ಓ ಮೆಣಸೇ...

-

ವಯಸ್ಸಾದ ಗೋವುಗಳ ರಕ್ಷಣೆ ಮತ್ತು ಆರೈಕೆಯ ಸಮಸ್ಯೆಗೆ ವಿವಿಧ ಯೋಜನೆಗಳ ಮೂಲಕ ರಾಜ್ಯ ಸರಕಾರ ಪರಿಹಾರ ಹುಡುಕಿದೆ
-ಬಸವರಾಜ ಬೊಮ್ಮಾಯಿ, ಸಿಎಂ
 ವಯಸ್ಸಾದ ಮಾನವರಿಗೆ ಈ ಸೌಭಾಗ್ಯ ಪ್ರಾಪ್ತವಾಗಲು ಅವರು ಇನ್ನೆಷ್ಟು ಕಾಲ ಕಾಯಬೇಕು?

ದುಡ್ಡು ಕೊಟ್ಟು ಅಧಿಕಾರ ಹಿಡಿಯುವ ಭಂಡತನದ ವ್ಯವಸ್ಥೆ ಬಿಜೆಪಿಯಲ್ಲಿಲ್ಲ
-ಎಂ.ಪಿ.ರೇಣುಕಾಚಾರ್ಯ, ಶಾಸಕ
 ದುಡ್ಡಿನ ಜೊತೆ ಬೇರೆಯೂ ಬಹಳಷ್ಟನ್ನು ಕೊಡಬೇಕಾಗುತ್ತೆ ಅಂತಿದ್ದೀರಾ?

 ಬಿಜೆಪಿ ಸಿದ್ಧಾಂತ ಹಾಗೂ ಪ್ರಧಾನಿ ಮೋದಿಯ ಆಡಳಿತ ನೋಡಿ ಅನೇಕರು ನಮ್ಮ ಪಕ್ಷಕ್ಕೆ ಸೇರ್ಪಡೆಯಾಗುತ್ತಿದ್ದಾರೆ
-ಶೋಭಾ ಕರಂದ್ಲಾಜೆ, ಕೇಂದ್ರ ಸಚಿವೆ
 ಅವ್ಯಾಹತ ದರೋಡೆಯ ಅವಕಾಶಗಳಿಗಾಗಿ ಕಾಯುತ್ತಿದ್ದವರಿಗೆ ಸುವರ್ಣಾವಕಾಶ ಕಾಣಿಸಿರಬೇಕು.

ಇತ್ತೀಚೆಗೆ ಮಾನವ ಹಾಗೂ ಕಾಡು ಪ್ರಾಣಿಗಳ ನಡುವೆ ಸಂಘರ್ಷ ಹೆಚ್ಚಾಗುತ್ತಿದ್ದು, ಇದಕ್ಕೆ ಪರಿಹಾರ ಹುಡುಕಬೇಕಾಗಿದೆ
-ಉಮೇಶ್ ಕತ್ತಿ, ಸಚಿವ
 ಕಾಡುಪ್ರಾಣಿಗಳಿಗೆ ಓಟು ಕೊಟ್ಟದ್ದಕ್ಕಾಗಿ ಮಾನವರು ಪಶ್ಚಾತ್ತಾಪ ಪಡುತ್ತಿದ್ದಾರೆ.
 
ಕಾಂಗ್ರೆಸ್‌ನಲ್ಲಿ ಉಸಿರುಗಟ್ಟುವ ವಾತಾವರಣ ಇದೆ
-ಪ್ರಮೋದ್ ಮಧ್ವರಾಜ್, ಮಾಜಿ ಸಚಿವ
 ಅಧಿಕಾರವಿಲ್ಲದಲ್ಲಿ ಉಸಿರುಗಟ್ಟಿದರೆ ಅದಕ್ಕೆ ಚಿಕಿತ್ಸೆ ಏನೆಂದು ವೈದ್ಯರ ಬಳಿ ಸಮಾಲೋಚಿಸಿ.

ಹೆಣ್ಮಕ್ಕಳ ಸ್ವರಕ್ಷಣೆಗೆ ಕರಾಟೆ ಕಲಿಕೆ ಪ್ರಯೋಜನವಾಗಿರುವುದರಿಂದ ವಸತಿ ಶಾಲೆಗಳಿಗೆ ಒಂದು ಸಾವಿರ ಕರಾಟೆ ಶಿಕ್ಷಕರನ್ನು ನಿಯೋಜಿಸುವ ಚಿಂತನೆ ಇದೆ
-ಕೋಟ ಶ್ರೀನಿವಾಸ ಪೂಜಾರಿ, ಸಚಿವ
 ಕರಾಟೆ ಎಂಬ ವಿದೇಶಿ ವಿದ್ಯೆಯ ಬದಲು ಸ್ವದೇಶಿ ಬಿಲ್ಲು ಬಾಣ ಕೊಟ್ಟು ಧನುರ್ವಿದ್ಯೆಯನ್ನು ಕಲಿಸಬಹುದಲ್ಲಾ!

ಮಕ್ಕಳಿಗೆ ನೈತಿಕ ಶಿಕ್ಷಣ ನೀಡುವ ಕೆಲಸ ಕೇಂದ್ರ ಸರಕಾರ ಮಾಡುತ್ತಿದೆ
-ಬಿ.ಸಿ.ನಾಗೇಶ್, ಸಚಿವ
 ಕೇಂದ್ರ ಸರಕಾರಕ್ಕೆ ನೈತಿಕತೆ ಕಲಿಸುವುದಕ್ಕೂ ಏನಾದರೂ ಏರ್ಪಾಡು ಮಾಡುವಿರಾ?

ಭಾರತದ ಪ್ರಾಚೀನ ಭಾಷೆಯಾಗಿರುವ ಸಂಸ್ಕೃತ ದೇಶದ ಸಂಸ್ಕೃತಿಯೊಂದಿಗೆ ಬೆಸೆದುಕೊಂಡಿದೆ
-ಜೆ.ಪಿ.ನಡ್ಡಾ, ಬಿಜೆಪಿ ಅಧ್ಯಕ್ಷ
ಇಲ್ಲಿನ ಬೇರೆಲ್ಲಾ ಭಾಷೆಗಳು ತುರ್ತು ಪರಿಸ್ಥಿತಿಯ ಬಳಿಕ ಹುಟ್ಟಿಕೊಂಡವೇ?

ರಾಜ್ಯ ಸರಕಾರ ಪ್ರಿಯಾಂಕ್ ಖರ್ಗೆಯನ್ನು ಜೈಲಿಗೆ ಹಾಕಿದರು ನಾವೂ ಅವರನ್ನು ಬಿಡಿಸಿಕೊಂಡು ಬರುತ್ತೇವೆ

-ಮಲ್ಲಿಕಾರ್ಜುನ ಖರ್ಗೆ, ಕಾಂಗ್ರೆಸ್ ಮುಖಂಡ
ಹಾಗೆಲ್ಲಾ ಹೇಳಿದರೆ ಮೊದಲು ನಿಮ್ಮನ್ನು ಕಳಿಸ್ತಾರೆ.

ಗುಜರಾತ್‌ನಲ್ಲಿ ಜಾತಿ ರಾಜಕಾರಣ ಇರದ ಕಾರಣಕ್ಕಾಗಿಯೇ ಆ ರಾಜ್ಯವು ಅಭಿವೃದ್ಧಿ ಹೊಂದುತ್ತಿದೆ
-ಎಸ್.ಎಲ್.ಭೈರಪ್ಪ, ಸಾಹಿತಿ
 ಆ ಆದರ್ಶವನ್ನು ಕನ್ನಡನಾಡಿನಲ್ಲಿ ಅನುಷ್ಠಾನಿಸಲು ಮೊದಲು ನೀವು ನಿಮ್ಮ ಜಾತಿಗೆ ವಿದಾಯ ಹೇಳಬಹುದಲ್ಲಾ?

ಬಸವರಾಜ ಬೊಮ್ಮಾಯಿ ಸಿಎಂ ಆಗಲು ನಾನೇ ಕಾರಣ
-ಬಸನಗೌಡ ಪಾಟೀಲ್ ಯತ್ನಾಳ್, ಶಾಸಕ
 ಹೀಗೆಲ್ಲಾ ಹೇಳಿ ಯಾಕೆ ಜನತೆಯ ಶಾಪಕ್ಕೆ ತುತ್ತಾಗುತ್ತೀರಿ?

ಕನ್ನಡ ಸಾಹಿತ್ಯ ಸಮ್ಮೇಳನದಲ್ಲಿ ರಾಜಕೀಯ ಸಾಹಿತ್ಯದ ಗೋಷ್ಠಿಗೂ ಅವಕಾಶ ಕಲ್ಪಿಸಬೇಕು
-ಎಚ್.ವಿಶ್ವನಾಥ್, ವಿ.ಪ. ಸದಸ್ಯ
ಮುಜ್ರಾ ಮಾಡುವುದಕ್ಕೆ ಅವಕಾಶ ಸಿಗಬೇಕೆಂಬ ಬೇಡಿಕೆ ಮೊದಲು ಇತ್ಯರ್ಥವಾಗಲಿ.

ರಿಸರ್ವ್ ಬ್ಯಾಂಕ್‌ನ ಇತ್ತೀಚಿನ ಬಡ್ಡಿ ದರ ಹೆಚ್ಚಳವು ಆಶ್ಚರ್ಯಕರವಲ್ಲ
-ನಿರ್ಮಲಾ ಸೀತಾರಾಮನ್, ಕೇಂದ್ರ ಸಚಿವೆ
ಆಶ್ಚರ್ಯ, ಆಘಾತಗಳೆಲ್ಲಾ ಅಪರಾಧಗಳನ್ನು ಮಾಡಿದವರಿಗೆ ಆಗುವುದಿಲ್ಲ, ಆ ಅಪರಾಧಗಳ ಬಲಿ ಪಶುಗಳಿಗೆ ಆಗುತ್ತದೆ.

ಕಾಂಗ್ರೆಸ್‌ನಲ್ಲಿ ಮಾಜಿ ಸಿಎಂ ಸಿದ್ದರಾಮಯ್ಯ ಹೊರತುಪಡಿಸಿ ಉಳಿದವರೆಲ್ಲರೂ ಗೂಂಡಾಗಳು
-ಬಸನಗೌಡ ಪಾಟೀಲ್ ಯತ್ನಾಳ್, ಶಾಸಕ
ಒಮ್ಮೆ ಅವರ ಹತ್ತಿರ ಹೋಗಿ ಡಿಕೆಶಿಯನ್ನು ಹೊಗಳಿ ನೋಡಿ.

ಹೊಂದಾಣಿಕೆಯ ರಾಜಕೀಯ ದೇಶದ ರಾಜಕೀಯ ವ್ಯವಸ್ಥೆಯನ್ನು ಅಧಪತನಕ್ಕೆ ತಳ್ಳುತ್ತಿದೆ
-ಡಿ.ವಿ.ಸದಾನಂದ ಗೌಡ, ಸಂಸದ

ಆದ್ದರಿಂದ ದೇಶದ ಉದ್ಧಾರಕ್ಕೆ ಹಿಂಸೆ, ವಿಧ್ವಂಸ ಮತ್ತು ವೀಡಿಯೊಗಳು ಅನಿವಾರ್ಯ ಎಂದು ಸ್ಪಷ್ಟವಾಗಿ ಹೇಳಿ ಬಿಡಿ.

ಕಾಂಗ್ರೆಸ್‌ನ ಪುನರ್ ಸಂಘಟನೆಗೆ ವೇಗ ನೀಡಲು ಎಲ್ಲರ ಒಗ್ಗಟ್ಟು, ಬದ್ಧತೆ ಅಗತ್ಯವಿದೆ
-ಸೋನಿಯಾ ಗಾಂಧಿ, ಕಾಂಗ್ರೆಸ್ ಅಧ್ಯಕ್ಷೆ

ಮೊದಲು ಪಕ್ಷವನ್ನು ಜೀವಂತಗೊಳಿಸಿ. ಉಳಿದ ಕೆಲಸಗಳನ್ನು ಆಮೇಲೆ ಮಾಡಬಹುದು. ಮೋದಿ ನೇತೃತ್ವದ ಸರಕಾರದ ಅಡಿಯಲ್ಲಿ ಭಾರತದ ರೂಪಾಯಿ ವೌಲ್ಯವು ಐಸಿಯುನಲ್ಲಿದೆ
-ರಣದೀಪ್ ಸಿಂಗ್ ಸುರ್ಜೆವಾಲ, ಕಾಂಗ್ರೆಸ್ ವಕ್ತಾರ
ಬಹುಕಾಲದಿಂದ ಐಸಿಯುನಲ್ಲಿರುವ ಪ್ರತಿಪಕ್ಷಗಳ ಆರೋಗ್ಯ ವಿಚಾರಿಸಲು ರೂಪಾಯಿ ಅಲ್ಲಿಗೆ ಹೋಗಿರಬೇಕು.

ನಮ್ಮ ದೇಶದ ಮಣ್ಣಿನಲ್ಲಿಯೇ ದ್ವೇಷ ಭಾವನೆ ಮೂಡದಂತೆ ಮಾಡುವ ಮಾನವೀಯ ಗುಣವಿದೆ
-ಅಂಗಾರ, ಸಚಿವ
 

ಆದ್ದರಿಂದಲೇ ಇರಬೇಕು, ನಾನು ಬೇರೆಯೇ ಮಣ್ಣಿನವನು ಎಂದು ಪ್ರಧಾನಿಯವರು ಕಿರುಚಾಡುತ್ತಿರುವುದು. ನಾನು ಯಾರಿಗೂ ಅರ್ಧ ಕಪ್ ಚಹಾ ಸಹ ಕುಡಿಸದೆ ಮಂತ್ರಿಯಾಗಿರುವೆ
-ಶಂಕರ ಪಾಟೀಲ, ಸಚಿವ

ಮಂತ್ರಿಯಾದ ಬಳಿಕವಾದರೂ ನಿಮ್ಮ ಧೋರಣೆಯಲ್ಲಿ ಸುಧಾರಣೆ ಆದೀತೆಂದು ನಿರೀಕ್ಷಿಸಿದ್ದ ಜನತೆ ನಿರಾಶರಾಗಿದ್ದಾರೆ. ಜೀವನದ ಕೊನೆ ಗಳಿಗೆಯಲ್ಲಿ ಒಂದು ಪ್ರಾದೇಶಿಕ ಪಕ್ಷವನ್ನು ಉಳಿಸಿ, ಅಧಿಕಾರಕ್ಕೆ ತಂದು ಕೊನೆಯುಸಿರು ಬಿಡಬೇಕೆಂದು ನನ್ನ ಆಸೆ
-ದೇವೇಗೌಡ, ಮಾಜಿ ಪ್ರಧಾನಿ
ನಾಳೆ ಅಹಿಂದ ಎಂಬೊಂದು ಪ್ರಾದೇಶಿಕ ಪಕ್ಷ ಕಣಕ್ಕೆ ಬಂದರೆ ಅದಕ್ಕೂ ಈ ಆಶೆ ಅನ್ವಯಿಸುವುದೇ?

ಪ್ರಮೋದ್ ಮುತಾಲಿಕ್ ಮತ್ತು ನಮ್ಮ ವಿಚಾರಧಾರೆ ಒಂದೇ ಆಗಿದೆ
-ನಳಿನ್ ಕುಮಾರ್ ಕಟೀಲು, ಸಂಸದ
 

ಕಾಲಾಳುಗಳ ವಿಚಾರಧಾರೆ ಸೂತ್ರಧಾರಿಗಳ ವಿಚಾರಧಾರೆಗಿಂತ ಭಿನ್ನವಾಗಿರಲು ಹೇಗೆ ತಾನೇ ಸಾಧ್ಯ? ಡಿ.ಕೆ.ಶಿವಕುಮಾರ್ ನೂರು ಜನ್ಮ ಎತ್ತಿ ಬಂದರೂ ನನ್ನ ಮುಖಕ್ಕೆ ಮಸಿ ಬಳಿಯಲು ಸಾಧ್ಯವಿಲ್ಲ
-ಡಾ.ಅಶ್ವತ್ಥ ನಾರಾಯಣ, ಸಚಿವ
ಯಾಕೆ, ಅವರು ಸಿದ್ದರಾಮಯ್ಯನವರ ಹಿಂದೆ ಅಷ್ಟೊಂದು ಬಿಝಿಯಾಗಿದ್ದಾರೆಯೇ?

ರಾಜ್ಯದಲ್ಲಿ ಕೋಮು ಗದ್ದಲ ಎಬ್ಬಿಸಿದರೆ ಮುಂಬರುವ ಚುನಾವಣೆಯಲ್ಲಿ ಮತಗಳು ಬರುತ್ತವೆ ಎಂಬ ತಪ್ಪು ಕಲ್ಪನೆ ಬಿಜೆಪಿ ಮುಖಂಡರಿಗಿದೆ
-ವೀರಪ್ಪ ಮೊಯ್ಲಿ, ಮಾಜಿ ಸಿಎಂ
 ತಪ್ಪು ಕಲ್ಪನೆಯನ್ನು ನಿವಾರಿಸಲು ಬಿಜೆಪಿಗೆ ಸೇರ್ಪಡೆಯಾಗುವ ಉದ್ದೇಶವೇನಾದರೂ ಇದೆಯೇ?

ಕ್ರಿಮಿನಲ್ ಕೇಸ್ ಇದ್ದವರಿಗೆ ಬಿಜೆಪಿಗೆ ಪ್ರವೇಶ ಇಲ್ಲ
-ಶೋಭಾ ಕರಂದ್ಲಾಜೆ, ಕೇಂದ್ರ ಸಚಿವೆ
 ಕ್ರಿಮಿನಲ್ ಎಂದು ಘೋಷಿತರಾಗಿರುವವರಿಗೆ ಮಾತ್ರ ಪ್ರವೇಶವೇ?

 ರಾಜ್ಯದಲ್ಲಿ ಈಗ ಮಾತ್ರ ಭ್ರಷ್ಟಾಚಾರ ನಡೆಯುತ್ತಿರುವುದಲ್ಲ, ನೆಹರೂ ಕಾಲದಿಂದಲೂ ನಡೆಯುತ್ತಿದೆ
-ಎಸ್.ಅಂಗಾರ, ಸಚಿವ
 ಆದ್ದರಿಂದ ಆ ಭವ್ಯ ಪರಂಪರೆಯನ್ನು ಉಳಿಸಿ ಬೆಳೆಸಲು ಶ್ರಮಿಸುತ್ತಿದ್ದೀರಾ?

ಪ್ರಧಾನಿ ಮೋದಿ ಒಂದು ಶ್ರೀಮಂತರಿಗೆ ಇನ್ನೊಂದು ಬಡವರಿಗೆ ಎಂಬ ಎರಡು ಭಾರತವನ್ನು ಸೃಷ್ಟಿಸಿದ್ದಾರೆ
-ರಾಹುಲ್ ಗಾಂಧಿ, ಕಾಂಗ್ರೆಸ್ ನಾಯಕ
 ಎರಡನೆಯದನ್ನು ಅವರು ಸೃಷ್ಟಿಸಿದ್ದಲ್ಲ. ಅದು ಅವರು ಸೃಷ್ಟಿಸಿದ ಮೊದಲ ಭಾರತದ ಫಲಿತಾಂಶ ಮಾತ್ರ

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

ಇಂದು ಹೆಚ್ಚು ಓದಿದ್ದು


Back to Top