ಓ ಮೆಣಸೇ....

-

ಬಿಜೆಪಿ ತನ್ನ ತಪ್ಪನ್ನು ಸಮರ್ಥಿಸಿಕೊಳ್ಳುವುದು ಕೆಟ್ಟ ಬೆಳವಣಿಗೆ -ಡಾ.ಜಿ.ಪರಮೇಶ್ವರ್, ಮಾಜಿ ಡಿಸಿಎಂ
ಇತ್ತೀಚೆಗೆ ಬಿಜೆಪಿಯ ತಪ್ಪುಗಳನ್ನು ಕಾಂಗ್ರೆಸ್ ನಾಯಕರು ಸಮರ್ಥಿಸುತ್ತಿದ್ದಾರಲ್ಲ, ಇದು ಯಾವ ಬೆಳವಣಿಗೆ?

ನಾನು ಯಾವ ಪಕ್ಷದವರ ವಿರುದ್ಧವೂ ಪರ್ಸೆಂಟೇಜ್ ಆರೋಪ ಮಾಡುವುದಿಲ್ಲ -ದೇವೇಗೌಡ, ಮಾಜಿ ಪ್ರಧಾನಿ
ಬಹುಶಃ ನಿಮ್ಮ ಪರ್ಸೆಂಟೇಜ್ ವಿವರ ಹೊರಬೀಳುವ ಭಯವಿರಬೇಕು.

ಮುಂದಿನ ಚುನಾವಣೆ ತಯಾರಿಗಾಗಿ ಕಾಂಗ್ರೆಸ್‌ನವರು ಈಶ್ವರಪ್ಪರನ್ನು ಟಾರ್ಗೆಟ್ ಮಾಡುತ್ತಿದ್ದಾರೆ -ಆರ್.ಅಶೋಕ್, ಸಚಿವ
ಆತ್ಮಹತ್ಯೆ ಪತ್ರದಲ್ಲಿ ಈಶ್ವರಪ್ಪರ ಹೆಸರನ್ನು ಕಾಂಗ್ರೆಸ್‌ನವರೇ ಬರೆದಿರಬಹುದೆ?

ರಾಜ್ಯದಲ್ಲಿ ಬಿಜೆಪಿಯನ್ನು ಮತ್ತೆ ಅಧಿಕಾರಕ್ಕೆ ತರಲು ಪ್ರಧಾನಿ ಮೋದಿ ಹೆಸರೊಂದೇ ಸಾಲದು -ಬಿ.ಎಲ್.ಸಂತೋಷ್, ಬಿಜೆಪಿ ನಾಯಕ
ಶೇ.40 ಪರ್ಸೆಂಟೇಜ್‌ನಲ್ಲಿ ನಿಮ್ಮ ಬಿಜೆಪಿಯನ್ನು ಅಧಿಕಾರಕ್ಕೆ ತರಲು ಎಷ್ಟು ಕೊಡಬೇಕು, ಹೇಳಿ.

5 ವರ್ಷ ಜೆಡಿಎಸ್‌ಗೆ ಅಧಿಕಾರ ಕೊಡಿ, 75 ವರ್ಷಗಳಿಂದ ರಾಜ್ಯಕ್ಕೆ ಆಗಿರುವ ಅನ್ಯಾಯವನ್ನು ಸರಿಪಡಿಸುತ್ತೇನೆ -ಎಚ್.ಡಿ.ಕುಮಾರಸ್ವಾಮಿ, ಮಾಜಿ ಮುಖ್ಯಮಂತ್ರಿ
ಬಿಜೆಪಿ ತನ್ನ ಏಳು ವರ್ಷಗಳಲ್ಲಿ ರಾಜ್ಯಕ್ಕೆ ಮಾಡಿದ ಅನ್ಯಾಯವನ್ನು ಸರಿಪಡಿಸುವ ಉತ್ಸಾಹವೇಕೆ ಇಲ್ಲ?

ಕಾಂಗ್ರೆಸ್ ಹೇಳಿದವರನ್ನೆಲ್ಲ ಬಂಧಿಸುತ್ತಾ ಹೋದರೆ ಅವರನ್ನು ಇಡಲು ರಾಜ್ಯದ ಜೈಲುಗಳು ಸಾಕಾಗುವುದಿಲ್ಲ -ಕೋಟ ಶ್ರೀನಿವಾಸ ಪುಜಾರಿ, ಸಚಿವ
ರೆಸಾರ್ಟ್‌ಗಳನ್ನೇ ಜೈಲುಗಳನ್ನಾಗಿ ಪರಿವರ್ತಿಸಿದರೆ ಹೇಗೆ?

ಸಣ್ಣ ಸಣ್ಣ ವಿಷಯಕ್ಕೆ ಮುಸ್ಲಿಮರು ಕೆರಳದಂತೆ ಸಮುದಾಯದ ಮುಖಂಡರು ಅವರಿಗೆ ತಿಳಿ ಹೇಳಬೇಕು -ಸಿ.ಟಿ.ರವಿ, ಶಾಸಕ
ಒಟ್ಟಿನಲ್ಲಿ ಕೆರಳಿಸುವುದು ನಿಮ್ಮ ಹಕ್ಕು , ಅಲ್ಲವೆ?

ಇನ್ನು ಮುಂದೆ ಜೆಡಿಎಸ್ ಪಕ್ಷವನ್ನು ಯಾರೂ ಒಕ್ಕಲಿಗ ಪಕ್ಷ ಎಂದು ಹೇಳಬಾರದು -ದೇವೇಗೌಡ, ಮಾಜಿ ಪ್ರಧಾನಿ
ಅಪ್ಪ-ಮಕ್ಕಳ ಪಕ್ಷ ಎಂದು ಅಧಿಕೃತವಾಗಿ ಘೋಷಿಸಲಾಗುತ್ತದೆಯೆ?

ಮೇ 4ರ ಬಳಿಕ ನಮ್ಮ (ಜೆಡಿಎಸ್) ಕೆಲಸ ಆರಂಭವಾದರೆ ವಿಧಾನಸಭೆ ಚುನಾವಣೆ ಬಳಿಕ ನಿಲ್ಲಲಿದೆ -ಸಿ.ಎಂ.ಇಬ್ರಾಹೀಂ, ಜೆಡಿಎಸ್ ಅಧ್ಯಕ್ಷ
ಚುನಾವಣೆಯಲ್ಲಿ ಗೆದ್ದ ಬಳಿಕ ಜನರ ಕೆಲಸ ಮಾಡುವ ಅಗತ್ಯವಾದರೂ ಏನಿದೆ?

ಗೃಹ ಸಚಿವರು ಆ ಹುದ್ದೆಗೆ ತಕ್ಕಂತೆ ಖಡಕ್ ಇಲ್ಲದಿರುವುದರಿಂದ ಅವರನ್ನು ಶೀಘ್ರ ಬದಲಿಸಬೇಕು -ಬಸನಗೌಡ ಪಾಟೀಲ್ ಯತ್ನಾಳ್, ಶಾಸಕ
ಮನೆ ಒಡೆಯುವ ಕೆಲಸವನ್ನು ಪರಿಣಾಮಕಾರಿಯಾಗಿ ಮಾಡುತ್ತಿಲ್ಲ ಎನ್ನುವ ಖೇದವಿರಬೇಕು.

ದೇಶದ ಪ್ರತಿಯೊಬ್ಬ ನಾಗರಿಕರಿಗೂ ಅವರವರಿಗೆ ಇಷ್ಟದ ಆಹಾರವನ್ನು ತಿನ್ನಲು ಸ್ವಾತಂತ್ರವಿದೆ -ಮುಖ್ತಾರ್ ಅಬ್ಬಾಸ್ ನಖ್ವಿ, ಕೇಂದ್ರ ಸಚಿವ
ಆಹಾರವನ್ನೆಲ್ಲ ಹಂತಹಂತವಾಗಿ ಕಿತ್ತುಕೊಂಡ ಬಳಿಕ ಮಾಡುವ ಸಮಾಧಾನವಿದು.

ಇ-ಸಂಜೀವಿನಿ ಸೇವೆಯಲ್ಲಿ ರಾಜ್ಯ ಮೈಲುಗಲ್ಲು ಸಾಧಿಸಿದೆ -ಡಾ.ಸುಧಾಕರ್, ಸಚಿವ
ಕೊರೋನದಿಂದ ಸತ್ತವರ ಸಂಖ್ಯೆ ನೋಡಿದರೆ ಗೋರಿಗಲ್ಲು ನೆನಪಾಗುತ್ತದೆ.

ಭಾರತ ಹಿಂದೂ ರಾಷ್ಟ್ರವಾಗಿ ಉಳಿಯಲು ಪ್ರತಿ ಹಿಂದೂ ದಂಪತಿ ಕನಿಷ್ಠ ನಾಲ್ಕು ಮಕ್ಕಳನ್ನು ಹೆರಬೇಕು -ಸಾದ್ವಿ ರಿತಂಬರಾ, ಹಿಂದುತ್ವವಾದಿ ನಾಯಕಿ
ಸನ್ಯಾಸತ್ವ ತ್ಯಜಿಸುವ ಉದ್ದೇಶವೇನಾದರೂ ಇದೆಯೆ?

ಮಾಜಿ ಸಚಿವ ಈಶ್ವರಪ್ಪರ ಮೇಲೆ ಶ್ರೀರಾಮ ದೇವರ ಶ್ರೀರಕ್ಷೆ ಸದಾ ಇರಲಿ -ವಿಶ್ವಪ್ರಸನ್ನ ತೀರ್ಥ ಸ್ವಾಮೀಜಿ, ಪೇಜಾವರ ಮಠ
40 ಶೇಕಡ ಕಮಿಶನ್‌ನಲ್ಲಿ ನಿಮ್ಮ ಪಾಲೆಷ್ಟು?

ಕಳ್ಳನಿಗೆ ಸಹಾಯ ಮಾಡುವುದೇ ಜೆಡಿಎಸ್ ಸಂಸ್ಕೃತಿ -ಸಿದ್ದರಾಮಯ್ಯ, ಮಾಜಿ ಸಿಎಂ
ಕುಮಾರಸ್ವಾಮಿ ಮುಖ್ಯಮಂತ್ರಿಯಾಗಲು ಕಾಂಗ್ರೆಸ್ ಸಹಾಯ ಮಾಡಿರುವುದನ್ನು ನೆನಪಿಸಿಕೊಳ್ಳಿ.

ಮಠಗಳಿಂದ ಕಮಿಷನ್ ಪಡೆಯುವ ವಿಚಾರ ನನ್ನ ಕಣ್ಣಿಗಂತೂ ಗೋಚರಿಸಿಲ್ಲ -ಮುರುಗೇಶ್ ನಿರಾಣಿ, ಸಚಿವ
ಕಣ್ಣಿಗೆ ಕಾಣುವಂತೆ ಯಾರಾದರೂ ಕಮಿಷನ್ ಪಡೆಯುತ್ತಾರೆಯೆ?

ಸರಣಿ ಸೋಲುಗಳಿಂದ ಸೊರಗಿರುವ ಕಾಂಗ್ರೆಸ್‌ಗೆ ಪ್ರಶಾಂತ್ ಕಿಶೋರ್‌ರಂತಹ ಚುನಾವಣಾ ರಣತಂತ್ರ ನಿಪುಣರ ಅಗತ್ಯ ಇದೆ -ವೀರಪ್ಪ ಮೊಯ್ಲಿ, ಮಾಜಿ ಮುಖ್ಯಮಂತ್ರಿ
ಸರಣಿ ಸೋಲುಗಳಿಗೆ ಕಾರಣರಾಗಿರುವ ಕೆಲವು ಮಾಜಿಗಳನ್ನು ಕಾಂಗ್ರೆಸ್‌ನಿಂದ ಹೊರಗಿಡುವುದು ರಣತಂತ್ರದ ಮೊದಲ ಭಾಗವಾಗಬೇಕು.

ಶಾಲಾ ವಿದ್ಯಾರ್ಥಿಗಳಿಗೆ ಪ್ರಸಕ್ತ ಸಾಲಿನಿಂದ ನೈತಿಕ ಶಿಕ್ಷಣ ಬೋಧನೆ ಆರಂಭಿಸಲಾಗುವುದು -ಬಿ.ಸಿ.ನಾಗೇಶ್, ಸಚಿವ
ಅನೈತಿಕ ಸಿಡಿಗಳ ಮೂಲಕ ಸಿಕ್ಕಿ ಬಿದ್ದ ಬಿಜೆಪಿ ನಾಯಕರಿಗೆ ಈ ಬೋಧನೆಯ ಅಗತ್ಯ ತುಂಬಾ ಇದೆ.

ಧಾರ್ಮಿಕ ಕೇಂದ್ರಗಳು ಸಮಾಜ ವಿರೋಧಿ ಕೃತ್ಯಕ್ಕೆ ಬಳಸುವ ಸ್ಥಳವಲ್ಲ -ಸುನೀಲ್ ಕುಮಾರ್, ಸಚಿವ
ಮತ್ತೇಕೆ ಅವುಗಳನ್ನು ಸಮಾಜ ವಿರೋಧಿ ಕೃತ್ಯಕ್ಕೆ ಬಳಸುತ್ತಿದ್ದೀರಿ?

ರಶ್ಯ ಸೇನೆ ವಿಶ್ವದ ಅತ್ಯಂತ ಅನಾಗರಿಕ, ಅಮಾನವೀಯ ಸೇನೆಯಾಗಿ ವಿಶ್ವದ ಇತಿಹಾಸದಲ್ಲಿ ಗುರುತಿಸಲ್ಪಡಲಿದೆ -ವೊಲೊಡಿಮಿರ್ ಝೆಲೆನ್‌ಸ್ಕಿ, ಉಕ್ರೇನ್ ಅಧ್ಯಕ್ಷ
ಆದರೆ ಅದಕ್ಕಾಗಿ ಉಕ್ರೇನ್ ತೆರಬೇಕಾದ ಶುಲ್ಕ ಮಾತ್ರ ತುಂಬಾ ದುಬಾರಿಯಾದುದು.

ಉತ್ತರ ಪ್ರದೇಶ ಮಾದರಿಯಲ್ಲಿ ದೇಶದ್ರೋಹಿಗಳ ಹೆಡೆಮುರಿ ಕಟ್ಟುವ ಕೆಲಸವಾಗಬೇಕು -ರೇಣುಕಾಚಾರ್ಯ, ಶಾಸಕ
ಕೇರಳದ ಮಾದರಿಯಲ್ಲಿ ರಾಜ್ಯವನ್ನು ಅಭಿವೃದ್ಧಿಯ ಕಡೆಗೆ ಕೊಂಡೊಯ್ಯುವ ಬಗ್ಗೆ ಮಾತನಾಡಿ.

ರಾಷ್ಟ್ರಭಕ್ತಿ ಕಾಂಗ್ರೆಸ್‌ನವರ ರಕ್ತದ ಕಣದಲ್ಲಿ ಬೆರೆತಿದೆ -ಸಿದ್ದರಾಮಯ್ಯ, ಮಾಜಿ ಸಿಎಂ
ಯಾವ ಲ್ಯಾಬ್‌ನಲ್ಲಿ ಪರೀಕ್ಷೆ ಮಾಡಿಕೊಂಡಿರಿ?

ನನಗೆ ಗೃಹಖಾತೆ ಕೊಟ್ಟರೆ ಅದನ್ನು ಸಮರ್ಥವಾಗಿ ನಿಭಾಯಿಸುವ ಶಕ್ತಿ ಇದೆ -ಬಿ.ಸಿ.ಪಾಟೀಲ್, ಸಚಿವ
ಇರುವ ಖಾತೆಯನ್ನು ಎಷ್ಟರಮಟ್ಟಿಗೆ ನಿಭಾಯಿಸುತ್ತಿದ್ದೀರಿ, ಎನ್ನುವುದನ್ನು ಹೇಳಿ.

ಭಾರತದಲ್ಲಿ ಎಲ್ಲೆಡೆ ಸ್ವಾಗತಕ್ಕೆ ನನ್ನ ಪೋಸ್ಟರ್ ನೋಡಿ ನಾನೇ ಸಚಿನ್ ತೆಂಡೂಲ್ಕರ್, ಅಮಿತಾಬ್ ಬಚ್ಚನ್ ಆಗಿದ್ದೇನೆ ಎಂದು ಭಾಸವಾಯಿತು -ಬೋರಿಸ್ ಜಾನ್ಸನ್, ಬ್ರಿಟನ್ ಪ್ರಧಾನಿ
ನೀವೇ ಬಿತ್ತಿ ಹೋದ ಗುಲಾಮಗಿರಿಯ ಸಂಕೇತ ಅದು.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

ಇಂದು ಹೆಚ್ಚು ಓದಿದ್ದು


Back to Top