-

ಓ ಮೆಣಸೇ...

-

ಭಾಷೆ, ಸಂಸ್ಕೃತಿ, ನಡವಳಿಕೆ ಮತ್ತು ನಾಗರಿಕತೆ ಕೊಂಡಿಯಾಗಿ ಕೆಲಸ ಮಾಡಿದರೆ ಮಾತ್ರ ಸಮಾಜ ಚೆನ್ನಾಗಿ ನಡೆಯಲು ಸಾಧ್ಯ -ಸುನೀಲ್ ಕುಮಾರ್, ಸಚಿವ

ಆದ್ದರಿಂದ ಸಮಾಜವನ್ನು ಛಿದ್ರಗೊಳಿಸುವುದರಲ್ಲೇ ಸಾರ್ಥಕ್ಯ ಕಾಣುವವರು ಕೊಂಡಿಗಳನ್ನು ಕಡಿಯುವ ಸಾಧನೆ ಮಾಡಿ ಸಚಿವರಾಗುತ್ತಾರೆ.

ನಮ್ಮದು ಒಂದೇ ಭಾಷೆ, ಒಂದೇ ದೇಶ, ನಾವೆಲ್ಲರೂ ಒಂದೇ ಎಂಬ ಭಾವನೆಯಲ್ಲಿ ಬದುಕುತ್ತಿರುವ ದೇಶ -ವೆಂಕಯ್ಯ ನಾಯ್ಡು, ಉಪರಾಷ್ಟ್ರಪತಿ

ಮನುವಾದಿಗಳ ವಿಚ್ಛಿದ್ರವಾದವನ್ನು ನಿಭಾಯಿಸುವ ಕಲೆಯನ್ನು ಕರಗತ ಮಾಡಿಕೊಂಡರೆ ಭವಿಷ್ಯದಲ್ಲೂ ನಾವು ಆ ರೀತಿ ಬದುಕುತ್ತಿರಬಹುದು.

ಮುಂದಿನ ಬಾರಿ ರಾಜ್ಯದಲ್ಲಿ ಕಾಂಗ್ರೆಸ್ ಅಧಿಕಾರಕ್ಕೆ ಬಂದರೆ ತಾಲಿಬಾನ್ ಸರಕಾರದ ಪರಿಸ್ಥಿತಿ ನಿರ್ಮಾಣವಾದೀತು -ಪ್ರತಾಪಸಿಂಹ, ಸಂಸದ

ಕೇಂದ್ರ ಸರಕಾರದಿಂದ ಆ ಕಾರಣಕ್ಕಾದರೂ ರಾಜ್ಯಕ್ಕೆ 200 ಕೋಟಿ ರೂ. ಅನುದಾನ ಸಿಗುತ್ತಿತ್ತು.

ಜಗತ್ತಿನ ಯಾವುದೇ ದೇಶದ ಒಂದಿಚು ನೆಲವನ್ನೂ ಆಕ್ರಮಿಸದ ವಿಶ್ವದ ಏಕೈಕ ದೇಶ ಭಾರತವಾಗಿದೆ -ರಾಜನಾಥ್ ಸಿಂಗ್, ಕೇಂದ್ರ ಸಚಿವ

ನಮ್ಮ ನೆಲವನ್ನು ಇನ್ನೊಬ್ಬರು ಆಕ್ರಮಿಸದಂತೆ ತಡೆಯುವಲ್ಲಿ ಆದ ಸರಕಾರದ ವೈಫಲ್ಯಕ್ಕೆ ಇದು ಸಮರ್ಥನೆಯೇ?

ಹಾಲು ಕುಡಿದು ಸಾಯುವವರಿಗೆ ಯಾರಾದರೂ ವಿಷ ಹಾಕಿ ಕೊಲ್ಲುತ್ತಾರಾ? -ಗೋವಿಂದ ಕಾರಜೋಳ, ಸಚಿವ

ವಿಷ ಕುಡಿದರೂ ಸಾಯದವರು ಹಾಲು ಕುಡಿದು ಸಾಯುತ್ತಾರೆಯೇ?

2023ರಲ್ಲಿ ರಾಜ್ಯದಲ್ಲಿ ಬಿಜೆಪಿಯನ್ನು ಮತ್ತೆ ಅಧಿಕಾರಕ್ಕೆ ತರಲು ಶಕ್ತಿ ಮೀರಿ ಕೆಲಸ ಮಾಡುತ್ತೇನೆ -ಯಡಿಯೂರಪ್ಪ, ಮಾಜಿ ಮುಖ್ಯಮಂತ್ರಿ

ಬಿಜೆಪಿಯೊಳಗಿರುವವರಿಗೆ ನೀವು ಮಾಡಲಿರುವ ಕೆಲಸದ ಬಗ್ಗೆ ತೀವ್ರವಾದ ಭಯವಿದ್ದಂತಿದೆ.

ನಾನು ಬರೆದಿರುವ ‘ಬಾಂಬೆ ಡೇಸ್’ ಪುಸ್ತಕ ಹೊರಬಂದರೆ ಕೆಲವು ಮಾಜಿ ಮುಖ್ಯಮಂತ್ರಿಗಳು ಬೆತ್ತಲಾಗುತ್ತಾರೆ -ಎಚ್.ವಿಶ್ವನಾಥ್, ವಿ.ಪ.ಸದಸ್ಯ

ಇದನ್ನೆಲ್ಲಾ ಘೋಷಿಸಿ ನೀವು ಯಾವುದಕ್ಕಾಗಿಯೋ ಚೌಕಾಶಿ ಮಾಡುತ್ತಿದ್ದೀರಿ ಎಂಬ ನಿಮ್ಮ ಇರಾದೆ ಮಾತ್ರ ಈಗಾಗಲೇ ಬೆತ್ತಲಾಗಿದೆ.

ಹಿಂದೂಗಳು ಮತ್ತು ಮುಸ್ಲಿಮರು ಬೇರೆಯಾಗಬೇಕು ಎನ್ನುವುದೇ ಕಾಂಗ್ರೆಸ್‌ನ ಉದ್ದೇಶ -ಕೆ.ಎಸ್.ಈಶ್ವರಪ್ಪ, ಸಚಿವ

ಅವರು ಅಷ್ಟು ಕಾಲ ಸಂಘಪರಿವಾರವನ್ನು ಸಹಿಸಿದ್ದು ಮತ್ತು ಪೋಷಿಸಿದ್ದು ಇದೇ ಕಾರಣಕ್ಕೆ ಎಂಬ ಒಳಗುಟ್ಟನ್ನೂ ಉಗುಳಿ ಬಿಡಿ.

 ಸರಕಾರಿ ಶಾಲೆಗಳು ಭಾರತೀಯ ಶಿಕ್ಷಣದ ಸೊಗಡು ಹೊಂದಿದ್ದು, ವಿದ್ಯಾರ್ಥಿಗಳಲ್ಲಿ ರಾಷ್ಟ್ರ ಚಿಂತನೆ ಬೆಳೆಸುತ್ತದೆ -ನಳಿನ್ ಕುಮಾರ್ ಕಟೀಲು, ಸಂಸದ

ಸ್ವತಃ ತಮ್ಮ ಮಕ್ಕಳನ್ನು ಸರಕಾರಿ ಶಾಲೆಗೆ ಮಾತ್ರ ಕಲಿಸುತ್ತೇವೆಂದು ಸಂಘಿಗಳೆಲ್ಲ ಪ್ರಮಾಣ ಮಾಡಿದರೂ ಈ ಬಗೆಯ ಬೊಗಳೆಯನ್ನು ಜನರೆಲ್ಲಿ ನಂಬುತ್ತಾರೆ?

ನಾನು ಜಲ ಸಂಪನ್ಮೂಲ ಸಚಿವನಾಗಿದ್ದ ಸಂದರ್ಭದಲ್ಲಿ ಕರ್ನಾಟಕ-ಮಹಾರಾಷ್ಟ್ರ ನಡುವಿನ ಜಲ ವಿವಾದ ಪರಿಹರಿಸಲು ನನಗೆ ಸಾಧ್ಯವಾಗಲಿಲ್ಲ -ನಿತಿನ್ ಗಡ್ಕರಿ, ಕೇಂದ್ರ ಸಚಿವ

ವಿವಾದ ಹುಟ್ಟಿಸಿ ಹಾಕುವಲ್ಲಿ ನೀವು ಬ್ಯುಸಿ ಆಗಿದ್ದಿರಬೇಕು.

ಯುವ ಜನರಲ್ಲಿ ಪ್ರಾರಂಭದಿಂದಲೇ ವೈಜ್ಞಾನಿಕ ಕುತೂಹಲ ಬೆಳೆಸಬೇಕು -ಡಿ.ವಿ.ಸದಾನಂದಗೌಡ, ಕೇಂದ್ರದ ಮಾಜಿ ಸಚಿವ

ಮುಚ್ಚಿದ ಕೋಣೆಯೊಳಗಿನ ದೃಶ್ಯಗಳ ರೆಕಾರ್ಡಿಂಗ್ ಅಸಾಧ್ಯಗೊಳಿಸುವಂತಹ ತಂತ್ರಜ್ಞಾನವನ್ನು ಅವರ ಕೈಯಿಂದ ಬೆಳೆಸಬೇಕು.

ಉಕ್ರೇನ್‌ನಲ್ಲಿ ನಮ್ಮ ಮಕ್ಕಳು ಸಂಕಷ್ಟಕ್ಕೆ ಸಿಲುಕಿದ್ದರೆ ಕಾಂಗ್ರೆಸ್‌ನವರು ಬಿರಿಯಾನಿ ತಿನ್ನುತ್ತಾ, ಡ್ಯಾನ್ಸ್ ಮಾಡುತ್ತಾ ಪಾದಯಾತ್ರೆ ಮಾಡುತ್ತಿದ್ದಾರೆ -ಆರ್ .ಅಶೋಕ್, ಸಚಿವ

ನಿಮ್ಮ ಪಾಳಯದವರ ಮಕ್ಕಳು ಅಮೆರಿಕ ಮತ್ತು ಬ್ರಿಟನ್‌ಗಳನ್ನು ಬಿಟ್ಟು ಉಕ್ರೇನ್‌ಗೆ ಹೋಗಿದ್ದು ಯಾವಾಗ?

ಹೇಗಾದರೂ ಮಾಡಿ ಈ ರಾಜ್ಯದ ಮುಖ್ಯಮಂತ್ರಿಯಾಗಬೇಕೆಂಬ ಹುಚ್ಚು ಡಿಕೆಶಿ ಅವರನ್ನು ಆವರಿಸಿಕೊಂಡಿದೆ -ಡಾ.ಅಶ್ವತ್ಥನಾರಾಯಣ, ಸಚಿವ

ನಿಮ್ಮ ಹುಚ್ಚು ಬಿಟ್ಟಿದೆಯೇ?

ಕೇಂದ್ರ ಸಚಿವ ನಿತಿನ್ ಗಡ್ಕರಿ ಜನಪರ ಕಾಳಜಿಯುಳ್ಳ ಅಪರೂಪದ ರಾಜಕಾರಣಿ -ಮಲ್ಲಿಕಾರ್ಜುನ ಖರ್ಗೆ, ಕಾಂಗ್ರೆಸ್ ಮುಖಂಡ

ಯಾವುದಾದರೂ ರಸ್ತೆ ಕಾಂಟ್ರಾಕ್ಟ್ ಬಗ್ಗೆ ಮಾತುಕತೆಗೆ ಇದು ಪೀಠಿಕೆ ಅಲ್ಲ ತಾನೇ?

ಶಿಕ್ಷಕರ ವರ್ಗಾವಣೆ ತಿದ್ದುಪಡಿ ಕಾಯ್ದೆಯಿಂದ ಶಿಕ್ಷಕರು ಖುಷಿಯಾಗಿದ್ದು, ಮುಂದಿನ ದಿನಗಳಲ್ಲಿ ಮತ್ತಷ್ಟು ಹೊಸ ಪ್ರಯೋಗಗಳನ್ನು ಮಾಡಲಾಗುವುದು -ಬಿ.ಸಿ.ನಾಗೇಶ್, ಸಚಿವ

ಒಂದೊಂದು ವರ್ಗಾವಣೆಗಾಗಿ ಎಷ್ಟೆಷ್ಟು ಕೊಟ್ಟು ಅವರು ನಿಮ್ಮನ್ನು ಖುಷಿ ಪಡಿಸಬೇಕು?

ಉ.ಪ್ರ. ಸಿಎಂ ಭಾರತದ ಮುಂದಿನ ಪ್ರಧಾನಿ ಎಂದು ಜನರು ಚರ್ಚೆ ನಡೆಸುತ್ತಿರುವುದು ತೀರಾ ಸಹಜವಾಗಿದೆ -ಅಮಿತ್ ಶಾ, ಕೇಂದ್ರ ಸಚಿವ

ಮೋದಿ ಮತ್ತು ಯೋಗಿಯನ್ನು ಜಗಳಾಡಿಸಿ ನೀವು ಸಾಧಿಸಲು ಹೊರಟಿರುವುದು ಏನನ್ನು?

ಉಕ್ರೇನ್‌ನಲ್ಲಿರುವ ವಿದ್ಯಾರ್ಥಿಗಳನ್ನು ಸುರಕ್ಷಿತವಾಗಿ ಭಾರತಕ್ಕೆ ಕರೆತರುವ ವಿಷಯದಲ್ಲಿ ನಮ್ಮ ದೇಶದ ರಾಜಕೀಯ ಪಕ್ಷಗಳ ನಡುವೆ ಒಗ್ಗಟ್ಟಿಲ್ಲ ಎನ್ನುವಂತೆ ಹೊರಗಿನವರಿಗೆ ತೋರಿಸಿಕೊಳ್ಳುವುದು ಬೇಡ -ದೇವೇಗೌಡ, ಮಾಜಿ ಪ್ರಧಾನಿ

ರಾಜಕೀಯ ಪಕ್ಷಗಳಲ್ಲಿ ಒಮ್ಮತವಿದೆ, ಆಳುವ ಪಕ್ಷ ಮತ್ತು ಸರಕಾರ ಮಾತ್ರ ಸೋಮಾರಿಯಾಗಿವೆ ಎಂಬುದನ್ನು ಜಗತ್ತೆಲ್ಲ ನೋಡುತ್ತಿರುವಾಗ ಬಚ್ಚಿಡುವುದಕ್ಕೆ ಏನು ತಾನೇ ಉಳಿದಿದೆ?

ನೀಟ್ ವ್ಯವಸ್ಥೆಯನ್ನು ವಿರೋಧಿಸುವವರು ಧನದಾಹಿಗಳು, ದ್ರೋಹಿಗಳು -ಡಾ.ಅಶ್ವತ್ಥನಾರಾಯಣ, ಸಚಿವ

ಒಂದು ಕಾಲದದಲ್ಲಿ ಸಂಘವಲಯದಲ್ಲಿ, ಬ್ರಿಟಿಷರನ್ನು ವಿರೋಧಿಸುವವರ ಬಗ್ಗೆಯೂ ಇಂತಹ ಅಭಿಮತವಿತ್ತು.

ರೈತರು ಅಸಮಾಧಾನಗೊಂಡಿರುವುದರಿಂದ ಉ.ಪ್ರ.ದಲ್ಲಿ ಈ ಬಾರಿಯ ಚುನಾವಣೆಯಲ್ಲಿ ಬಿಜೆಪಿ ಗೆಲ್ಲುವ ಸಾಧ್ಯತೆ ಕಡಿಮೆ -ಪ್ರವೀಣ್ ತೊಗಾಡಿಯಾ, ವಿಎಚ್‌ಪಿ ಮಾಜಿ ಅಧ್ಯಕ್ಷ

ಈಗಲೂ ನಿಮಗೆ ರೈತರ ಸಮಾಧಾನಕ್ಕಿಂತ ಬಿಜೆಪಿ ಗೆಲುವೇ ಹೆಚ್ಚು ಚಿಂತೆಯ ವಿಷಯವೇ?

ಉಕ್ರೇನ್ ಯುದ್ಧದಿಂದ ಭವಿಷ್ಯದಲ್ಲಿ ಏನಾಗಬಹುದು ಎಂಬ ಯಾವ ಕಲ್ಪನೆಯೂ ರಶ್ಯ ಅಧ್ಯಕ್ಷ ಪುಟಿನ್‌ಗೆ ಇಲ್ಲ -ಜೋ ಬೈಡನ್, ಅಮೆರಿಕ ಅಧ್ಯಕ್ಷ

ನಿಮ್ಮ ಭವಿಷ್ಯವಂತೂ ಚಿಂತಾಜನಕವಾಗಿದೆ.

ವಿದೇಶಗಳಲ್ಲಿ ವೈದ್ಯಕೀಯ ವಿದ್ಯಾಭ್ಯಾಸಕ್ಕೆ ತೆರಳಿರುವ ವಿದ್ಯಾರ್ಥಿ ಗಳಲ್ಲಿ ಶೇ.90ರಷ್ಟು ನೀಟ್ ಪರೀಕ್ಷೆಯಲ್ಲಿ ಅನುತೀರ್ಣರಾದವರು -ಪ್ರಹ್ಲಾದ್ ಜೋಶಿ, ಕೇಂದ್ರ ಸಚಿವ

ಪರೀಕ್ಷೆಯನ್ನೇ ಎದುರಿಸಿರಲಿಲ್ಲ ಎಂದಾದರೆ ಅವರಲ್ಲೊಬ್ಬನನ್ನು ಪ್ರಧಾನಿ ಪಟ್ಟಕ್ಕೆ ಪರಿಗಣಿಸಬಹುದಿತ್ತು.

ತೆಲಂಗಾಣ ಸಿಎಂ ಕೆ.ಚಂದ್ರಶೇಖರ್ ರಾವ್ ಬಿಹಾರಿ ಡಿಎನ್‌ಎ ಹೊಂದಿದ್ದಾರೆ -ರೇವಂತ ರೆಡ್ಡಿ, ತೆಲಂಗಾಣ ಕಾಂಗ್ರೆಸ್ ಅಧ್ಯಕ್ಷ

ಬಿಹಾರವೆಂದರೆ ಎಲ್ಲಿ, ಅಂಟಾರ್ಟಿಕಾದಲ್ಲಿದೆಯೇ?

ಬಿಜೆಪಿಯದ್ದು ಡಬಲ್ ಇಂಜಿನ್ ಸರಕಾರ ಅಲ್ಲ, ಡಬ್ಬಾ ಇಂಜಿನ್ ಸರಕಾರ -ರಾಮಲಿಂಗಾರೆಡ್ಡಿ, ಕೆಪಿಸಿಸಿ ಕಾರ್ಯಾಧ್ಯಕ್ಷ

 ಹಾಗೆಲ್ಲ ಹಂಗಿಸುವ ಬದಲು ಎರಡು ತದ್ವಿರುದ್ಧ ದಿಕ್ಕುಗಳೆಡೆಗೆ ಎಳೆಯುವ ಡಬಲ್ ಇಂಜಿನ್ ಸರಕಾರ ಎನ್ನಬಹುದಲ್ಲಾ?

ಕಾಂಗ್ರೆಸ್‌ನವರು ಈಗಾಗಾಲೇ ಅಧಿಕಾರಕ್ಕೆ ಬಂದಂತೆ ಎಲ್ಲ ಕಡೆ ಪೋಸ್ ಕೊಡುತ್ತಿದ್ದಾರೆ -ಬಸವರಾಜ ಬೊಮ್ಮಾಯಿ, ಸಿಎಂ

ನೀವೇಕೆ ಅಧಿಕಾರ ಕಳೆದು ಕೊಂಡವರಂತೆ ಫೋಸ್ ಕೊಡುತ್ತಿರುವುದು?

ರಾಮನಾಮ ಜಪಿಸಿ ಅಧಿಕಾರಕ್ಕೆ ಬಂದವರು ರಾಮನ ಭಕ್ತ ಆಂಜನೇಯನನ್ನೇ ಮರೆತು ಬಿಟ್ಟಿದ್ದಾರೆ -ವಿ.ಎಸ್.ಉಗ್ರಪ್ಪ, ಕಾಂಗ್ರೆಸ್ ನಾಯಕ

ಅವನ ಹೆಸರಲ್ಲೂ ಜನರ ನಡುವೆ ಜಗಳ ಹಚ್ಚಬೇಕೇ ?

ಮುಂದಿನ ಚುನಾವಣೆಯಲ್ಲಿ ಗೆದ್ದರೆ ನಾಯಕ ಆಗಬೇಕೆಂಬ ಉದ್ದೇಶದಿಂದ ಪಾದಯಾತ್ರೆ ಮಾಡಲಾಗುತ್ತಿದೆ -ಶ್ರೀರಾಮುಲು, ಸಚಿವ

ಈಗಲೇ ಅವರ ಭವಿಷ್ಯದ ನಾಯಕತ್ವದ ಬಗ್ಗೆ ಚಿಂತಿಸುವಷ್ಟು ನಿಮ್ಮ ಪರಿಸ್ಥಿತಿ ಚಿಂದಿಯಾಗಿದೆಯೇ?

ಸಜ್ಜನರ ಜೊತೆಗಿರಬೇಕು ಎಂದು ಕೊಂಡಿದ್ದೇನೆ -ಸಿ.ಎಂ. ಇಬ್ರಾಹೀಂ, ವಿ.ಪ. ಸದಸ್ಯ

ಅವರು ಒಪ್ಪುತ್ತಾರೆಯೇ?

ಮುಂದೊಂದು ದಿನ ಕೇಸರಿ ಪೇಟಕ್ಕೆ ತಲೆಬಾಗುವ ದಿನ ಬರುತ್ತದೆ -ಕೆ.ಎಸ್.ಈಶ್ವರಪ್ಪ, ಸಚಿವ

ಚಂದದ ಕೇಸರಿ ಬಣ್ಣಕ್ಕೆ ಪೌರೋಹಿತ್ಯದ ಸೆಗಣಿ ಬಳಿದವರು ತಮ್ಮ ವಿನಾಶದ ದಿನಗಳನ್ನು ಹೀಗೆಲ್ಲ ವೈಭವೀಕರಿಸಿ ಸಾಂತ್ವನ ಪಡೆಯುತ್ತಿರುತ್ತಾರೆ.

ಯುದ್ಧಪೀಡಿತ ಉಕ್ರೇನ್‌ನಿಂದ ಒಂದು ಶವ ತರುವ ಜಾಗದಲ್ಲಿ 8-10 ಜನರನ್ನು ಕರೆತರಬಹುದು -ಅರವಿಂದ ಬೆಲ್ಲದ, ಶಾಸಕ

ಒಳಗಿನ ಮನುಷ್ಯತ್ವ ಸಂಪೂರ್ಣ ಸತ್ತಮೇಲೆ ಲೆಕ್ಕಾಚಾರಗಳೆಲ್ಲಾ ಹೀಗೆಯೇ ಇರುತ್ತವೆ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

ಇಂದು ಹೆಚ್ಚು ಓದಿದ್ದು


Back to Top