-

ಓ ಮೆಣಸೇ...

-

ನಮ್ಮ ನಾಯಕರ ತ್ಯಾಗ ಬಲಿದಾನ ನಮ್ಮ ಶಕ್ತಿ-ಡಿ.ಕೆ.ಶಿವಕುಮಾರ್, ಕೆಪಿಸಿಸಿ ಅಧ್ಯಕ್ಷ
 ಅವರನ್ನೆಲ್ಲ ಜಾತ್ರೆಯಲ್ಲಿನ ಕೋಳಿ ಕುರಿಗಳ ಸ್ಥಾನದಲ್ಲಿ ನಿಲ್ಲಿಸಿ ಬಿಟ್ಟಿರಲ್ಲಾ !


ಮಾಜಿ ಸಚಿವ ರಮೇಶ್ ಜಾರಕಿಹೊಳಿ ಜೊತೆ ಸೇರಿ ಹೊಸ ಪಕ್ಷ ಕಟ್ಟಲು ನನ್ನಲ್ಲಿ ಲೂಟಿ ಮಾಡಿದ ಹಣವಿಲ್ಲ- ಬಸನಗೌಡ ಪಾಟೀಲ್ ಯತ್ನಾಳ್, ಶಾಸಕ
ಅದಕ್ಕೆ ಕದ್ದ ಸಂಪತ್ತು ಸಾಕಾಗುವುದಿಲ್ಲವೇ?


ಬಿಜೆಪಿಯ ತತ್ವ ಮತ್ತು ಸಿದ್ಧಾಂತಗಳನ್ನು ಮೈಗೂಡಿಸಿಕೊಂಡು ಬಂದಂತಹ ವ್ಯಕ್ತಿ ನಾನು- ಎಂ.ಪಿ.ರೇಣುಕಾಚಾರ್ಯ, ಶಾಸಕ
 ನೀವು ಇಳಿದಿರುವ ಮಟ್ಟ ನೋಡಿದವರಿಗೆ ಆ ಬಗ್ಗೆ ಅನುಮಾನವೇನಿಲ್ಲ.


ಮಹಾತ್ಮಾ ಗಾಂಧಿಯ ಆದರ್ಶಗಳು ಭಾರತದ ಆಧಾರ ಸ್ತಂಭಗಳು- ಬಸವರಾಜ ಬೊಮ್ಮಾಯಿ, ಮುಖ್ಯಮಂತ್ರಿ
ಆದರೆ ಕರ್ನಾಟಕದಲ್ಲಿ ಮಾತ್ರ ಸರಕಾರಕ್ಕೆ ಎಲ್ಲ ವಿಷಯದಲ್ಲೂ ಗೋಡ್ಸೆಯೇ ಆದರ್ಶ.


50 ವರ್ಷದ ರಾಜಕೀಯದಲ್ಲಿ ನಾನು ಏನೂ ಮಾಡಿಕೊಂಡಿಲ್ಲ, ನಾನು ಬಡವ- ಸಿ.ಎಂ.ಇಬ್ರಾಹೀಂ, ಕೇಂದ್ರದ ಮಾಜಿ ಸಚಿವ
ಈ ದೇಶದಲ್ಲಿ ಯಾವ ಬಡವನಿಗೆ ನಲ್ವತ್ತು ಕೋಟಿ ಸಾಲ ಸಿಕ್ಕಿದೆ? ನಿಮ್ಮದು, ನಿಜಕ್ಕೂ ದಾಖಲೆ.


ಭ್ರಷ್ಟಾಚಾರವೆಂಬ ಗೆದ್ದಲಿನಿಂದ ದೇಶವನ್ನು ಮುಕ್ತ ಮಾಡಲು ಜನರು ಒಗ್ಗಟ್ಟಿನಿಂದ ಕೆಲಸ ಮಾಡಬೇಕು- ನರೇಂದ್ರ ಮೋದಿ, ಪ್ರಧಾನಿ
 ಗೆದ್ದಲನ್ನು ಓಡಿಸಲು ಗೆದ್ದಲಿನಿಂದ ಮಾತ್ರ ಸಾಧ್ಯ ಎಂಬ ನಂಬಿಕೆಯಿಂದ ಪ್ರೇರಣೆ ಪಡೆದಿರಾ?

ವಿಧಾನಸಭೆ ಚುನಾವಣೆಯ ಬಳಿಕ ಗೋವಾದ ಗಣಿಗಾರಿಕೆ ಉದ್ಯಮವು ಎರಡು ಪಟ್ಟು ವೇಗದಲ್ಲಿ ಪುನಾರಂಭವಾಗಲಿದೆ- ಅಮಿತ್ ಶಾ, ಕೇಂದ್ರ ಸಚಿವ
ಅಲ್ಲಿ ಸೋತರೆ ಗಣಿ ದರೋಡೆಗೆ ಬೇರೆ ಜಾಗವನ್ನು ಈಗಲೇ ಹುಡುಕಿಟ್ಟುಕೊಳ್ಳಿ.

ಸಿದ್ದರಾಮಯ್ಯ ಮತ್ತು ಡಿಕೆಶಿ ಎಣ್ಣೆ-ನೀರು ಇದ್ದ ಹಾಗೆ, ಅವರು ಒಂದಾಗಲು ಸಾಧ್ಯವೇ ಇಲ್ಲ- ಗೋವಿಂದ ಕಾರಜೋಳ, ಸಚಿವ
ಎಣ್ಣೆ ಮತ್ತು ನೀರಿಗಿರುವ ಸಂಬಂಧವನ್ನು ಯಾರಾದರೂ ಕುಡುಕರ ಬಳಿ ಕೇಳಿ ಹೇಳುತ್ತಾರೆ.

ಗಾಂಧಿಯನ್ನು ಕೊಲ್ಲುವ ಬದಲು ಮುಹಮ್ಮದಲಿ ಜಿನ್ನಾರನ್ನು ಕೊಂದಿದ್ದರೆ ಅವರು ನಿಜವಾದ ಹಿಂದುತ್ವವಾದಿ ಎನಿಸಿಕೊಳ್ಳುತ್ತಿದ್ದರು- ಸಂಜಯ್ ರಾವತ್, ಶಿವಸೇನಾ ಸಂಸದ

ಒಟ್ಟಿನಲ್ಲಿ ಯಾರನ್ನಾದರೂ ಕೊಲ್ಲದೆ ಹಿಂದುತ್ವವಾದಿ ಆಗಲು ಸಾಧ್ಯವಿಲ್ಲ ಎಂದಾಯಿತು.

ಸಿ.ಎಂ.ಇಬ್ರಾಹೀಂ ಪಕ್ಷ ಬಿಟ್ಟಿರುವುದು ಕಾಂಗ್ರೆಸ್‌ನಲ್ಲಿ ಎಲ್ಲವೂ ಸರಿಯಿಲ್ಲ ಎನ್ನುವುದು ಮೇಲ್ನೋಟಕ್ಕೆ ಗೊತ್ತಾಗುತ್ತಿದೆ
-ಶ್ರೀರಾಮುಲು, ಸಚಿವ

ಪಕ್ಷ ಬಿಡುವುದರಿಂದ ಕೆಲವೊಮ್ಮೆ ಎಲ್ಲ ಸರಿಯಾಗುವ ಸಾಧ್ಯತೆಗಳು ಇರುತ್ತವೆ.

ಸಮಯ ಸಾಧಕರನ್ನು ಕಾಂಗ್ರೆಸ್‌ಗೆ ಸೇರಿಸಿಕೊಳ್ಳಬಾರದು- ಎಚ್.ಆಂಜನೇಯ, ಮಾಜಿ ಸಚಿವ
ಸಮಯ ಸಾಧಕರ ಪಕ್ಷದಲ್ಲಿ ಅನ್ಯರೆಲ್ಲಿ ಫಿಟ್ ಆಗ್ತಾರೆ?

ಮೋದಿ ಸರಕಾರದಲ್ಲಿ ಯಾರಿಗೂ ಮಾಮೂಲಿ ಸಿಗುವುದಿಲ್ಲ- ಪ್ರತಾಪ ಸಿಂಹ, ಸಂಸದ
ಮಾಮೂಲಿಗಿಂತ ಸಾವಿರಪಾಲು ಹೆಚ್ಚು ಲಂಚಕ್ಕೆ ಮೈಸೂರು ಕಡೆ ಏನಂತಾರೆ?

ತ.ನಾಡು ಸ್ಥಳೀಯ ಸಂಸ್ಥೆಗಳಿಗೆ ನಡೆಯಲಿರುವ ಚುನಾವಣೆಯಲ್ಲಿ ಬಿಜೆಪಿ ಯಾವುದೇ ಪಕ್ಷಗಳೊಂದಿಗೆ ಮೈತ್ರಿ ಮಾಡಿಕೊಳ್ಳುವುದಿಲ್ಲ- ಅಣ್ಣಾಮಲೈ, ತ.ನಾಡು ಬಿಜೆಪಿ ಅಧ್ಯಕ್ಷ
ಯಾವುದಾದರೂ ಪಕ್ಷ ಮೈತ್ರಿಗೆ ಒಪ್ಪಿದ ದಿನ ದೇಶಕ್ಕೆ ತಿಳಿಸಿ.

ಎಸ್ಪಿಟೋಪಿಗೆ ರಾಮ ಭಕ್ತರ ರಕ್ತದಿಂದ ಬಣ್ಣ ಬಳಿಯಲಾಗಿದೆ- ಯೋಗಿ ಆದಿತ್ಯನಾಥ್, ಉ.ಪ್ರ. ಸಿಎಂ
ನೀವು ಸಂಪೂರ್ಣ ಕುಡಿದೇ ಬಿಟ್ಟಿದ್ದರಿಂದ ಹೊರಗೆಲ್ಲೂ ಕಲೆಗಳು ಕಾಣಿಸುತ್ತಿಲ್ಲ.

ಬಿಜೆಪಿ ಅಧಿಕಾರಕ್ಕೆ ಬರುವ ಮುನ್ನ ಲಕ್ಷ ರೂ. ಮೊತ್ತದಲ್ಲಿ ಬರುತ್ತಿದ್ದ ಅನುದಾನಗಳು ಬಿಜೆಪಿ ಅಧಿಕಾರದ ಅವಧಿಯಲ್ಲಿ ಕೋಟಿ ರೂ. ಮೊತ್ತದಲ್ಲಿ ಬರುತ್ತಿದೆ- ಸುನೀಲ್ ಕುಮಾರ್, ಸಚಿವ

ಬಹುಶಃ ಪಕ್ಷಕ್ಕೆ ಬರುತ್ತಿರುವ ನಿಧಿಯ ಬಗ್ಗೆ ಹೇಳುತ್ತಿರಬೇಕು.

ಚುನಾವಣೆ ಬಂದಾಗ ಕಾಂಗ್ರೆಸ್‌ಗೆ ಅಲ್ಪಸಂಖ್ಯಾತರು ವೋಟಿಗಾಗಿ ಮಾತ್ರ ಬೇಕು- ರೋಶನ್ ಬೇಗ್, ಮಾಜಿ ಸಚಿವ
ಬ್ರಹ್ಮಾಂಡ ಭ್ರಷ್ಟಾಚಾರಕ್ಕಾಗಿ ಮಾತ್ರ ಕಾಂಗ್ರೆಸನ್ನು ಬಳಸಿಕೊಂಡ ಕೆಲವು ಮುಸ್ಲಿಮ್ ನಾಯಕರೂ ಅದಕ್ಕೆ ಹೊಣೆಗಾರರು.

ಎಲ್ಲ ಧರ್ಮದವರಿಗೂ ಸಮಬಾಳು, ಸಮಪಾಲು ತತ್ವದ ಮೇಲೆ ನಿಂತಿರುವ ಪಕ್ಷ ಕಾಂಗ್ರೆಸ್ ಮಾತ್ರ- ಯು.ಟಿ.ಖಾದರ್, ಮಾಜಿ ಸಚಿವ
ಯಾವಾಗ್ಲೂ ಹಾಗೆ ನಿಂತಲ್ಲೇ ನಿಂತಿದ್ದರೆ ಸಾಕೇ? ಒಂದಷ್ಟು ಮುಂದಕ್ಕೂ ಚಲಿಸುತ್ತಿರಬೇಕು.

ಯತ್ನಾಳ್ ಮತ್ತು ರೇಣುಕಾಚಾರ್ಯ ಪದೇ ಪದೇ ಸಾರ್ವಜನಿಕವಾಗಿ ಬಹಿರಂಗ ಹೇಳಿಕೆ ನೀಡುವುದು ಒಳ್ಳೆಯ ಬೆಳವಣಿಗೆಯಲ್ಲ
-ಈಶ್ವರಪ್ಪ, ಸಚಿವ
ಹೊಲಸು ಕೆಲಸಗಳನ್ನು ಗುಟ್ಟಾಗಿ ಮಾಡುವ ಕಲೆಯನ್ನು ಅವರಿಗೆ ನೀವು ಕಲಿಸಿ ಕೊಡಿ.

ಮಾಜಿ ಸಿಎಂ ಸಿದ್ದರಾಮಯ್ಯ ಕಾಂಗ್ರೆಸ್ ಪಾಲಿನ ಭಸ್ಮಾಸುರ-ಎಚ್.ವಿಶ್ವನಾಥ್, ವಿ.ಪ. ಸದಸ್ಯ
ಭಸ್ಮಾಸುರ ಗೆದ್ದರೆ ನೀವು ಆತನ ಪಾದಸೇವೆಗೆ ಹಿಂಜರಿಯುವಿರಾ?

ಕ್ರಿಕೆಟ್‌ಗೆ ಕೊಡುಗೆ ನೀಡಲು ತಂಡದ ನಾಯಕನೇ ಆಗಬೇಕೆಂದಿಲ್ಲ- ವಿರಾಟ್ ಕೊಹ್ಲಿ, ಭಾರತ ಕ್ರಿಕೆಟ್ ತಂಡದ ನಿಕಟಪೂರ್ವ ನಾಯಕ
ಸಮಾಜ ಸೇವೆ ಸಲ್ಲಿಸಲು ನಮ್ಮನ್ನು ಮಂತ್ರಿಗಳಾಗಿಸಿ ಎಂದು ಅಂಗಲಾಚುವ ಪುಡಾರಿಗಳಿಗೆ ಇದರ ಒಂದಂಶ ವಿವೇಕವಾದರೂ ಇದ್ದಿದ್ದರೆ...!

ಬೊಮ್ಮಾಯಿ ಸಿಎಂ ಆಗಿದ್ದರೂ ನನ್ನ ಪಾಲಿಗೆ ಯಡಿಯೂರಪ್ಪನವರೇ ಈಗಲೂ ಮುಖ್ಯಮಂತ್ರಿ- ಕೆ.ಸಿ.ನಾರಾಯಣ ಗೌಡ, ಸಚಿವ
ಅನುಕೂಲಕ್ಕಾಗಿ ಯಾರನ್ನಾದರೂ ಅಪ್ಪ ಎನ್ನಬಲ್ಲವರು, ಯಾರನ್ನಾದರೂ ಮುಖ್ಯಮಂತ್ರಿ ಎಂದು ಎಂದು ಕರೆದರೆ ಅಚ್ಚರಿ ಇಲ್ಲ.

(ಗೋವಾದಲ್ಲಿ) ಒಂದು ವೇಳೆ ನೀವು ಆಮ್ ಆದ್ಮಿ ಪಕ್ಷಕ್ಕೆ ಮತ ಹಾಕದೇ ಇದ್ದರೆ ಪರೋಕ್ಷವಾಗಿ ಬಿಜೆಪಿಗೆ ಮತ ಹಾಕಿದಂತೆ
-ಅರವಿಂದ ಕೇಜ್ರಿವಾಲ್, ಆಪ್ ನಾಯಕ
ಪಂಜಾಬ್‌ನಲ್ಲಿ ಕಾಂಗ್ರೆಸ್‌ನವರು ನಿಮ್ಮ ವಿರುದ್ಧ ಇದೇ ಡೈಲಾಗ್ ಹೊಡೀತಿದ್ದಾರೆ.

ಅಲ್ಲಲ್ಲಿ ರಸ್ತೆಗಳನ್ನು ಅಗೆದಿರುವುದನ್ನು ನೋಡಿದಾಗ ಹೊಟ್ಟೆ ಉರಿಯುತ್ತೆ- ಭೈರತಿ ಬಸವರಾಜ್, ಸಚಿವ

ಕಾಂಟ್ರಾಕ್ಟ್ ಕೈತಪ್ಪಿದ ಕೊರಗೇ?

ಅಹಿಂದುಗಳನ್ನು ದೇವಸ್ಥಾನ ಮತ್ತು ಹಿಂದೂಗಳ ಕಾರ್ಯಕ್ರಮಕ್ಕೆ ಕರೆಯಬೇಡಿ- ಕಲ್ಲಡ್ಕ ಪ್ರಭಾಕರ ಭಟ್, ಆರೆಸ್ಸೆಸ್ ನಾಯಕ
ಇದು ಶೂದ್ರ ಮತ್ತು ಪಂಚಮರನ್ನು ಧಾರ್ಮಿಕ ಸ್ಥಳಗಳಿಂದ ಮಾರು ದೂರ ಇಡುವ ಹಳೆಯ ಅಮಾನುಷ ಸಂಪ್ರದಾಯವನ್ನು ಮತ್ತೆ ಹೇರುವುದಕ್ಕಿರುವ ಪೀಠಿಕೆಯಲ್ಲವೇ ಭಟ್ರೇ?

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top