-

ಓ ಮೆಣಸೇ...!

-

ಗಾಂಧಿ ಚಿಂತನೆಗಳೇ ನಮಗೆ ದಾರಿದೀಪ

-ಬಸವರಾಜ ಬೊಮ್ಮಾಯಿ, ಸಿಎಂ

ಇದೇನು ನಿಮ್ಮ ಪಾಪಗಳ ಮೂಟೆಯನ್ನು ತಾತನ ತಲೆಗೆ ಕಟ್ಟುವ ದುಷ್ಟ ಹುನ್ನಾರವೇ?

-------------------------------

ಪಾಕಿಸ್ತಾನ ಮತ್ತು ಭಾರತವನ್ನು ಒಂದು ಮಾಡುವ ಮೂಲಕ ಅಖಂಡ ಭಾರತವನ್ನು ಮಾಡಿಯೇ ತೀರುತ್ತೇವೆ -ಈಶ್ವರಪ್ಪ, ಶಾಸಕ

ಈ ರೀತಿ ಪದೇ ಪದೇ ಪಾಕಿಸ್ತಾನದ ಬಗ್ಗೆ ಚಿಂತಿಸಿ ದೇಶದ್ರೋಹಿ ಅನಿಸಿಕೊಳ್ಳುವ ಅಗತ್ಯ ಈ ವಯಸ್ಸಿನಲ್ಲಿ ನಿಮಗೇಕೆ ಬಂತು?

-------------------------------

ಭಾರತವನ್ನು ನಿಜವಾಗಿಯೂ ತುಂಡು ಮಾಡಿದ್ದು ಯಾರು ಎಂದು ಚರಿತ್ರೆ ನೋಡಿದರೆ ಗೊತ್ತಾಗುತ್ತದೆ -ಎಸ್.ಅಂಗಾರ, ಸಚಿವ

ಮಾಡುತ್ತಿರುವುದು ಯಾರು ಎಂಬುದನ್ನು ತಿಳಿಯಲು ಕಣ್ಣುತೆರೆದು ನೋಡಿದರೆ ಸಾಕಾಗುತ್ತದೆ.

-------------------------------

ಸರಕಾರದ ಅಡಿಕೆ ಆಮದು ನಿಲುವಿನಲ್ಲಿ ಊಹಾ ಪೋಹಗಳಿಗೆ ಯಾರೂ ತಲೆಕಡಿಸಿಕೊಳ್ಳಬಾರದು -ವಿಶ್ವೇಶ್ವರ ಹೆಗಡೆ ಕಾಗೇರಿ, ವಿಧಾನ ಸಭಾಧ್ಯಕ್ಷ

ಯಾರಿಂದಲೋ ಲಂಚ ಪಡೆದು ನಾಡಿನ ಕೃಷಿಕರ ಎದೆಗೆ ಇರಿದ ವಿಷಯದಲ್ಲಿ ಜನರಿಗೆ ಇರುವ ಖಚಿತ ಮಾಹಿತಿಯನ್ನು ಊಹಾಪೋಹಗಳೆಂದು ಕರೆದು ಲೇವಡಿ ಮಾಡಬೇಡಿ.

-------------------------------

ನೆಹರೂ ಕಾಲದಿಂದಲೂ ಕಾಂಗ್ರೆಸ್‌ಗೆ ತುಷ್ಟೀಕರಣದ ರಾಜಕಾರಣ ರೂಢಿ ಆಗಿ ಬಿಟ್ಟಿದೆ -ಪ್ರಹ್ಲಾದ್ ಜೋಶಿ, ಕೇಂದ್ರ ಸಚಿವ

ಕಾಂಗ್ರೆಸ್‌ನಲ್ಲಿ ತಿಲಕ್ ಕಾಲದಿಂದಲೇ ಅಸಹ್ಯ ಪ್ರಮಾಣದ ಬ್ರಾಹ್ಮಣ ತುಷ್ಟೀಕರಣ ನಡೆಯುತ್ತಿದೆ.

-------------------------------

ಡಿ.ಕೆ.ಶಿವಕುಮಾರ್ ನಟನಾಗಿದ್ದರೆ ಅವರು ಆಸ್ಕರ್ ಪ್ರಶಸ್ತಿ ಪಡೆಯಬಹುದಿತ್ತು -ಸಿ.ಟಿ.ರವಿ, ಶಾಸಕ

ಅದು ಸಿಗಲಿ ಸಿಗದಿರಲಿ, ನಿಮಗಂತೂ ಜೋಕರ್ ಪ್ರಶಸ್ತಿ ಖಚಿತ.

-------------------------------

‘ಭಾರತ ಜೋಡೊ ಯಾತ್ರೆ’ ನಿಜಕ್ಕೂ ಕುತೂಹಲ ಮೂಡಿಸಿದೆ. ಯಾರ ಭಾರತ? ಯಾರು ಜೋಡಿಸುವುದು? ಅದು ಕಡಿದು ಹೋಗಿದೆಯೆ? -ಸಿ.ಎಂ.ಇಬ್ರಾಹೀಂ, ಜೆಡಿಎಸ್ ಅಧ್ಯಕ್ಷ

 ಗೌಡರ ಕುಟುಂಬದ ಆಚೆಗೂ ಒಂದು ಭಾರತ ಇದೆ. ತುಂಬಾ ದೊಡ್ಡ ಭಾರತ. ಆ ನಿಮ್ಮ ಹಳೆಯ ಕಪ್ಪು ಕನ್ನಡಕವನ್ನು ಬದಿಗಿಟ್ಟು ಕಣ್ಣು ತೆರೆದು ನೋಡಿ.

-------------------------------

 ಸ್ವಾತಂತ್ರದ 75 ವರ್ಷಗಳ ಬಳಿಕವೂ ಕೆಲವು ಕಡೆ ಅಸ್ಪಶ್ಯತೆ ಕಂಡು ಬರುತ್ತಿರುವುದು ವಿಪರ್ಯಾಸ -ಕೋಟ ಶ್ರೀನಿವಾಸ ಪೂಜಾರಿ, ಸಚಿವ

 ಉಳಿದೆಡೆಗಳಲ್ಲಿ ನೀವು ಕಣ್ಣಿಗೆ ಪಟ್ಟಿ ಕಟ್ಟಿಕೊಂಡು ತಿರುಗಾಡಿದಂತಿದೆಯಲ್ಲ!

-------------------------------

  ಯಾವ ಶಿಕ್ಷಣವು ವ್ಯಕ್ತಿತ್ವವನ್ನು ರೂಪಿಸುವುದಿಲ್ಲವೋ ಅದು ಶಿಕ್ಷಣವೇ ಅಲ್ಲ -ಸುನೀಲ್ ಕುಮಾರ್, ಸಚಿವ

 ಗಲಭೆಕೋರರನ್ನು ಮತ್ತು ಜಾತಿವಾದಿಗಳನ್ನು ರೂಪಿಸುವ ನಿಮ್ಮ ನೆಚ್ಚಿನ ಶಿಕ್ಷಣ ಕೂಡಾ ಅಷ್ಟೇ ಅಪಾಯಕಾರಿ

-------------------------------

ಪ್ರಧಾನಿ ಮೋದಿಗೆ ಇಲ್ಲಿಯವರೆಗೆ ಎಲ್ಲಿಯೂ ಪ್ರೀತಿ ಸಿಕ್ಕಿಲ್ಲ, ಹೀಗಾಗಿ ಈಗ ಎಲ್ಲರನ್ನೂ ದ್ವೇಷಿಸುತ್ತಿದ್ದಾರೆ -ರಾಹುಲ್ ಗಾಂಧಿ, ಕಾಂಗ್ರೆಸ್ ಮುಖಂಡ

 ಭಾರತೀಯರ ಪ್ರೀತಿ ಸಿಗುವ ಸಾಧ್ಯತೆ ಇನ್ನಿಲ್ಲವೆಂದು ಖಚಿತವಾದ ಮೇಲೆ ಅವರು ಪ್ರೀತಿ ಪಡೆಯಲಿಕ್ಕೆಂದೇ ತುಂಬಾ ದೂರದ ದೇಶಗಳಿಂದ ಮುದ್ದಾದ ಮುಗ್ಧ ಚುಕ್ಕೆ ಬೆಕ್ಕುಗಳನ್ನು ಆಮದು ಮಾಡಿಕೊಂಡಿದ್ದಾರಂತೆ?

-------------------------------

ಕನ್ನಡ ಸಾಹಿತ್ಯ ಸಮ್ಮೇಳನದ ಸಿದ್ಧತೆಗೆ ಪ್ರತೀ ಬಾರಿಯೂ ಸಿಎಂ ಮನೆ ಬಾಗಿಲು ಕಾಯುವ ಅಧ್ಯಕ್ಷ ನಾನಲ್ಲ -ಮಹೇಶ್ ಜೋಶಿ, ಕಸಾಪ ಅಧ್ಯಕ್ಷ

 ಅದು ಭಟ್ಟರ ಮನೆಬಾಗಿಲಾಗಿದ್ದರೆ ವಿಷಯ ಬೇರೆಯೇ ಇರುತ್ತಿತ್ತು.

-------------------------------

ದುಬಾರಿಯಾಗಿರುವುದರಿಂದ ನನ್ನಂಥವರಿಗೂ ಮರ್ಸಿಡಿಸ್ ಕಾರು ಖರೀದಿಸುವುದು ಕಷ್ಟ -ನಿತಿನ್ ಗಡ್ಕರಿ, ಕೇಂದ್ರ ಸಚಿವ

 ಹಾಗೆಲ್ಲ ಸುತ್ತಿ ಬಳಸಿ ಹೇಳಿದರೇನು ಲಾಭ? ಮೋದಿಯನ್ನು ಒದ್ದು ಮನೆಗೆ ಕಳುಹಿಸಬೇಕೆಂದು ಸ್ಪಷ್ಟವಾಗಿ ಹೇಳಿ.

-------------------------------

ನನಗೆ ಕೆಲಸ ಮಾಡುವುದು ಮಾತ್ರ ಗೊತ್ತಿದೆ. ಕೆಲಸ ಮಾಡಲು ನನಗೊಂದು ಅವಕಾಶ ಕೊಡಿ -ಮಲ್ಲಿಕಾರ್ಜುನ ಖರ್ಗೆ, ಕಾಂಗ್ರೆಸ್ ಮುಖಂಡ

 ಮುಂದಿನ ನಿಮ್ಮ ಹುದ್ದೆ ಭಟ್ಟಂಗಿತನದಲ್ಲಿ ನಿಮ್ಮ ಪ್ರಾವೀಣ್ಯ ಎಷ್ಟೆಂಬುದನ್ನು ಅವಲಂಬಿಸಿದೆ.

-------------------------------

 ಚರ್ಮಗಂಟು ರೋಗದಿಂದ ಮೃತಪಟ್ಟ ಜಾನುವಾರುಗಳ ಮಾಲಕರಿಗೆ ಪರಿಹಾರ ನೀಡಲು 2 ಕೋಟಿ ರೂ. ಬಿಡುಗಡೆ ಮಾಡಲಾಗಿದೆ -ಪ್ರಭು ಚವ್ಹಾಣ್, ಸಚಿವ

 ಆ ರೋಗದಿಂದಾಗಿ ಸಮಾಜಕ್ಕೇನಾದರೂ ಗುಣ ಉಂಟೆ ಎಂಬ ಕುರಿತು ಸಂಶೋಧನೆ ನಡೆಸಲು ಒಂದಿನ್ನೂರು ಕೋಟಿಯನ್ನಾದರೂ ಬಿಡುಗಡೆ ಮಾಡಿದ್ದರೆ...!

-------------------------------

 ಕಾಂಗ್ರೆಸ್ ನಾಯಕರ ಬಾಯಲ್ಲಿ ಭ್ರಷ್ಟಾಚಾರದ ಮಾತು ಕೇಳುವುದೇ ಹಾಸ್ಯಾಸ್ಪದ -ಬಿ.ವೈ.ವಿಜಯೇಂದ್ರ, ಬಿಜೆಪಿ ಉಪಾಧ್ಯಕ್ಷ

 ನಿಮ್ಮ ಭ್ರಷ್ಟತೆಯ ಗಾತ್ರಕ್ಕೆ ಹೋಲಿಸಿದರೆ ಅವರದ್ದು ಅಷ್ಟು ಕ್ಷುಲ್ಲಕವೇ?

-------------------------------

ಮಲ್ಲಿಕಾರ್ಜುನ ಖರ್ಗೆಯವರಂತಹ ನಾಯಕರಿಂದ ಕಾಂಗ್ರೆಸ್‌ನಲ್ಲಿ ಬದಲಾವಣೆ ಸಾಧ್ಯವಿಲ್ಲ -ಶಶಿ ತರೂರು, ಸಂಸದ

 ಹೌದು. ನಿಮ್ಮ ಮಟ್ಟದ ದೈತ್ಯರನ್ನು ಶಿಸ್ತಿಗೊಳಪಡಿಸಲು ಖರ್ಗೆ ಸಾಲದು.

-------------------------------

 ನನಗೆ ಹಾಲಿವುಡ್ ಅಲ್ಲ, ದಕ್ಷಿಣ ಭಾರತದ ಚಿತ್ರರಂಗ ಪ್ರವೇಶಿಸುವ ಆಸೆ -ಸಲ್ಮಾನ್ ಖಾನ್, ನಟ

ಮೂರು ದಶಕಗಳ ಮುನ್ನ ಟ್ರೈ ಮಾಡಿದ್ದರೆ ಚಾನ್ಸ್ ಇತ್ತು. ಇಲ್ಲಿ ಸಾಕಷ್ಟು ದೃಢ ಯುವಕರಿದ್ದಾರೆ. ನೀವಿನ್ನು ದಕ್ಷಿಣ ಭಾರತದ ಚಿತ್ರರಂಗಕ್ಕಾಗಿ ನಿಮ್ಮ ಮಕ್ಕಳನ್ನು ತಯಾರು ಮಾಡಿ.

-------------------------------

 ಭೂತಾನ್‌ನಿಂದ ಅಡಿಕೆ ಆಮದು ಮಾಡಿಕೊಳ್ಳುವುದರಿಂದ ದೇಶೀಯ ಅಡಿಕೆ ಮಾರುಕಟ್ಟೆಯ ಮೇಲೆ ಯಾವುದೇ ಪ್ರತಿಕೂಲ ಪರಿಣಾಮ ಆಗುವುದಿಲ್ಲ -ಆರಗ ಜ್ಞಾನೇಂದ್ರ, ಸಚಿವ

 ನಿಮ್ಮ ಸರಕಾರವನ್ನು ಕಿತ್ತೊಗೆದು ಬೇರೊಂದು ಸರಕಾರವನ್ನು ತಂದರೂ ಅಷ್ಟೇ. ಎಲ್ಲ ಪರಿಣಾಮಗಳೂ ಅನುಕೂಲಕರವಾಗಿಯೇ ಇರುತ್ತವೆ.

-------------------------------

 ಹಳೆಯದಾದ ಕಟ್ಟಡಗಳಿಗೆ 50 ವರ್ಷವಾದರೂ ಮಾರುಕಟ್ಟೆ ವೌಲ್ಯ ಲೆಕ್ಕ ಹಾಕುತ್ತಾ ಕೂರುವುದು ಸರಿಯಲ್ಲ -ಆರ್.ಅಶೋಕ್, ಸಚಿವ

 ನೂರು ವರ್ಷ ಹಳೆಯ ಸಂಘವನ್ನು ಗುಜರಿಗೆ ಕೊಡುತ್ತೀರಾ?

-------------------------------

ಕಾಂಗ್ರೆಸ್ ಈ ದೇಶಕ್ಕೆ ದೊಡ್ಡ ಶಾಪ, ಅದನ್ನು ನಿಷೇಧಿಸಬೇಕು -ಬಸನಗೌಡ ಪಾಟೀಲ್ ಯತ್ನಾಳ್, ಶಾಸಕ

ಶಾಪಗಳನ್ನೆಲ್ಲ ನಿಷೇಧಿಸಲು ಹೊರಟರೆ ನಿಮ್ಮನ್ನೇನು ಮಾಡಬೇಕಂತೀರಿ?

-------------------------------

ಭಾರತದಲ್ಲಿ ಸರ್ವರಿಗೂ ಅನ್ವಯವಾಗುವ ಜನಸಂಖ್ಯೆ ನಿಯಂತ್ರಣ ನೀತಿಯ ತುರ್ತು ಅಗತ್ಯವಿದೆ -ಮೋಹನ್ ಭಾಗವತ್, ಆರೆಸ್ಸೆಸ್ ಮುಖ್ಯಸ್ಥ

ಸದ್ಯ ದ್ವೇಷ ಹಬ್ಬುವವರನ್ನು ಮತ್ತವರ ಬೆಂಬಲಿಗರನ್ನು ನಿಯಂತ್ರಿಸಿಟ್ಟರೂ ಸಮಾಜ ಸ್ವಸ್ಥವಾಗಿರುತ್ತದೆ.

-------------------------------

 ನರೇಂದ್ರ ಮೋದಿ ಸರಕಾರವು ಭಯೋತ್ಪಾದನೆಯನ್ನು ಸಹಿಸುವುದಿಲ್ಲ -ಅಮಿತ್ ಶಾ, ಕೇಂದ್ರ ಸಚಿವ

 ಆ ಹೆಸರನ್ನು ಬಳಸದೆ ಎಷ್ಟು ನರ ಸಂಹಾರ ನಡೆಸಿದರೂ ಪರವಾಗಿಲ್ಲ ಅಲ್ವೇ ಸಾರ್?

-------------------------------

ಸಂಸ್ಕೃತದಲ್ಲಿ ಕ್ರಿಕೆಟ್ ವೀಕ್ಷಕ ವಿವರಣೆಯನ್ನು ನೋಡುವುದು ಹೃದಯ ಸ್ಪರ್ಶಿಯಾಗಿದೆ -ನರೇಂದ್ರ ಮೋದಿ, ಪ್ರಧಾನಿ

ಆಸಾಮಿ, ಏನೂ ಅರ್ಥ ಆಗದೆ ಒಂದು ಗಂಟೆಯಾದರೂ ಗಮ್ಮತ್ತು ಮಲಗಿರಬೇಕು.

-------------------------------

ಆರೆಸ್ಸೆಸ್‌ನ ಸಾಮಾನ್ಯ ಸ್ವಯಂಸೇವಕ ಎಷ್ಟು ಎತ್ತರಕ್ಕೂ ಏರಬಲ್ಲ ಎನ್ನುವುದಕ್ಕೆ ರಾಷ್ಟ್ರಪತಿ ದ್ರೌಪದಿ ಮುರ್ಮು ಉದಾಹರಣೆ -ಸಿ.ಟಿ.ರವಿ, ಶಾಸಕ

ಅಷ್ಟೆತ್ತರ ಏರಿದವರನ್ನು ಒಂದು ಕುಖ್ಯಾತ ಸಂಘಟನೆಯ ಜೊತೆ ಜೋಡಿಸಿ ಅಪಮಾನಿಸುವುದೇಕೆ?

-------------------------------

 ಎಣ್ಣೆ (ಸಿದ್ದು) ಮತ್ತು ಸೀಗೆಕಾಯಿ (ಡಿಕೆಶಿ) ಎಂದಾದರೂ ಒಂದಾಗಲು ಸಾಧ್ಯವೇ -ಗೋವಿಂದ ಕಾರಜೋಳ, ಸಚಿವ

ಅವರದು ಎಣ್ಣೆ ಮತ್ತು ಬಾಡು ನಡುವಿನ ಸಂಬಂಧವಂತೆ.

-------------------------------

ಸೋನಿಯಾ ಗಾಂಧಿ, ರಾಹುಲ್ ಗಾಂಧಿ ಬಂದ ಮಾತ್ರಕ್ಕೆ ಮಂಡ್ಯದ ಜನತೆ ನಮ್ಮ ಕುಟುಂಬದ ಮೇಲೆ ಇಟ್ಟಿರುವ ಪ್ರೀತಿ ಕಡಿಮೆಯಾಗುವುದಿಲ್ಲ -ಕುಮಾರಸ್ವಾಮಿ, ಮಾಜಿ ಸಿಎಂ

 ಬಿಜೆಪಿಗಿಂತ ನೀವೇ ಹೆಚ್ಚು ಕಂಗಾಲಾದಂತಿದೆ.

-------------------------------

ಬಿಜೆಪಿಯನ್ನು ಟೀಕಿಸಲು ಕಾಂಗ್ರೆಸ್‌ಗೆ ನೈತಿಕತೆಯಿಲ್ಲ -ಬಿ.ಬಸವರಾಜ, ಸಚಿವ

 ನೈತಿಕತೆಯನ್ನು ಕೊಂದೇ ಬಿಟ್ಟವರನ್ನು ಟೀಕಿಸುವುದಕ್ಕೂ ನೈತಿಕತೆ ಬೇಕೇ?

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

ಇಂದು ಹೆಚ್ಚು ಓದಿದ್ದು


Back to Top