-

ಓ ಮೆಣಸೇ...

-

 ನಳಿನ್ ಕುಮಾರ್ ಕಟೀಲು ಅವರ ಎಳಸುತನದ ಪ್ರಾಯದ ಬಗ್ಗೆ ನನಗೆ ಹೆಮ್ಮೆಯಿದೆ-ಕೋಟ ಶ್ರೀನಿವಾಸ ಪೂಜಾರಿ, ಸಚಿವ
 ಅಷ್ಟು ವಯಸ್ಸಾದರೂ ಇನ್ನೂ ಅವರು ಬೆಳೆದಿಲ್ಲ ಎಂಬ ಹೆಮ್ಮೆಯೇ?


ಜಾಗತಿಕ ವಿದ್ಯಮಾನಗಳಿಗೆ ನಿರ್ಣಾಯಕ ಪಾತ್ರ ವಹಿಸುವ ಶಕ್ತಿ ಮತ್ತು ಸಾಮರ್ಥ್ಯ ಭಾರತಕ್ಕಿದೆ-ರಾಮ್‌ಮಾಧವ್, ಆರೆಸ್ಸೆಸ್ ನಾಯಕ
ಆಂತರಿಕ ವಿದ್ಯಮಾನಗಳಲ್ಲಿ ಹೀನಾಯವಾಗಿ ಸೋತ ಬಳಿಕ ನೆಮ್ಮದಿ ಪಟ್ಟುಕೊಳ್ಳುವುದಕ್ಕೆ ಉಳಿದಿರುವುದು ಇಂತಹ ಭ್ರಮೆಗಳು ಮಾತ್ರ.

ನಾನು ತಿಹಾರ್ ಜೈಲಿನಲ್ಲಿ ಗಡ್ಡ ಬಿಟ್ಟಿದ್ದೇನೆ. ಈ ಗಡ್ಡ ತೆಗೆಯಬೇಕಾದರೆ ಜನರೇ ಮುಕ್ತಿ ಕೊಡಿಸಬೇಕು -ಡಿ.ಕೆ.ಶಿವಕುಮಾರ್, ಕೆಪಿಸಿಸಿ ಅಧ್ಯಕ್ಷ
ಜನರು ಮುಖ ನೋಡಲಿಕ್ಕೂ ನಿರಾಕರಿಸಿಬಿಟ್ಟರೆ?

ತಮಿಳುನಾಡಿನಲ್ಲಿ ಮಗುವನ್ನು ಚಿವುಟಿ ಕರ್ನಾಟಕದಲ್ಲಿ ತೊಟ್ಟಿಲು ತೂಗುವ ಕೆಲಸವನ್ನು ಕಾಂಗ್ರೆಸ್ ಮಾಡುತ್ತಿದೆ -ನಳಿನ್ ಕುಮಾರ್ ಕಟೀಲು, ಸಂಸದ
ನಿಮ್ಮ ಪಕ್ಷದಂತೆ ಅಲ್ಲೂ ಇಲ್ಲೂ ಚಿವುಟುತ್ತಲೇ ಇರಬೇಕು, ಅಂತೀರಾ?

ಸೇನೆ ಸೇರಿ ರಾಷ್ಟ್ರ ಸೇವೆ ಮಾಡುವ ಹೆಣ್ಣು ಮಕ್ಕಳ ಕನಸು ನನಸಾಗುವ ದಿನಗಳು ದೂರವಿಲ್ಲ -ರಾಜನಾಥ್ ಸಿಂಗ್, ಕೇಂದ್ರ ಸಚಿವ
ಪಕ್ಷ ಸೇರಿ ರಾಷ್ಟ್ರ ಸೇವೆ ಮಾಡುವ ಕಾಲ ಮುಗಿಯಿತೇ?

ಮೇಕೆದಾಟು ಪಾದಯಾತ್ರೆ ಕುರಿತು ಟೀಕಿಸಲು ನನಗೆ ನೈತಿಕತೆಯಿಲ್ಲ -ರೇಣುಕಾಚಾರ್ಯ, ಶಾಸಕ
ಫುಡಾರಿ ಅಂದಮೇಲೆ ಯಾವ ವಿಷಯದಲ್ಲೂ ಜನರು ನೈತಿಕತೆಯನ್ನು ನಿರೀಕ್ಷಿಸುವುದಿಲ್ಲ, ಬಿಡಿ.

ಕಾಂಗ್ರೆಸ್ ಮತ್ತು ಭ್ರಷ್ಟಾಚಾರ ಒಂದೇ ನಾಣ್ಯದ ಎರಡು ಮುಖಗಳು -ಪುಷ್ಕರ್ ಸಿಂಗ್ ಧಾಮಿ, ಉತ್ತರಾಖಂಡ ಸಿಎಂ
ಕಾಂಗ್ರೆಸ್ ಮತ್ತು ಬಿಜೆಪಿ ಎಂದರೂ ನಡೆಯುತ್ತಿತ್ತು.

ಉ.ಪ್ರ. ಚುನಾವಣಾ ಫಲಿತಾಂಶವು ಕಾಂಗ್ರೆಸ್ ಪಕ್ಷಕ್ಕೆ ಮಾತ್ರವಲ್ಲ, ಇಡೀ ರಾಜ್ಯಕ್ಕೆ ಅಚ್ಚರಿ ಮೂಡಿಸಲಿದೆ-ಕಮಲ್‌ನಾಥ್, ಕಾಂಗ್ರೆಸ್ ಮುಖಂಡ
ಕಾಂಗ್ರೆಸ್ ಎಲ್ಲಿದೆ ಎಂಬ ಹುಡುಕಾಟ ಆರಂಭವಾದೀತೇ?

ಕಾಂಗ್ರೆಸ್‌ನ ಮೇಕೆದಾಟು ಪಾದಯಾತ್ರೆ ಮೂರ್ಖತನದ ಪರಮಾವಧಿ -ಬಿ.ಸಿ.ಪಾಟೀಲ್, ಸಚಿವ
ಅದನ್ನು ಹತ್ತಿಕ್ಕಲು ನೀವು ಕೈಗೊಂಡ ಕ್ರಮಗಳು ಉದ್ಧಟತನದ ಪರಮಾವಧಿ.

ಜನಪ್ರತಿನಿಧಿಯಾದವರು ಸದಾ ಕಾಲ ಜನರ ನಡುವೆ ಒಡನಾಟ, ಜನರ ಸೇವೆ ಮಾಡಿದಾಗ ಮಾತ್ರ ಅವರ ಪ್ರೀತಿ, ವಿಶ್ವಾಸ ಗಳಿಸಲು ಸಾಧ್ಯ -ವಿ.ಸೋಮಣ್ಣ, ಸಚಿವ
ವಿಶ್ವಾಸ ಗಳಿಸಿದ ಬಳಿಕ ದ್ರೋಹವೆಸಗಬಾರದು ಎಂದು ಕೂಡಾ ಉಪದೇಶಿಸಿ.

ಪಡಿತರದಲ್ಲಿ ಕುಚಲಕ್ಕಿ ವಿತರಣೆಗೆ ಕೇಂದ್ರ ಸರಕಾರ ಅನುಮತಿ ನೀಡುವ ಮೂಲಕ ಕರಾವಳಿ ಜನತೆಯ ಬೇಡಿಕೆಗೆ ಧನಾತ್ಮಕವಾಗಿ ಸ್ಪಂದಿಸಿದೆ-ಎಸ್.ಅಂಗಾರ, ಸಚಿವ
ಅನುಮತಿ ನೀಡಿದರೆ ಸಾಕೆ, ವಿತರಣೆಗೆ ಅಕ್ಕಿಯನ್ನೂ ಒದಗಿಸಬೇಡವೇ?

ಪಂಜಾಬ್ ಮುಖ್ಯಮಂತ್ರಿ ಯಾರಾಗಬೇಕು ಎನ್ನುವುದನ್ನು ರಾಜ್ಯದ ಜನ ನಿರ್ಧರಿಸುತ್ತಾರೆಯೇ ಹೊರತು ಪಕ್ಷದ ಹೈಕಮಾಂಡ್ ಅಲ್ಲ-ನವಜೋತ್ ಸಿಂಗ್ ಸಿಧು, ಪಂಜಾಬ್ ಕಾಂಗ್ರೆಸ್ ಅಧ್ಯಕ್ಷ
ಜನತೆಯ ಮೇಲೆ ಅಷ್ಟೊಂದು ವಿಶ್ವಾಸ ಉಳ್ಳವರು ಯಾವುದೇ ಪಕ್ಷದ ಹಂಗಿನಲ್ಲಿರಬಾರದು.

ಉ.ಪ್ರ.ದ ಈ ಬಾರಿಯ ಚುನಾವಣೆಯು ಶೇ.80ರ ವಿರುದ್ಧ ಶೇ.20ರ ಹೋರಾಟ-ಯೋಗಿ ಆದಿತ್ಯನಾಥ್, ಉ.ಪ್ರ. ಮುಖ್ಯಮಂತ್ರಿ
ನಿಮಗೆ ಶೇ.20 ಸಿಕ್ಕರೆ ಮಹಾಭಾಗ್ಯ ಎನ್ನುತ್ತಿದ್ದಾರಲ್ಲ, ಜನರು?

ಬಿಜೆಪಿ ಶಾಸಕರು ಕೋವಿಡ್ ನಿಯಮ ಉಲ್ಲಂಘಿಸಿದರೆ ಅವರ ವಿರುದ್ಧವೂ ಪ್ರಕರಣ ದಾಖಲಿಸಬೇಕು-ಈಶ್ವರಪ್ಪ, ಸಚಿವ
ಕಾನೂನು ಉಲ್ಲಂಘಿಸುವವರಿಗೆ ಕೋವಿಡ್ ಲೆಕ್ಕವೇ?

ನಾವು ಬಿಜೆಪಿಯವರು ಗಂಡಸರು, ನಮ್ಮ ಗಂಡಸುತನವನ್ನು ಕೆಲಸದ ಮೂಲಕ ತೋರಿಸುತ್ತೇವೆ-ಡಾ.ಅಶ್ವತ್ಥ ನಾರಾಯಣ, ಸಚಿವ
ಹೀಗೆಲ್ಲಾ ಹೇಳಿ ಪಕ್ಷದಲ್ಲಿರುವ ಮಹಿಳೆಯರನ್ನು ಬೇಸ್ತು ಬೀಳಿಸಬೇಡಿ.

ಹೋರಿ ಬೆದರಿಸುವ ಜಾತ್ರೆಯಲ್ಲಿ ಕೋವಿಡ್ ಹರಡಿಲ್ಲ ಎಂದು ನಾನು ಲಿಖಿತವಾಗಿ ಬರೆದು ಕೊಡುತ್ತೇನೆ -ರೇಣುಕಾಚಾರ್ಯ, ಸಚಿವ
ಅದು ಕೋವಿಡ್ ಬೆದರಿಸುವ ಜಾತ್ರೆ ಎಂದು ಜನರಾಡಿಕೊಳ್ಳುತ್ತಿದ್ದಾರೆ.

ಕೊರೋನ ಮೊದಲನೇ ಅಲೆಗೆ ತಬ್ಲೀಗಿಗಳು ಕಾರಣ, ಮೂರನೇ ಅಲೆಗೆ ಕಾಂಗ್ರೆಸಿಗರು ಕಾರಣ -ಸುನೀಲ್ ಕುಮಾರ್, ಸಚಿವ
ತಬ್ಲೀಗಿಗಳ ನಮಸ್ತೆ ಟ್ರಂಪ್ ಸಮಾವೇಶ ಕಾರಣವಿರಬಹುದು.

ಮಹಿಳೆಯರ ವಿವಾಹದ ವಯಸ್ಸು ಏರಿಕೆ ಮಾಡಿರುವುದು ಅವರನ್ನು ‘ಆತ್ಮನಿರ್ಭರ’ರನ್ನಾಗಿ ಮಾಡಲಿದೆ-ನರೇಂದ್ರ ಮೋದಿ, ಪ್ರಧಾನಿ
ವಿವಾಹವಾಗಿ ಪತ್ನಿ ಪರಿತ್ಯಾಗ ಮಾಡಿದರೆ ಏನೆಲ್ಲಾ ಲಾಭಗಳಾಗುತ್ತವೆ ಎಂಬುದನ್ನೂ ವಿವರಿಸಿ.

ಒಂದು ವೇಳೆ ಚೀನಾ ಜೊತೆ ಯುದ್ಧ ನಡೆದರೆ ಗೆಲ್ಲುವುದು ನಾವೇ-ಎಂ.ಎಂ.ನರವಣೆ, ಭೂ ಸೇನಾ ಮುಖ್ಯಸ್ಥ
ಹಾಗಾದರೆ ವಿಳಂಬವೇಕೆ?

ಯುವಕರು ವಿವೇಕಾನಂದರ ಚಿಂತನೆಗಳಿಂದ ಸ್ಫೂರ್ತಿ ಪಡೆಯಬೇಕು-ರಘುಪತಿ ಭಟ್, ಶಾಸಕ
ಬಿಜೆಪಿಯೊಳಗಿರುವ ಅವಿವೇಕಾನಂದರುಗಳು ಅವಕಾಶ ಕೊಡಬೇಕಲ್ಲ.

ಸಾವರ್ಕರ್ ಬ್ರಿಟಿಷರಿಗೆ ಬರೆದ ಪತ್ರ ಕ್ಷಮಾಪಣೆಯದ್ದಲ್ಲ, ಅದು ಸಂಧಾನ ಪತ್ರ-ಸಾತ್ಯಕಿ ಸಾವರ್ಕರ್, ಸಾವರ್ಕರ್ ಮೊಮ್ಮಗ
ಬ್ರಿಟಿಷರು ಮಾಡಿದ್ದು ದಬ್ಬಾಳಿಕೆ ಅಲ್ಲ, ದಕ್ಷ ಆಡಳಿತ ಎಂದು ಕೂಡಾ ಹೇಳಿ ಬಿಡಿ.

ರಾಜ್ಯದ 25 ಸಂಸದರು ರಾಜ್ಯದ ಯಾವ ಸಮಸ್ಯೆಯ ಬಗ್ಗೆಯೂ ಧ್ವನಿ ಎತ್ತದೇ ಇರುವುದು ವಿಷಾದದ ಸಂಗತಿ -ಮನು ಬಳಿಗಾರ್, ಕಸಾಪ ನಿಕಟಪೂರ್ವ ಅಧ್ಯಕ್ಷ
ಸದ್ಯಕ್ಕೆ ಆ ಸಂಸದರೇ ರಾಜ್ಯದ ದೊಡ್ಡ ಸಮಸ್ಯೆ

ಆರೆಸ್ಸೆಸ್ ಎಂದರೆ ಇಡೀ ಹಿಂದೂ ಸಮಾಜ-ಮೋಹನ್ ಭಾಗವತ್, ಆರೆಸ್ಸೆಸ್ ಮುಖಂಡ
ಹಾಗಾದರೆ ಅದಕ್ಕೆ ಆರೆಸ್ಸೆಸ್ ಎಂಬೊಂದು ಪ್ರತ್ಯೇಕ ಹೆಸರಿನ ಕಳಂಕದ ಅಗತ್ಯವೇನಿದೆ?

ವಿಧಾನ ಪರಿಷತ್‌ನ ಘನತೆ ಹೆಚ್ಚಿಸುವ ನಿಟ್ಟಿನಲ್ಲಿ ಎಲ್ಲ ರೀತಿಯ ಪ್ರಯತ್ನ ನಡೆಸಲಾಗುವುದು=-ಬಸವರಾಜ ಹೊರಟ್ಟಿ, ಸಭಾಪತಿ
ಅಂದರೆ ಸೂಟ್ಕೇಸ್ ಇನ್ನಷ್ಟು ಹಿರಿದಾಗಲಿದೆಯೇ ?

ನಮ್ಮ ಪೂರ್ವಜರು ತೆಂಗಿನ ಮರ ನೆಟ್ಟಿದ್ದರು, ಇದೀಗ ಬೇರೆಯವರು ಎಳನೀರು ಕುಡಿಯುತ್ತಿದ್ದಾರೆ-ಎಂ.ಪಿ.ರೇಣುಕಾಚಾರ್ಯ, ಶಾಸಕ
ನಿಮ್ಮ ವರ್ತನೆ ನೋಡಿದರೆ ಅದು ತಾಳೆ ಮರವೇ ಇರಬೇಕು.

ಯಾರೂ ಯಾರನ್ನು ಮುಗಿಸಲು ಸಾಧ್ಯವಿಲ್ಲ, ಅದು ದೇವರ ಆಟ-ದೇವೇಗೌಡ, ಮಾಜಿ ಪ್ರಧಾನಿ
ಸೋತಾಗ ದೇವರ ಆಶ್ರಯ ಹುಡುಕುವವರು ಗೆದ್ದಾಗ ಸ್ವತಃ ದೇವರಾಗಿ ಬಿಡುತ್ತಾರೆ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

ಇಂದು ಹೆಚ್ಚು ಓದಿದ್ದು


Back to Top