-

ಓ ಮೆಣಸೇ ...

-

ಬಿಜೆಪಿ ನಾಯಕರ ಷಡ್ಯಂತ್ರದಿಂದ ನನಗೆ ಸಚಿವ ಸ್ಥಾನ ತಪ್ಪಿತು -ಎಚ್.ವಿಶ್ವನಾಥ್, ವಿ.ಪ. ಸದಸ್ಯ
ನಿಮ್ಮ ಷಡ್ಯಂತ್ರದಿಂದ ಆದ ಅನಾಹುತ ಒಂದೇ, ಎರಡೇ?


ಮಾಜಿ ಸಿಎಂ ಸಿದ್ದರಾಮಯ್ಯ ಸಾಧು, ಸಂತರಲ್ಲೂ ಒಡಕು ಮೂಡಿಸುವ ಕೆಲಸಕ್ಕೆ ಕೈ ಹಾಕಿದ್ದಾರೆ -ಕೆ.ಎಸ್.ಈಶ್ವರಪ್ಪ, ಸಚಿವ
ಒಡಕು ಮೂಡಿಸುವುದು ಕೇವಲ ಬಿಜೆಪಿಯ ಹಕ್ಕು ಎಂದು ಭಾವಿಸಿದ್ದೀರಾ?


ನಾನು ಪ್ರಾಣವನ್ನಾದರೂ ಬಿಡುವೆ, ಕ್ರಿಮಿನಲ್‌ಗಳನ್ನು ಕ್ಷಮಿಸುವುದಿಲ್ಲ -ಇಮ್ರಾನ್ ಖಾನ್, ಪಾಕ್ ಪ್ರಧಾನಿ
ಅಧಿಕಾರ ಬಿಡುವುದಿಲ್ಲ ಎಂದರೆ ಇನ್ನಷ್ಟು ಚೆನ್ನಾಗಿತ್ತು.


2023ರ ಚುನಾವಣೆಯಲ್ಲಿ ಸಿದ್ದರಾಮಯ್ಯರ ಆಟ ಮುಸ್ಲಿಮ್ ಸಮುದಾಯದ ಮುಂದೆ ನಡೆಯೋದಿಲ್ಲ -ಕುಮಾರಸ್ವಾಮಿ, ಮಾಜಿ ಸಿಎಂ
ಸಿ.ಎಂ.ಇಬ್ರಾಹೀಮರ ಆಟದ ಬಗ್ಗೆ ನಿಮಗೆ ಅಷ್ಟು ವಿಶ್ವಾಸವೇ?


ಇನ್ನು ಮುಂದೆ ರಾಜ್ಯದಲ್ಲಿ ಅಭಿವೃದ್ಧಿಯ ಪರ್ವ ಶುರು -ಬಸವರಾಜ ಬೊಮ್ಮಾಯಿ, ಮುಖ್ಯಮಂತ್ರಿ
ದ್ವೇಷ ಅಭಿವೃದ್ಧಿಯ ಪರ್ವ ಎಂದು ಸ್ಪಷ್ಟವಾಗಿ ಹೇಳಿ.


ರಾಷ್ಟ್ರಪತಿಯಾಗುವಂತೆ ಬಿಜೆಪಿ ಅಥವಾ ಯಾವುದೇ ಪಕ್ಷದಿಂದ ನನಗೆ ಆಹ್ವಾನ ಬಂದರೆ ಅದನ್ನು ನಾನು ಒಪ್ಪಿಕೊಳ್ಳುವುದಿಲ್ಲ -ಮಾಯಾವತಿ, ಬಿಎಸ್ಪಿ ವರಿಷ್ಠೆ
ಯಾವುದೇ ಪಕ್ಷದಿಂದ ಆಹ್ವಾನ ಬರುವುದಿಲ್ಲ ಎನ್ನುವುದು ಖಚಿತವಾಗಿರಬೇಕು.


ಕಟುಕನಾಗಿರುವ ವ್ಲಾದಿಮಿರ್ ಪುಟಿನ್ ಇನ್ನು ಅಧಿಕಾರದಲ್ಲಿ ಇರಬಾರದು -ಜೋ ಬೈಡನ್, ಅಮೆರಿಕ ಅಧ್ಯಕ್ಷ
ಕಟುಕರು ಅಧಿಕಾರದಲ್ಲಿ ಇರಬಾರದು ಎನ್ನುವ ನಿಯಮ ಇದೆ ಎಂದಾದರೆ, ಅಮೆರಿಕ ಎನ್ನುವುದೇ ಇರುತ್ತಿರಲಿಲ್ಲ.


ಚುನಾವಣೆಗಳು ಜನಾದೇಶವಾಗುವ ಬದಲು ಧನಾದೇಶಗಳಾಗುತ್ತಿವೆ -ವಿಶ್ವೇಶ್ವರ ಹೆಗಡೆ ಕಾಗೇರಿ, ವಿಧಾನ ಸಭಾಧ್ಯಕ್ಷ
ಸದ್ಯಕ್ಕೆ ಅಸ್ತಿತ್ವದಲ್ಲಿರುವ ಸರಕಾರ ಧನಾದೇಶದಿಂದ ರಚನೆಯಾಗಿದ್ದಲ್ಲವೇ?


ಕಾಂಗ್ರೆಸ್‌ನ ಕೊಡುಗೆ ಮತ್ತು ಬಿಜೆಪಿಯ ವೈಫಲ್ಯವನ್ನು ಮತಗಟ್ಟೆಯ ಕೊನೆಯ ವ್ಯಕ್ತಿಯವರೆಗೆ ತಲುಪಿಸಲು ಶಕ್ತಿಮೀರಿ ಶ್ರಮಿಸುತ್ತೇನೆ -ಎಂ.ಬಿ.ಪಾಟೀಲ್, ಕೆಪಿಸಿಸಿ ಪ್ರ.ಸ. ಅಧ್ಯಕ್ಷ
ಮೊದಲಿನ ವ್ಯಕ್ತಿಗೆ ತಲುಪಿಸುವವರು ಯಾರು?


ಜಮ್ಮು-ಕಾಶ್ಮೀರ, ಈಶಾನ್ಯ ರಾಜ್ಯಗಳಲ್ಲಿ ಹಿಂದೂಗಳಿಗೆ ಅಲ್ಪಸಂಖ್ಯಾತರ ಸ್ಥಾನಮಾನ ನೀಡಬೇಕು -ಆರ್.ಅಶೋಕ್, ಸಚಿವ
ನೀವು ಜಮ್ಮು -ಕಾಶ್ಮೀರ, ಈಶಾನ್ಯ ರಾಜ್ಯಗಳ ಸಚಿವರೋ? ಅಥವಾ ಕರ್ನಾಟಕ ರಾಜ್ಯದ ಸಚಿವರೋ?


ಯುಪಿಎ ಸರಕಾರದ ಅವಧಿಯಲ್ಲಿ ಸುಸ್ತಿ ಸಾಲಗಾರರಿಂದ ಸಾಲ ಮರುವಸೂಲಿ ಆಗುತ್ತಿರಲಿಲ್ಲ -ನಿರ್ಮಲಾ ಸೀತಾರಾಮನ್, ಸಚಿವೆ
ಈಗ ಸಾಲಗಾರರ ಬದಲಿಗೆ, ಸಾಮಾನ್ಯ ಪ್ರಜೆಗಳಿಂದ ವಸೂಲಿ ಮಾಡಲಾಗುತ್ತಿದೆ.


ಯುದ್ಧದಲ್ಲಿ ಲಕ್ಷ್ಮಣನಿಗೆ ಬಾಣ ಚುಚ್ಚಿ ಪ್ರಾಣ ಹೋಗುತ್ತಿದ್ದ ಸಂದರ್ಭದಲ್ಲಿ ಯಾವುದೇ ಇಂಜೆಕ್ಷನ್ ಅಥವಾ ಡೋಲೋ ಇರಲಿಲ್ಲ. ಆಯುರ್ವೇದ ಅವನ ಪ್ರಾಣ ಉಳಿಸಿತ್ತು -ಯು.ಬಿ.ವೆಂಕಟೇಶ್, ವಿ.ಪ. ಸದಸ್ಯ
ಯಾರಿಗೆ ಗೊತ್ತು? ರಾಮಾಯಣ ಕಾಲದಲ್ಲಿ ಪ್ಲಾಸ್ಟಿಕ್ ಸರ್ಜರಿ ಇತ್ತು ಎಂದ ಮೇಲೆ, ಡೋಲೋ ಇರದೇ ಇರುತ್ತದೆಯೇ?


ಗ್ರಾಮೀಣ ಪ್ರದೇಶದಲ್ಲಿ ಅಸ್ಪಶ್ಯತೆ ನಿವಾರಣೆಗೆ 'ವಿನಯ ಸಾಮರಸ್ಯ' ಜನಾಂದೋಲನ ನಡೆಸಲು ಸರಕಾರ ಮುಂದಾಗಿದೆ -ಕೋಟ ಶ್ರೀನಿವಾಸ ಪೂಜಾರಿ, ಸಚಿವ
ವಿನಯಪೂರ್ವಕವಾಗಿ ಜಾತಿಯನ್ನು ಹೇರಿ ಸಾಮರಸ್ಯ ಬೆಳೆಸುವುದಕ್ಕೆ ಇರಬೇಕು.


ನಮ್ಮ ಕುಟುಂಬದ ವ್ಯವಹಾರ ತೆರೆದ ಪುಸ್ತಕವಾಗಿದೆ -ಕುಮಾರಸ್ವಾಮಿ, ಮಾಜಿ ಸಿಎಂ
ಬಹುಷಃ ಎರಡು ಪುಸ್ತಕ ಇಟ್ಟು ಕೊಂಡಿರಬೇಕು. ಒಂದು ತೆರೆದು ತೋರಿಸುವುದಕ್ಕೆ. ಇನ್ನೊಂದು ರಹಸ್ಯವಾಗಿ ಮುಚ್ಚಿಡುವುದಕ್ಕೆ.


ದೇಶದ ಪ್ರಜಾಪ್ರಭುತ್ವಕ್ಕೆ ಬಲಿಷ್ಠ ಕಾಂಗ್ರೆಸ್ ಪಕ್ಷದ ಅಗತ್ಯವಿದೆ -ನಿತಿನ್ ಗಡ್ಕರಿ, ಕೇಂದ್ರ ಸಚಿವ
ಕಾಂಗ್ರೆಸ್‌ಗೂ ಇವಿಎಂ ತಿರುಚುವ ತಂತ್ರ ಕಲಿಸಿ ಕೊಡಿ.


ಬಿಜೆಪಿ ಸರಕಾರವನ್ನು ಜನರ ಮೂಲಕವೇ ಓಡಿಸಬೇಕು -ಮಲ್ಲಿಕಾರ್ಜುನ ಖರ್ಗೆ, ಕಾಂಗ್ರೆಸ್ ನಾಯಕ
ಆದರೆ ಜನರು ಕಾಂಗ್ರೆಸನ್ನೇ ಪದೇ ಪದೇ ಓಡಿಸುತ್ತಿದ್ದಾರಲ್ಲ?


ಗಾಂಧಿ ಕುಟುಂಬಕ್ಕೂ ಮಠ ಹಾಗೂ ಎಲ್ಲ ಧರ್ಮಗಳಿಗೂ ಇರುವ ಸಂಬಂಧ ಭಕ್ತ ಹಾಗೂ ಭಗವಂತನಿಗೆ ಇರುವ ಸಂಬಂಧದಂತೆ -ಡಿ.ಕೆ.ಶಿವಕುಮಾರ್, ಕೆಪಿಸಿಸಿ ಅಧ್ಯಕ್ಷ
ಅದನ್ನು ಮತದಾರನಿಗೂ ಚುನಾವಣೆಗೂ ಇರುವ ಸಂಬಂಧವಾಗಿ ಬದಲಿಸಿಕೊಳ್ಳಿ


ಸಿಎಂ ಬಸವರಾಜ ಬೊಮ್ಮಾಯಿ ಕೆಲ ಸಂಘಟನೆಗಳ ಕೈಗೊಂಬೆಯಾಗಿದ್ದಾರೆ -ಕುಮಾರಸ್ವಾಮಿ, ಮಾಜಿ ಸಿಎಂ
ಕೈ ಗೊಂಬೆಯಾಗಿರುತ್ತಾರೆ ಎನ್ನುವ ಭವರಸೆಯಿಂದಲೇ ಅವರನ್ನು ಮುಖ್ಯಮಂತ್ರಿ ಮಾಡಲಾಗಿದೆ.


ಸಮಾಜದಲ್ಲಿ ನೋವು ಅನುಭವಿಸಿ ಬದುಕುತ್ತಿರುವವರನ್ನು ಮೇಲೆತ್ತಲು ಪ್ರಯತ್ನ ಮಾಡಿದವರಲ್ಲಿ ಬ್ರಾಹ್ಮಣರು ಮೊದಲಿಗರು -ಗೋವಿಂದ ಕಾರಜೋಳ, ಸಚಿವ
ಮೊದಲು ನೋವಿಗೆ ನೂಕಿ, ಬಳಿಕ ಮೇಲೆತ್ತಲು ಪ್ರಯತ್ನ.


ಕೇಂದ್ರದಲ್ಲಿ ಬಿಜೆಪಿ ಸರಕಾರವಿರಲಿ, ರಾಜ್ಯಗಳಲ್ಲಿ ಬಿಜೆಪಿ ಸರಕಾರವಿರಲಿ ಪಕ್ಷವು 'ಸಬ್ಕಾ ಸಾಥ್ ಸಬ್ಕಾ ವಿಕಾಸ್' ಮಂತ್ರದೊಂದಿಗೆ ಬಡವರ ಪರವಾಗಿ ನಡೆದುಕೊಳ್ಳುತ್ತದೆ -ನರೇಂದ್ರ ಮೋದಿ, ಪ್ರಧಾನಿ
ಬರಿಯ ವೈದಿಕರ ಮಂತ್ರ ಕೇಳುತ್ತಿದೆ ಮತ್ತು ಅವರ ವಿಕಾಸ ಮಾತ್ರ ನಡೆಯುತ್ತಿದೆ.


ಭಾರತದ ಪ್ರಜಾಪ್ರಭುತ್ವವನ್ನು ಪ್ರಬಲರು ತಮ್ಮ ಕಪಿ ಮುಷ್ಟಿಗೆ ತೆಗೆದುಕೊಳ್ಳುತ್ತಿದ್ದಾರೆ -ಕೃಷ್ಣ ಭೈರೇಗೌಡ, ಶಾಸಕ
ನೀವು ಪ್ರಬಲರಾಗಿದ್ದಾಗ ಹಣ್ಣು ಹಾಕಿ ಬೆಳೆಸಿದ ಕಪಿಗಳು ಅವು.


ರಾಜ್ಯದಲ್ಲಿ ರೈತರ ಆತ್ಮಹತ್ಯೆ ಸಂಖ್ಯೆ ಗಣನೀಯವಾಗಿ ಕಡಿಮೆಯಾಗಿದೆ -ಬಿ.ಸಿ.ಪಾಟೀಲ್, ಸಚಿವ

ಜನರ ಕೈಯಲ್ಲಿ ವಿಷ, ಹಗ್ಗ ಕೊಳ್ಳುವುದಕ್ಕೂ ಹಣವಿಲ್ಲವಂತೆ.


ಗಂಡಸುತನ ಬೇಕಿರುವುದು ಸರಕಾರ ನಡೆಸುವುದಕ್ಕಲ್ಲ, ಅದು ಎಲ್ಲಿಗೆ ಬೇಕೆಂದು ಎಲ್ಲರಿಗೂ ಗೊತ್ತಿದೆ -ಬಿ.ಸಿ.ನಾಗೇಶ್, ಸಚಿವ

ಹೌದು, ಅದು ಈಗಾಗಲೇ ಸೀಡಿಗಳಲ್ಲಿ ದಾಖಲಾಗಿದೆ.


ಜೆಡಿಎಸ್ ನನ್ನ ಮನೆ. ಇಲ್ಲಿ ಬಾಗಿಲು, ಕಿಟಕಿ, ಅಡುಗೆ ಮನೆ ಎಲ್ಲಿದೆ ಎಂದು ನನಗೆ ಗೊತ್ತು -ಸಿ.ಎಂ.ಇಬ್ರಾಹೀಂ, ಮಾಜಿ ಸಚಿವ
ಒಂದು ಕಾಲದಲ್ಲಿ ಅದೇ ಬಾಗಿಲಿನಿಂದ ತಾನೇ ನಿಮ್ಮನ್ನು ಹೊರದಬ್ಬಿದ್ದು.


ಇತ್ತೀಚಿನ ಉ.ಪ್ರ. ವಿಧಾನಸಭೆ ಚುನಾವಣೆಯಲ್ಲಿ ಮುಸ್ಲಿಮರು ಎಸ್ಪಿಗೆ ಮತ ಹಾಕಿ ಭಾರೀ ದೊಡ್ಡ ತಪ್ಪುಮಾಡಿದ್ದಾರೆ -ಮಾಯಾವತಿ, ಬಿಎಸ್ಪಿ ನಾಯಕಿ
ಬಿಜೆಪಿಗೆ ಹಾಕಿದ್ದರೆ ನಿಮಗೆ ಸರಿ ಕಾಣುತ್ತಿತ್ತೇ?

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

ಇಂದು ಹೆಚ್ಚು ಓದಿದ್ದು


Back to Top