ಓ ಮೆಣಸೇ...
-
ಪ್ರಧಾನಿ ಮೋದಿ ಆಡುವ ಮಾತಿಗೂ, ಮಾಡುವ ವೃತ್ತಿಗೂ ಒಂದಕ್ಕೊಂದು ಸಂಬಂಧವಿಲ್ಲ - ರಾಹುಲ್ ಗಾಂಧಿ, ಕಾಂಗ್ರೆಸ್ ನಾಯಕ
ಸಂಬಂಧವಿಲ್ಲ ಎನ್ನುವುದು ತಪ್ಪು. ಅವರು ಎಲ್ಲ ವಿಷಯಗಳಲ್ಲೂ ತಾನು ಹೇಳಿದ್ದಕ್ಕೆ ತದ್ವಿರುದ್ಧವಾಗಿ ನಡೆದುಕೊಳ್ಳುತ್ತಾರೆ. ಇದನ್ನು ವಿರೋಧಾಭಾಸದ ಸಂಬಂಧವೆನ್ನುತ್ತಾರೆ.
ಯುವಜನತೆ ಮಾತೃ ಭಾಷೆಯಲ್ಲಿ ಓದುವುದು, ಬರೆಯುವುದು, ಮಾತನಾಡುವ ಮೂಲಕ ಭಾಷೆಗಳನ್ನು ಉಳಿಸಿ ಬೆಳೆಸುವ ಕಾರ್ಯಕ್ಕೆ ಕೈಜೋಡಿಸಬೇಕು-ಅಮಿತ್ ಶಾ, ಕೇಂದ್ರ ಸಚಿವ
ಈ ಮಧ್ಯೆ ನೀವು ಸ್ವಲ್ಪ ಪುರುಸೊತ್ತು ಮಾಡಿಕೊಂಡು ಮಾನವೀಯ ಭಾಷೆ ಮಾತನಾಡಲು ಕಲಿಯಬಹುದಲ್ಲಾ!
ಅಪೌಷ್ಟಿಕತೆ ನಿವಾರಣೆಗೆ ಜನರ ಸಾಮೂಹಿಕ ಹೋರಾಟದ ಅಗತ್ಯವಿದೆ- ನರೇಂದ್ರ ಮೋದಿ, ಪ್ರಧಾನಿ
ಜನರನ್ನು ಪರಸ್ಪರರ ವಿರುದ್ಧ ಹೋರಾಟಕ್ಕಿಳಿಸುವುದೇ ಎಲ್ಲ ಸಮಸ್ಯೆಗಳಿಗೆ ಇರುವ ಪರಿಹಾರ ಎಂಬ ನಿಮ್ಮ ಹಳೆಯ ನಂಬಿಕೆ ಇನ್ನೂ ಬದಲಾಗಿಲ್ಲವೇ?
ಕಾಂಗ್ರೆಸ್ ಪಕ್ಷದಲ್ಲಿ ರಾಹುಲ್‌ಗಾಂಧಿಗೆ ಸರಿಸಮನಾದ ನಾಯಕರು ಯಾರೂ ಇಲ್ಲ - ಮಲ್ಲಿಕಾರ್ಜುನ ಖರ್ಗೆ, ಕಾಂಗ್ರೆಸ್ ನಾಯಕ
ಈ ಮಟ್ಟದ ದಾರಿದ್ರ್ಯಕ್ಕೆ ಪರಿಹಾರವಿಲ್ಲವೇ?
ಕಾಂಗ್ರೆಸ್ ಪಕ್ಷದಲ್ಲಿ ಮಾತ್ರ ಆಂತರಿಕ ಪ್ರಜಾಪ್ರಭುತ್ವ ಇದೆ - ಜೈರಾಮ್ ರಮೇಶ್, ಕಾಂಗ್ರೆಸ್ ಪ್ರ.ಕಾರ್ಯದರ್ಶಿ
ಪ್ರಜೆಗಳು ತುಂಬಾ ಕಡಿಮೆ ಇದ್ದಾಗ ಪ್ರಜಾಪ್ರಭುತ್ವ ಇರುತ್ತದೆ.
ಮುರುಘಾ ಮಠದ ಸ್ವಾಮೀಜಿಗಳ ವಿರುದ್ಧದ ಸುದ್ದಿ ಸುಳ್ಳಾಗಲಿ ಎಂದು ಭಗವಂತನಲ್ಲಿ ಪ್ರಾರ್ಥಿಸುವೆೆ- ಈಶ್ವರಪ್ಪ, ಶಾಸಕ
40 ಪರ್ಸೆಂಟಿಗೆ ಸಂಬಂಧಿಸಿದ ಪ್ರಾರ್ಥನೆಗಳ ಫಲಿತಾಂಶ ಬಂತೇ?
ಕಾಂಗ್ರೆಸ್ ಮುಖಂಡರೇ ಗಾಂಧಿ ಕುಟುಂಬವನ್ನು ಟೀಕಿಸಲು ಆರಂಭಿಸಿದ್ದಾರೆ - ಸ್ಮತಿ ಇರಾನಿ, ಕೇಂದ್ರ ಸಚಿವೆ
ಮರ್ಯಾದಸ್ಥರನ್ನು ಮರ್ಯಾದಸ್ಥರು ಟೀಕಿಸುವುದುಂಟು.
ತುಮಕೂರು ವಿವಿಯಲ್ಲಿ ಸಾವರ್ಕರ್ ಅಧ್ಯಯನ ಪೀಠ ಸ್ಥಾಪನೆಗೆ ಅಗತ್ಯವಾದ ಎಲ್ಲ ನೆರವನ್ನು ಸರಕಾರದಿಂದ ನೀಡಲಾಗುವುದು-ಬಸವರಾಜ ಬೊಮ್ಮಾಯಿ, ಮುಖ್ಯಮಂತ್ರಿ
ಪಕ್ಕದಲ್ಲೇ ಗೋಡ್ಸೆ, ವೀರಪ್ಪನ್ ಮುಂತಾದವರ ಹೆಸರಲ್ಲೂ ಪೀಠ ಸ್ಥಾಪನೆ ಮಾಡುವ ಯೋಜನೆ ಇದೆಯಂತೆ?
ನಾವು ಸಾಬರು, ನಾವು ಹೇಳುವ ಜೋತಿಷ್ಯ ಎಂದೂ ಸುಳ್ಳಾಗುವುದಿಲ್ಲ - ಸಿ.ಎಂ.ಇಬ್ರಾಹೀಂ, ಜೆಡಿಎಸ್ ಅಧ್ಯಕ್ಷ
ನೀವು ಶೀಘ್ರವೇ ಜೆಡಿಎಸ್ ಬಿಡ್ತೀರಿ ಎಂದು ಕೆಲವು ಸಾಬರುಗಳು ಹೇಳುತ್ತಿದ್ದಾರಲ್ಲ!
ಅನಾರೋಗ್ಯ ಪೀಡಿತ ಕಾಂಗ್ರೆಸ್, ವೈದ್ಯರಿಂದ ಔಷಧ ಪಡೆದುಕೊಳ್ಳುವ ಬದಲು ಕಂಪೌಂಡರ್‌ಗಳಿಂದ ಔಷಧ ಪಡೆದುಕೊಳ್ಳುತ್ತಿದೆ - ಗುಲಾಂ ನಬಿ ಆಝಾದ್, ಕಾಂಗ್ರೆಸ್‌ನ ಮಾಜಿ ನಾಯಕ
ನಿಮ್ಮ ನಿರ್ಗಮನದೊಂದಿಗೆ ಆ ಪಕ್ಷವು ಒಂದು ದೊಡ್ಡ ಅನಾರೋಗ್ಯದಿಂದ ಮುಕ್ತವಾಗಿದೆ.
ಶಿಕ್ಷಣ ಇಲಾಖೆಯಲ್ಲಿ ಭ್ರಷ್ಟಾಚಾರ ನಡೆಯುತ್ತಿದೆ ಎಂಬ ಆಧಾರ ರಹಿತ ಆರೋಪ ಮಾಡುವವರ ವಿರುದ್ಧ ಮಾನನಷ್ಟ ಮೊಕದ್ದಮೆ ಹೂಡುತ್ತೇವೆ - ಬಿ.ಸಿ.ನಾಗೇಶ್, ಸಚಿವ
ಆಧಾರ ಸಹಿತ ಆರೋಪ ಮಾಡುವವರ ವಿರುದ್ಧ ನಡೆಸಲಾಗುವ ಕ್ರೂರ ಕಾರ್ಯಾಚರಣೆಗಳನ್ನೇಕೆ ಗುಟ್ಟಾಗಿಡುತ್ತೀರಿ?
ಒಂದು ವೇಳೆ ನಾನು ಅಧಿಕಾರದಲ್ಲಿ ಇಲ್ಲದಿರುತ್ತಿದ್ದರೆ ಸುಳ್ಳು ಹೇಳುವವರ ನಾಲಗೆ ಸೀಳುವಂತೆ ನಮ್ಮ ಜನರಿಗೆ ಸೂಚಿಸುತ್ತಿದ್ದೆ - ಮಮತಾ ಬ್ಯಾನರ್ಜಿ, ಪ.ಬಂ. ಸಿಎಂ
ಅಧಿಕಾರ ಗದ್ದುಗೆ ಆ ಮಟ್ಟಿಗೆ ನಿಮ್ಮ ಕೈಕಟ್ಟುವುದಾದರೆ ನಿಮಗೆ ಅಂತಹ ಅಧಿಕಾರ ಯಾಕೆ ತಾನೇ ಬೇಕು?
ಯಾವತ್ತೂ ನದಿಮೂಲ ಹಾಗೂ ಋಷಿಮೂಲವನ್ನು ಕೆದಕಬಾರದು - ಸಿ.ಟಿ.ರವಿ, ಶಾಸಕ
ವಿಷ ಮೂಲ ಹುಡುಕುತ್ತಾ ನಿಮ್ಮಲ್ಲಿಗೆ ತಲುಪುವವರಿಗೆ ನಿಮ್ಮ ಕಿವಿಮಾತೇನು?
ಕೊಡಗಿಗೆ ಪ್ರತ್ಯೇಕ ಲೋಕಸಭಾ ಕ್ಷೇತ್ರದ ಅಗತ್ಯವಿದೆ - ಎಚ್.ವಿಶ್ವನಾಥ್, ವಿ.ಪ.ಸದಸ್ಯ
ಪ್ರತ್ಯೇಕ ರಾಜ್ಯ ಸ್ಥಾನಮಾನ ನೀಡಿಬಿಟ್ಟರೆ ಉಳಿದದ್ದೆಲ್ಲಾ ತನ್ನಿಂತಾನೇ ಬಂದು ಬಿಡುತ್ತೆ.
ಕಾಂಗ್ರೆಸ್ ಅಧ್ಯಕ್ಷ ಹುದ್ದೆ ಚುನಾವಣೆಗೆ ಸ್ಪರ್ಧಿಸಲು ಯಾರು ಬೇಕಾದರೂ ಅರ್ಜಿ ಸಲ್ಲಿಸಬಹುದು - ಕೆ.ಸಿ.ವೇಣುಗೋಪಾಲ್, ಕಾಂಗ್ರೆಸ್ ಪ್ರ.ಕಾರ್ಯದರ್ಶಿ
ಅರ್ಜಿ ಸಲ್ಲಿಸುವವರಿಗೆ ಇಂತಿಷ್ಟು ಅಂತ ಬಹುಮಾನ ಘೋಷಿಸಿ ನೋಡಿ. ಏನಾದರೂ ಪ್ರತಿಕ್ರಿಯೆ ಬಂದೀತು.
ನೂತನ ರಾಷ್ಟ್ರೀಯ ಶಿಕ್ಷಣ ನೀತಿ ವರ್ತಮಾನ ಹಾಗೂ ಭವಿಷ್ಯವನ್ನು ಉಜ್ವಲ ಮತ್ತು ಸುರಕ್ಷಿತಗೊಳಿಸಲಿದೆ- ಥಾವರ್ ಚಂದ್ ಗೆಹ್ಲೋಟ್, ರಾಜ್ಯಪಾಲ
ಅದು ಗತಕಾಲದ ಎಲ್ಲ ಕರಾಳತೆಗಳನ್ನು ವೈಭವೀಕರಿಸಿರುವುದಂತೂ ನಿಜ.
ಸರಕಾರದ ಮೇಲೆ ಶೇ.40 ಕಮಿಷನ್ ಆರೋಪ ಗಾಳಿಯಲ್ಲಿ ಗುಂಡು ಹಾರಿಸುವ ಕೆಲಸ - ಭೈರತಿ ಬಸವರಾಜ್, ಸಚಿವ
ಲಜ್ಜೆಯೇ ಇಲ್ಲದವರು ಕೇವಲ ಆರೋಪಗಳಿಗೆಲ್ಲಿ ಬಗ್ಗುತ್ತಾರೆ?
ದಿಲ್ಲಿ ಸಿಎಂ ಅರವಿಂದ ಕೇಜ್ರಿವಾಲ್‌ರಿಗೆ ಅಧಿಕಾರದ ಮದ ತಲೆಗೆ ಹತ್ತಿದೆ - ಅಣ್ಣಾ ಹಝಾರೆ, ಸಾಮಾಜಿಕ ಹೋರಾಟಗಾರ
ಕೇಂದ್ರ ಸರಕಾರದ ಎಲ್ಲ ಭ್ರಷ್ಟತೆ ಮತ್ತು ವೈಫಲ್ಯಗಳ ಪಾಲಿಗೆ ಇಷ್ಟೊಂದು ಕುರುಡರಾಗಿರುವ ನಿಮ್ಮ ತಲೆಗೆ ಏನು ಹತ್ತಿದೆ?
‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ?
ಬೆಂಬಲಿಸಲು ಇಲ್ಲಿ ಕ್ಲಿಕ್ ಮಾಡಿ
The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request.
Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil.
www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು ' ವಾರ್ತಾ ಭಾರತಿ' ಕಾದಿರಿಸಿದೆ.
ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ. ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.
