ಓ ಮೆಣಸೇ... | Vartha Bharati- ವಾರ್ತಾ ಭಾರತಿ

--

ಓ ಮೆಣಸೇ...

ಶ್ರೀರಾಮ ಮಾಡಿದ ರೀತಿಯಲ್ಲಿಯೇ ಅಯೋಧ್ಯೆಯನ್ನು ಅಭಿವೃದ್ಧಿ ಪಡಿಸಲು ಉತ್ತರಪ್ರದೇಶ ಸರಕಾರಕ್ಕೆ ಸೂಚಿಸಿದ್ದೇನೆ - ನರೇಂದ್ರ ಮೋದಿ, ಪ್ರಧಾನಿ
ಸದ್ಯ ಅಲ್ಲಿರುವ ರಾವಣ ಇನ್ನೊಬ್ಬ ರಾವಣನ ಮಾತನ್ನು ಕೇಳಿಸಿಕೊಳ್ಳುತ್ತಾನೆಯೇ?


ನಾನು ಕೂಡಾ ರೈತನ ಮಗ, ನನಗೂ ಬೇಸಾಯ, ಕೃಷಿ ಮಾಡಿ, ಎತ್ತು ಕಟ್ಟಿ, ಉಳುಮೆ ಮಾಡಿ ಅನುಭವ ಇದೆ - ಬಿ.ಸಿ.ಪಾಟೀಲ್, ಸಚಿವ
ಅದನ್ನೇ ಮುಂದುವರಿಸಿದ್ದರೆ ಸಮಾಜ ಸುರಕ್ಷಿತವಾಗಿರುತ್ತಿತ್ತು.


ಹೆಚ್ಚು ಮಾತನಾಡದಂತೆ ಹಿರಿಯರು ನನಗೆ ಸ್ವಲ್ಪ ಖಾರವಾಗಿಯೇ ಹೇಳಿದ್ದಾರೆ. ಹಾಗಾಗಿ ಮುಂದಿನ 8-10 ದಿನ ಮಾಧ್ಯಮದವರ ಜೊತೆ ಮಾತನಾಡುವುದಿಲ್ಲ -ರಮೇಶ್ ಜಾರಕಿಹೊಳಿ, ಮಾಜಿ ಸಚಿವ
ಆ ಹಿರಿಯರ ಕಾಲದಲ್ಲಿ ವೀಡಿಯೊ ಇದ್ದಿದ್ದರೆ ಅದರ ಬಗ್ಗೆ ಎಚ್ಚರವಹಿಸುವಂತೆಯೂ ಅವರು ಉಪದೇಶಿಸುತ್ತಿದ್ದರು.


ಮಾಜಿ ಸಚಿವ ರಮೇಶ್ ಜಾರಕಿಹೊಳಿಗೆ ಕೆಲವು ಬೆಳವಣಿಗೆಗಳಿಂದ ನೋವಾಗಿದೆ -ಡಾ.ಸುಧಾಕರ್, ಸಚಿವ
ಅಂತಹ ನೋವುಗಳಿಗೆಲ್ಲಾ ಮಸಾಜ್ ಪರಿಹಾರವಲ್ಲ ಎಂದು ತಿಳಿಸಿ ಬಿಡಿ.


ಕೋವಿಡ್‌ಗೆ ಒಳಗಾಗಿ ಮೃತಪಟ್ಟವರ ಶವಸಂಸ್ಕಾರ ಮಾಡಿದವರನ್ನು ಸನ್ಮಾನಿಸಲಾಗುವುದು - ನಳಿನ್‌ಕುಮಾರ್ ಕಟೀಲು, ಸಂಸದ
ಇದು, ಸಕ್ರಿಯರಿಗೆ ಸಲ್ಲಬೇಕಾದ ಕಿರೀಟವನ್ನು ನಿಷ್ಕ್ರಿಯರಿಗೆ ತೊಡಿಸಿ ವೈಭವೀಕರಿಸುವ ಉಪಾಯ ಅಲ್ಲ ತಾನೇ?


ಕಾಂಗ್ರೆಸ್‌ನ ಕೀಲಿಕೈ ಈಗ ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯರ ಕೈಯಲ್ಲಿದೆ - ಸಿಎಂ ಇಬ್ರಾಹೀಮ್, ಶಾಸಕ
ಬೀಗ ಬೇರೆಯವರ ಕೈಯಲ್ಲಿರುವಾಗ ಕೀಲಿಕೈ ಹಿಡಿದುಕೊಂಡು ಮೈತುರಿಸಿಕೊಳ್ಳಬೇಕಷ್ಟೆ.


ಫಲಿತಾಂಶ ಬಂದ ಬಳಿಕವೂ ಮಾತನಾಡಿದರೆ ನಮ್ಮಂತಹ ಮೂರ್ಖರು ಯಾರೂ ಇಲ್ಲ - ರೇಣುಕಾಚಾರ್ಯ, ಸಿಎಂ ರಾಜಕೀಯ ಕಾರ್ಯದರ್ಶಿ
ನೀವು ಮಾತನಾಡಿದರೂ ಮಾತನಾಡದಿದ್ದರೂ ನಿಮ್ಮ ಮೂರ್ಖತನದ ಬಗ್ಗೆ ಯಾವ ಮೂರ್ಖರು ತಾನೇ ಸಂಶಯಿಸುತ್ತಾರೆ?


ಮೇನಕಾಗಾಂಧಿ ನಮ್ಮ ಪಕ್ಷದ ಸಂಸದೆ ಎಂದು ಹೇಳಲು ಅವಮಾನವಾಗುತ್ತದೆ -ಅಜಯ್ ವಿಷ್ಣೋಯಿ, ಉ.ಪ್ರ. ಬಿಜೆಪಿ ಶಾಸಕ
ಮಾನ ಇದ್ದವರಿಗೆ ಆ ಪಕ್ಷದಲ್ಲಿ ಅವಮಾನ ಅನುಭವಿಸುವುದಕ್ಕೆ ಬೇರೆ ಸಾವಿರ ಕಾರಣಗಳೂ ಇವೆಯಲ್ಲ?


ಮಾದಕ ದ್ರವ್ಯಗಳ ವಿರುದ್ಧ ಶೂನ್ಯ ಸಹಿಷ್ಣು ನೀತಿ ಜಾರಿಗೆ ಬದ್ಧ -ಅಮಿತ್ ಶಾ, ಕೇಂದ್ರ ಸಚಿವ
ಅಂದರೆ ಮಾದಕ ದ್ರವ್ಯಗಳನ್ನು ಮೂಲಭೂತ ಮಾನವ ಹಕ್ಕುಗಳೆಂದು ಪರಿಗಣಿಸಿ ಆರೀತಿ ವ್ಯವಹರಿಸುವಿರಾ?


ಸಿದ್ದರಾಮಯ್ಯ ನಾಯಕ, ನಾನು ಹಿನ್ನೆಲೆ ಗಾಯಕ - ಸಿ.ಎಂ.ಇಬ್ರಾಹೀಮ್, ಶಾಸಕ
ಹಾಗೆಲ್ಲ ಹೇಳಿ ಜನರನ್ನು ಹೆದರಿಸಿ ಅವರಿಂದ ದೂರ ಓಡಿಸಬೇಡಿ.


ರಮೇಶ್ ಜಾರಕಿಹೊಳಿ ಸರಕಾರಕ್ಕೆ ಮುಜುಗರ ತರುವ ಕೆಲಸ ಮಾಡುತ್ತಿಲ್ಲ - ಬೈರತಿ ಬಸವರಾಜ್, ಸಚಿವ
ಅವುಗಳನ್ನು ನೋಡಿದ ಜನ ಸಾಮಾನ್ಯರಿಗಷ್ಟೇ ಮುಜುಗರ.


ರಾಜ್ಯದಲ್ಲಿ ಯಡಿಯೂರಪ್ಪ ನಾಯಕತ್ವ ಬದಲಾವಣೆ ಆಗುವುದೋ ಇಲ್ಲವೋ ಎಂದು ಹೇಳುವಷ್ಟು ನಾನು ದೊಡ್ಡವನಲ್ಲ -ಸಿ.ಟಿ.ರವಿ, ಶಾಸಕ
ದಡ್ಡನಲ್ಲ ಎಂದಿರಬೇಕು.


ಕೊರೋನ 3ನೇ ಅಲೆ ಹಿನ್ನೆಲೆಯಲ್ಲಿ ಗುಜರಿ ಬಸ್‌ಗಳನ್ನು ಐಸಿಯು ಬೆಡ್ ಹಾಗೂ ಮೊಬೈಲ್ ಫೀವರ್ ಕ್ಲಿನಿಕ್‌ಗಳಾಗಿ ಅಭಿವೃದ್ಧಿಪಡಿಸಲು ತೀರ್ಮಾನಿಸಲಾಗಿದೆ - ಲಕ್ಷ್ಮಣ ಸವದಿ, ಡಿಸಿಎಂ
ಅವುಗಳನ್ನು ಮೊದಲ ಆರು ತಿಂಗಳ ಮಟ್ಟಿಗಾದರೂ ಕೇವಲ ಸಚಿವರ ಬಳಕೆಗೆ ಮೀಸಲಾಗಿಡಬೇಕು.


ನಾನು ಮತ್ತು ಪತ್ನಿ ಐಶ್ವರ್ಯಾ ರೈ ಜೊತೆಯಾಗಿ ನಟಿಸಿದ ಚಿತ್ರಗಳ ಪೈಕಿ 8ರಲ್ಲಿ ನನಗೆ ಅವಳಿಗಿಂತ ಕಡಿಮೆ ಸಂಭಾವನೆ ದೊರೆತಿತ್ತು - ಅಭಿಷೇಕ್ ಬಚ್ಚನ್, ನಟ
ಅಮಿತಾಬ್ ಅವರ ಬಚ್ಚ ಆಗದಿದ್ದರೆ, ಐಶ್ವರ್ಯ ರೈ ದೊರೆಯುವುದೇ ಕಷ್ಟವಿತ್ತು.


ಭಾರತದ ಆರ್ಥಿಕತೆಯ ಇತಿಹಾಸದಲ್ಲೇ ಜಿಎಸ್‌ಟಿಯು ಒಂದು ಮಹತ್ವದ ಮೈಲಿಗಲ್ಲು -ನರೇಂದ್ರ ಮೋದಿ, ಪ್ರಧಾನಿ
ವಿನಾಶದ ದಾರಿಯಲ್ಲೂ ಮೈಲುಗಲ್ಲುಗಳು ಇರುತ್ತವೆ, ಅಲ್ಲವೇ?


ಮುಖ್ಯಮಂತ್ರಿ ಯಡಿಯೂರಪ್ಪ ನೇತೃತ್ವದ ರಾಜ್ಯ ಸರಕಾರದ ಶ್ವಾಸಕೋಶ ಸರಿಯಾಗಿದೆ, ಸರಕಾರ ಸಹಜವಾಗಿ ಉಸಿರಾಡುತ್ತಿದೆ - ಪ್ರಹ್ಲಾದ್ ಜೋಷಿ, ಕೇಂದ್ರ ಸಚಿವ
ಸತ್ತಿರುವುದು ಮಿದುಳು ಮಾತ್ರ ಎಂದು ಸ್ಪಷ್ಟವಾಗಿ ಹೇಳಿ ಸಾರ್.


ನಾನು ಮತ್ತು 100 ವರ್ಷ ಆಸುಪಾಸಿನ ನನ್ನ ತಾಯಿ ಕೂಡಾ ಎರಡು ಡೋಸ್ ಕೋವಿಡ್ ಲಸಿಕೆ ತೆಗೆದುಕೊಂಡಿದ್ದೇವೆ - ನರೇಂದ್ರ ಮೋದಿ, ಪ್ರಧಾನಿ
ನೀವು ನಿಮ್ಮ ತಾಯಿ ತೆಗೆದುಕೊಂಡರೆ ಸಾಕೆ? ಉಳಿದ ತಾಯಂದಿರಿಗೆ ಎಷ್ಟರಮಟ್ಟಿಗೆ ಒದಗಿಸಿದ್ದೀರಿ ಎನ್ನುವ ಲೆಕ್ಕ ಕೊಡಿ.


ದುಷ್ಟರ ಸಂಹಾರ ಆಗಬೇಕು. ಆದರಿಂದ ದೇಶ, ರಾಜ್ಯ ಮತ್ತು ಬಿಜೆಪಿ ಪಕ್ಷಕ್ಕೆ ಒಳ್ಳೆಯದಾಗುತ್ತದೆ - ಬಸನಗೌಡ ಪಾಟೀಲ್ ಯತ್ನಾಳ್, ಶಾಸಕ
ಆದರೆ ಎಲ್ಲ ದುಷ್ಟರ ಸಂಹಾರವಾಗಿ ಬಿಟ್ಟರೆ ಮತ್ತೆ ಪಕ್ಷದಲ್ಲಿ ಎಷ್ಟು ಮಂದಿ ತಾನೇ ಉಳಿಯುತ್ತಾರೆ?


ಹಾದಿ -ಬೀದಿಯಲ್ಲಿ ಮಾತನಾಡುವವರಿಗೆ ನಾನು ಉತ್ತರ ಕೊಡಲ್ಲ - ಮುರುಗೇಶ್ ನಿರಾಣಿ, ಸಚಿವ
ನೀವೇನು ಮೂಗರ ನಾಯಕರೇ?


ಮುಂಬರುವ ವಿಧಾನಸಭೆ ಚುನಾವಣೆಯಲ್ಲಿ ಬಿಜೆಪಿಯನ್ನು ಅಧಿಕಾರಕ್ಕೆ ತರುವ ಸವಾಲು ನನ್ನ ಮುಂದಿದೆ - ಯಡಿಯೂರಪ್ಪ, ಮುಖ್ಯಮಂತ್ರಿ
ಸರಿ, ದೀರ್ಘಾಯುಷ್ಯಕ್ಕಾಗಿ ಪ್ರಯತ್ನಿಸೋಣ.


ಸಿಎಂ ಯಡಿಯೂರಪ್ಪ ಹಾಗೂ ನಳಿನ್‌ಕುಮಾರ್ ಕಟೀಲು ನಮ್ಮ ಕ್ಯಾಪ್ಟನ್ - ಎಸ್.ಟಿ.ಸೋಮಶೇಖರ್, ಸಚಿವ
ಟೈಟಾನಿಕ್ ಹಡಗಿನ ಕತೆ ಹೇಳುತ್ತಿರಬೇಕು.


ದೇಶಭಕ್ತಿ ಕುರಿತ ಸಿನೆಮಾ ನೋಡಿದವರೆಲ್ಲ ದೇಶಭಕ್ತರಾಗಿಲ್ಲ - ಗಿರೀಶ್ ಕಾಸರವಳ್ಳಿ, ನಿರ್ದೇಶಕ
ತಮ್ಮ ಪ್ರಶಸ್ತಿ ವಿಜೇತ ಚಿತ್ರಗಳನ್ನು ಜನರು ಆ ಕಾರಣಕ್ಕೆ ನೋಡುತ್ತಿಲ್ಲ ಇರಬೇಕು.


ಕಾಂಗ್ರೆಸ್ ನಾಯಕರಿಗೂ ಮುಖ್ಯಮಂತ್ರಿ ಸ್ಥಾನದ ವೈರಸ್ ಅಂಟಿದೆ - ಶ್ರೀರಾಮುಲು, ಸಚಿವ
ನೀವೇನು ವ್ಯಾಕ್ಸಿನ್ ತೆಗೆದುಕೊಂಡು ಆ ವೈರಸ್‌ನಿಂದ ಮುಕ್ತಿ ಪಡೆದಿದ್ದೀರಾ?

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

ಇಂದು ಹೆಚ್ಚು ಓದಿದ್ದು


Back to Top