈ ಮಾನವ ಸರಪಳಿಯನ್ನು ರಚಿಸಿದ್ದೇವೆ” ಎಂದು ಅವರು ಬಿಬಿಸಿಗೆ ತಿಳಿಸಿದ್ದಾರೆ.

ಹೀಗಾಗಿ ಮಸೀದಿಯ ಭದ್ರತೆಯಂತಹ ಉದ್ದೇಶವೇನೂ ಇದರಲ್ಲಿ ಇರಲಿಲ್ಲ ಎಂದು ಹೇಳಿದ ಪವನ್ ಪೊದ್ದಾರ್, "ಮೆರವಣಿಗೆಯಿಂದ ಮಸೀದಿಗೆ ಯಾವ ಅಪಾಯ ಉಂಟಾಗಬಹುದು? ಯಾವುದೇ ಹಿಂದೂ ಮೊದಲು ಹೊಡೆಯುವುದಿಲ್ಲ.  ಶೋಭಯಾತ್ರೆಯಲ್ಲಿ ಪಾಲ್ಗೊಳ್ಳುವವರಿಗೆ ಯಾವುದೇ ತೊಂದರೆಯಾಗದಂತೆ ನಿಂತಿದ್ದೆವು” ಎಂದಿದ್ದಾರೆ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top