ಓ ಮೆಣಸೇ...

-

ನಾನು ಹಾಗೂ ನನ್ನ ಸರಕಾರ ಕಳೆದ 8 ವರ್ಷಗಳಲ್ಲಿ ಜನರು ನಾಚಿಕೆಯಿಂದ ತಲೆ ತಗ್ಗಿಸುವಂತಹ ಯಾವುದೇ ಕೆಲಸ ಮಾಡಿಲ್ಲ - ನರೇಂದ್ರ ಮೋದಿ, ಪ್ರಧಾನಿ
ನೀವು ಜನರಿಂದ ಅವರ ತಲೆಯನ್ನೇ ಕಿತ್ತುಕೊಂಡ ಮೇಲೆ ಪಾಪ, ತಗ್ಗಿಸಲು ಅವರ ಬಳಿ ಏನು ತಾನೇ ಉಳಿದಿರುತ್ತದೆ?

ಅನಗತ್ಯ ತಕರಾರು ಎತ್ತುವವರು ವಿಚಾರ ನಪುಂಸಕರು - ಪ್ರತಾಪ ಸಿಂಹ, ಸಂಸದ
ನೀವು ನಿಮ್ಮ ತಕರಾರುಗಳನ್ನೆಲ್ಲ ಲಿಂಗ ಶೋಧಕ್ಕೆ ಮೀಸಲಿಟ್ಟಿರುವುದು ನಿಮ್ಮ ವೈಚಾರಿಕ ಪೌರುಷ ಮೆರೆಯಲಿಕ್ಕಾಗಿಯೇ?

ಆರೆಸ್ಸೆಸ್ ನಾಯಕರನ್ನು ನಾನು ಪ್ರಶ್ನಿಸಿದರೆ ಬಿಜೆಪಿಯವರು ಯಾಕೆ ಎದೆ ಬಡಿದುಕೊಳ್ಳುತ್ತಿದ್ದಾರೆ - ಸಿದ್ದರಾಮಯ್ಯ, ಮಾಜಿ ಸಿಎಂ
ಹಾಗೆ ಎದೆ ಬಡಿದುಕೊಳ್ಳುವ ಹಲವರು ಸ್ವತಃ ನಿಮ್ಮ ಪಕ್ಷದಲ್ಲೂ ಇದ್ದಾರಲ್ಲಾ? ಅವರನ್ನೂ ಪ್ರಶ್ನಿಸಿ ನೋಡಿ.

ನಾನು ಗರ್ವದಿಂದ ಹೇಳುತ್ತೇನೆ. ಶಾಂತಿಯಿಂದ ಸ್ವಾತಂತ್ರ ಸಿಕ್ಕಿಲ್ಲ, ಕ್ರಾಂತಿಯಿಂದ ದೊರೆತಿದೆ - ಸುನೀಲ್ ಕುಮಾರ್ ಸಚಿವ
ಅಶಾಂತಿಯಿಂದಲೇ ಸ್ವಾತಂತ್ರಎಂದು ಸ್ಪಷ್ಟವಾಗಿ ಅಶಾಂತಿಯನ್ನು ವೈಭವೀಕರಿಸಿ - ಮುಚ್ಚುಮರೆ ಏಕೆ?

ಮನುಷ್ಯನಿಗೆ ಉಸಿರು ಹೇಗೆ ಮುಖ್ಯವೋ ಭಾರತ ದೇಶಕ್ಕೆ ಜಾತ್ಯತೀತ ಮೌಲ್ಯ ಅಷ್ಟೇ ಮುಖ್ಯ - ಯು.ಟಿ.ಖಾದರ್, ಶಾಸಕ
ಜಾತ್ಯತೀತತೆಯ ಶತ್ರುಗಳು ದೇಶವನ್ನು ಕೊಲ್ಲುವ ಮುನ್ನವೇ ನಿಮ್ಮ ಪಕ್ಷವನ್ನು ಕೊಲ್ಲಲು ಶ್ರಮಿಸುತ್ತಿರುವ ನಿಮ್ಮ ಪಕ್ಷೀಯರ ಬಗ್ಗೆ ಏನನ್ನುತ್ತೀರಿ?

ಸಿದ್ದರಾಮಯ್ಯರಿಗೆ ತಾಕತ್ತಿದ್ದರೆ ನಮ್ಮ ಮುಂದೆ ಬೀಫ್ ತಿನ್ನಲಿ - ಪ್ರಭು ಚವ್ಹಾಣ್, ಸಚಿವ
ಈವರೆಗೆ ಬೀಫ್ ರಫ್ತುಮಾಡುವ ದಂಧೆಯಲ್ಲಿ ನಿರತರಾಗಿದ್ದ ನಿಮ್ಮ ಬಳಗ ಇದೀಗ ದೇಶದೊಳಗೆ ಬೀಫ್ ಮಾರುಕಟ್ಟೆ ಬಲಪಡಿಸುವ ಅಭಿಯಾನ ಆರಂಭಿಸಿದೆಯೇ?

ನಪುಂಸಕರಿಗೆ ಮಾತ್ರ ನಪುಂಸಕ ಎಂದರೆ ಏನು ಎಂಬುದು ಗೊತ್ತಿರುತ್ತದೆ - ಈಶ್ವರಪ್ಪ, ಮಾಜಿ ಸಚಿವ
ಇಂತಹ ನಿಮ್ಮ ಖಾಸಗಿ ಅನುಭವಗಳನ್ನು ಸಾರ್ವಜನಿಕರ ಜೊತೆ ಹಂಚಿಕೊಳ್ಳುವ ಅಗತ್ಯ ಇದೆಯೇ?

ಹುಲಿ ಕಾಡಿನಲ್ಲಿದ್ದರೂ ಹುಲಿಯೇ, ಬೋನಿನಲ್ಲಿದ್ದರೂ ಹುಲಿಯೇ - ಬಿ.ವೈ.ವಿಜಯೇಂದ್ರ, ಬಿಜೆಪಿ ಉಪಾಧ್ಯಕ್ಷ
ಇಲಿಯೂ ಅಷ್ಟೇ. ಬಿಲದಲ್ಲೂ ಇಲಿ, ಗೂಡಿನಲ್ಲೂ ಇಲಿ.

ಇರುವೆಗಳು ಕಟ್ಟಿದ ಗೂಡಿನಲ್ಲಿ ಮಾಜಿ ಸಿಎಂ ಸಿದ್ದರಾಮಯ್ಯ ಹಾವಿನಂತೆ ಹೊಕ್ಕಿಕೊಂಡಿದ್ದಾರೆ - ಪ್ರಹ್ಲಾದ್ ಜೋಶಿ, ಕೇಂದ್ರ ಸಚಿವ
ಹುಳಗಳ ಗೂಡಿಗಿಂತ ಇದು ವಾಸಿ ಅಂತಿದ್ದಾರೆ.

ಮಾಜಿ ಸಿಎಂ ಸಿದ್ದರಾಮಯ್ಯ ಅವರ ಮುಖ ರಾಮನದ್ದು, ಚಿಂತನೆ ಮತ್ತು ಬುದ್ಧಿ ರಾವಣನದ್ದು - ನಳಿಲ್ ಕುಮಾರ್ ಕಟೀಲು, ಸಂಸದ
ಅವರು ಶೀಲಾಪಹರಣ ಮಾಡುವವರಲ್ಲ ಎಂದು ಪರೋಕ್ಷವಾಗಿ ಹೊಗಳುತ್ತಿದ್ದೀರಾ?

ಕಾಂಗ್ರೆಸ್‌ನಲ್ಲಿ ದಲಿತರು ಮುಖ್ಯಮಂತ್ರಿ ಯಾಗಲು ಅವಕಾಶವಿದೆ ಎಂಬ ನಂಬಿಕೆ ನನಗಿದೆ - ಡಾ.ಜಿ.ಪರಮೇಶ್ವರ್, ಶಾಸಕ
ದಿವಾಳಿತನದ ಹಂತದಲ್ಲಿ ಆಶಾವಾದವೊಂದೇ ಆಶ್ರಯ.

ರಾಜ್ಯ ಸಭೆ ಚುನಾವಣೆಗೆ ನನ್ನನ್ನು ಅಭ್ಯರ್ಥಿಯನ್ನಾಗಿ ಆಯ್ಕೆ ಮಾಡಿರುವುದು ನನಗೇ ಅಚ್ಚರಿ ಮೂಡಿಸಿದೆ -ಜಗ್ಗೇಶ್, ನಟ
ಜನರಿಗೂ ಅಷ್ಟೇ, ತಬ್ಬಿಬ್ಬಾಗಿದ್ದಾರೆ.

ಮುಂದಿನ ಶೈಕ್ಷಣಿಕ ವರ್ಷದಿಂದ ರಾಜ್ಯದ ಶಾಲಾ - ಕಾಲೇಜುಗಳಲ್ಲಿ ಯೋಗ ಶಿಕ್ಷಣ ಮತ್ತು ಯೋಗಾಭ್ಯಾಸ ಪ್ರಾರಂಭಿಸಲಾಗುವುದು - ಬಸವರಾಜ ಬೊಮ್ಮಾಯಿ, ಸಿಎಂ
ಪ್ರಮೋದ್ ಮುತಾಲಿಕ್‌ರನ್ನು ಮುಖ್ಯಮಂತ್ರಿಯಾಗಿಸಿದರೆ ಇದನ್ನೆಲ್ಲಾ ಲೀಲಾಜಾಲವಾಗಿ ಮಾಡುತ್ತಾರೆ.

ಸಿನೆಮಾ ನಟರಿಗೆ ಇರುವ ಯಾವ ರಕ್ಷಣೆಯೂ ಯಕ್ಷಗಾನ ಕಲಾವಿದರಿಗಿಲ್ಲ - ಆರಗ ಜ್ಞಾನೇಂದ್ರ, 

ಸಚಿವ ಯಕ್ಷಗಾನ ಕಲಾವಿದರಿಗೆ ಕನಿಷ್ಠ ಸಿನೆಮಾ ನಟರಿಗಿರುವಷ್ಟು ವಿವೇಕ ಇಲ್ಲದಿದ್ದರೆ? ಸಂಘಪರಿವಾರವನ್ನು ಟೀಕಿಸುವವರು ದೇಶದ್ರೋಹಿಗಳು - ರೇಣುಕಾಚಾರ್ಯ, ಶಾಸಕ
ದೇಶಪ್ರೇಮಿಗಳನ್ನು ಟೀಕಿಸುವವರು ಸಂಘಪರಿವಾರದವರು.

ಆರ್ಯರು ಹೊರಗಿನಿಂದ ಬಂದವರಲ್ಲ ಎಂಬುದಕ್ಕೆ ವೈಜ್ಞಾನಿಕ ಪುರಾವೆಯಿದೆ - ನಾರಾಯಣ ಸ್ವಾಮಿ, ಕೇಂದ್ರ ಸಚಿವ
ಆದರೆ ಆ ಪುರಾವೆಗಳೆಲ್ಲ, ಅವರು ಹೊರಗಿನಿಂದ ಬಂದವರೆನ್ನುವುದಕ್ಕಿರುವ ಪುರಾವೆಗಳ ಮುಂದೆ ಮಣ್ಣುಮುಕ್ಕಿವೆ.

ಮಾಜಿ ಸಿಎಂ ಸಿದ್ದರಾಮಯ್ಯ ಆರೆಸ್ಸೆಸ್ ಬಗ್ಗೆ ಅಧ್ಯಯನ ಮಾಡಿಲ್ಲ - ಎಸ್.ಟಿ.ಸೋಮಶೇಖರ್, ಸಚಿವ
ಮಾಡಿದ್ದರೆ ಅವರ ಆಕ್ರೋಶದ ಮಟ್ಟವೇ ಬೇರೆ ಇರುತ್ತಿತ್ತು.

ಲವ್ ಜಿಹಾದ್ ಹೆಣ್ಣು ಮಕ್ಕಳನ್ನು ನರಕದ ಕೂಪಕ್ಕೆ ತಳ್ಳುವ ಪ್ರಕ್ರಿಯೆಯಾಗಿದೆ - ಶೋಭಾ ಕರಂದ್ಲಾಜೆ, ಕೇಂದ್ರ ಸಚಿವೆ
ಹಾಗಾದರೆ ಹಿಂದೆ ಅಗ್ನಿಪರೀಕ್ಷೆಯ ಹೆಸರಲ್ಲಿ ಹೆಣ್ಣು ಮಕ್ಕಳನ್ನು ಅಗ್ನಿಕುಂಡಕ್ಕೆ ತಳ್ಳುತ್ತಿದ್ದವರೆಲ್ಲ ಲವ್ ಜಿಹಾದ್ ಮಾಡುವವರಾಗಿದ್ದರೇ?

ಪಠ್ಯಪುಸ್ತಕದ ವಿಷಯದಲ್ಲಿ ಎಡ, ಬಲ ಎರಡೂ ಬೇಡ - ಯದುವೀರ್ ಒಡೆಯರ್, ಮೈಸೂರು ರಾಜ ವಂಶಸ್ಥ
ಹಸ್ತ ಕ್ಷೇಪ ಎಡಗೈಯಲ್ಲಿ ಮಾಡಿದರೂ, ಬಲಗೈಯಲ್ಲಿ ಮಾಡಿದರೂ ವ್ಯತ್ಯಾಸ ಏನೂ ಇಲ್ಲ.

ನನ್ನ ಮೇಲಿನ ಆರೋಪ ಸಾಬೀತುಪಡಿಸಿದರೆ ಅಂದಿನಿಂದ ಹಸಿರು ವಸ್ತ್ರ ಧರಿಸುವುದಿಲ್ಲ - ಕೋಡಿಹಳ್ಳಿ ಚಂದ್ರಶೇಖರ್, ರೈತ ಸಂಘದ ಮಾಜಿ ಅಧ್ಯಕ್ಷ
ಇದೇನು, ಕೇಸರಿ ಧಾರಣೆಗೆ ಮುನ್ನುಡಿಯೇ?

ದೇಶದ ಆರ್ಥಿಕ ಸ್ಥಿತಿಯಲ್ಲಿ ಸರಕಾರಿ ಹುದ್ದೆಗಳನ್ನು ತುಂಬುವುದು ಬಹಳ ಕಷ್ಟ - ಕೋಟ ಶ್ರೀನಿವಾಸ ಪೂಜಾರಿ, ಸಚಿವ
ಎಲ್ಲವನ್ನೂ ಖಾಲಿ ಮಾಡಿ ಆಯ್ತಲ್ಲ? ಅದನ್ನೂ ಮಾಡಿಬಿಡಿ.

ಕುವೆಂಪು ಅವರ ಎರಡು ಗೀತೆಗಳನ್ನು ನಾಡಗೀತೆಯನ್ನಾಗಿ ಮಾಡಿದ್ದೇ ಬಿಜೆಪಿ ಸರಕಾರ - ಡಿ.ವಿ.ಸದಾನಂದಗೌಡ, ಸಂಸದ
ಅದಕ್ಕಾಗಿ ಕುವೆಂಪು ಅವರಿಗೆ ಈ ಪರಿಯ ಶಿಕ್ಷೆಯೇ ?

ಬೆಳಗಾವಿ ವಿಧಾನಸೌಧದ ಮೆಟ್ಟಿಲುಗಳ ಮೇಲೆ ಶಾವಿಗೆ, ಸಂಡಿಗೆ ಹಾಗೂ ಹಪ್ಪಳ ಒಣಗಿಸುತ್ತಿದ್ದ ಮಹಿಳಾ ಸಿಬ್ಬಂದಿಯ ವಜಾ -ಸುದ್ದಿ
ಏಕೆಂದರೆ ಮಹಾಪರಾಧಗಳಿಗೆ ಮೀಸಲಿರುವ ವಠಾರದಲ್ಲಿ ಪುಟ್ಟ ಪ್ರಮಾದಗಳು ಅಕ್ಷಮ್ಯವಾಗಿರುತ್ತವೆ.

ವಂಚಿತ ಸಮುದಾಯದ ಅಭಿವೃದ್ಧಿ ಸಾಧಿಸುವ ಉದ್ದೇಶದಿಂದ ಜಾತಿ ಗಣತಿಯನ್ನು ನಡೆಸಲು ನಿರ್ಧರಿಸಲಾಗಿದೆ -ನಿತೀಶ್ ಕುಮಾರ್, ಬಿಹಾರ ಸಿಎಂ
ಇದನ್ನಾದರೂ ವಂಚಿತರನ್ನು ಮತ್ತೆ ವಂಚಿಸುವ ಅಸ್ತ್ರವಾಗಿ ಬಳಸದೆ ಪ್ರಾಮಾಣಿಕವಾಗಿ ಮಾಡುವಿರಾ?

ಕ್ರಿಮಿನಲ್‌ಗಳು ಯಾರೂ ತಾವು ಕ್ರಿಮಿನಲ್‌ಗಳೆಂದು ಒಪ್ಪಿಕೊಳ್ಳುವುದಿಲ್ಲ - ಜೆ.ಪಿ.ನಡ್ಡಾ, ಬಿಜೆಪಿ ಅಧ್ಯಕ್ಷ
ಇದು ಜನರಿಗೆ ಗೊತ್ತಿದೆ. ಆದ್ದರಿಂದಲೇ ಅವರು ನಿಮ್ಮಿಂದ ತಪ್ಪೊಪ್ಪಿಗೆಯನ್ನು ನಿರೀಕ್ಷಿಸುವುದಿಲ್ಲ.

ಸತ್ಯ ಹೇಳಲು ಹೊರಟಾಗ ವಿರೋಧಗಳು ಸಹಜ - ಎಸ್.ಎಲ್. ಭೈರಪ್ಪ, ಸಾಹಿತಿ
ಹಾಗೆಂದು, ಸತ್ಯ ಹೇಳುವುದನ್ನೇ ಬಿಟ್ಟು ಬಿಟ್ಟಿರಲ್ಲಾ!

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

ಇಂದು ಹೆಚ್ಚು ಓದಿದ್ದು


Back to Top