ಓ ಮೆಣಸೇ ...

-

ರೈತನ ಮಗನನ್ನು ಉಪರಾಷ್ಟ್ರಪತಿ ಹುದ್ದೆಯಲ್ಲಿ ಕಾಣಲು ಹೆಮ್ಮೆಯಾಗುತ್ತಿದೆ - ನರೇಂದ್ರ ಮೋದಿ, ಪ್ರಧಾನಿ
ಚಹಾ ಮಾರುತ್ತಿದ್ದವರನ್ನು ಅಪ್ಪಾ ಎಂದು ಕರೆಯುವಂತೆ ರೈತ ಪುತ್ರನನ್ನು ನಿರ್ಬಂಧಿಸಬೇಡಿ.

ರಾಜ್ಯದಲ್ಲಿ ಡಿಕೆಶಿ ಮತ್ತು ನಾನು ಮಾತ್ರ ಈ.ಡಿ., ಎಸಿಬಿ ಕಣ್ಣಿಗೆ ಬೀಳುವುದು - ಝಮೀರ್ ಅಹ್ಮದ್, ಶಾಸಕ
ಬಿಜೆಪಿಯವರು ಈ.ಡಿ.ಯನ್ನು ಕಾಂಗ್ರೆಸ್‌ನ ಬಡ ನಾಯಕರ ಮೇಲೆ ಛೂ ಬಿಡುವುದಿಲ್ಲ.

ಪ್ರತೀ ಮನೆಯಲ್ಲಿಯೂ ದೇವರ ಪೂಜೆಯಷ್ಟೇ ಗೌರವದಿಂದ ಧ್ವಜಾರೋಹಣ ಮಾಡಬೇಕು -ಸುನೀಲ್ ಕುಮಾರ್, ಸಚಿವ
ಹಾಗೆಯೇ, ಐವತ್ತು ವರ್ಷ ರಾಷ್ಟ್ರ ಧ್ವಜವನ್ನು ಬಹಿಷ್ಕರಿಸಿದ ದ್ರೋಹಿಗಳನ್ನು ಇನ್ನಾದರೂ ಕ್ಷಮಿಸಬೇಕು.

ಡಿಕೆಶಿ ಮತ್ತು ಸಿದ್ದರಾಮಯ್ಯರದ್ದು ಧೃತರಾಷ್ಟ್ರ ಆಲಿಂಗನವಿದ್ದಂತೆ - ಆರ್.ಅಶೋಕ್, ಸಚಿವ
ಆಲಿಂಗನಕ್ಕೆ ಸಿದ್ಧತೆ ನಡೆಸುತ್ತಿದ್ದಾಗ ಈ ಆಲೋಚನೆ ಹೊಳೆಯಿತೇ?

ಯಾರು ಕಾಂಗ್ರೆಸ್‌ಗೆ ಹಿಂದೆ ಛೀಮಾರಿ ಹಾಕಿದ್ದರೋ ಅವರೆಲ್ಲ ಈಗ ಕಾಂಗ್ರೆಸ್‌ಗೆ ಜೈಕಾರ ಹಾಕುತ್ತಿದ್ದಾರೆ - ಈಶ್ವರಪ್ಪ, ಶಾಸಕ
ಈ ರೀತಿಯ ಏರುಪೇರಿನ ಅನುಭವ ನಮ್ಮ ರಾಷ್ಟ್ರ ಧ್ವಜಕ್ಕೂ ಇದೆ.

ಅತ್ಯಾಚಾರಿಗಳಿಗೆ ಗಲ್ಲು ಶಿಕ್ಷೆ ವಿಧಿಸುತ್ತಿರುವುದರಿಂದಲೇ ಇತ್ತೀಚಿನ ದಿನಗಳಲ್ಲಿ ಸಂತ್ರಸ್ತರ ಹತ್ಯೆ ಪ್ರಕರಣಗಳು ಹೆಚ್ಚುತ್ತಿವೆ - ಅಶೋಕ್ ಗೆಹ್ಲೋಟ್, ರಾಜಸ್ಥಾನ ಸಿಎಂ
ಅತ್ಯಾಚಾರಿಗಳನ್ನು ಸನ್ಮಾನಿಸಿ ಗೌರವ ಧನ ಕೊಡಲಾರಂಭಿಸಿದರೆ ಈ ಸಮಸ್ಯೆ ಬಗೆಹರಿದೀತೇ?

ಮುಖ್ಯಮಂತ್ರಿ ಬದಲಾವಣೆ ಇಲ್ಲ, ನಾನು ಮುಖ್ಯಮಂತ್ರಿ ಎಂಬುದು ಬರೀ ಗಾಳಿ ಸುದ್ದಿ - ಗೋವಿಂದ ಕಾರಜೋಳ, ಸಚಿವ
ಇದು, ಸ್ಪರ್ಧೆಯಲ್ಲಿ ನಾನಿದ್ದೇನೆ ಎಂದು ಘೋಷಿಸುವ ಇನ್ನೊಂದು ವಿಧಾನ ಅಲ್ಲ ತಾನೇ?

ಬಿಜೆಪಿಗೆ ತಾಕತ್ತಿದ್ದರೆ 'ಸಿದ್ದರಾಮಯ್ಯ -75'ಕ್ಕೆ ಸೇರಿದ ಅರ್ಧದಷ್ಟು ಜನರನ್ನು ಸೇರಿಸಿ ಸಮಾವೇಶ ಮಾಡಿ ತೋರಿಸಲಿ - ಎಂ.ಬಿ.ಪಾಟೀಲ್, ಮಾಜಿ ಸಚಿವ
ಸಂತೆ ಸೇರಿಸುವ ನಿಮ್ಮ ಸಾಮರ್ಥ್ಯದಿಂದ ಅವರಿಗೇನೂ ನಷ್ಟವಿಲ್ಲ. ತಾಕತ್ತಿದ್ದರೆ ಅವರು ಸಂಗ್ರಹಿಸುವ ಓಟನ್ನು ಕಿತ್ತು ತೋರಿಸಿ.

ಮುಖ್ಯಮಂತ್ರಿ, ಗೃಹ ಸಚಿವ ಹಾಗೂ ರಾಜ್ಯಾಧ್ಯಕ್ಷರ ಬದಲಾವಣೆ ಕುರಿತು ನನಗೆ ಯಾವುದೇ ಮಾಹಿತಿ ಇಲ್ಲ -ಬಸನಗೌಡ ಪಾಟೀಲ್ ಯತ್ನಾಳ್, ಶಾಸಕ
ಹಾಗಾದರೆ ಹೇಗೆ? ನಾಳೆ ನೀವೇ ಮುಖ್ಯಮಂತ್ರಿ ಎಂದು ಮೇಲಿನವರು ಹಠಾತ್ತಾಗಿ ಘೋಷಿಸಿ ಬಿಟ್ಟರೆ ಹೃದಯಾಘಾತವಾದೀತಲ್ಲಾ !

ಪ್ರಸಕ್ತ ಸನ್ನಿವೇಶದಲ್ಲಿ ಸುಪ್ರೀಂ ಕೋರ್ಟ್ ಮೇಲೆ ನನಗೆ ವಿಶ್ವಾಸ ಹೊರಟು ಹೋಗಿದೆ - ಕಪಿಲ್ ಸಿಬಲ್, ರಾಜ್ಯಸಭೆ ಸದಸ್ಯ
ಸಂವೇದನಾ ಶೀಲರಿಗೆ ಎಂದೋ ಆದ ಜ್ಞಾನೋದಯ ನಿಮಗೆ ಈಗಷ್ಟೇ ಆಗಿದೆ.

ಕೇಂದ್ರದ ಸರ್ವಾಧಿಕಾರಿ ಸರಕಾರದ ವಿರುದ್ಧ ಕ್ವಿಟ್ ಇಂಡಿಯಾ ಮಾದರಿಯ ಚಳವಳಿಯೊಂದನ್ನು ನಡೆಸುವ ಅಗತ್ಯವಿದೆ - ರಾಹುಲ್ ಗಾಂಧಿ, ಕಾಂಗ್ರೆಸ್ ನಾಯಕ
ಅದಕ್ಕಿಂತ ಮುನ್ನ ಭಾರತದಲ್ಲಿ ಒಂದು ವಿಶ್ವಾಸಾರ್ಹ ಪ್ರತಿಪಕ್ಷವನ್ನು ನಿರ್ಮಿಸುವ ಅಗತ್ಯವಿದೆ.

ರಿಲಯನ್ಸ್ ಸಮೂಹ ಕಂಪೆನಿಗಳ ಮೂಲಕ ಮುಕೇಶ್ ಅಂಬಾನಿ ಎರಡನೇ ವರ್ಷವೂ ವೇತನ ರಹಿತವಾಗಿ ದುಡಿದಿದ್ದಾರೆ -ಸುದ್ದಿ
ಇದು 'ಸಂಬಳ ಕೇಳಬೇಡಿ' ಎಂದು ತಮ್ಮದೇ ನೌಕರರಿಗೆ ಹೇಳಲು ಅವರು ಬಳಸಿರುವ ಜಾಣ ದಾರಿಯಾಗಿರಬಹುದು.

ಸರಕಾರಿ ಕನ್ನಡ ಮಾಧ್ಯಮ ಶಾಲೆಗಳಲ್ಲಿನ ಮಕ್ಕಳಿಗೆ ಸ್ಪೋಕನ್ ಇಂಗ್ಲಿಷ್ ತರಗತಿ ಆರಂಭಿಸುವ ಉದ್ದೇಶವಿದೆ - ಬಿ.ಸಿ.ನಾಗೇಶ್, ಸಚಿವ
ಅದಕ್ಕಿಂತ ಮುನ್ನ, ನಿಮ್ಮ ಪಕ್ಷದ ನಾಯಕರಿಗೆ, ಸಭ್ಯ ಭಾಷೆ ಮಾತನಾಡಲು ಕಲಿಸಬಲ್ಲ ಶಾಲೆಗಳನ್ನು ತೆರೆಯಿರಿ.

ಕಾಂಗ್ರೆಸ್‌ನವರು ತಮ್ಮೆಳಗಿನ ಒಳಜಗಳ ಮುಚ್ಚಿಹಾಕಲು ಉತ್ಸವ, ಪಾದಯಾತ್ರೆ ಮಾಡುತ್ತಿದ್ದಾರೆ - ನಳಿನ್ ಕುಮಾರ್ ಕಟೀಲು, ಸಂಸದ
ನಿಮ್ಮ ಉತ್ಸವ ಪಾದಯಾತ್ರೆಗಳೆಲ್ಲಾ ನಿಮ್ಮ ಪಕ್ಷದೊಳಗಿನ ಜಗಳಗಳನ್ನು ಬಯಲಿಗೆಳೆಯುವುದಕ್ಕೆ ನಡೆದಿದ್ದವೇ ?

ರಾಷ್ಟ್ರಧ್ವಜಕ್ಕೆ ಪಾಲಿಸ್ಟರ್ ಬಟ್ಟೆ ಬಳಕೆ ಸ್ವಾತಂತ್ರ ಚಳವಳಿಗೆ ಮಾಡಿದ ಅವಮಾನ - ಯು.ಟಿ.ಖಾದರ್, ಮಾಜಿ ಸಚಿವ
ರಾಷ್ಟ್ರ ಧ್ವಜವು ಭ್ರಷ್ಟ ಫುಡಾರಿಗಳ ಕೈಯಲ್ಲಿ ನರಳುತ್ತಿರುವುದು ಇನ್ನಷ್ಟು ದೊಡ್ಡ ಅಪಮಾನ.

ಯುವ ಪೀಳಿಗೆ ಮನಸ್ಸು ಮಾಡಿದರೆ ಈ ದೇಶಕ್ಕೆ ಉತ್ತಮ ಪರ್ಯಾಯ ರಾಜಕೀಯ ಶಕ್ತಿ ನೀಡಬಹುದು - ಎಚ್.ಡಿ. ದೇವೇಗೌಡ, ಮಾಜಿ ಪ್ರಧಾನಿ
ಮೊಮ್ಮಕ್ಕಳನ್ನು ರಾಜಕೀಯ ಕೊಂಪೆಗೆ ಇಳಿಸುವ ಸಿದ್ಧತೆಯೇ?

ಭಾರತದಲ್ಲಿ ಹಿಂದೂ ಮತ್ತು ಮುಸ್ಲಿಮರು ಒಟ್ಟಿಗೆ ಬದುಕುವುದಕ್ಕೆ ಸಾಧ್ಯವಿಲ್ಲ ಎನ್ನುವವರು ಮುಹಮ್ಮದ್ ಅಲಿ ಜಿನ್ನಾರನ್ನು ಬೆಂಬಲಿಸುತ್ತಾರೆ - ರಾಮ ಮಾಧವ್, ಆರೆಸ್ಸೆಸ್ ನಾಯಕ
ಕೊನೆಗೂ ತಪ್ಪೊಪ್ಪಿಗೆ?

ಕಾರ್ಯಕರ್ತರ ರಾಜೀನಾಮೆಯಿಂದ ಬಿಜೆಪಿಗೆ ಯಾವುದೇ ನಷ್ಟ ಆಗಿಲ್ಲ - ಉಮೇಶ್ ಕತ್ತಿ, ಸಚಿವ
ಪಾಪ, ಪಕ್ಷದಲ್ಲಿ ಅವರಿಗೇನಾದರೂ ಬೆಲೆ ಇದ್ದರೆ ತಾನೇ ಅವರ ಆಗಮನ ಅಥವಾ ನಿರ್ಗಮನದಿಂದ ಏನಾದರೂ ಲಾಭ - ನಷ್ಟವಾಗುವುದು?

ನಿತೀಶ್ ಕುಮಾರ್ ನಮ್ಮ ಬೆನ್ನಿಗೆ ಚೂರಿ ಹಾಕಿದ್ದಾರೆ - ರವಿಶಂಕರ್ ಪ್ರಸಾದ್, ಬಿಜೆಪಿ ನಾಯಕ
ಮಹಾರಾಷ್ಟ್ರದಲ್ಲಿ ಠಾಕ್ರೆ ಬಳಗದ ಯಾವ ಭಾಗಕ್ಕೆ ಚೂರಿ ಹಾಕಲಾಗಿತ್ತು?

ನಮ್ಮದು ಎಲ್ಲರನ್ನೂ ಒಳಗೊಂಡ ಸರಕಾರ - ಏಕನಾಥ್ ಶಿಂದೆೆ, ಮಹಾರಾಷ್ಟ್ರ ಸಿಎಂ
ಹೌದು ಎಲ್ಲರ ವಿಭಿನ್ನ ತರದ ಕ್ರಿಮಿನಲ್ ದಾಖಲೆಗಳನ್ನು ನೋಡಿದರೆ ಅದು ಸ್ಪಷ್ಟವಾಗಿ ಬಿಡುತ್ತದೆ.

ಜೀವನೋಪಾಯ ಇಲಾಖೆಗೆ ಮುಖ್ಯಮಂತ್ರಿ ಬಜೆಟ್‌ನಲ್ಲಿ 1200 ಕೋಟಿ ರೂ. ನೀಡುವ ಮೂಲಕ ಮಹಿಳೆಯರ ಸಬಲೀಕರಣಕ್ಕೆ ಒತ್ತು ನೀಡಲಾಗಿದೆ - ಡಾ.ಸಿ.ಎನ್.ಅಶ್ವತ್ಥನಾರಾಯಣ, ಸಚಿವ
ರಾಜಕಾರಣಿಗಳ ಜೀವನೋಪಾಯಕ್ಕಾಗಿ ಇದರಲ್ಲಿ ಶೇ. 40 ಕಮಿಷನ್ ಕೂಡ ಮೀಸಲಿರಿಸಲಾಗಿದೆಯೇ?

ಮನುಸ್ಮತಿ ಭಾರತೀಯ ಮಹಿಳೆಯರಿಗೆ ಗೌರವಾನ್ವಿತ ಸ್ಥಾನವನ್ನು ನೀಡಿದೆ - ಪ್ರತಿಭಾಸಿಂಗ್, ದಿಲ್ಲಿ ಉಚ್ಚ ನ್ಯಾಯಾಲಯದ ನ್ಯಾಯಮೂರ್ತಿ
ನಿಮ್ಮನ್ನು ನ್ಯಾಯಮೂರ್ತಿ ಮಾಡಿದ ಸಂವಿಧಾನ ಮಹಿಳೆಯರಲ್ಲಿ ಕ್ಷಮೆ ಯಾಚಿಸಬೇಕೇ?

ಬಿಜೆಪಿಗೆ ನನ್ನನ್ನು ಕಂಡರೆ ಭಯ - ಸಿದ್ದರಾಮಯ್ಯ, ಮಾಜಿ ಸಿಎಂ
ಎಲ್ಲಿ ಬಿಜೆಪಿಗೆ ಪಕ್ಷಾಂತರ ಮಾಡಿ ಬಿಡುತ್ತಾರೋ ಎಂಬ ಭಯ ಇರಬೇಕು.

ಎಚ್.ಡಿ.ಕುಮಾರಸ್ವಾಮಿ, ಯಡಿಯೂರಪ್ಪ, ನರೇಂದ್ರ ಮೋದಿ ಎಲ್ಲರೂ ಅಧಿಕಾರಕ್ಕೆ ಬಂದದ್ದು ಕಾಂಗ್ರೆಸ್‌ನ ಸ್ವಾತಂತ್ರ ಹೋರಾಟದಿಂದ -ಡಿ.ಕೆ.ಶಿವಕುಮಾರ್, ಕೆಪಿಸಿಸಿ ಅಧ್ಯಕ್ಷ
ಈ ಕಾರಣಕ್ಕಾಗಿ ಕಾಂಗ್ರೆಸ್ ದೇಶದ ಕ್ಷಮೆ ಯಾಚಿಸಬೇಕು.

ಮುಂಗಾರು ಅಧಿವೇಶನದ ಕಲಾಪ ಸರಿಯಾಗಿ ನಡೆಯಲು ವಿರೋಧ ಪಕ್ಷಗಳು ಅವಕಾಶ ನೀಡಲಿಲ್ಲ -ಪ್ರಹ್ಲಾದ್ ಜೋಶಿ, ಕೇಂದ್ರ ಸಚಿವ
ಕೈಲಾಗದವರ ಪ್ರಲಾಪ.

ಬಿಹಾರದ ಸಿಎಂ ನಿತೀಶ್ ಕುಮಾರ್ ಒಮ್ಮೆ ಒಬ್ಬರ ಜೊತೆ, ಮತ್ತೊಮ್ಮೆ ಇನ್ನೊಬ್ಬರ ಜೊತೆ ಹೋಗುವುದು ಎಷ್ಟು ಸರಿ? - ಚಿರಾಗ್ ಪಾಸ್ವಾನ್, ಎಲ್‌ಜೆಪಿ ಮುಖಂಡ
ಅದೆಲ್ಲ ನಿಮ್ಮ ಪಿತಾಶ್ರೀಯಿಂದ ಕಲಿತಿರುವುದಂತೆ.

ದಲಿತರಿಗೆ ಪ್ರತ್ಯೇಕ ಮುಖ್ಯಮಂತ್ರಿ ಸ್ಥಾನ ಎಂಬುದಿಲ್ಲ - ಗೋವಿಂದ ಕಾರಜೋಳ, ಸಚಿವ
ಉಳಿದ ಕಡೆ ಎಲ್ಲ ಪ್ರತ್ಯೇಕ ಪಂಕ್ತಿ ಇರುವಾಗ ಇಲ್ಲಿ ಯಾಕೆ ಇರಬಾರದು?

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

ಇಂದು ಹೆಚ್ಚು ಓದಿದ್ದು


Back to Top