ಓ ಮೆಣಸೇ... | Vartha Bharati- ವಾರ್ತಾ ಭಾರತಿ

--

ಓ ಮೆಣಸೇ...

ಮಾಜಿ ಪ್ರಧಾನಿಗಳಾದ ವಾಜಪೇಯಿ ಮತ್ತು ಜವಾಹರ ಲಾಲ್ ನೆಹರೂ ಆದರ್ಶ ನಾಯಕರು- ನಿತಿನ್ ಗಡ್ಕರಿ, ಕೇಂದ್ರ ಸಚಿವ
ಅರ್ಧ ಸತ್ಯಗಳಿಗೆ ಖ್ಯಾತರಾಗಿರುವ ನಿಮ್ಮ ಮಾತಿನ ಯಾವ ಭಾಗವನ್ನು ನಂಬೋಣ?


ಹಿಂದೂ ಪದವನ್ನು ಹೈಜಾಕ್ ಮಾಡಲು ಬಿಜೆಪಿಗೆ ಬಿಡುವುದಿಲ್ಲ- ಹರೀಶ್ ರಾವತ್, ಉತ್ತರಾಖಂಡ ಮಾಜಿ ಮುಖ್ಯಮಂತ್ರಿ
ಎಂದೋ ಆಗಿ ಬಿಟ್ಟಿರುವ ಇತಿಹಾಸದ ದುರಂತದ ಬಗ್ಗೆ ಭವಿಷ್ಯತ್ ಧ್ವನಿಯಲ್ಲಿ ಮಾತನಾಡುತ್ತಿದ್ದೀರಲ್ಲಾ!


ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಖಾಯಂ ಆಗಿ ಪ್ರತಿಪಕ್ಷದಲ್ಲೇ ಇರುವುದು ಖಾತ್ರಿಯಾಗಿದೆ - ನಳಿನ್ ಕುಮಾರ್ ಕಟೀಲು, ಸಂಸದ
ನೀವು ಮುಖ್ಯಮಂತ್ರಿಯಾಗುತ್ತೀರೆಂದು ನಿಮ್ಮನ್ನು ನಂಬಿಸಿದ್ದ ಜ್ಯೋತಿಷಿ ತಾನೇ ಈ ಭವಿಷ್ಯ ನುಡಿದಿರುವುದು?


ಕಾಂಗ್ರೆಸ್ ನಾಯಕರಿಗೆ ರಾಷ್ಟ್ರಭಕ್ತರಿಗೂ, ಭಯೋತ್ಪಾದಕರಿಗೂ ವ್ಯತ್ಯಾಸ ತಿಳಿಯದ ಅಸ್ವಸ್ಥತೆ ಬಂದಿದೆ - ಸಿ.ಟಿ.ರವಿ, ಶಾಸಕ
ಭಯೋತ್ಪಾದಕರು ರಾಷ್ಟ್ರಭಕ್ತರಂತೆ ನಟಿಸತೊಡಗಿದಾಗ ಸ್ವಸ್ಥರಿಗೆ ಸ್ವಲ್ಪ ಗೊಂದಲ ವಾಗುವುದು ಸಹಜ.


ಮಾನಸಿಕ ಸ್ಥಿಮಿತ ಕಳೆದುಕೊಂಡವರಲ್ಲಿ ಅನೇಕರು ಬಿಜೆಪಿಯಲ್ಲಿದ್ದಾರೆ - ಎಸ್.ಉಗ್ರಪ್ಪ, ಮಾಜಿ ಸಂಸದ
ಸ್ಥಿಮಿತ ಉಳ್ಳವರು ಅಲ್ಲಿಗೇಕೆ ಹೋಗುತ್ತಾರೆ? ನಿಮಗೆ ಅಷ್ಟೂ ಅರ್ಥ ಆಗೊಲ್ವೇ?


ಪ್ರಧಾನಿ ಮೋದಿಯವರಿಗೆ ‘ಅಖಂಡ ಹಿಂದೂಸ್ತಾನ್’ ಬೇಕಿದ್ದರೆ ಪಾಕಿಸ್ತಾನದ ಸುಮಾರು 11 ಕೋಟಿ ಮುಸ್ಲಿಮರ ಬಗ್ಗೆ ಅವರ ಬಳಿ ಯಾವ ಯೋಜನೆ ಇದೆ ಎಂಬುದನ್ನು ತಿಳಿಸಬೇಕು - ಸಂಜಯ್ ರಾವುತ್, ಶಿವಸೇನೆ ಸಂಸದ

ಇನ್ನೊಂದು ಹತ್ಯಾಕಾಂಡದ ಯೋಜನೆ ಇದ್ದಿರಲೂಬಹುದು.


ಸಂಸತ್ ಅಧಿವೇಶನದಲ್ಲಿ ಪ್ರಶ್ನೆ ಕೇಳುವುದಕ್ಕೆ ಅವಕಾಶವೇ ಸಿಗಲಿಲ್ಲ
- ಎಚ್.ಡಿ.ದೇವೇಗೌಡ, ಮಾಜಿ ಪ್ರಧಾನಿ
ಮೌನ ಪಾಲಿಸುವುದಕ್ಕೆ ಏನು ಕೊಡುತ್ತೀರಿ? ಎಷ್ಟು ಕೊಡುತ್ತೀರಿ ಎಂಬ ಪ್ರಶ್ನೆಗಳನ್ನು ಕೇಳಲು ಬೇರೆಡೆ ಅವಕಾಶ ಸಿಕ್ಕಿರಬೇಕಲ್ಲಾ?


ಶ್ರೀ ನಾರಾಯಣ ಗುರುಗಳು ಶಿಕ್ಷಣದಲ್ಲಿ ಸ್ವಾತಂತ್ರ ಇರಬೇಕು ಎಂದು ಹೇಳಿದ್ದರೇ ಹೊರತು ಶಿಕ್ಷಣದಲ್ಲಿ ಮೀಸಲಾತಿ ಬೇಕು ಎಂದು ಕೇಳಿಲ್ಲ - ಸುನೀಲ್ ಕುಮಾರ್, ಸಚಿವ
ರಾಜಕೀಯದಲ್ಲಿ ಮೇಲ್ಜಾತಿವಾದ ಮತ್ತು ಕೋಮುವಾದ ಇರಬೇಕು ಎಂದೂ ಅವರು ಹೇಳಿರಲಿಲ್ಲವಲ್ಲ?


 ಧೈರ್ಯ, ನಿಸ್ವಾರ್ಥತೆ ಇರುವವನು ಮಾತ್ರ ಧರ್ಮ ರಕ್ಷಕನಾಗಲು ಸಾಧ್ಯ - ತೇಜಸ್ವಿ ಸೂರ್ಯ, ಸಂಸದ

ಆದ್ದರಿಂದ ಹೇಡಿಗಳಂತೆ ಬಡವರ ವಿರುದ್ಧ ಹಾರಾಡುವುದನ್ನು ನಿಲ್ಲಿಸಿ.


ಸಿ.ಟಿ.ರವಿಯವರು ಮೋದಿ, ಶಾ ಖುಷಿಪಡಿಸಲು ಕಾಂಗ್ರೆಸ್ ಮುಖಂಡರ ಬಗ್ಗೆ ಇಲ್ಲಸಲ್ಲದ ಹೇಳಿಕೆ ನೀಡುತ್ತಿದ್ದಾರೆ - ಬಿ.ವಿ.ಶ್ರೀನಿವಾಸ್, ಯುವ ಕಾಂಗ್ರೆಸ್ ಅಧ್ಯಕ್ಷ

ಕೆಲವು ಅತೃಪ್ತ ಕಾಂಗ್ರೆಸಿಗರನ್ನೂ ಖುಷಿ ಪಡಿಸುವ ಉದ್ದೇಶ ಇದೆಯಂತೆ.


ಲಿಂಗಾಯತ ಪ್ರತ್ಯೇಕ ಹೋರಾಟದಿಂದ ಕಾಂಗ್ರೆಸ್‌ಗೆ ಹಿನ್ನಡೆಯಾಗಿಲ್ಲ - ಎಂ.ಬಿ.ಪಾಟೀಲ್, ಮಾಜಿ ಸಚಿವ
ಯಾವುದರಿಂದ ಹಿನ್ನಡೆ ಆಗಿಲ್ಲ ಎಂಬುದರ ಚಿಂತೆ ಬಿಟ್ಟು ಯಾವುದರಿಂದ ಹಿನ್ನಡೆ ಆಗಿದೆ ಎಂಬುದನ್ನು ಗುರುತಿಸಿ.


ಪುತ್ತೂರಿನ ಮಗಳಾದ ನಾನು ಮೋದಿ ಹೆಸರಿಗೆ ಕಪ್ಪುಚುಕ್ಕೆ ಬಾರದಂತೆ ಕೆಲಸ ಮಾಡಿ ತೋರಿಸುವೆ - ಶೋಭಾ ಕರಂದ್ಲಾಜೆ, ಕೇಂದ್ರ ಸಚಿವೆ
ಕೆಲಸ ಯಾವುದಾದರೇನು? ಹೆಸರು ಬೆಳ್ಳಗಿರುವುದು ಮುಖ್ಯ.


ನನ್ನದು ಬೀದಿ ನಾಟಕವಲ್ಲ - ಆನಂದ್ ಸಿಂಗ್, ಸಚಿವ
ಬಯಲು ನಾಟಕ?


ಯುಪಿಎ ಸರಕಾರ ನೀಡಿದ ತೈಲಬಾಂಡ್‌ಗಳ ಅಸಲು - ಬಡ್ಡಿ ಪಾವತಿಯ ಹೊರೆ ತೈಲ ಬೆಲೆ ಇಳಿಕೆಗೆ ಅಡ್ಡಿಯಾಗಿದೆ - ನಿರ್ಮಲಾ ಸೀತಾರಾಮನ್, ಕೇಂದ್ರ ಸಚಿವೆ

ಇತ್ತೀಚೆಗೆ ಕೊಲ್ಲಿ ದೇಶಗಳಲ್ಲಿ ತಾಪಮಾನ ಹೆಚ್ಚಿದ್ದರಿಂದ ತೈಲ ಬೆಲೆಯನ್ನು ಅಷ್ಟೊಂದು ಹೆಚ್ಚಿಸಬೇಕಾಯಿತು ಎಂದು ಹೇಳಿ. ಜನ ನಂಬುತ್ತಾರೆ.


ಶಾಸಕ ಹಾಲಪ್ಪರಿಗೆ ಅಭಿವೃದ್ಧಿಗಿಂತ ಓಸಿ ಮಟ್ಕಾ, ಗಾಂಜಾ ಮತ್ತು ಮರಳು ದಂಧೆಯಲ್ಲಿ ಪರ್ಸಂಟೇಜ್ ಪಡೆಯಲು ಹೆಚ್ಚು ಆಸಕ್ತಿ - ಗೋಪಾಲಕೃಷ್ಣ ಬೇಳೂರು, ಮಾಜಿ ಶಾಸಕ

ನಿಮ್ಮ ಪಾಲಿನದ್ದನ್ನೂ ಕಸಿಯುತ್ತಿದ್ದಾರೆಯೇ?


ಅಫ್ಘಾನಿಸ್ತಾನದಲ್ಲಿ ಸಿಲುಕಿದ್ದವರನ್ನು ರಕ್ಷಿಸಿ ಭಾರತಕ್ಕೆ ಕರೆತರುವ ಕಾರ್ಯಾಚರಣೆಗೆ ‘ಆಪರೇಶನ್ ದೇವೀಶಕ್ತಿ’ ಎಂದು ಹೆಸರಿಡಲಾಗಿದೆ - ಎಸ್.ಜೈಶಂಕರ್, ಕೇಂದ್ರ ಸಚಿವ

ಭಾರತದಲ್ಲಿ ಸಂಘಪರಿವಾರದ ಕೈಯಲ್ಲಿ ಸಿಕ್ಕಿರುವ ಸಂವಿಧಾನದ ರಕ್ಷಣಾ ಕಾರ್ಯಾಚರಣೆಗೊಂದು ಹೆಸರು ಕೊಡಿ.


ಕೇಂದ್ರದಲ್ಲಿ ಯುಪಿಎ ಸರಕಾರ ಇದ್ದಿದ್ದರೆ ಅಫ್ಘಾನ್‌ನಿಂದ ತಾಲಿಬಾನಿಗಳನ್ನು ಕರೆತಂದು ಇಲ್ಲಿ ಅವರಿಗೆ ಒಂದು ರಾಜಧಾನಿ ನಿರ್ಮಿಸಿ ಕೊಡುತ್ತಿತ್ತು -ನಳಿನ್ ಕುಮಾರ್ ಕಟೀಲು, ಸಂಸದ
ಅವರ ಅಚಾತುರ್ಯದಿಂದಲ್ಲವೇ, ಇಲ್ಲಿ ರಾಜಧಾನಿಯ ಮೇಲೆ ಮಾತ್ರವಲ್ಲ ಒಟ್ಟು ದೇಶದ ಮೇಲೆ ತಾಲಿಬಾನಿಗಳು ನಿಯಂತ್ರಣ ಸಾಧಿಸಿರುವುದು.


ಮುಂದಿನ ಚುನಾವಣೆಯಲ್ಲಿ ಮೋದಿ ಪ್ರಧಾನಿಯಾಗದಿದ್ದರೆ ಈ ದೇಶದ ಪರಿಸ್ಥಿತಿಯನ್ನು ಕಲ್ಪಿಸಲೂ ಸಾಧ್ಯವಿಲ್ಲ - ಎಸ್.ಎಲ್.ಭೈರಪ್ಪ, ಸಾಹಿತಿ
   
ಕಲ್ಪಿಸುವ ಸಾಮರ್ಥ್ಯ ಕಳೆದು ಹೋಗಿದ್ದರೆ ಸೂಕ್ತ ವೈದ್ಯರ ಬಳಿ ಹೋಗಿ. ಚಿಕಿತ್ಸೆಗೆ ಪ್ರಯತ್ನಿಸುವುದರಲ್ಲಿ ತಪ್ಪಿಲ್ಲವಲ್ಲಾ!


ತಾಲಿಬಾನಿಗಳು ಅಫ್ಘಾನಿಸ್ತಾನವನ್ನು ಇಷ್ಟು ಬೇಗ ವಶಪಡಿಸಿ ಕೊಳ್ಳುತ್ತಾರೆ ಎಂದು ನಿರೀಕ್ಷಿಸಿರಲಿಲ್ಲ- ಜ.ಬಿಪಿನ್ ರಾವತ್, ಸಶಸ್ತ್ರ ಪಡೆಗಳ ಮುಖ್ಯಸ್ಥ
ಭಾರತದ ಬೀದಿಗಳಲ್ಲಿ ಮೆರೆಯುತ್ತಿರುವ ಹಿಂಸೆ ಕಂಡವರು ಇಲ್ಲಿನ ತಾಲಿಬಾನಿಗಳ ಕುರಿತು ಕೂಡಾ ಹೀಗೆಯೇ ಅಚ್ಚರಿ ಪಡುತ್ತಿದ್ದಾರೆ.


ಕಾಂಗ್ರೆಸ್‌ನವರು ನನ್ನನ್ನು ‘ರೇಪ್’ ಮಾಡಲು ಪ್ರಯತ್ನಿಸುತ್ತಿದ್ದಾರೆ - ಆರಗ ಜ್ಞಾನೇಂದ್ರ, ಸಚಿವ
ನೀವು ಸಂಜೆ ಹೊತ್ತು ನಿರ್ಜನ ಪ್ರದೇಶಗಳಲ್ಲಿ ತಿರುಗಾಡಬೇಡಿ.


ಕರ್ನಾಟಕದಲ್ಲಿ ಬಿಜೆಪಿ ಮುಖ್ಯಮಂತ್ರಿಯನ್ನು ಬದಲಿಸಿದರೂ ಪರಿಸ್ಥಿತಿ ಬದಲಾಗಿಲ್ಲ - ಮಲ್ಲಿಕಾರ್ಜುನ ಖರ್ಗೆ, ಸಂಸ

ವಿರೋಧ ಪಕ್ಷದ ಮುಖಂಡರನ್ನು ಬದಲಿಸಿದರೆ ಪರಿಸ್ಥಿತಿ ಬದಲಾಗಬಹುದೇ?


ರಾಜ್ಯದಲ್ಲಿ ವಾಸವಿರುವ ಒಬ್ಬ ವ್ಯಕ್ತಿಗೆ ತಿಂಗಳಿಗೆ 5 ಕೆಜಿ ಅಕ್ಕಿ ಸಾಕು- ಉಮೇಶ್ ಕತ್ತಿ, ಸಚಿವ
ಜೈಲಲ್ಲಿದ್ದವರಿಗೂ ಅದಕ್ಕಿಂತ ಹೆಚ್ಚು ಸಿಗುತ್ತೆ ಅಂತಾರಲ್ಲ? ಹಾಗೆ ಹೇಳಿದವರನ್ನು ಜೈಲಿಗೆ ಕಳಿಸಬೇಡಿ.


ಕಾರ್ಯಕರ್ತರ ಭವಿಷ್ಯಕ್ಕಾಗಿ ನಾನು ಬಿಜೆಪಿಗೆ ಸೇರಿದ್ದೇನೆ- ಎನ್.ಮಹೇಶ್, ಶಾಸಕ
ದೇಶದ ಭವಿಷ್ಯ ಮುಖ್ಯ ಎನಿಸಿದಾಗ ಬೇರಾವುದಾದರೂ ಕಡಿಮೆ ಭ್ರಷ್ಟ ಪಕ್ಷವನ್ನು ಸೇರಿಕೊಳ್ಳಿ.


ಜವಾಬ್ದಾರಿ ಬದಲಾದಾಗ ಅದೇ ರೀತಿ ಆ್ಯಕ್ಟ್ ಮಾಡಬೇಕು - ಶೋಭಾ ಕರಂದ್ಲಾಜೆ, ಕೇಂದ್ರ ಸಚಿವೆ
ವಿದೂಷಕ ಪಾತ್ರದಲ್ಲೇ ಪಳಗಿದವರು ಜವಾಬ್ದಾರಿಯುತ ಹಾಗೂ ಸೀರಿಯಸ್ ಪಾತ್ರಗಳಿಗೆ ಒಗ್ಗಿಕೊಳ್ಳಲು ಭಾರೀ ಪ್ರಯಾಸ ಪಡಬೇಕಾಗುತ್ತದೆ. ಇನ್ನಾದರೂ ಪ್ರಾಕ್ಟೀಸ್ ಆರಂಭಿಸಿ.


ಪ್ಯಾರಾ ಅತ್ಲೀಟ್‌ಗಳು ನಿಜ ಜೀವನದ ಹೀರೋಗಳು -ಸಚಿನ್ ತೆಂಡೂಲ್ಕರ್, ಮಾಜಿ ಕ್ರಿಕೆಟಿಗ

ಕ್ರಿಕೆಟಿಗರೇ ಸದ್ಯಕ್ಕೆ ಅವರ ಪಾಲಿನ ವಿಲನ್ ಗಳು

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top