ಓ ಮೆಣಸೇ... | Vartha Bharati- ವಾರ್ತಾ ಭಾರತಿ

--

ಓ ಮೆಣಸೇ...

ಬಾಂಗ್ಲಾದೇಶದ ಸ್ವಾತಂತ್ರಕ್ಕಾಗಿ ಪ್ರತಿಭಟಿಸಿ ನಾನು ಜೈಲಿಗೆ ಹೋಗಿದ್ದೆ - ನರೇಂದ್ರ ಮೋದಿ, ಪ್ರಧಾನಿ
ಅಲ್ಲೇ ಇದ್ದಿದ್ದರೆ ಭಾರತದ ರೈತರು ವಿಮೋಚನೆಗಾಗಿ ಹೋರಾಡುವ ಅಗತ್ಯ ಬೀಳುತ್ತಿರಲಿಲ್ಲ.


ಮೇ 2ರ ಬಳಿಕ ಯಾವುದೇ ಕ್ಷಣದಲ್ಲಿ ರಾಜ್ಯದಲ್ಲಿ ಮುಖ್ಯಮಂತ್ರಿ ಸ್ಥಾನ ಬದಲಾವಣೆ ಆಗಲಿದೆ - ಬಸನಗೌಡ ಪಾಟೀಲ್ ಯತ್ನಾಳ್,ಶಾಸಕ
ನಿಮ್ಮಲ್ಲಿರುವ ಸಿಡಿಯಲ್ಲಿ ಕ್ಲೈಮಾಕ್ಸ್ ದೃಶ್ಯಗಳಿರಬೇಕು.


ಅರಣ್ಯದ ನಿಖರ ಚಿತ್ರ ತಿಳಿಯಲು ಲಿಡಾರ್ ತಂತ್ರಜ್ಞಾನ ಸಮೀಕ್ಷೆ ನಡೆಸಲು ನಿರ್ಧರಿಸಲಾಗಿದೆ- ಪ್ರಕಾಶ್ ಜಾವಡೇಕರ್, ಕೇಂದ್ರ ಸಚಿವ
ಹೀಗೆ ಅರಣ್ಯ ನಾಶ ಮಾಡುತ್ತಾ ಹೋದರೆ ಅರಣ್ಯದ ಚಿತ್ರವನ್ನಷ್ಟೇ ನೋಡಬೇಕಾದೀತು.


ಬಿಜೆಪಿ ಮಾತ್ರ ಕೇರಳಕ್ಕೆ ವೇಗದ ಪ್ರಗತಿ ನೀಡಬಲ್ಲದು - ತೇಜಸ್ವಿ ಸೂರ್ಯ, ಸಂಸದ
ಭಾರತದ ಪ್ರಗತಿಯ ವೇಗ ಯಾಕೆ ನಿಧಾನವಾಯಿತು? ಅದಕ್ಕೆ ಉತ್ತರಿಸಿ.


ಎಸ್‌ಐಟಿ ಸ್ವತಂತ್ರ ಸಂಸ್ಥೆ, ಯಾರದ್ದೂ ಕೈಗೊಂಬೆಯಲ್ಲ - ಬಸವರಾಜ್ ಬೊಮ್ಮಾಯಿ, ಸಚಿವ
ಆದರೆ ಸರಕಾರ ಮಾತ್ರ ಸಿಡಿಗಳ ಕೈಗೊಂಬೆಯಾಗಿ ಬಿಟ್ಟಿದೆ ಎನ್ನುತ್ತಿದ್ದಾರೆ.


ಸಾಧು ಸಂತರು, ಶಾಸಕರು, ಸಂಸದರ ಮನವಿ ಆಧರಿಸಿ ಮುಖ್ಯಮಂತ್ರಿ ಯಡಿಯೂರಪ್ಪ ಮಠಮಂದಿರಗಳಿಗೆ ಒಂದೇ ಕಂತಿನಲ್ಲಿ 80 ಕೋಟಿ ರೂ. ಅನುದಾನ ಬಿಡುಗಡೆ ಮಾಡಿದ್ದಾರೆ -ಕೋಟ ಶ್ರೀನಿವಾಸ್ ಪೂಜಾರಿ, ಸಚಿವ
ಮಠಗಳಿಲ್ಲದ ಜಾತಿಗಳು ಅಭಿವೃದ್ಧಿಯಾಗುವ ಅಗತ್ಯವಿಲ್ಲವೇ?


ಜೀವನದಲ್ಲಿ ಎತ್ತರವಾಗಬೇಕು ಎಂದು ಭಾವಿಸುವವರು ದೇವರಿಗೆ ಹತ್ತಿರವಾಗಬೇಕು - ರಾಘವೇಶ್ವರ ಭಾರತಿ ಸ್ವಾಮೀಜಿ, ರಾಮಚಂದ್ರಾಪುರ ಮಠ
ಹಾಗೆಂದು ಹತ್ತಿರವಾದವರೆಲ್ಲ ಕೋರ್ಟ್ ಮೆಟ್ಟಿಲೇರಿದ್ದಾರಲ್ಲ?


ಸರಕಾರದಲ್ಲಿ ಒಮ್ಮಮ್ಮೆ ಒಂದೊಂದು ಕಾಲ. ಒಮ್ಮೆ ಮಳೆಗಾಲ, ಒಮ್ಮೆ ಚಳಿಗಾಲ, ಈಗ ‘ಸಿಡಿ’ ಕಾಲ - ಎಚ್.ವಿಶ್ವನಾಥ್, ವಿ.ಪ.ಸದಸ್ಯ
ರಾಮರಾಜ್ಯ ನೀಡುತ್ತೇವೆ ಎಂದು ಅಧಿಕಾರ ಹಿಡಿದು, ನಾಡನ್ನು ಕಾಮರಾಜ್ಯ ಮಾಡಿ ಬಿಟ್ಟರು.


ಅವಕಾಶ ಬಳಸಿಕೊಂಡವರು ನಾಯಕರಾಗಿ ಬೆಳೆಯುತ್ತಾರೆ- ಸಿದ್ದರಾಮಯ್ಯ, ಮಾಜಿ ಮುಖ್ಯಮಂತ್ರಿ
ಕೆಲವೊಮ್ಮೆ ಜಾರಕಿಹೊಳಿಯಾಗಿ ಜಾರಿಯೂ ಬೀಳುತ್ತಾರೆ.


ಕೇರಳವು ರಾಷ್ಟ್ರ ವಿರೋಧಿ ಚಟುವಟಿಕೆಗಳ ಕೇಂದ್ರವಾಗುತ್ತಿದೆ - ಡಿ.ವಿ.ಸದಾನಂದಗೌಡ, ಕೇಂದ್ರ ಸಚಿವ
ಆರೋಗ್ಯ, ಶಿಕ್ಷಣ ಕ್ಷೇತ್ರದಲ್ಲಿ ಸಾಧಿಸಿದ ಸಾಧನೆಗಳ ಮೂಲಕ.


ನಾವು ಬಲಿಷ್ಠ ಭಾರತ ನಿರ್ಮಿಸಿದ್ದೆವು. ಇಂದು ನಮ್ಮ ಕಣ್ಣೆದುರು ಸರ್ವನಾಶವಾಗುವುದನ್ನು ನೋಡುವಾಗ ದುಃಖವಾಗುತ್ತದೆ - ಎಸ್.ಆರ್.ಪಾಟೀಲ್, ವಿ.ಪ.ನಾಯಕ ನಾಶ ಮಾಡುವುದೂ ಸಾಧನೆಗಳಲ್ಲಿ ಸೇರ್ಪಡೆಯಾಗುತ್ತದೆ ಎಂದು ನ್ಯಾಯಾಲಯವೇ ಹೇಳಿದೆಯಲ್ಲ?


ಕಾಂಗ್ರೆಸ್ ಎರಡು ಹಲ್ಲು ಹೊಂದಿದ ಆನೆ ಇದ್ದಂತೆ - ಜೆ.ಪಿ.ನಡ್ಡಾ, ಬಿಜೆಪಿ ಅಧ್ಯಕ್ಷ
ಕೋರೆ ಹಲ್ಲಿರುವ ನರಿಗಳಿಗಿಂತ ವಾಸಿ.


ಸಮ್ಮ್ಮಿಶ್ರ ಸರಕಾರ ಬೀಳಿಸಿದ 17 ಮಂದಿಯ ವಿರುದ್ಧ ಪಿತೂರಿ ನಡೆಯುತ್ತಿದೆ - ಡಾ.ಕೆ.ಸುಧಾಕರ್,ಸಚಿ
 ಸಮ್ಮಿಶ್ರ ಸರಕಾರವನ್ನು ಬೀಳಿಸಿದ ಪಿತೂರಿ ಸರಿಯೇ?


ರಾಜಕೀಯವನ್ನು ದೇಶದ ಕೆಲಸ ಎಂದು ಕಾಂಗ್ರೆಸ್ ಯಾವತ್ತೂ ಭಾವಿಸಿಲ್ಲ - ರಾಜನಾಥ್ ಸಿಂಗ್, ಕೇಂದ್ರ ಸಚಿವ
ದೇಶವನ್ನು ಮಾರುವ ಕೆಲಸ ಎಂದು ನೀವು ಭಾವಿಸಿದಂತಿದೆ.


ದೇಶದಲ್ಲಿ ಅನೇಕ ದೇವಸ್ಥಾನಗಳು ಇದ್ದಂತೆ, ವಿಶ್ವಕ್ಕೆ ಭಾರತವೇ ದೇವಸ್ಥಾನ - ಕಲ್ಲಡ್ಕ ಪ್ರಭಾಕರ ಭಟ್, ಆರೆಸ್ಸೆಸ್ ಮುಖಂಡ
ಅಂಬಾನಿ, ಅದಾನಿ ಈ ದೇವಸ್ಥಾನದ ಅರ್ಚಕರಂತೆ.


ಗೋ ಹತ್ಯೆ ತಡೆಯುವ ಮೂಲಕ ಗೋ ಸಂಪತ್ತು ವೃದ್ಧಿಗೆ ಸರಕಾರ ಪ್ರಯತ್ನಿಸುತ್ತಿದೆ - ಪ್ರಭು ಚವ್ಹಾಣ್, ಸಚಿವ
ಗೊಡ್ಡು ಗೋವುಗಳನ್ನು ಜನರ ತೆರಿಗೆಯಿಂದ ಗೋಶಾಲೆಗಳಲ್ಲಿ ಸಾಕುವುದರಿಂದ ಸಂಪತ್ತು ಹೆಚ್ಚುವುದು ಹೇಗೆ?     


ನಾನು ಎಸಿ ರೂಮ್‌ನಲ್ಲಿ ಕುಳಿತು ಕೆಲಸ ಮಾಡುವವನಲ್ಲ - ಜಗದೀಶ್ ಶೆಟ್ಟರ್, ಸಚಿವ
ಬಹುಶಃ ಮಲಗಿ ಕೆಲಸ ಮಾಡುತ್ತಿರಬೇಕು.


ರಾಜ್ಯದ ಜನರಿಗೆ ಸತ್ಯ ಗೊತ್ತಾಗಬೇಕೆಂದು ನಾನು ಸಿಡಿ ತನಿಖೆಗೆ ಒಪ್ಪಿಕೊಂಡಿದ್ದೇನೆ - ರಮೇಶ್ ಜಾರಕಿಹೊಳಿ , ಮಾಜಿ ಸಚಿವ
ಕೆಲವೊಂದು ‘ನಗ್ನ ಸತ್ಯ’ಗಳಿಗೆ ತನಿಖೆಯ ಅಗತ್ಯವಿರುವುದಿಲ್ಲ.


ಮಂಚದಲ್ಲಿ ಇದ್ದಾಗ ಮಂಚದ ಕೆಲಸ ಮಾಡಬೇಕು. ಅದನ್ನು ಬಿಟ್ಟು ಬೇರೆ ವಿಚಾರ ಮಾತನಾಡಬಾರದು- ಡಿ.ಕೆ.ಶಿವಕುಮಾರ್, ಕೆಪಿಸಿಸಿ ಅಧ್ಯಕ್ಷ
ಒಟ್ಟಿನಲ್ಲಿ ಇವರ ಕೆಲಸಕ್ಕೆ ಮಂಚವೇ ನಾಚಿ ತಲೆತಗ್ಗಿಸಿದೆಯಂತೆ.


ಅಯೋಧ್ಯೆಯಲ್ಲಿ ನಿರ್ಮಾಣವಾಗುತ್ತಿರುವ ರಾಮ ಮಂದಿರವನ್ನು ದುಷ್ಟ ಶಕ್ತಿಗಳಿಂದ ರಕ್ಷಿಸಬೇಕಾದರೆ ಹಿಂದೂಗಳು ಸದಾ ಒಗ್ಗಟ್ಟಿನಿಂದಿರಬೇಕು- ವಿಶ್ವ ಪ್ರಸನ್ನ ತೀರ್ಥ ಸ್ವಾಮೀಜಿ, ಪೇಜಾವರ ಮಠ
ರಾಮನನ್ನು ಸಂಘಪರಿವಾರದಿಂದ ರಕ್ಷಿಸುವ ಕೆಲಸವನ್ನು ಮೊದಲು ಮಾಡಬೇಕಾಗಿದೆ.


ಪಶ್ಚಿಮ ಬಂಗಾಳದಲ್ಲಿ ಪ್ರಧಾನಿ ಮೋದಿಯನ್ನು ನೋಡಲೆಂದೇ ಜನ ಸೇರುತ್ತಾರೆ - ಅಮಿತ್ ಶಾ, ಕೇಂದ್ರ ಸಚಿವ
ಹೌದು, ಮ್ಯೂಸಿಯಂನಲ್ಲಿ ಇರಬೇಕಾದ ಅಪರೂಪದ ಜೀವಿಯದು.


ನಿರ್ದೇಶಕರು ನಟಿಯರ ಜೊತೆ ಗೌರವಯುತವಾಗಿ ನಡೆದುಕೊಳ್ಳುವುದು ತೀರಾ ಅಪರೂಪ - ಕಂಗನಾ ರಣಾವತ್, ನಟಿ
ಗೌರವಯುತವಾಗಿ ವರ್ತಿಸುವ ಹೊಣೆಗಾರಿಕೆ ನಟಿಯರಿಗಿಲ್ಲವೇ?


ಕೊರೋನ ನಿಯಂತ್ರಣಕ್ಕೆ ಜನರು ಸಹಕರಿಸದಿದ್ದರೆ ಅಪಾಯ ತಪ್ಪಿದ್ದಲ್ಲ- ಡಾ.ಕೆ.ಸುಧಾಕರ್, ಸಚಿವ
ಸಚಿವರ ಕಚ್ಚೆಯನ್ನು ನಿಯಂತ್ರಿಸದಿದ್ದರೆ ಸರಕಾರಕ್ಕೆ ಅಪಾಯ ತಪ್ಪಿದ್ದಲ್ಲ.


ಮುಖ್ಯಮಂತ್ರಿಯಾಗಿ, ಪ್ರಧಾನಿಯಾಗಿ ಹಲವು ವರ್ಷಗಳಿಂದ ಅಧಿಕಾರದಲ್ಲಿರುವ ನಾನು ಒಂದೇ ಒಂದು ದಿನವೂ ರಜೆ ಪಡೆದಿಲ್ಲ - ನರೇಂದ್ರ ಮೋದಿ, ಪ್ರಧಾನಿ
70 ವರ್ಷ ಕಟ್ಟಿದ್ದನ್ನು ನಾಶ ಮಾಡುವುದೆಂದರೆ ಸುಮ್ಮನೆಯೇ?


 ರಾಷ್ಟ್ರ ರಾಜಕಾರಣ ಪ್ರವೇಶಿಸುವ ಬಯಕೆ ಇಲ್ಲ, ಇಲ್ಲೇ ಉತ್ತಮ ರಾಜಕಾರಣ ಮಾಡಲು ನನ್ನನ್ನು ಬಿಟ್ಟರೆ ಸಾಕು - ಸಿದ್ದರಾಮಯ್ಯ, ಮಾಜಿ ಸಿಎಂ
ಉತ್ತಮ ರಾಜಕಾರಣ ಮಾಡಲು ಕಾಂಗ್ರೆಸ್‌ನವರು ಬಿಟ್ಟಾರೆಂದು ಅನ್ನಿಸುವುದಿಲ್ಲ 

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top