ಓ ಮೆಣಸೇ...
-
2024ರ ಲೋಕಸಭೆ ಚುನಾವಣೆಯು ಅರವಿಂದ ಕೇಜ್ರಿವಾಲ್ ಮತ್ತು ನರೇಂದ್ರ ಮೋದಿ ನಡುವೆ ನಡೆಯುವ ಯುದ್ಧವಾಗಲಿದೆ.-ಮನೀಷ್ ಸಿಸೋಡಿಯ, ದಿಲ್ಲಿ ಡಿಸಿಎಂ
ದೇಶದ ಜನತೆಗೆ ಮತ್ತು ಅವರ ಆಶೋತ್ತರಗಳಿಗೆ ಅದರಲ್ಲೇನಾದರೂ ಪಾತ್ರ ಇದ್ದೀತೇ?
ಯಡಿಯೂರಪ್ಪರನ್ನು ಮೂಲೆ ಗುಂಪು ಮಾಡುವ ಪ್ರಶ್ನೆಯೇ ಇಲ್ಲ -ಪ್ರಹ್ಲಾದ್ ಜೋಶಿ, ಕೇಂದ್ರ ಸಚಿವ
ಮೂಲೆ ಗುಂಪು ಮಾಡಿ ಕಡೆಗಣಿಸುವುದಕ್ಕೆ ಅವರೇನು ಬೊಮ್ಮಾಯಿಯೇನು?
ಸಿಎಂ ಬೊಮ್ಮಾಯಿ ಮತ್ತು ನಾನು ಅಣ್ಣ-ತಮ್ಮ ಇದ್ದಂತೆ.-ಆರ್.ಅಶೋಕ್, ಸಚಿವ
ಯಾರು ಅಣ್ಣ ಯಾರು ತಮ್ಮ ಎಂಬುದನ್ನು ಈಗಲೇ ಇತ್ಯರ್ಥ ಮಾಡಿಕೊಳ್ಳಿ. ಯುದ್ಧ ಸ್ಫೋಟಕ್ಕೆ ಆ ಕಾರಣವೂ ಸಾಕಾಗಿ ಬಿಡುತ್ತದೆ.
ರಾಜ್ಯದಲ್ಲಿ ಎರಡು ರಾಷ್ಟ್ರೀಯ ಪಕ್ಷಗಳ ನಡುವೆ ಜೆಡಿಎಸ್ ಮುಕ್ಕಣ್ಣನಿಗೆ ಮೂರನೇ ಕಣ್ಣು ಇದ್ದಂತೆ -ಸಿ.ಎಂ.ಇಬ್ರಾಹೀಂ, ಜೆಡಿಎಸ್ ರಾಜ್ಯಾಧ್ಯಕ್ಷ
ತನ್ನನ್ನು ನಂಬಿದವರನ್ನು ಮಣ್ಣು ಮುಕ್ಕಿಸುವ ಮುಕ್ಕಣ್ಣನ ದಾಖಲೆಯನ್ನು ಜನ ಮರೆತಿಲ್ಲ.
ಜೀವನದಲ್ಲಿ ವೌಲ್ಯಗಳನ್ನು ಅರ್ಥ ಮಾಡಿಕೊಳ್ಳುವ ಜ್ಞಾನ ಪ್ರತಿಯೊಬ್ಬರಿಗೂ ಗೊತ್ತಿರಬೇಕು -ಎಸ್.ಎಲ್.ಭೈರಪ್ಪ, ಸಾಹಿತಿ
ಅದಕ್ಕೆ ಮನುಸ್ಮತಿಯನ್ನು ಓದಬೇಕು ಅಂತೀರಾ?
ಕಾಶ್ಮೀರ ಸಮಸ್ಯೆ ಪರಿಹಾರಕ್ಕೆ ಯುದ್ಧ ಎಂದಿಗೂ ಪರಿಹಾರವಲ್ಲ.
-ಶಹಬಾಝ್ ಶರೀಫ್, ಪಾಕ್ ಪ್ರಧಾನಿ
ಎಷ್ಟು ಯುದ್ಧಗಳಲ್ಲಿ ಸೋತ ಮೇಲೆ ಮೂಡಿದ ವಿವೇಕ ಇದು?
ಸಿದ್ದರಾಮಯ್ಯರ ಕಾರಿನ ಮೇಲೆ ಡಿಕೆಶಿಯೇ ಮೊಟ್ಟೆ ಹೊಡೆಸಿರಬಹುದು -ನಳಿನ್ ಕುಮಾರ್ ಕಟೀಲು, ಸಂಸದ
ಅವರಿಗೆ ಅವಕಾಶ ಸಿಕ್ಕಿದ್ದರೆ ಅವರೇನು ಕೇವಲ ಮೊಟ್ಟೆಯಲ್ಲಿ ತೃಪ್ತಿ ಪಡುತ್ತಿದ್ದರೇ?
ಕೊಡಗಿಗೆ ಟಿಪ್ಪುಸುಲ್ತಾನ್ ಬಂದಾಗಲೇ ಕೊಡವರು ಹೆದರಲಿಲ್ಲ, ಇನ್ನು ಸಿದ್ದರಾಮಯ್ಯ ಬಂದರೆ ಹೆದರುತ್ತೇವಾ? -ಪ್ರತಾಪಸಿಂಹ, ಸಂಸದ
ಮುದಿ ಟಗರಿಗೆ ಇಷ್ಟೊಂದು ಹೆದರಿದವರು ಯುವ ಹುಲಿಗೆ ಎಷ್ಟು ಹೆದರಿರಬಹುದು!
ಬಿಜೆಪಿ ರಾಜ್ಯಾಧ್ಯಕ್ಷ ಸ್ಥಾನ ನಿಭಾಯಿಸುವುದಕ್ಕೆ ಹತ್ತಾರು ಜನರಿಗೆ ಯೋಗ್ಯತೆ ಇದೆ. ನನಗೆ ಆ ಜವಾಬ್ದಾರಿ ಸಿಕ್ಕಿದರೆ ನಿಭಾಯಿಸುತ್ತೇನೆ
-ಸುನೀಲ್ ಕುಮಾರ್, ಸಚಿವ
ಅಷ್ಟೇಕೆ ಆತುರ? ಈಗ ಉಳ್ಳವರು ವಿರಮಿಸುವ ತನಕವಾದರೂ ಕಾಯಿರಿ.
ಚಿರತೆ ಕಾರ್ಯಾಚರಣೆ ನಡೆಯುವ ಸ್ಥಳಕ್ಕೆ ಹೋಗಲು ನನಗೆ ಭಯವಾಗುತ್ತದೆ. ಹೀಗಾಗಿ ಅಲ್ಲಿಗೆ ನಾನು ಹೋಗುವುದಿಲ್ಲ. -ಉಮೇಶ್ ಕತ್ತಿ, ಸಚಿವ
ಧೈರ್ಯವಾಗಿ ಹೋಗಿ ಸಾರ್. ಚಿರತೆ ಕಾರ್ಯಾಚರಣೆಯ ವೇಳೆ ಕತ್ತೆಗಳಿಗೆ ಯಾವುದೇ ಅಪಾಯವಿಲ್ಲ.
ಹಿಂದೆಂದೂ ಇಲ್ಲದ ರೀತಿಯಲ್ಲಿ ಭಾರತದಲ್ಲಿ ವಿಧ್ವಂಸಕ ಕೃತ್ಯಗಳನ್ನು ನಡೆಸಲು ಉಗ್ರಗಾಮಿ ಬಣಗಳು ಸಂಚು ರೂಪಿಸಿವೆ.
-ಅಮಿತ್ ಶಾ, ಕೇಂದ್ರ ಸಚಿವ
ನೀವು ದೇಶದೊಳಗಿನ ಚುನಾಯಿತ ಸರಕಾರಗಳನ್ನು ಬೀಳಿಸುತ್ತಿರುವುದು ಆ ಸಂಚಿನ ಭಾಗ ಅಲ್ಲತಾನೇ?
ಜನರಿಗೆ ಸ್ವಾತಂತ್ರ ಹೋರಾಟದ ಅರಿವೇ ಇಲ್ಲ. -ಯಡಿಯೂರಪ್ಪ, ಮಾಜಿ ಸಿಎಂ
ಇದ್ದಿದ್ದರೆ ಭ್ರಷ್ಟ ಫುಡಾರಿಗಳ ದಾಸ್ಯವನ್ನು ಸ್ವೀಕರಿಸುತ್ತಿರಲಿಲ್ಲ.
ಕೇಂದ್ರ ಸರಕಾರವು ಸಮಯಕ್ಕೆ ಸರಿಯಾಗಿ ನಿರ್ಧಾರಗಳನ್ನು ತೆಗೆದುಕೊಳ್ಳುತ್ತಿಲ್ಲ -ನಿತಿನ್ ಗಡ್ಕರಿ, ಕೇಂದ್ರ ಸಚಿವ
ನೀವೂ ಅಷ್ಟೇ. ಯಾವಾಗಲೋ ಹೇಳಬೇಕಾಗಿದ್ದ ಇಂತಹ ಮಾತನ್ನು ಈಗ ಹೇಳುತ್ತಿದ್ದೀರಲ್ಲಾ!
ಮುಸ್ಲಿಮರನ್ನು ಭಾವನಾತ್ಮಕವಾಗಿ, ಮಾನಸಿಕವಾಗಿ ಶೋಷಿಸುವುದೇ ಬಿಜೆಪಿಯ ನೀತಿ -ಅಸದುದ್ದೀನ್ ಉವೈಸಿ, ಸಂಸದ
ಅವರು ನಿಮ್ಮ ಬಗ್ಗೆ ಹೇಳಿದ್ದನ್ನೇ ನೀವು ಪುನರಾವರ್ತಿಸುತ್ತಿದ್ದೀರಿ. ನಿಮ್ಮ ಕಡೆಯಿಂದ ಏನಾದರೂ ಹೇಳಿ.
ದೈವ ಸಂಕಲ್ಪಇದ್ದರೆ ಯಾರು ಬೇಕಾದರೂ ಸಿಎಂ ಆಗಬಹುದು
-ಕುಮಾರಸ್ವಾಮಿ, ಮಾಜಿ ಸಿಎಂ
ಈ ಹಿಂದೆ ನೀವು ಸಿಎಂ ಆಗಿದ್ದನ್ನು ನೆನಪಿಸಿಕೊಂಡಾಗಲೆಲ್ಲಾ ಜನರು ದೇವ ಸಂಕಲ್ಪವನ್ನು ಬಯ್ಯಲಾರಂಭಿಸ್ತಾರೆ.
ಆಂಧ್ರಪ್ರದೇಶದಲ್ಲಿ ಸಿಎಂ ಜಗನ್‌ಮೋಹನ್ ರೆಡ್ಡಿ ಗಢ ಗಢ ನಡುಗುವ ಕಾಲ ಸನ್ನಿಹಿತವಾಗಿದೆ
-ಸೋನು ವೀರಾಜು, ಆಂಧ್ರ ಬಿಜೆಪಿ ಅಧ್ಯಕ್ಷ
ಅಷ್ಟು ದೊಡ್ಡ ಸಂಖ್ಯೆಯಲ್ಲಿ ಸೂಟ್ ಕೇಸ್‌ಗಳು ಅಲ್ಲಿಗೆ ತಲುಪಿವೆಯೇ?
ಆರೆಸ್ಸೆಸ್ ಭಾರತವನ್ನು ಇಡೀ ವಿಶ್ವಕ್ಕೆ ಮಾದರಿಯಾಗಿಸಲು ಶ್ರಮಿಸುತ್ತಿದೆ -ಮೋಹನ್ ಭಾಗವತ್, ಆರೆಸ್ಸೆಸ್ ಸರಸಂಘ ಚಾಲಕ
ಶ್ರೀಲಂಕಾ ಮಾದರಿಯನ್ನು ಜಗತ್ತು ನೋಡಿದೆ. ಈಗ ಇನ್ನೊಂದು ಮಾದರಿಯ ಅಗತ್ಯವೇನಿದೆ?
ನನಗೆ ಹೊಂದಾಣಿಕೆ ರಾಜಕಾರಣ ಗೊತ್ತಿಲ್ಲ, ಆ ರೀತಿ ಮಾಡಿದ್ದರೆ ಇಂದು ನಾನು ಸಿಎಂ ಆಗಿರುತ್ತಿದ್ದೆ.
-ಬಸನಗೌಡ ಪಾಟೀಲ್ ಯತ್ನಾಳ್, ಶಾಸಕ
ಗೊತ್ತಿಲ್ಲದೇ ಇಷ್ಟೆಲ್ಲಾ ಹೊಂದಾಣಿಕೆ ಮಾಡಿಕೊಂಡವರು, ಗೊತ್ತಿದ್ದರೆ ಏನೆಲ್ಲಾ ಮಾಡುತ್ತಿದ್ದಿರೋ!
ಬಿಜೆಪಿ ತನ್ನ ಅಧಿಕಾರವನ್ನು ಉಳಿಸಿಕೊಳ್ಳುವ ಕೊನೆಯ ಪ್ರಯತ್ನವಾಗಿ ಸಾವರ್ಕರ್ ಹೆಸರನ್ನು ಬಳಸುತ್ತಿದೆ.
-ಅಖಿಲ ಭಾರತ ಹಿಂದೂ ಮಹಾಸಭಾ
ಅವರ ಬತ್ತಳಿಕೆಯಲ್ಲಿ ಅಸ್ತ್ರಗಳ ಕೊರತೆ ಇಲ್ಲ. ಅವರು ಗೋಡ್ಸೆಯನ್ನು ಇನ್ನೂ ಪೂರ್ಣ ಪ್ರಮಾಣದಲ್ಲಿ ಬಳಸಿಕೊಂಡಿಲ್ಲ.
ಮದ್ರಸಗಳಿಗೆ ಭೇಟಿ ನೀಡಿ ಅಲ್ಲಿ ಮಕ್ಕಳಿಗೆ ‘ಶಿಕ್ಷಣ ಹಕ್ಕು ಕಾಯ್ದೆ’ ಅನುಸಾರ ಶಿಕ್ಷಣ ದೊರೆಯುತ್ತಿದೆಯೇ ಎಂಬುದನ್ನು ಪರಿಶೀಲನೆ ನಡೆಸಲಾಗುವುದು -ಬಿ.ಸಿ.ನಾಗೇಶ್, ಸಚಿವ
ಪ್ರಜ್ಞಾ ಠಾಕೂರ್ ಎಂಬ ಭಯೋತ್ಪಾದಕಿ ಈ ಪೈಕಿ ಯಾವ ಮದ್ರಸದಲ್ಲಿ ಕಲಿತದ್ದೆಂದು ಕಂಡು ಹಿಡಿಯಿರಿ.
‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ?
ಬೆಂಬಲಿಸಲು ಇಲ್ಲಿ ಕ್ಲಿಕ್ ಮಾಡಿ
The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request.
Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil.
www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು ' ವಾರ್ತಾ ಭಾರತಿ' ಕಾದಿರಿಸಿದೆ.
ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ. ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.
