ತಾಂತ್ರಿ‘ಕತೆ’

ಆಂಡ್ರಾಯ್ಡ್-13ನಲ್ಲಿ ಹೊಸ ಆಡಿಯೊ ಫೀಚರ್: ಗೂಗಲ್ ಹೇಳಿದ್ದೇನು..?

ಗೂಗಲ್ ಆಂಡ್ರಾಯ್ಡ್ 13ಗೆ ಹೊಸ ಫೀಚರ್ ತರುತ್ತಿದೆ. ಅದು ಡಿವೈಸ್‌ನ ಸಾಮೀಪ್ಯ ಆಧರಿಸಿ ಆಡಿಯೊ ಔಟ್‌ಪುಟ್ ಅನ್ನು ಬದಲಾಯಿಸಲು ಬಳಕೆದಾರರಿಗೆ ಅನುವು ಮಾಡಿಕೊಡುತ್ತದೆ. ಫೋನ್, ಸ್ಪೀಕರ್‌ಗಳು, ಹೆಡ್‌ಫೋನ್‌ಗಳು, ಟಿವಿ, ಕಾರು ಒಳಗೊಂಡಂತೆ ಹತ್ತಿರದ ಔಟ್‌ಪುಟ್ ಸಾಧನಕ್ಕೆ ಬದಲಾಯಿಸಲು ಅವರ ಅನುಮತಿಯನ್ನು ಕೇಳುವ ಮೂಲಕ ಬಳಕೆದಾರರು ತಮ್ಮ ಫೋನ್‌ಗಳು/ಟ್ಯಾಬ್ಲೆಟ್‌ಗಳಲ್ಲಿ ನೋಟಿಫಿಕೇಷನ್ ಪಡೆಯುತ್ತಾರೆ.
‘‘ನಿಮ್ಮ ಆಡಿಯೊ ವಿಷಯವು ದಿನವಿಡೀ ನಿಮ್ಮೊಂದಿಗೆ ಟ್ರಾವೆಲ್ ಮಾಡಲು ನಾವು ಫೀಚರ್‌ವೊಂದನ್ನು ಅಭಿವೃದ್ಧಿಪಡಿಸುತ್ತಿದ್ದೇವೆ.

ನಿಮ್ಮ ಸಾಧನಗಳಲ್ಲಿನ ನೋಟಿಫಿಕೇಷನ್ ಮೂಲಕ, ನೀವು ಕಾರಿನಲ್ಲಿ ಪಾಡ್‌ಕಾಸ್ಟ್ ಅನ್ನು ಆಲಿಸಲು ಟ್ಯಾಪ್ ಮಾಡಲು ಸಾಧ್ಯವಾಗುತ್ತದೆ, ನಿಮ್ಮ ಫೋನ್ ಮತ್ತು ಹೆಡ್‌ಫೋನ್‌ಗಳಲ್ಲಿ ಮುಂದುವರಿಸಿ ಮತ್ತು ನಿಮ್ಮ ಮನೆಯ ಟಿವಿಯಲ್ಲಿ ಮುಗಿಸಬಹುದು’’ ಎಂದು ಗೂಗಲ್ ತನ್ನ ಬ್ಲಾಗ್ ಪೋಸ್ಟ್‌ನಲ್ಲಿ ಹೇಳಿದೆ.

ಫೀಚರ್ ಹೇಗೆ ಕಾರ್ಯನಿರ್ವಹಿಸಲಿದೆ? ಆಂಡ್ರಾಯ್ಡ್ 13ನಲ್ಲಿ ಫೀಚರ್ ಲಭ್ಯವಾದ ನಂತರ, ಬಳಕೆದಾರರು ತಮ್ಮ ಲೊಕೇಷನ್ ಆಧರಿಸಿ ಆಡಿಯೊ ಔಟ್‌ಪುಟ್ ಸಾಧನವನ್ನು ಬದಲಾಯಿಸಲು ಸಾಧ್ಯವಾಗುತ್ತದೆ. ಉದಾಹರಣೆಗೆ, ನೀವು ಮಲಗುವ ಕೋಣೆಯ ಸ್ಪೀಕರ್‌ನಲ್ಲಿ ನೀವು ಸಂಗೀತ ಅಥವಾ ಪಾಡ್‌ಕಾಸ್ಟ್ ಅನ್ನು ಕೇಳುತ್ತಿದ್ದರೆ ಮತ್ತು ನೀವು ಇನ್ನೊಂದು ಸ್ಪೀಕರ್ ಹೊಂದಿರುವ ಸಾಮಾನ್ಯ ಕೋಣೆಗೆ ಹೋದರೆ ಕಾಮನ್ ರೂಮ್‌ನಲ್ಲಿರುವ ಸ್ಪೀಕರ್‌ನಲ್ಲಿ ನೀವು ಸಂಗೀತವನ್ನು ಕೇಳಲು ಬಯಸುತ್ತೀರಾ ಎಂದು ಕೇಳುವ ನೋಟಿಫಿಕೇಷನ್ ಫೋನ್‌ನಲ್ಲಿ ರಿಂಗಣಿಸುತ್ತದೆ. ನೀವು ಒಪ್ಪಿದರೆ, ಸಾಮಾನ್ಯ ಕೋಣೆಯಲ್ಲಿ ಸಂಗೀತವನ್ನು ಪ್ಲೇ ಮಾಡಲು ಪ್ರಾರಂಭಿಸುತ್ತದೆ.

ಈ ಫೀಚರ್ ಕಳೆದ ವರ್ಷ ಬಿಡುಗಡೆ ಮಾಡಿದ ಕ್ರಾಸ್-ಡಿವೈಸ್ ಸಾಫ್ಟ್‌ವೇರ್ ಡೆವಲಪ್‌ಮೆಂಟ್ ಕಿಟ್ (ಎಸ್‌ಡಿಕೆ) ಅನ್ನು ಬಳಸುತ್ತದೆ ಎಂದು ಗೂಗಲ್ ಹೇಳಿದೆ. ತಂತ್ರಜ್ಞಾನವು ಬ್ಲೂಟೂತ್ ಲೋ ಎನರ್ಜಿ, ವೈ-ಫೈ ಮತ್ತು ಅಲ್ಟ್ರಾ-ವೈಡ್‌ಬ್ಯಾಂಡ್ ಅನ್ನು ಸಹ ಬಳಕೆ ಮಾಡಿಕೊಳ್ಳುತ್ತದೆ ಎಂದು ಗೂಗಲ್ ಹೇಳಿಕೊಂಡಿದೆ.

ಆಂಡ್ರಾಯ್ಡ್ ಬಳಕೆದಾರರಿಗೆ ಸಿಗಲಿದೆ ವಾಟ್ಸ್‌ಆ್ಯಪ್‌ನ ಹೊಸ ಸೌಲಭ್ಯ

ಆಂಡ್ರಾಯ್ಡ್ ಫೋನ್‌ಗಳಲ್ಲಿ ನೀವು ಮಾಡಿರುವ/ಮಾಡಿದ ಚಾಟ್‌ಗಳನ್ನು ಟ್ರಾನ್ಸ್‌ಫರ್ ಮಾಡುವ ವಿಧಾನವನ್ನು ಸುಲಭಗೊಳಿಸಲು ವಾಟ್ಸ್‌ಆ್ಯಪ್ ಕಾರ್ಯೋನ್ಮುಖವಾಗಿದೆ. ತ್ವರಿತ ಸಂದೇಶ ಕಳುಹಿಸುವ ಅಪ್ಲಿಕೇಶನ್ ವಾಟ್ಸ್‌ಆ್ಯಪ್ ಸೆಟ್ಟಿಂಗ್‌ಗಳ ಟ್ಯಾಬ್‌ನಲ್ಲಿ ಹೊಸ ಆಯ್ಕೆಯಲ್ಲಿ ಕಾರ್ಯನಿರ್ವಹಿಸುತ್ತಿದೆ. ಅದು ಕ್ಲೌಡ್ ಅನ್ನು ಬಳಸದೆಯೇ ಹಳೆಯ ಆಂಡ್ರಾಯ್ಡ್ ಫೋನ್‌ನಿಂದ ಹೊಸದಕ್ಕೆ ಚಾಟ್‌ಗಳನ್ನು ಟ್ರಾನ್ಸ್‌ಫರ್ ಮಾಡಲು ಬಳಕೆದಾರರಿಗೆ ಅವಕಾಶ ನೀಡುತ್ತದೆ. ವಾಟ್ಸ್ ಆ್ಯಪ್ ಪ್ರಸಕ್ತ ಚಾಟ್ ಅನ್ನು ಗೂಗಲ್ ಡ್ರೈವ್‌ನಲ್ಲಿ ಬ್ಯಾಕಪ್ ಮಾಡುವ ಮೂಲಕ ಅಥವಾ ಆಂಡ್ರಾಯ್ಡ್ ನಿಂದ ಐಫೋನ್‌ಗೆ ಮೂವ್ ಟು iOS ಅಪ್ಲಿಕೇಶನ್ ಮೂಲಕ ವರ್ಗಾಯಿಸಬಹುದಾಗಿರುತ್ತದೆ.

ವಾಟ್ಸ್‌ಆ್ಯಪ್ ಬೀಟಾ ಆವೃತ್ತಿ 2.23.1.26ನಲ್ಲಿ ಫೀಚರ್ ಟ್ರ್ಯಾಕರ್ WABetaInfo ಮೂಲಕ ಹೊಸ ಫೀಚರ್ ಅನ್ನು ಅಭಿವೃದ್ಧಿಪಡಿಸಲಾಗಿದೆ. ಸೆಟ್ಟಿಂಗ್‌ಗಳ ವಿಭಾಗದಲ್ಲಿ ಆಂಡ್ರಾಯ್ಡ್ ಆಯ್ಕೆಗೆ ಹೊಸ ಚಾಟ್ ವರ್ಗಾವಣೆಯೊಂದಿಗೆ ಹೊಸ ನವೀಕರಣ ಆವೃತ್ತಿಯನ್ನು ಗುರುತಿಸಲಾಗಿದೆ. ಇದು ಚಾಟ್‌ಗಳನ್ನು ಚಲಿಸುವ ಪ್ರಕ್ರಿಯೆಯನ್ನು ಸುಲಭಗೊಳಿಸುತ್ತದೆ, ಏಕೆಂದರೆ ಬಳಕೆದಾರರು ಅದರ ಮೇಲೆ ಕ್ಲಿಕ್ ಮಾಡಿ ಮತ್ತು ತಮ್ಮ ಹೊಸ ಫೋನ್‌ನಲ್ಲಿ ವಾಟ್ಸ್‌ಆ್ಯಪ್ ಅನ್ನು ಇನ್‌ಸ್ಟಾಲ್ ಮಾಡಿದ ನಂತರ ಅವರ ಹಳೆಯ ಫೋನ್‌ನಲ್ಲಿ QR ಕೋಡ್ ಅನ್ನು ಸ್ಕ್ಯಾನ್ ಮಾಡಬೇಕಾಗುತ್ತದೆ.

ಇನ್ನು ಈ ಹೊಸ ಫೀಚರ್ ಅಭಿವೃದ್ಧಿಪಡಿಸುತ್ತಿರುವ ಹಂತದಲ್ಲಿದ್ದು, ಯಾವಾಗ ಈ ಫೀಚರ್ ಬಳಕೆದಾರರಿಗೆ ಸಿಗಲಿದೆ ಎಂಬುದನ್ನು ಕಂಪೆನಿ ಖಚಿತಪಡಿಸಿಲ್ಲ. ಆದರೂ ಒಮ್ಮೆ ಈ ಫೀಚರ್ ಹೊರಬಂದಿದ್ದೇ ಆದಲ್ಲಿ, ಹೊಸ ಆಂಡ್ರಾಯ್ಡ್ ಫೋನ್‌ಗೆ ಬದಲಾಯಿಸುವುದರಿಂದ ಬಳಕೆದಾರರು ಗೂಗಲ್ ಡ್ರೈವ್ ಅನ್ನು ಅವಲಂಬಿಸಬೇಕಾಗಿಲ್ಲ. ನಿಮ್ಮ ಹಳೆಯ ಸಾಧನ ಕಳೆದುಹೋದರೆ ಅಥವಾ ಕೆಲಸ ಮಾಡುವುದನ್ನು ನಿಲ್ಲಿಸಿದಲ್ಲಿ ಕ್ಲೌಡ್ ಬ್ಯಾಕಪ್ ಅನ್ನು ಬಳಸಿಕೊಂಡು ಹೊಸ ಫೋನ್‌ನಲ್ಲಿ ನಿಮ್ಮ ಚಾಟ್ ಹಿಸ್ಟರಿಯನ್ನು ನೀವು ಆಕ್ಸೆಸ್ ಮಾಡಬಹುದಾಗಿದೆ.

ಇನ್ಮುಂದೆ "Delete for everyone'  ಮೆಸೇಜ್ ಸಹ ಓದಬಹುದು!

ಇಂದಿನ ದಿನಗಳಲ್ಲಿ ಎಲ್ಲರೂ ವಾಟ್ಸ್‌ಆ್ಯಪ್ ಬಳಸುತ್ತಾರೆ. ಕಂಪೆನಿಯು ತನ್ನ ಬಳಕೆದಾರರಿಗಾಗಿ ಹೊಸ ಹೊಸ ಫೀಚರ್ಸ್‌ಗಳನ್ನು ಪರಿಚಯಿಸುತ್ತಲೇ ಇರುತ್ತದೆ. ವಾಟ್ಸ್‌ಆ್ಯಪ್ ಹಲವು ಹೊಸ ಫೀಚರ್‌ಗಳನ್ನು ನೀಡಲು ಸಂಸ್ಥೆ ಕಾರ್ಯನಿರ್ವಹಿಸುತ್ತಿದೆ.
ಸಂದೇಶ ಕಳುಹಿಸುವ ಅಪ್ಲಿಕೇಶನ್ ಹೊಸ ಕೆಪ್ಟ್ ಸಂದೇಶಗಳ ವೈಶಿಷ್ಟ್ಯವನ್ನು ಪರೀಕ್ಷಿಸುತ್ತಿರುವುದು ಕಂಡುಬಂದಿದೆ, ಇದು ಬಳಕೆದಾರರಿಗೆ ಕಣ್ಮರೆಯಾಗುವ ಸಂದೇಶಗಳನ್ನು ಉಳಿಸಲು ಅನುಮತಿಸುತ್ತದೆ.

ನಾವು ಮೆಸೇಜ್ ಮಾಡಲು ಹೋಗಿ ತಪ್ಪಿ ಯಾವುದಾದರೂ ಗೂಸ್ ಮೆಸೇಜ್ ಹೋದರೆ ತಕ್ಷಣ ಅದನ್ನು ಅಳಿಸಿ ಹಾಕುತ್ತೇವೆ. ಇದರಿಂದ ನಾವು ಮಾಡಿದ ಮೆಸೇಜ್ ಅನ್ನು ಯಾರಿಗೂ ಓದಲೂ ಸಾಧ್ಯವಾಗುವುದಿಲ್ಲ. ಆದರೆ ಈಗ ಅದು ಬದಲಾಗುತ್ತಿದೆ. ವಾಟ್ಸ್‌ಆ್ಯಪ್ ಈ ಫೀಚರ್ ಕುರಿತಂತೆ ಕಾರ್ಯ ನಿರ್ವಹಿಸುತ್ತಿದೆ. ಇದರ ಮೂಲಕ ಅಳಿಸುವ ಸಂದೇಶವನ್ನು ಓದಲು ಸಾಧ್ಯವಾಗುತ್ತದೆ.

WABetaInfo ತನ್ನ ವರದಿಗಳಲ್ಲಿ ಈ ವೈಶಿಷ್ಟ್ಯವನ್ನು ಬೀಟಾ ಪರೀಕ್ಷಕರಿಗೆ ಇನ್ನೂ ಹೊರತಂದಿಲ್ಲ ಎಂದು ಹೇಳಿಕೊಂಡಿದೆ. ಆದರೆ ಶೀಘ್ರದಲ್ಲೇ ಬೀಟಾಗಾಗಿ ಲೈವ್ ಮಾಡಲಾಗುವುದು. ವೈಶಿಷ್ಟ್ಯವು ಬಂದ ನಂತರ, ನೀವು ಆ ಸಂದೇಶಗಳನ್ನು ಇರಿಸಿಕೊಳ್ಳಲು ಬಯಸುತ್ತೀರಾ ಅಥವಾ ಬೇಡವೇ ಎಂಬುದು ನಿಮ್ಮ ಮೇಲೆ ಅವಲಂಬಿತವಾಗಿರುತ್ತದೆ. ನೀವು ಆ ಸಂದೇಶಗಳನ್ನು ಇರಿಸಿಕೊಳ್ಳಲು ಬಯಸದಿದ್ದರೆ, ನೀವು ಆ ಸಂದೇಶಗಳನ್ನು ‘ಅನ್-ಕೀಪ್’ ಮಾಡಬಹುದು. ಒಮ್ಮೆ ನೀವು ‘ಅನ್-ಕೀಪ್’ ಆಯ್ಕೆಯನ್ನು ಆರಿಸಿದರೆ, ಚಾಟ್ ಶಾಶ್ವತವಾಗಿ ಕಣ್ಮರೆಯಾಗುತ್ತದೆ.

WABetaInfo ಸ್ಕ್ರೀನ್‌ಶಾಟ್ ಅನ್ನು ಹಂಚಿಕೊಂಡಿದೆ. ಅದರಲ್ಲಿ ಬಳಕೆದಾರರು ತಮ್ಮ ಚಾಟ್ ಪಟ್ಟಿಯ ಮೇಲ್ಭಾಗದಲ್ಲಿ 5 ಚಾಟ್‌ಗಳನ್ನು ಪಿನ್ ಮಾಡಬಹುದು ಎಂದು ಹೇಳಲಾಗಿದೆ. ಪ್ರತಿದಿನ ಚಾಟ್‌ಗಳ ಸಂಖ್ಯೆಯನ್ನು ಹೆಚ್ಚಿಸಲು ಹೆಚ್ಚಿನ ಚಾಟ್‌ಗಳನ್ನು ಪಿನ್ ಮಾಡುವ ಆಯ್ಕೆಯನ್ನು ಹೊಂದಿರುವುದು ಬಳಕೆದಾರರಿಗೆ ಪ್ರಮುಖ ಚಾಟ್‌ಗಳೊಂದಿಗೆ ನವೀಕರಿಸಲು ಸಹಾಯ ಮಾಡುತ್ತದೆ. ಶೀಘ್ರದಲ್ಲೇ ವಾಟ್ಸ್‌ಆ್ಯಪ್ ಇದನ್ನು ಆಂಡ್ರಾಯ್ಡ್, iOS ಮತ್ತು ಡೆಸ್ಕ್‌ಟಾಪ್‌ನಲ್ಲಿ ಹೊರತರಬಹುದು ಅಂತ ವಾಟ್ಸ್‌ಆ್ಯಪ್ ಹೇಳಿದೆ.

ಸೊಳ್ಳೆ ಕಚ್ಚಲು ಕಾರಣವೇನು ಗೊತ್ತೇ?!

ಮಳೆಗಾಲ ಬಂದ್ರೆ ಸಾಕು ಶೀತ, ಜ್ವರ, ಕೆಮ್ಮು ಜೊತೆಗೆ ಡೆಂಗಿ, ಮಲೇರಿಯಾ ರೋಗಗಳ ಬಾಧೆ ಶುರುವಾಗುತ್ತದೆ. ಅದರ ಜೊತೆ ಜೊತೆಗೆ ಸೊಳ್ಳೆಗಳ ಕಾಟವೂ ಆರಂಭವಾಗುತ್ತದೆ. ಸೊಳ್ಳೆಗಳು ಹಲವು ಸಲ ಜೀವಕ್ಕೆ ಕುತ್ತು ತರುವಂತಹ ಕಾಯಿಲೆಗಳನ್ನು ಹರಡಿ ಆತಂಕ ಮೂಡಿಸುತ್ತವೆ. ಹಾಗಾದರೆ ಈ ಸೊಳ್ಳೆಗಳು ಮನುಷ್ಯನನ್ನು ಕಚ್ಚುವುದೇಕೆ.? ಈ ಪ್ರಶ್ನೆಗೆ ವಿಜ್ಞಾನಿಗಳು ಉತ್ತರ ನೀಡಿದ್ದಾರೆ.

‘‘ಅಪ್ಪಾ, ಈ ಸೊಳ್ಳೆಗಳ ಕಾಟ ಸಾಕಾಯ್ತು’’ ಅಂತ ಕೆಲವರು ಗೊಣಗುತ್ತಲೇ ಇರುತ್ತಾರೆ. ಕೆಲವರು ಅವು ತಮ್ಮ ಹಸಿವನ್ನು ನೀಗಿಸಿಕೊಳ್ಳಲು ಮನುಷ್ಯನನ್ನು ಕಚ್ಚುತ್ತವೆ ಅನ್ನೋದು ಸಾಮಾನ್ಯವಾಗಿ ಹೇಳುವ ಉತ್ತರ, ಆದರೆ ಇಲ್ಲ ಎನ್ನುತ್ತಾರೆ ವಿಜ್ಞಾನಿಗಳು. ಸಾಮಾನ್ಯವಾಗಿ ಹೆಣ್ಣು ಸೊಳ್ಳೆಗಳಷ್ಟೇ ಮನುಷ್ಯರ ದೇಹದಲ್ಲಿ ಮೊಟ್ಟೆಗಳನ್ನು ಇಡುತ್ತವಂತೆ. ಸೊಳ್ಳೆಗಳಿಗೆ ಮೊಟ್ಟೆ ಇಡಲು ನೆರವಾಗುವ ಅಂಶ ಮನುಷ್ಯರ ರಕ್ತದಲ್ಲಿರುತ್ತದೆ. ಹೀಗಾಗಿ ಹೆಣ್ಣು ಸೊಳ್ಳೆಗಳಷ್ಟೇ ಮನುಷ್ಯರ ಮೇಲೆ ದಾಳಿಗೈದು ರಕ್ತ ಹೀರುತ್ತವೆ ಅಂತ ಸಂಶೋಧನೆಯೊಂದರಲ್ಲಿ ಗೊತ್ತಾಗಿದೆ.

ಸೊಳ್ಳೆ ಕಚ್ಚುವುದರ ಹಿಂದಿನ ವೈಜ್ಞಾನಿಕ ಕಾರಣ

1.ಸೊಳ್ಳೆಗಳು ಕೆಲವು ರಕ್ತದ ಗುಂಪುಗಳಿಗೆ ವಿಶೇಷವಾಗಿ ಆಕರ್ಷಿತವಾಗುತ್ತವೆ. ರಕ್ತದ ಗುಂಪನ್ನು ಜೆನೆಟಿಕ್ ಶಾಸ್ತ್ರದಿಂದ ನಿರ್ಧರಿಸಲಾಗುತ್ತದೆ. ಸೊಳ್ಳೆಗಳ ಆಹಾರದ ನಡವಳಿಕೆಯನ್ನು ಗಮನಿಸಿದಾಗ ಸೊಳ್ಳೆಗಳು ಇತರ ರಕ್ತದ ಗುಂಪುಗಳಿಗಿಂತ ‘ಒ’ ಗುಂಪಿನ ರಕ್ತವನ್ನು ಹೆಚ್ಚು ಹೀರುತ್ತವೆ ಎಂದು ಸಂಶೋಧನೆ ಹೇಳಿದೆ.

2.ಸೊಳ್ಳೆಗಳು ಗಾಢ ಬಣ್ಣಕ್ಕೆ ಬೇಗ ಆಕರ್ಷಿತವಾಗುತ್ತವಂತೆ. ಸೊಳ್ಳೆಗಳು ಗಾಢ ಬಣ್ಣದ ಬಟ್ಟೆ ಧರಿಸಿದವರನ್ನು ಹೆಚ್ಚು ಕಚ್ಚುತ್ತವೆ. ಏಕೆಂದರೆ ಇವುಗಳ ದೃಷ್ಟಿಗೆ ಮೊದಲು ಬೀಳುವುದೇ ಗಾಢ ಬಣ್ಣ. ಕಪ್ಪುಬಣ್ಣದ ಬಟ್ಟೆ ಧರಿಸುವುದರಿಂದ ಸೊಳ್ಳೆಗಳು ಹೆಚ್ಚು ಕಚ್ಚುತ್ತವೆ ಎಂದು ಸಂಶೋಧನೆ ಹೇಳಿದೆ

3.ನಾವು ಉಸಿರಾಡುವಾಗ ಕಾರ್ಬನ್ ಡೈಆಕ್ಸೈಡ್ ಹೊರಬರುತ್ತೆ. ನಮ್ಮ ಚರ್ಮದಿಂದಲೂ ಸಣ್ಣ ಪ್ರಮಾಣದ ಉಸಿರಾಟ ಕ್ರಿಯೆ ಇರುತ್ತದೆ. ಅಲ್ಲಿಂದಲೂ ಕಾರ್ಬನ್ ಡೈ ಆಕ್ಸೈಡ್ ಬಿಡುಗಡೆಯಾಗುತ್ತದೆ. ಇದು ಸೊಳ್ಳೆಗಳಿಗೆ ನಮ್ಮ ಇರುವಿನ ಸುಳಿವು ನೀಡುತ್ತದಂತೆ. ಈ ಮೂಲಕವೇ ಅವು ಆ ವ್ಯಕ್ತಿಯ ರಕ್ತ ಪ್ರಿಯವೋ ಅಲ್ಲವೋ ಎಂಬುದನ್ನು ಗ್ರಹಿಸುತ್ತವಂತೆ.

4.ಸೊಳ್ಳೆಗಳು ಕೇವಲ ಕಾರ್ಬನ್ ಡೈಆಕ್ಸೈಡ್‌ಗಿಂತ ಇತರ ಪದಾರ್ಥಗಳು ಮತ್ತು ಸಂಯುಕ್ತಗಳಿಗೆ ಹೆಚ್ಚು ಆಕರ್ಷಿತವಾಗುತ್ತವೆ. ಲ್ಯಾಕ್ಟಿಕ್ ಆ್ಯಸಿಡ್, ಯೂರಿಕ್ ಆ್ಯಸಿಡ್ ಮತ್ತು ಅಮೋನಿಯಾ ಸೇರಿದಂತೆ ಮಾನವನ ಚರ್ಮದ ಮೇಲೆ ಮತ್ತು ಬೆವರಿನಲ್ಲಿರುವ ಇತರ ಪದಾರ್ಥಗಳ ವಾಸನೆಯ ಮೂಲಕ ಸೊಳ್ಳೆಗಳು ಆಕರ್ಷಿತವಾಗಿ ಜನರನ್ನು ಕಚ್ಚುತ್ತವೆ.

5.ಕೆಲವು ಅಧ್ಯಯನಗಳ ಪ್ರಕಾರ ಮದ್ಯಪಾನ ಮಾಡಿದರೆ ಸೊಳ್ಳೆಗಳು ಹೆಚ್ಚು ಕಚ್ಚುತ್ತವೆ. ಏಕೆಂದರೆ ಮದ್ಯಪಾನ ಮಾಡಿದಾಗ ಮನುಷ್ಯನ ದೇಹ ತುಂಬಾ ಬಿಸಿಯಾಗಿರುವುದರಿಂದ ಸೊಳ್ಳೆಗಳಿಗೂ ಇವರನ್ನು ಕಂಡುಹಿಡಿಯುವುದು ತುಂಬಾ ಸುಲಭದ ಕೆಲಸವಾಗಿರುತ್ತದೆ ಎಂದು ಸಂಶೋಧನೆಗಳು ತಿಳಿಸುತ್ತವೆ.

ವಿಜ್ಞಾನವೇ ಹಾಗೆ, ಕುತೂಹಲಗಳನ್ನು ಮೈಗೂಡಿಸಿಕೊಂಡಿರುವ ಲೋಕ. ಪ್ರಶ್ನೆಗಳನ್ನು ಹುಟ್ಟಿಸುತ್ತದೆ. ಹಾಗೆಯೇ ಉತ್ತರವನ್ನು ಕಂಡುಕೊಳ್ಳಲು ದಾರಿಯನ್ನು ತೋರಿಸುತ್ತಿದೆ. ಇದನ್ನು ಗಮನದಲ್ಲಿಟ್ಟುಕೊಂಡು, ಕೆಲವು ವಿಸ್ಮಯವಾದ ವೈಜ್ಞಾನಿಕ ಸಂಗತಿಗಳನ್ನು ಇಲ್ಲಿ ಕೊಡಲಾಗಿದೆ.

• 2000 ಕಿಲೋಮೀಟರ್‌ಗಿಂತಲೂ ಹೆಚ್ಚು ಉದ್ದದಲ್ಲಿ, ಗ್ರೇಟ್ ಬ್ಯಾರಿಯರ್ ರೀಫ್ ಭೂಮಿಯ ಮೇಲಿನ ಅತಿದೊಡ್ಡ ಜೀವಂತ ರಚನೆ.
• ಸರಾಸರಿ ವ್ಯಕ್ತಿಯು ಜೀವಿತಾವಧಿಯಲ್ಲಿ ಪ್ರಪಂಚದಾದ್ಯಂತ ಐದು ಬಾರಿ ಸಮಾನವಾದ ದೂರವನ್ನು ನಡೆದುಕೊಳ್ಳುತ್ತಾನೆ.
• ಮಾನವ ದೇಹದಲ್ಲಿ 62,000 ಮೈಲುಗಳಷ್ಟು ರಕ್ತನಾಳಗಳಿವೆ; ಇವುಗಳನ್ನು ಉದ್ದಕ್ಕೆ ಒಂದೊಂದಾಗಿ ಜೋಡಿಸಿದರೆ, ಅವು ಭೂಮಿಯನ್ನು 2.5 ಬಾರಿ ಸುತ್ತಬಹುದು.
• ಫೋಟಾನ್ ಸೂರ್ಯನ ಮಧ್ಯಭಾಗದಿಂದ ಅದರ ಮೇಲ್ಮೈಗೆ ಪ್ರಯಾಣಿಸಲು 40,000 ವರ್ಷಗಳನ್ನು ತೆಗೆದುಕೊಳ್ಳಬಹುದು, ಆದರೆ ಭೂಮಿಯ ಕಡೆಗೆ ಪ್ರಯಾಣಿಸಲು ಕೇವಲ 8 ನಿಮಿಷಗಳು.
• ಅಟ್ಲಾಂಟಿಕ್ ಮಹಾಸಾಗರದಲ್ಲಿ ಎಷ್ಟು ಟೀಚಮಚ ನೀರು ಇರುತ್ತದೋ ಅದರ 8 ಪಟ್ಟು ಹೆಚ್ಚು ಪರಮಾಣುಗಳು ಒಂದು ಟೀಚಮಚ ನೀರಿನಲ್ಲಿ ಇರುತ್ತವೆ.
• ಬ್ರಹ್ಮಾಂಡವು ಸರಿಸುಮಾರು 50,000,000,000 ಗೆಲಾಕ್ಸಿಗಳನ್ನು ಹೊಂದಿದೆ.
• ಆವರ್ತಕ ಕೋಷ್ಟಕದಲ್ಲಿ ಕಂಡುಬರದ ಏಕೈಕ ಅಕ್ಷರವೆಂದರೆ ‘ಎ’ ಅಕ್ಷರ.
• ಮಾನವನ ಮೆದುಳು ಶೇ. 80 ನೀರನ್ನು ಹೊಂದಿರುತ್ತದೆ.
• ಭೂಮಿಯ ಮೇಲ್ಮೈಯಲ್ಲಿರುವ ಮನುಷ್ಯರಿಗಿಂತ ಒಬ್ಬ ವ್ಯಕ್ತಿಯ ಚರ್ಮದ ಮೇಲೆ ಹೆಚ್ಚು ಜೀವಂತ ಜೀವಿಗಳಿವೆ.