-

ಓ ಮೆಣಸೇ...

-

ಡಾ.ಅಂಬೇಡ್ಕರ್ ಹಿಂದೂ ಧರ್ಮ ಬಿಟ್ಟಿದ್ದು ಯಾಕೆ ಎಂದು ಬಿಜೆಪಿಯವರು ಉತ್ತರಿಸಲಿ -ಕಿಮ್ಮನೆ ರತ್ನಾಕರ್, ಮಾಜಿ ಸಚಿವ
ಅಕ್ರಮ ಮತ್ತು ಅಧರ್ಮ ಮಾತ್ರ ಗೊತ್ತಿರುವವರೊಡನೆ ಇಂತಹ ಪ್ರಶ್ನೆ ಕೇಳಿ ಅವರನ್ನೇಕೆ ಬೇಸ್ತು ಬೀಳಿಸ್ತೀರಿ ಸಾರ್?

ಚಡ್ಡಿ ಇದ್ದದ್ದರಿಂದ ದೇಶದಲ್ಲಿ ಒಳ್ಳೆಯ ವಾತಾವರಣವಿದೆ - ರಘುಪತಿ ಭಟ್, ಶಾಸಕ
ಬಿಲದೊಳಗಿನ ಕರಾಳ ವಾತಾವರಣ ಹೆಗ್ಗಣಕ್ಕೆ ಒಳ್ಳೆಯದೆನಿಸುತ್ತದೆ. ಕೈ ನಾಯಕರು ಈಗ ಚಡ್ಡಿ ಸುಟ್ಟು ಬೆತ್ತಲಾಗಲು ಹೊರಟಿದ್ದಾರೆ - ಸುನೀಲ್ ಕುಮಾರ್, ಸಚಿವ
ನಿಮ್ಮ ಚಡ್ಡಿ ಸುಟ್ಟರೆ ಅವರು ಬೆತ್ತಲಾಗುವುದು ಹೇಗೆ?

ಸಿದ್ದು-ಡಿಕೆಶಿಯಂತಹ ನೂರು ಜನ ನೂರು ಜನ್ಮ ಎತ್ತಿ ಬಂದರೂ ಜೆಡಿಎಸ್ ಮುಗಿಸಲು ಸಾಧ್ಯವಿಲ್ಲ - ಕುಮಾರಸ್ವಾಮಿ, ಮಾಜಿ ಸಿಎಂ
ಅದನ್ನು ಮಾಡುವುದಕ್ಕೆ ಸಾಕ್ಷಾತ್ ನೀವೇ ಇರುವಾಗ ಅವರ ಅಗತ್ಯ ಏನಿದೆ?

ಬಿಜೆಪಿ ಸರ್ವರ ಅಭಿವೃದ್ಧಿಗೆ ಯತ್ನಿಸುತ್ತಿದ್ದರೂ ಅಲ್ಪಸಂಖ್ಯಾತರ ವಿರೋಧಿ ಎಂದು ಸುಳ್ಳು ಪ್ರಚಾರ ಮಾಡಲಾಗುತ್ತಿದೆ - ಜಮಾಲ್ ಸಿದ್ದೀಕಿ, ಬಿಜೆಪಿ ಅಲ್ಪಸಂಖ್ಯಾತ ಮೋರ್ಚಾದ ರಾ. ಅಧ್ಯಕ್ಷ
ವರಸೆ ನೋಡಿದರೆ, ನಿಮ್ಮ ಅಭಿವೃದ್ಧಿಗೆ ಬಹಳ ದೊಡ್ಡ ಗಂಟು ಸಿಕ್ಕಿದಂತಿದೆಯಲ್ಲಾ!

ಸಾಹಿತಿಗಳು ಚಳವಳಿಗಳಿಗೆ ಮಾತ್ರ ಸೀಮಿತವಾಗಬಾರದು - ಎಸ್.ಎಲ್.ಭೈರಪ್ಪ, ಸಾಹಿತಿ
ಮನುವಾದವನ್ನು ಸ್ಥಾಪಿಸುವ ಕೆಲಸವನ್ನೂ ಮಾಡುತ್ತಿರಬೇಕೇ?

ಭಾರತ ಮತ್ತೆ ವಿಶ್ವಗುರು ಸ್ಥಾನಕ್ಕೇರುವ ಕಾಲ ಸನ್ನಿಹಿತವಾಗಿದೆ - ವಿಶ್ವೇಶ್ವರ ಹೆಗಡೆ ಕಾಗೇರಿ, ವಿಧಾನ ಸಭಾಧ್ಯಕ್ಷ
ಮನದೊಳಗಿನ ವಿಶ್ವವು ಸಣ್ಣದಾಗುತ್ತಾ ಹೋದಂತೆ, ಆ ಸಣ್ಣ ಜಗತ್ತಿನಲ್ಲಿ ಗುರುವಾಗಿ ಮೆರೆಯುವ ಅವಕಾಶ ಹೆಚ್ಚುತ್ತದೆ.

ಕಾಂಗ್ರೆಸ್‌ನವರಿಗೆ ಧರ್ಮ ರಕ್ಷಣೆ ಮಾಡಲು ಆಗುವುದಿಲ್ಲ - ಬಿ.ಸಿ.ಪಾಟೀಲ್, ಸಚಿವ
ಆದ್ದರಿಂದ ಅವರು ಒಂದಷ್ಟು ರಾಜಕೀಯ ಮಾಡುತ್ತಿರುತ್ತಾರೆ.

ಕುಟುಂಬ ರಾಜಕಾರಣದ ವಿರುದ್ಧ ನನ್ನ ಅನಿಸಿಕೆಗಳನ್ನು ತಪ್ಪಾಗಿ ಅರ್ಥೈಸಲಾಗಿದೆ - ನರೇಂದ್ರ ಮೋದಿ, ಪ್ರಧಾನಿ
ನೀವು 'ಪರಿವಾರ್ ವಾದ್' ಎಂದಾಗ ಸಂಘದವರು, ಮುನಿಸಿಕೊಂಡು 'ನಮ್ಮ ಬೆಕ್ಕು ನಮಗೆ ಮಿಯಾಂವ್ ಅನ್ನುತ್ತಿದೆ' ಎಂದು ಕಿರುಚಾಡಿದರೇ ?

ಆರೆಸ್ಸೆಸ್‌ನ ಚಡ್ಡಿ ಪ್ರಭಾವ ಮಾಜಿ ಸಿಎಂ ಸಿದ್ದರಾಮಯ್ಯನವರಿಗೆ ಏನು ಗೊತ್ತು? - ಕೆ.ಎಸ್.ಈಶ್ವರಪ್ಪ, ಮಾಜಿ ಸಚಿವ
ಅವರಿಗೆ ಗೊತ್ತಿರುವುದು, ಕೆಲವರು 40 ಶೇ. ಕಮಿಷನ್ ಅನ್ನು ಬಚ್ಚಿಡಲು ತಮ್ಮ ಚಡ್ಡಿಯ ಕಿಸೆಗಳನ್ನು ನಿತ್ಯ ಬಳಸಲಾಗುತ್ತಿತ್ತು ಎಂಬ ಅಂಶ ಮಾತ್ರ.

ಕಾಶ್ಮೀರವನ್ನು ನಿಯಂತ್ರಿಸಲು ಬಿಜೆಪಿಯಿಂದ ಸಾಧ್ಯವಿಲ್ಲ - ಅರವಿಂದ ಕೇಜ್ರಿವಾಲ್, ದಿಲ್ಲಿ ಸಿಎಂ
ಆದ್ದರಿಂದ ಅವರೀಗ ಭಾರತೀಯರ ಸ್ವಾತಂತ್ರವನ್ನು ನಿಯಂತ್ರಿಸಿ ನಿರ್ಬಂಧಿಸು ವುದರಲ್ಲಿ ನಿರತರಾಗಿದ್ದಾರೆ.

ಆರೆಸ್ಸೆಸ್ ಚಡ್ಡಿ ಬಿಟ್ಟು ಪ್ಯಾಂಟಿಗೆ ಬಂದು ಬಹಳ ವರ್ಷವಾಯಿತು. ಈಗ ನಮ್ಮ ಗಣವೇಶ ಪ್ಯಾಂಟ್ ಮತ್ತು ಅಂಗಿ - ರಘುಪತಿ ಭಟ್, ಶಾಸಕ
ಚಡ್ಡಿ ಕಳಕೊಂಡಿದ್ದನ್ನು ಜಗತ್ತು ನೋಡಿದೆ. ನಾಝಿ ಸೆಲ್ಯೂಟ್ ಅನ್ನು ಯಾವಾಗ ಬಿಡುತ್ತೀರಿ?

ಬಿಜೆಪಿ ರೀತಿಯಲ್ಲಿಯೇ ರಾಜ್ಯದಲ್ಲಿ ಜೆಡಿಎಸ್ ಕಟ್ಟುವೆ - ಕುಮಾರಸ್ವಾಮಿ, ಮಾಜಿ ಸಿಎಂ
ಬಿಜೆಪಿಯೇ ನಿಮ್ಮ ಮುಂದಿರುವ ಪರಮ ಆದರ್ಶ ಎಂಬುದನ್ನು ಕೊನೆಗೂ ಒಪ್ಪಿಕೊಂಡಿರಲ್ಲ !

ಶಿಕ್ಷಣ ಸಚಿವ ಬಿ.ಸಿ.ನಾಗೇಶ್ ದೇಹದಲ್ಲಿ ಹೆಡಗೆವಾರ್ ದೆವ್ವ ಹೊಕ್ಕಿದೆ - ಕುಂ.ವೀರಭದ್ರಪ್ಪ, ಸಾಹಿತಿ
ಹಾಗೆಲ್ಲಾ ಹೇಳಬೇಡಿ. ದೆವ್ವಗಳಿಗೂ ಮಡಿ ಪ್ರಜ್ಞೆ ಇರುತ್ತಂತೆ.

ಮಾಜಿ ಸಿಎಂ ಸಿದ್ದರಾಮಯ್ಯ ಈಗೀಗ ಪುಂಡ ಪೋಕರಿಯಂತೆ ಮಾತನಾಡುತ್ತಿದ್ದಾರೆ - ಜಗದೀಶ್ ಶೆಟ್ಟರ್, ಶಾಸಕ
ಅವರು ಹಿಂದೆಯೂ ಪುಂಡ ಪೋಕರಿಗಳ ಜೊತೆ ಹಾಗೆಯೇ ಮಾತನಾಡುತ್ತಿದ್ದರು.

ಕರೆನ್ಸಿ ನೋಟುಗಳಲ್ಲಿ ಮಹಾತ್ಮಾ ಗಾಂಧೀಜಿ ಚಿತ್ರ ಬದಲಿಸುವ ಪ್ರಸ್ತಾವ ಇಲ್ಲ - ಆರ್‌ಬಿಐ
ಇದೇನು, ನೋಟುಗಳಲ್ಲಿ ಗೋಡ್ಸೆ ಚಿತ್ರ ಹಾಕುವುದಕ್ಕೆ ಮುನ್ನುಡಿ ಅಲ್ಲ ತಾನೇ?

ಪಠ್ಯ ಪರಿಷ್ಕರಣೆ ಸಮಿತಿಗೆ ಸೇರಿದಾಗ ನಾನು ಉಬ್ಬಿಯೂ ಇಲ್ಲ, ಈಗ ಕುಗ್ಗಿಯೂ ಇಲ್ಲ - ರೋಹಿತ್ ಚಕ್ರತೀರ್ಥ
ಕೊಳೆತವರಿಗೆ ತಾವು ಉಬ್ಬಿದ್ದು, ಕುಗ್ಗಿದ್ದು ಎರಡೂ ಗೊತ್ತಾಗಲ್ಲ. ಗೊತ್ತಾಗುವುದು ದುರ್ನಾತ ಅನುಭವಿಸಿದವರಿಗೆ ಮಾತ್ರ. ಪ್ರಬಲ ಪ್ರತಿಪಕ್ಷಗಳು ಈ ದೇಶದ

ಪ್ರಜಾಪ್ರಭುತ್ವ ವ್ಯವಸ್ಥೆಯ ಉತ್ತಮ ಸ್ಥಿತಿ ಕಾಯಲು ಅಗತ್ಯ - ನರೇಂದ್ರ ಮೋದಿ, ಪ್ರಧಾನಿ
ಆದ್ದರಿಂದ ಪ್ರತಿಪಕ್ಷದ ಸಾಲುಗಳಲ್ಲಿ ಕೂರಲು ತಯಾರಾಗಿರಿ.

ದೇಶ ಅಭಿವೃದ್ಧಿಯತ್ತ ಸಾಗಬೇಕಾದರೆ ಸಂಶೋಧನಾ ಕ್ಷೇತ್ರ ಅಗತ್ಯ - ಕಲ್ಲಡ್ಕ ಪ್ರಭಾಕರ ಭಟ್, ಆರೆಸ್ಸೆಸ್ ಮುಖಂಡ
ಮಸೀದಿಗಳ ನೆಲ ಮಾಳಿಗೆ ಬಿಟ್ಟರೆ ಬೇರೆಲ್ಲಾದರೂ ಸಂಶೋಧನೆ ನಡೆಸಿದ ಅನುಭವವೇನಾದರೂ ನಿಮಗಿದೆಯೇ?

ಚಡ್ಡಿ ಎನ್ನುವುದು ಮಾನವ ಕುಲದ ಗೌರವ ಕಾಪಾಡುವ ಸಂಕೇತ - ಛಲವಾದಿ ನಾರಾಯಣ ಸ್ವಾಮಿ, ವಿ.ಪ. ಸದಸ್ಯ
ಹಾಗಾದರೆ ಅದನ್ನು ತಲೆ ಮೇಲೆ ಧರಿಸಿಕೊಳ್ಳುವಿರಾ?

ನಾನು ತತ್ವ, ನೀತಿಯ ರಾಜಕಾರಣ ಮಾಡಿದ್ದೇನೆಯೇ ಹೊರತು ಎಂದಿಗೂ ಜಾತಿ ರಾಜಕಾರಣ ಮಾಡಿಲ್ಲ - ಸಿ.ಟಿ.ರವಿ, ಶಾಸಕ
ನಿಮ್ಮ ಡಿಕ್ಶನರಿಯಲ್ಲಿ ದ್ವೇಷಕ್ಕೆ ತತ್ವ ಮತ್ತು ವಂಚನೆಗೆ ನೀತಿ ಎಂಬ ಅರ್ಥವಿದೆಯೇ?

ಬಿಜೆಪಿ, ಕಾಂಗ್ರೆಸ್, ಜೆಡಿಎಸ್ ಈ ಮೂರೂ ಪಕ್ಷಗಳಿಂದ ರಾಜ್ಯದ ಜನತೆಗೆ ದ್ರೋಹವಾಗಿದೆ - ಮುಖ್ಯಮಂತ್ರಿ ಚಂದ್ರು, ಮಾಜಿ ವಿ.ಪ. ಸದಸ್ಯ
ಆಪ್ ಪಾರ್ಟಿಯನ್ನು ಬಿಟ್ಟ ಬಳಿಕ ಆ ಪಕ್ಷದ ಹೆಸರನ್ನೂ ಈ ನಿಮ್ಮ ಮಾಜಿ ಪಕ್ಷಗಳ ಪಟ್ಟಿಗೆ ಸೇರಿಸಿ.

ನಾನು ಮುಂದಿನ ಮುಖ್ಯಮಂತ್ರಿ ಎಂಬ ಘೋಷಣೆಗಳಿಗೆ ನನ್ನ ಸಮ್ಮತಿ ಇಲ್ಲ - ಬಿ.ವೈ.ವಿಜಯೇಂದ್ರ, ಬಿಜೆಪಿ ಉಪಾಧ್ಯಕ್ಷ
ಹಾಗೆಯೇ, ನೀವು ಮುಂದಿನ ಪ್ರಧಾನ ಮಂತ್ರಿ ಎಂಬ ಘೋಷಣೆಗೂ ಸಮ್ಮತಿ ನೀಡಬೇಡಿ.

ಸಿದ್ದರಾಮಯ್ಯ ಮತ್ತು ಡಿಕೆಶಿ ಹೆಡಗೆವಾರ್ ಬಗ್ಗೆ ಆಧ್ಯಯನ ಮಾಡಿ ತಿಳಿದುಕೊಂಡರೆ ಅವರು ಖಂಡಿತಾ ಕಾಂಗ್ರೆಸ್ ಬಿಟ್ಟು ಬಿಜೆಪಿಗೆ ಬರುತ್ತಾರೆ - ಮುರುಗೇಶ್ ನಿರಾಣಿ, ಸಚಿವ
ಅಧ್ಯಯನ ಅಷ್ಟರ ಮಟ್ಟಿಗೆ ಕೆಟ್ಟ ಪರಿಣಾಮ ಬೀರುತ್ತದೆ ಎಂದಾಯಿತು.

ಭಾರತದಲ್ಲಿ ಅಸಹಿಷ್ಣುತೆ, ಧರ್ಮ ದ್ವೇಷ ಆರೋಪಗಳಲ್ಲಿ ಹುರುಳಿಲ್ಲ - ಅರುಣ್ ಸಿಂಗ್, ಬಿಜೆಪಿ ಮುಖಂಡ
ಜನಸಾಮಾನ್ಯರ ಪಾಲಿನ ಉರುಳಷ್ಟೇ ಇದೆ.

ಪಠ್ಯಪುಸ್ತಕದ ಭೂತ ಕಾಂಗ್ರೆಸ್ ಸೃಷ್ಟಿ - ಕೋಟ ಶ್ರೀನಿವಾಸ ಪೂಜಾರಿ, ಸಚಿವ
ಒಟ್ಟಿನಲ್ಲಿ ಪಠ್ಯ ಪುಸ್ತಕವನ್ನು ಭೂತ ಕಾಲಕ್ಕೆ ಸೇರಿಸುವುದು ನಿಮ್ಮ ಗುರಿ ಎಂದು ಕಾಣುತ್ತದೆ

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

ಇಂದು ಹೆಚ್ಚು ಓದಿದ್ದು


Back to Top