ಓ ಮೆಣಸೇ...

ಸರಕಾರದ ಆದೇಶದಂತೆ ವೈದ್ಯಕೀಯ ಶಿಕ್ಷಣ ಸಂಸ್ಥೆಗಳು ವಿದ್ಯಾರ್ಥಿಗಳಿಗೆ ಕನ್ನಡವನ್ನು ಒಂದು ಭಾಷೆಯಾಗಿ ಕಲಿಸಬೇಕು
-ಟಿ.ಎಸ್. ನಾಗಾಭರಣ, ಕನ್ನಡ ಅಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷರು
ಮೊದಲು ವೈದ್ಯರಿಗೆ ಜನ ಸಾಮಾನ್ಯರಿಗೆ ಅರ್ಥವಾಗುವಂತೆ ಇಂಗ್ಲಿಷ್ ಭಾಷೆಯಲ್ಲಿ ಬರೆಯಲು ಕಲಿಸಬೇಕಾಗಿದೆ. 


ನಾನು ರಾಜಕೀಯ ವ್ಯಕ್ತಿಯಲ್ಲ

- ರಂಜನ್ ಗೊಗೊಯಿ, ಸುಪ್ರೀಂ ಕೋರ್ಟ್‌ನ ನಿವೃತ್ತ ನ್ಯಾಯಮೂರ್ತಿ

 ಅತ್ತ ನ್ಯಾಯಾಂಗದ ವ್ಯಕ್ತಿಯೂ ಅಲ್ಲ ಎನ್ನುವುದನ್ನು ಈಗಾಗಲೇ ನಿರೂಪಿಸಿದ್ದೀರಿ.


ಆತ್ಮನಿರ್ಭರ ಭಾರತ್ ಅಭಿಯಾನದಡಿ ಪ್ಲಾಸ್ಟಿಕ್ ಆಟಿಕೆಗಳನ್ನು ದೇಶೀಯವಾಗಿ ತಯಾರಿಸಬೇಕು
- ನರೇಂದ್ರ ಮೋದಿ, ಪ್ರಧಾನಿ
 ಇವಿಎಂ ಬಗ್ಗೆ ಮಾತನಾಡುತ್ತಿರಬೇಕು.


ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್‌ಗೆ ಯಾವುದೇ ಸಿದ್ಧಾಂತಗಳಿಲ್ಲ, ಅವರೊಬ್ಬ ಕಟುಕ

- ಮಿರಿಯಾನಿ ಟ್ರಂಪ್, ಡೊನಾಲ್ಡ್ ಟ್ರಂಪ್ ಸಹೋದರಿ
  ಕಟುಕರಿಗಷ್ಟೇ ಅಮೆರಿಕದಲ್ಲಿ ಮಾರುಕಟ್ಟೆಯಿರುವುದು.


ಕಾಂಗ್ರೆಸ್‌ನಲ್ಲಿ ಗಾಂಧಿ ಕುಟುಂಬದ ನಾಯಕತ್ವವನ್ನು ಕೆಲವರು ಪ್ರಶ್ನಿಸುತ್ತಿರುವುದು ದುರದೃಷ್ಟಕರ

- ಸಿದ್ದರಾಮಯ್ಯ, ಮಾಜಿ ಮುಖ್ಯಮಂತ್ರಿ
 ಪ್ರಶ್ನೆಗಳಿಗೆ ಗಾಂಧಿ ಕುಟುಂಬ ಉತ್ತರ ಕೊಡದೇ ಇರುವುದೂ ದುರದೃಷ್ಟಕರವೇ ಆಗಿದೆ.


ಫೋನ್ ಟಾಪಿಂಗ್‌ನಲ್ಲಿ ಬಿಜೆಪಿಯವರು ಎಕ್ಸ್‌ಪರ್ಟ್

-ಡಿ.ಕೆ.ಸುರೇಶ್, ಸಂಸದ
 ಜನರಿಗೆ ಗೊತ್ತಾಗಬಾರದ್ದು ಅಂತಹದೇನು ಮಾತನಾಡಿದ್ದೀರಿ ಫೋನ್‌ನಲ್ಲಿ?


 ಕಾಂಗ್ರೆಸ್‌ಗೆ ಸರ್ವರೂ ಒಪ್ಪುವಂತಹ ನಾಯಕತ್ವ ಬೇಕೇ ಹೊರತು ಯಾರೋ ಕೆಲವರು ಒಪ್ಪಿದಂತಹ ನಾಯಕರಲ್ಲ
-ಸಲ್ಮಾನ್ ಖುರ್ಷಿದ್, ಕಾಂಗ್ರೆಸ್ ಮುಖಂಡ
  ಎಲ್ಲರೂ ಒಪ್ಪುವ ಒಂದು ಸಿದ್ಧಾಂತದ ಅಗತ್ಯವೂ ಕಾಂಗ್ರೆಸ್‌ಗಿದೆ.


ಅಪ್ಪಾಜಿ ಹೇಳಿರುವಂತೆ ಕಲಿಯೋಕೆ ಕೋಟಿಭಾಷೆ, ಆಡೋಕೆ ಒಂದೇ ಭಾಷೆ. ಅದು ಕನ್ನಡ

- ಶಿವರಾಜ್ ಕುಮಾರ್, ನಟ

 ಅದಕ್ಕೇ ಬಹುಶಃ ಕನ್ನಡ ಕಲಿಯುವುದಕ್ಕೆ ಅಡ್ಡಿ ಪಡಿಸುತ್ತಿರಬೇಕು, ಬರೇ ಆಡಿದರೆ ಸಾಕು, ಕಲಿಯುವುದು ಬೇಡ ಅಂತ.


ರಾಜ್ಯ ಕಾಂಗ್ರೆಸ್ ಸೋನಿಯಾ ಗಾಂಧಿ ನಾಯಕತ್ವ ಮತ್ತು ಗಾಂಧಿ ಕುಟುಂಬದ ಬೆನ್ನಿಗೆ ನಿಲ್ಲಲಿದೆ
- ಡಿ.ಕೆ.ಶಿವಕುಮಾರ್, ಕೆಪಿಸಿಸಿ ಅಧ್ಯಕ್ಷ
 ಗಾಂಧಿ ಕುಟುಂಬದ ಬೆನ್ನು ತುಂಬಾ ಚೂರಿ ಹಾಕಿದ ಗಾಯಗಳಿವೆ, ಎಚ್ಚರಿಕೆ.


ಬಿಹಾರದ ಮತದಾರರು ಜಿಜೆಪಿ ಮೇಲೆ ಮಾತ್ರ ಅಪಾರ ಆಶಾ ಭಾವನೆ ಹೊಂದಿದ್ದಾರೆ

- ಜೆ.ಪಿ.ನಡ್ಡಾ, ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ

ಲಾಕ್‌ಡೌನ್ ಸಂದರ್ಭದಲ್ಲಿ ಅನುಭವಿಸಿದ ಸುಖಸಂತೋಷಗಳನ್ನು ಮತ್ತೊಮ್ಮೆ ಅನುಭವಿಸುವ ಆಸೆಯಿರಬೇಕು ಅವರಿಗೆ.


ಬಿ.ಎಲ್. ಸಂತೋಷ್ ಮತ್ತು ಮುಖ್ಯಮಂತ್ರಿ ಯಡಿಯೂರಪ್ಪನವರ ಭೇಟಿಯ ಸಂದರ್ಭದಲ್ಲಿ ಸಿಎಂ ಬದಲಾವಣೆ ಬಗ್ಗೆ ಚರ್ಚೆಯಾಗಿಲ್ಲ

- ಬಿ.ವೈ. ವಿಜಯೇಂದ್ರ, ಬಿಜೆಪಿ ಉಪಾಧ್ಯಕ್ಷ

ಚರ್ಚೆ ಮಾಡದೆಯೇ ಸಿಎಂನ್ನು ಕಿತ್ತು ಹಾಕುವ ಸಂಚು ನಡೆಯುತ್ತಿರಬೇಕು.


ಕಾಂಗ್ರೆಸ್‌ನ ತುಷ್ಟೀಕರಣದ ರಾಜಕೀಯ ದೇಶವನ್ನು ಹಾಳುಮಾಡುತ್ತಿದೆ

-ಜಗದೀಶ್ ಶೆಟ್ಟರ್, ಸಚಿವ
  ಈಗಲೂ ದೇಶವನ್ನು ಕಾಂಗ್ರೆಸ್ ಆಳುತ್ತಿದೆಯೇ?


 ಬ್ರಿಟಿಷರ ವಿರುದ್ಧ ಹೋರಾಟದಲ್ಲಿ ಪ್ರಮುಖ ಪಾತ್ರ ವಹಿಸಿದ್ದ ಸಂಗೊಳ್ಳಿ ರಾಯಣ್ಣ ನಮಗೆಲ್ಲ ಮಾದರಿ ವ್ಯಕ್ತಿ
-ರಮೇಶ್ ಜಾರಕಿಹೊಳಿ, ಸಚಿವ
 ಆದರೆ ಬ್ರಿಟಿಷರ ವಿರುದ್ಧ ಹೋರಾಡದವರಿಗೆ ಒಂದಿಷ್ಟು ತಕರಾರುಗಳಿವೆ.


ನನಗೆ ಬಿಜೆಪಿ ಜೊತೆ ಸಂಬಂಧವಿದೆ ಎಂದು ಸಾಬೀತು ಪಡಿಸಿದಲ್ಲಿ ಕಾಂಗ್ರೆಸ್‌ಗೆ ರಾಜೀನಾಮೆ ನೀಡಲು ಸಿದ್ಧನಿದ್ದೇನೆ

- ಗುಲಾಂ ನಬಿ ಆಝಾದ್, ಕಾಂಗ್ರೆಸ್ ಮುಖಂಡ
  ಈವರೆಗೆ ಕಾಂಗ್ರೆಸ್‌ನೊಳಗಿದ್ದೇ ಪಕ್ಷವನ್ನು ನಾಶ ಪಡಿಸಿರುವುದು ಬಿಜೆಪಿಯ ಜೊತೆಗಿರುವ ಸಂಬಂಧಕ್ಕೆ ಸಾಕ್ಷಿಯಲ್ಲವೇ?


 ಕಾಂಗ್ರೆಸ್ ಮುನ್ನಡೆಸಲು ಗಾಂಧಿ ಕುಟುಂಬವೇ ಸೂಕ್ತ
- ಜನಾರ್ದನ ಪೂಜಾರಿ, ಕಾಂಗ್ರೆಸ್ ನಾಯಕ
  
 ದೇಶವನ್ನು ಮುನ್ನಡೆಸಲು ಮಾತ್ರ ಮೋದಿ ಸಾಕು ಎನ್ನುವ ಇಂಗಿತವಿರಬಹುದು.


ನನ್ನ ಕೆಲಸದಲ್ಲಿ ಬಿ.ಎಲ್. ಸಂತೋಷ್ ಹಸ್ತಕ್ಷೇಪ ನಡೆಸುತ್ತಿಲ್ಲ
- ನಳಿನ್‌ಕುಮಾರ್ ಕಟೀಲು, ಸಂಸದ

ಅವರೇ ನೇರವಾಗಿ ನಿಮ್ಮ ಕೆಲಸವನ್ನು ಮಾಡುತ್ತಿದ್ದಾರೆ ಎನ್ನುವುದು ಸುದ್ದಿ.


ಕರಾವಳಿ ಭಾಗದಲ್ಲಿ ಯುವಕರು ಮತ್ತು ವಿದ್ಯಾವಂತರು ಅಮಲು ಪದಾರ್ಥಗಳ ವ್ಯಸನಿಗಳಾಗಬಾರದು

- ಬಸವರಾಜ್ ಬೊಮ್ಮಾಯಿ, ಸಚಿವ
 ಮುಖ್ಯವಾಗಿ ಕೋಮು ಅಮಲು ವ್ಯಸನಿಗಳಾಗಬಾರದು.


ಮೆಕಾಲೆ ಶಿಕ್ಷಣ ವ್ಯವಸ್ಥೆಗೆ ವಿದಾಯ ಹೇಳುವ ಕ್ಷಣ ಸನ್ನಿಹಿತವಾಗಿದೆ

- ಸುರೇಶ್ ಕುಮಾರ್, ಸಚಿವ
  ಅಂದರೆ ಶೂದ್ರ, ದಲಿತರಿಗೆ ಮತ್ತೆ ಶಿಕ್ಷಣ ಗಗನ ಕುಸುಮವೇ?


 ನಾನು ಹುಚ್ಚ. ನಾನೇ ಬೇರೆ, ನನ್ನ ದಾರಿನೇ ಬೇರೆ, ನನ್ನ ಸ್ಟೈಲೇ ಬೇರೆ
- ವಿ.ಸೋಮಣ್ಣ, ಸಚಿವ
  ಎಲ್ಲ ಹುಚ್ಚರ ದಾರಿ, ಸ್ಟೈಲ್ ಬೇರೆಯೇ ಆಗಿರುತ್ತದೆ.


ನೆರೆ ಸಂತ್ರಸ್ತರಿಗೆ ಸಾಲ ತಂದಾದರೂ ಪರಿಹಾರ ಕೊಡುವೆ

-ಯಡಿಯೂರಪ್ಪ, ಮುಖ್ಯಮಂತ್ರಿ
 ಅದಕ್ಕಿಂತ, ಕರ್ನಾಟಕಕ್ಕೆ ಸಿಗಬೇಕಾಗಿರುವ ತೆರಿಗೆ ಹಣವನ್ನು ಕೇಂದ್ರದಿಂದ ವಸೂಲಿ ಮಾಡಿ ತನ್ನಿ.


ರಾಜ್ಯದಲ್ಲಿ ಪ್ರವಾಹ, ಕೋವಿಡ್ ನಿರ್ವಹಣೆಗೆ ಹಣದ ಕೊರತೆ ಇಲ್ಲ

- ಆರ್. ಅಶೋಕ್, ಸಚಿವ
  ಬಹುಶಃ ಹೆಣದ ಕೊರತೆಯಿಲ್ಲ ಎಂದಿರಬೇಕು. ಮುದ್ರಣ ದೋಷ.


ಸೋನಿಯಾ ಗಾಂಧಿ ನಮಗೆ ತಾಯಿ ಇದ್ದಂತೆ

- ವೀರಪ್ಪ ಮೊಯ್ಲಿ, ಕಾಂಗ್ರೆಸ್ ಮುಖಂಡ
  ತಾಯಿಯನ್ನು ವೃದ್ಧಾಶ್ರಮಕ್ಕೆ ಸೇರಿಸುವ ಉದ್ದೇಶವೇನಾದರೂ ಇದೆಯೇ?


  ಬಿಜೆಪಿಯಲ್ಲಿರುವ ಕಮ್ಯುನಿಸ್ಟ್ ಪಕ್ಷದವ ಎಂದು ಕಮ್ಯುನಿಸ್ಟರು ಯಾವಾಗಲೂ ನನ್ನನ್ನು ತಮಾಷೆ ಮಾಡುತ್ತಿರುತ್ತಾರೆ

  - ವರುಣ್ ಗಾಂಧಿ, ಸಂಸದ

ಬಹುಶಃ ಕಮ್ಯುನಿಸ್ಟ್ ಪಕ್ಷದಲ್ಲಿರುವ ಬಿಜೆಪಿಯವರು ಹಾಗೆ ತಮಾಷೆ ಮಾಡುತ್ತಿರಬೇಕು.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top