-

ಓ ಮೆಣಸೇ...

-

ಕರ್ನಾಟಕದಲ್ಲಿರುವುದು ಮೌನಿ ಸರಕಾರ ಮತ್ತು ಮೌನಿ ಮುಖ್ಯಮಂತ್ರಿ -ಕುಮಾರಸ್ವಾಮಿ, ಮಾಜಿ ಮುಖ್ಯಮಂತ್ರಿ
ಹಿಂಸೆ, ಅಕ್ರಮ, ಭ್ರಷ್ಟಾಚಾರ ಇತ್ಯಾದಿಗಳಿಗೆ ಅವರು ನೀಡುತ್ತಿರುವ ಸಕ್ರಿಯ ಹಾಗೂ ಬಹಿರಂಗ ಸಹಕಾರವನ್ನು ಮೌನ ಅಂತ ಹೊಗಳ್ತಿದ್ದೀರಾ?

ಕಾಶ್ಮೀರಿ ಪಂಡಿತರು ಶೀಘ್ರದಲ್ಲಿಯೇ ತಮ್ಮ ಮೂಲ ನೆಲೆಗಳಿಗೆ ಹೋಗುವ ದಿನಗಳು ಸಮೀಪಿಸುತ್ತಿವೆ -ಮೋಹನ್ ಭಾಗವತ್, ಆರೆಸ್ಸೆಸ್ ಮುಖ್ಯಸ್ಥ
ಎಲ್ಲಿಂದಲೋ ಬಂದ ಆರ್ಯನರು ತಮ್ಮ ಮೂಲ ನೆಲೆಗಳಿಗೆ ಮರಳಿ ಹೋಗಲಿದ್ದಾರೆಂಬುದಕ್ಕೆ ಇದು ಟ್ರೇಲರ್ ಅಲ್ಲತಾನೇ?

ಚಾಲಾಕಿ ಸಚಿವ ಸುನೀಲ್ ಕುಮಾರ್ ಹಿಂದಿನ ಜನ್ಮದಲ್ಲಿ ಮಾರ್ವಾಡಿಯಾಗಿದ್ದರೋ ಏನೋ ಅನಿಸುತ್ತಿದೆ -ಈಶ್ವರಪ್ಪ, ಸಚಿವ
ಇಂದಿನ ಜನ್ಮದಲ್ಲಿ ನೀವು ಮನುಷ್ಯರಾಗಿಲ್ಲ ಎಂಬ ಬಗ್ಗೆ ಮಾತ್ರ ಯಾರಿಗೂ ಸಂದೇಹವೇ ಇಲ್ಲ.

ರಾಜ್ಯದಲ್ಲಿ ಕಾಂಗ್ರೆಸ್, ಜೆಡಿಎಸ್ ಶಾಸಕರು, ಮುಖಂಡರು ಬಿಜೆಪಿ ಸೇರುವ ಇಂಗಿತ ವ್ಯಕ್ತ ಪಡಿಸುತ್ತಿದ್ದಾರೆ -ಸದಾನಂದ ಗೌಡ, ಬಿಜೆಪಿ ನಾಯಕ
ಅವರು ಅಲ್ಲೇ ಇದ್ದುಕೊಂಡು ಹೆಚ್ಚು ಪರಿಣಾಮಕಾರಿಯಾಗಿ ಬಿಜೆಪಿಯ ಸೇವೆ ಮಾಡುತ್ತಿರುವಾಗ ಸುಮ್ಮನೆ ಡಿಸ್ಟರ್ಬ್ ಮಾಡಬೇಡಿ.

ಉದ್ಯಮಿಗಳು ಮೊದಲು ನಾವು ಭಾರತೀಯರು ಎಂಬ ಭಾವನೆಯನ್ನು ಬೆಳೆಸಿಕೊಳ್ಳಬೇಕು -ಡಾ.ಅಶ್ವತ್ಥನಾರಾಯಣ, ಸಚಿವ
ಇದೀಗ ಉದ್ಯಮಿಗಳು ರಾಜಕಾರಣಿಗಳಿಂದ ಆ ಭಾವನೆಯನ್ನು ನಿರೀಕ್ಷಿಸುತ್ತಿದ್ದಾರೆ.

ಸಮಾಜದಲ್ಲಿನ ಇತ್ತೀಚಿನ ಕೆಲ ಬೆಳವಣಿಗೆಗಳಿಗೂ ಬಿಜೆಪಿಗೂ ಯಾವುದೇ ಸಂಬಂಧವಿಲ್ಲ -ನಳಿನ್ ಕುಮಾರ್ ಕಟೀಲು, ಸಂಸದ
ಗೃಹ ಸಚಿವರಿಗೇನಾದರೂ ಸಂಬಂಧ ಇದೆಯೇ ಎಂದು ವಿಚಾರಿಸಿ.

ನಮ್ಮ ದಿನಚರಿಯನ್ನು ಅವಲೋಕಿಸಿದರೆ ನಾವು ನಾವಾಗಿ ಉಳಿದಿಲ್ಲ ಎನ್ನುವುದು ಸ್ಪಷ್ಟವಾಗುತ್ತದೆ -ರಾಘವೇಶ್ವರ ಭಾರತಿ ಸ್ವಾಮೀಜಿ, ರಾಮಚಂದ್ರಾಪುರ ಮಠ
ಹೌದು. ನಿಮ್ಮ ದಿನಚರಿ ಅವಲೋಕಿಸುವಾಗ ಭಕ್ತರಿಗೂ ಅದು ಸ್ಪಷ್ಟವಾಗಿದೆ.

ಶೂದ್ರ ಪದವನ್ನು ನಿಘಂಟುಗಳಿಂದ ಕಿತ್ತು ಹಾಕಿ -ಹಂಸಲೇಖ, ಸಂಗೀತ ನಿರ್ದೇಶಕ
ಆದರೆ ಮೆದುಳಿನಿಂದ ಕಿತ್ತು ಹಾಕುವುದು ಕಷ್ಟ.

ಎಲ್ಲರೂ ಧರ್ಮದ ಹಾದಿಯಲ್ಲಿ ನಡೆದಾಗ ಮಾತ್ರ ದೇಶದ ಅಭಿವೃದ್ಧಿ ಸಾಧ್ಯ -ಯಡಿಯೂರಪ್ಪ, ಮಾಜಿ ಸಿಎಂ
ಅಧಿಕಾರ ಪಡೆಯುವ ತುರ್ತಿನಲ್ಲಿ ಧರ್ಮ ಬಿಟ್ಟು ಸಂಘದ ಹಿಂದೆ ಹೋದವರ ಅನುಭವದ ಮಾತೇ ಇದು?

ಪಕ್ಷಕ್ಕೆ ಹಿಂದೆಂದಿಗಿಂತಲೂ ಅತ್ಯಂತ ಸವಾಲಿನ ದಿನಗಳು ಮುಂದಿವೆ -ಸೋನಿಯಾ ಗಾಂಧಿ, ಕಾಂಗ್ರೆಸ್ ಅಧ್ಯಕ್ಷೆ
ಡೀಸೆಂಟ್ ಅಂತ್ಯಕ್ರಿಯೆ ಹೇಗೆಂಬ ಸವಾಲೇ?

ಆರೋಗ್ಯ ಕ್ಷೇತ್ರದಲ್ಲಿ ಕೆಲಸ ಮಾಡುವುದು ಪುಣ್ಯದ ಕೆಲಸ -ವಿಶ್ವೇಶ್ವರ ಹೆಗಡೆ ಕಾಗೇರಿ, ವಿಧಾನಸಭೆ ಸ್ಪೀಕರ್
ಅಲ್ಲೂ ಅನಾರೋಗ್ಯ ಹಬ್ಬುವ ಸಂಚು ಸಿದ್ಧವಾಗಿದೆಯೇ?

ಸಿಎಂ ಬೊಮ್ಮಾಯಿ ಮೂಕ ಬಸವನಂತಾಗಿದ್ದಾರೆ -ಪ್ರಿಯಾಂಕ್ ಖರ್ಗೆ, ಶಾಸಕ
ತನ್ನನ್ನು ಒಂದು ಕ್ರೂರ ಪ್ರಾಣಿಗೆ ಹೋಲಿಸಿದ್ದು ಗೊತ್ತಾದರೆ ಮುಗ್ಧ ಬಸವ ನಿಮಗೆ ಹಾಯುವುದು ಖಚಿತ.

ಜಿಲ್ಲೆಗೊಂದು ಗೋಶಾಲೆ ಎಲ್ಲ ಜಿಲ್ಲೆಗಳಲ್ಲಿ ಜೂ.23ರೊಳಗೆ ಅನುಷ್ಠಾನ ಆಗದಿದ್ದರೆ ಅಧಿಕಾರಿಗಳ ತಲೆದಂಡ ಖಚಿತ -ಪ್ರಭು ಚವ್ಹಾಣ್, ಸಚಿವ
ಸರಕಾರಿ ಶಾಲೆಗಳನ್ನೇ ಗೋಶಾಲೆ ಮಾಡುವ ಉದ್ದೇಶವಿರಬೇಕು.

ಸರಕಾರಿ ನೌಕರರು ಕಡ್ಡಾಯವಾಗಿ ತಮ್ಮ ಮಕ್ಕಳನ್ನು ಕನ್ನಡ ಶಾಲೆಗಳಿಗೆ ಕಳುಹಿಸಬೇಕು -ಮಹೇಶ್ ಜೋಶಿ, ಕಸಾಪ ಅಧ್ಯಕ್ಷ
ಕಸಾಪ ಅಧ್ಯಕ್ಷರು ಮತ್ತು ಸದಸ್ಯರ ಮಕ್ಕಳು ಕನ್ನಡ ಶಾಲೆಗಳಲ್ಲಿ ಕಲಿಯುವುದು ಬೇಡವೇ?

ಕನ್ನಡ ಮಾಧ್ಯಮದ ಮಕ್ಕಳಿಗೆ ಇಂಗ್ಲಿಷ್ ಭಾಷೆ ಪರಿಚಯಿಸುವ ಹಾಗೂ ಆಂಗ್ಲ ಮಾಧ್ಯಮದ ಮಕ್ಕಳಿಗೆ ಕನ್ನಡ ಕಲಿಸುವ ಪಾಠ ಅಗತ್ಯವಿದೆ -ಎಸ್.ಎಲ್.ಬೈರಪ್ಪ, ಸಾಹಿತಿ
ಕನ್ನಡದಲ್ಲಾಗಲಿ, ಇಂಗ್ಲಿಷಲ್ಲಾಗಲಿ ನಿಮಗೆ ಮಾನವೀಯತೆಯ ಪಾಠ ಕಲಿಸುವ ಅಗತ್ಯವಂತೂ ಇದೆ.

ಬಿಜೆಪಿ ಸಂಸದರು ತಮ್ಮನ್ನು ಜನಸೇವೆಯಲ್ಲಿ ತೊಡಗಿಸಿಕೊಳ್ಳಬೇಕು -ನರೇಂದ್ರ ಮೋದಿ, ಪ್ರಧಾನಿ
ಸೇವೆ ಎನ್ನುವುದು ಲೂಟಿಯ ಪರ್ಯಾಯ ಪದವೇ?

1857ರ ಪ್ರಥಮ ಸ್ವಾತಂತ್ರ ಹೋರಾಟ ರೈತರ ಸ್ವಾಭಿಮಾನದ ಸಂಕೇತ -ಅಂಗಾರ, ಸಚಿವ
ಆ ಸ್ವಾಭಿಮಾನವನ್ನು ನೀವೇಕೆ ಆರೆಸ್ಸೆಸ್‌ಗೆ ಒತ್ತೆ ಇಟ್ಟಿದ್ದೀರಿ?

ರಾಜಕಾರಣಿಗಳು ರಾವಣನ ವಂಶಜರು -ಪ್ರಮೋದ್ ಮುತಾಲಿಕ್, ಶ್ರೀರಾಮ ಸೇನೆಯ ಮುಖ್ಯಸ್ಥ
ಬೀದಿನಾಯಿಗಳ ವಂಶಸ್ಥರು ಯಾರಬಗ್ಗೆ ಏನಂದ್ರೂ ಯಾರೂ ಕೇರ್ ಮಾಡಲ್ಲ.

ಪೆಟ್ರೋಲ್, ಡೀಸೆಲ್ ಬೆಲೆ ದಿನೇದಿನೇ ಏರಿಕೆಯಾಗುತ್ತಿರುವು ದರಿಂದ ದೇಶದಲ್ಲಿ ದಂಗೆಯಂತಹ ಪರಿಸ್ಥಿತಿ ನಿರ್ಮಾಣವಾಗುತ್ತದೆ
-ಸುಬ್ರಮಣಿಯನ್ ಸ್ವಾಮಿ, ರಾಜ್ಯಸಭೆ ಸದಸ್ಯ
ಪೆಟ್ರೋಲ್ ಬೆಲೆ ಏರಿಕೆಗೆ ಇಲ್ಲಿ ದಂಗೆ ಆಗುವುದಿಲ್ಲ. ದಂಗೆ ಏನಿದ್ದರೂ ಧರ್ಮ ಜಾತಿ ವಿಷಯಕ್ಕಷ್ಟೇ ಸೀಮಿತ.

ಅಧಿಕಾರ ಶಾಶ್ವತವಾಗಿರಬೇಕು ಎನ್ನಲು ಅದು ತಾತನಿಂದ ಬಂದ ಆಸ್ತಿಯಲ್ಲ -ಮುರುಗೇಶ್ ನಿರಾಣಿ, ಸಚಿವ
ಶಾಶ್ವತ ಅಲ್ಲ ಎನ್ನುವ ಕಾರಣಕ್ಕೆ ಆಸ್ತಿ ಮಾಡುತ್ತಿರುವುದೇ ?

ಉಕ್ರೇನ್-ರಶ್ಯ ಸಂಘರ್ಷದ ನಡುವೆ ಭಾರತ ಕೇವಲ ಶಾಂತಿಯ ಕಡೆಗೆ ವಾಲಿದೆ -ಜೈಶಂಕರ್, ಕೇಂದ್ರ ಸಚಿವ
ಆ ಶಾಂತಿ ಭಾರತದೊಳಗೂ ಇರಗೊಡಲು ಬಿಡಿ.

ಇಡೀ ಜಗತ್ತಿಗೆ ಧರ್ಮವನ್ನು ತಿಳಿಸಿಕೊಟ್ಟ ದೇಶ ಭಾರತ -ಕಲ್ಲಡ್ಕ ಪ್ರಭಾಕರ ಭಟ್, ಆರೆಸ್ಸೆಸ್ ಮುಖಂಡ
ಧರ್ಮವನ್ನು ರಫ್ತು ಮಾಡಿ ಅಧರ್ಮವನ್ನು ಉಳಿಸಿ ಕೊಂಡ ಭಾರತ ಎಂದರೆ ಚೆನ್ನಾಗಿರುತ್ತದೆ.

ಬಿಜೆಪಿಯಲ್ಲಿ ಯಾವುದೂ ಶಾಶ್ವತ ಅಲ್ಲ -ಸಿ.ಟಿ.ರವಿ, ಶಾಸಕ

ವಿಶೇಷವಾಗಿ ಮಾನ ಮರ್ಯಾದೆ. ಆರೆಸ್ಸೆಸ್ ಬಗ್ಗೆ ಅನುಮಾನ ಇರುವವರು ಅದರ ಸ್ವಯಂಸೇವಕರ ಜೊತೆ ಒಂದು ದಿನ ಕಳೆಯಬೇಕು-ಡಾ.ಸುಧಾಕರ, ಸಚಿವ
ಸೋಂಕು ಅಷ್ಟು ಬೇಗ ತಗಲಿ ಬಿಡುತ್ತದೆಯೇ?

ರಾಜ್ಯದಲ್ಲಿ ಬಿಜೆಪಿ ಅತಿರೇಕದ ರಾಜಕಾರಣ ಮಾಡುತ್ತಿದೆ -ಎಂ.ಬಿ.ಪಾಟೀಲ್, ಕಾಂಗ್ರೆಸ್ ಮುಖಂಡ
ಇಲ್ಲೊಂದು ಪ್ರತಿಪಕ್ಷ ಇಲ್ಲವೇ ಇಲ್ಲ ಎಂಬುದನ್ನು ಪದೇ ಪದೇ ಸಾಬೀತುಪಡಿಸುತ್ತಿದೆ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top