-

ಓ ಮೆಣಸೇ...

-

ಗಾಂಧೀಜಿಯೇ ಸಾವರ್ಕರ್ ಬಗ್ಗೆ ಒಳ್ಳೆಯ ಮಾತನ್ನಾಡಿದ್ದಾರೆ - ಬಿ.ಎಲ್.ಸಂತೋಷ್, ಬಿಜೆಪಿ ರಾ.ಸಂ.ಕಾರ್ಯದರ್ಶಿ
ಹಂತಕರನ್ನೂ ಹರಸುವ ದೊಡ್ಡ ಮನಸ್ಸು ಅವರದ್ದು.

ಭಾರತ್ ಜೋಡೊ ಪಾದಯಾತ್ರೆಯಿಂದ ರಾಹುಲ್ ಗಾಂಧಿ ಮತ್ತು ಸಿದ್ದರಾಮಯ್ಯ ಅವರ ಆರೋಗ್ಯ ಸುಧಾರಣೆ ಮಾತ್ರ ಆಗಬಹುದು - ಪ್ರಹ್ಲಾದ್ ಜೋಶಿ, ಕೇಂದ್ರ ಸಚಿವ
ಮೋದಿಯವರು ಇಂತಹ ಯಾತ್ರೆಗೆ ಇಳಿದಿದ್ದರೆ ವಿದೇಶಗಳ ಬಟ್ಟೆ ವ್ಯಾಪಾರಿಗಳ, ಕನ್ನಡಕ ಮಾರುವವರ ಮತ್ತು ಕ್ಯಾಮರಾ ತಯಾರಕರ ಉದ್ಧಾರ ಆಗುತ್ತಿತ್ತು.

ಇನ್ನು ಎರಡು ವರ್ಷಗಳಲ್ಲಿ ಉತ್ತರಪ್ರದೇಶದಲ್ಲಿ ಅಮೆರಿಕಕ್ಕಿಂತ ಉತ್ತಮ ರಸ್ತೆಗಳನ್ನು ಕಾಣಬಹುದು -ನಿತಿನ್ ಗಡ್ಕರಿ, ಕೇಂದ್ರ ಸಚಿವ
ಅಮೆರಿಕದ ರಸ್ತೆಗಳು ಹೇಗಿವೆ ಎಂದು ಪಾಪ ಆ ಯೂಪಿಯವರಿಗೇನು ಗೊತ್ತು! ಅವರು ಹೊಂಡಗಳ ನಡುವೆ ತೇಲಾಡುತ್ತಲೇ ನಿಮ್ಮ ಬೊಗಳೆಯನ್ನು ನಂಬಬಹುದು

ಕಾಂಗ್ರೆಸ್ ಅಧ್ಯಕ್ಷ ಸ್ಥಾನಕ್ಕೆ ಶಶಿತರೂರ್ ಜೊತೆ ನಡೆಯುತ್ತಿರುವ ಸ್ಪರ್ಧೆ ಒಂದೇ ಮನೆಯಲ್ಲಿರುವ ಅಣ್ಣ-ತಮ್ಮಂದಿರ ನಡುವಿನ ಕೌಟುಂಬಿಕ ಕದನ ಅಷ್ಟೇ - ಮಲ್ಲಿಕಾರ್ಜುನ ಖರ್ಗೆ, ಕಾಂಗ್ರೆಸ್ ಮುಖಂಡ
ಮಹಾಭಾರತ ಕೂಡಾ ಎರಡು ಕೋಮಿನವರ ನಡುವೆ ನಡೆದಿರಲಿಲ್ಲ.

ಮೀಸಲಾತಿ ಪ್ರಮಾಣ ಹೆಚ್ಚಿಸುವ ನಿರ್ಣಯ ಕೈಗೊಂಡ ಸಿಎಂ ಮತ್ತು ರಾಜ್ಯ ಸರಕಾರಕ್ಕೆ ಜೀವ ಇರುವ ತನಕ ಗುಲಾಮರಾಗಿ ಇರುತ್ತೇವೆ -ರಾಜುಗೌಡ, ಶಾಸಕ
ಮೂಲತಃ ಮೀಸಲಾತಿ ವ್ಯವಸ್ಥೆಯ ಉದ್ದೇಶ ಗುಲಾಮಗಿರಿಯಲ್ಲಿದ್ದವರನ್ನು ಅದರಿಂದ ಹೊರ ತರುವುದಾಗಿತ್ತು.

ಹಿಂದುಳಿದವರ ಉನ್ನತಿಗೆ ನಮ್ಮ ಮಾನಸಿಕತೆಯಲ್ಲಿ ಬದಲಾವಣೆಯಾಗಬೇಕು - ಮೋಹನ್ ಭಾಗವತ್, ಆರೆಸ್ಸೆಸ್ ಮುಖಂಡ
ಮನುತ್ವವನ್ನು ಧಿಕ್ಕರಿಸಿ ಬಹುತ್ವವನ್ನು ಸ್ವೀಕರಿಸಿದರೆ ಸಾಕು.

ಬಿಜೆಪಿಯ ಕೆಲವು ನಾಯಕರು, ಕಾರ್ಯಕರ್ತರು ಮುಂದಿನ ವಿಧಾನ ಸಭಾ ಚುನಾವಣೆಯಲ್ಲಿ ಬಿಜೆಪಿ ಸೋಲಬೇಕೆಂದು ಬಯಸುತ್ತಿದ್ದಾರೆ -ಅರವಿಂದ ಕೇಜ್ರಿವಾಲ್, ದಿಲ್ಲಿ ಸಿಎಂ
ಬಹುಶಃ ಆರೆಸ್ಸೆಸ್‌ನವರಂತೆ, ಅವರು ಕೂಡಾ ನಿಮ್ಮಲ್ಲಿ ಹೊಸ ಮೋದಿಯನ್ನು ಕಾಣುತ್ತಿದ್ದಾರೆ.

ಮೀಸಲಾತಿ ಪ್ರಮಾಣ ಏರಿಕೆ ರಾಜ್ಯ ಸರಕಾರದ ದಿಟ್ಟತನದ ನಿರ್ಧಾರ - ರಘುಪತಿ ಭಟ್, ಶಾಸಕ
ಲಂಚ ಮತ್ತು ಕಮಿಷನ್ ಪರ್ಸಂಟೇಜ್ ಅನ್ನು ಶೇ.40 ಕ್ಕೇರಿಸಿದವರು ಯಾವುದಾದರೂ ವರ್ಗಕ್ಕೆ ಮೀಸಲಾತಿಯನ್ನು ಆ ಮಟ್ಟಿಗೆ ಏರಿಸಿದ್ದಾರೆಯೇ?

ಬಿಜೆಪಿ ಸರಕಾರವು ರೈಲಿನ ಹಳೆಯ ಡಬ್ಬಕ್ಕೆ ಬಣ್ಣ ಬಳಿದು ಅದಕ್ಕೆ ಒಡೆಯರ್ ಎಂದು ನಾಮಕರಣ ಮಾಡಿ ಒಡೆಯರ್ ಮನೆತನಕ್ಕೆ ಅವಮಾನ ಮಾಡಿದೆ - ಯು.ಟಿ. ಖಾದರ್, ಮಾಜಿ ಸಚಿವ
ಅದು ಅಷ್ಟೊಂದು ಅಪಮಾನಕಾರಿ ಕೃತ್ಯವೆಂದು ಅವರಿಗೆ ಮನವರಿಕೆಯಾದರೆ ಅವರು ಗುಜರಿ ರೈಲುಗಳಿಗೆಲ್ಲಾ ಗಾಂಧಿ ಮತ್ತು ನೆಹರೂ ಎಂದು ನಾಮಕರಣ ಮಾಡುವ ಸಾಧ್ಯತೆ ಇದೆ.

ಗುಜರಾತ್ ಜನತೆ ನನ್ನ ಜಾತಿ, ರಾಜಕೀಯ ಹಿನ್ನೆಲೆ ನೋಡದೆ ಚುನಾವಣೆಯಲ್ಲಿ ಗೆಲ್ಲಿಸಿದ್ದಾರೆ - ನರೇಂದ್ರ ಮೋದಿ, ಪ್ರಧಾನಿ
ಅದಕ್ಕಾಗಿ ಅವರು ಭಾರೀ ಬೆಲೆಯನ್ನೂ ತೆತ್ತಿದ್ದಾರೆ. ಅದು ಪ್ರಜಾಸತ್ತೆಯಲ್ಲಿನ ಮುಗ್ಧ ಮತದಾರರ ದೌರ್ಭಾಗ್ಯ .

ಜಮ್ಮು - ಕಾಶ್ಮೀರವು ದಶಕಗಳಿಂದಲೂ ಭೀತಿವಾದದ ನೋವನ್ನು ಅನುಭವಿಸಿದೆ ಮತ್ತು ಅದು ಈಗಲೂ ಮುಂದುವರಿದಿದೆ -ಅರಿಂದಮ್ ಬಾಗ್ಚಿ, ವಿದೇಶಾಂಗ ವ್ಯವಹಾರಗಳ ಸಚಿವಾಲಯದ ವಕ್ತಾರ
ಆರ್ಟಿಕಲ್ 370ಯನ್ನು ರದ್ದುಗೊಳಿಸಿದರೆ ಎಲ್ಲವೂ ಸರಿಯಾಗಿ ಬಿಡುತ್ತದೆಂಬ ನಿಮ್ಮ ಸುಳ್ಳನ್ನು ನಂಬಿದ್ದವರು ತಮ್ಮ ಮೂರ್ಖತನಕ್ಕೆ ಚಿಕಿತ್ಸೆ ಮಾಡಿಕೊಳ್ಳಲಿ.

ಬಾರ್‌ನಲ್ಲಿ ಕುಡಿದು ಅಮಲೇರಿಸಿಕೊಂಡವರನ್ನು ಮನೆಗೆ ತಲುಪಿಸುವ ಜವಾಬ್ದಾರಿ ಆ ಬಾರ್‌ನವರದ್ದೆ ಎಂಬ ನಿಯಮ ಜಾರಿಗೆ ತರಲಾಗುವುದು - ವೌವಿನ್ ಗೊಡಿನ್ಹೋ, ಗೋವಾ ಸಚಿವ
ಆ ಕುಡುಕರ ಮನೆಯವರು ಹಸಿದು ಬಿದ್ದಿದ್ದರೆ ಅವರಿಗೆ ಉಣ ಬಡಿಸುವ ಹೊಣೆಯನ್ನೂ ಬಾರ್‌ನವರಿಗೆ ವಹಿಸಿ ಬಿಡಿ.

ಬೋಧಕೇತರ ಅಧಿಕಾರಿಗಳು, ಸಿಬ್ಬಂದಿ ವರ್ಗಾವಣೆಗೆ ಹೊಸ ಮಾರ್ಗಸೂಚಿ ಸಿದ್ಧಪಡಿಸಲಾಗಿದೆ - ಬಿ.ಸಿ.ನಾಗೇಶ್, ಸಚಿವ
ಸುಮ್ಮನೆ ಗೊಂದಲವೇಕೆ? ಹೊಸ ರೇಟ್ ಕಾರ್ಡ್ ಅನ್ನು ಬಹಿರಂಗಗೊಳಿಸಿ.

ಕನ್ನಡವನ್ನು ಸೂಕ್ತವಾಗಿ ಬಳಸುವ ನಿಟ್ಟಿನಲ್ಲಿ ಮಸೂದೆ ತರಲಾಗಿದೆ - ಜೆ.ಸಿ.ಮಾಧುಸ್ವಾಮಿ, ಸಚಿವ
ನೀವು ಕನ್ನಡ ಬಲ್ಲವರಿಂದ ಒಂದಿಷ್ಟು ಟ್ಯೂಶನ್ ಪಡೆದರೆ ಅದು, ಮಸೂದೆಗಿಂತ ಹೆಚ್ಚು ಪರಿಣಾಮಕಾರಿಯಾಗಬಹುದು.

ಇಡೀ ಪ್ರಪಂಚವೇ ಪ್ರಧಾನಿ ಮೋದಿಯವರನ್ನು ಅಚ್ಚರಿಯಿಂದ ನೋಡುತ್ತಿದೆ - ಯಡಿಯೂರಪ್ಪ, ಮಾಜಿ ಸಿಎಂ
ಎರಡು ಕಾಲಿನ ಪ್ರಾಣಿ ಯಾಕೆ ಈರೀತಿ ವರ್ತಿಸುತ್ತಿದೆ ಎಂಬುದನ್ನು ಅರಿಯುವ ಕುತೂಹಲವಿರಬಹುದು.

ಉದ್ದೇಶಪೂರ್ವಕವಾಗಿಯೇ ಟಿಪ್ಪು ಎಕ್ಸ್‌ಪ್ರೆಸ್ ರೈಲಿನ ಹೆಸರು ಬದಲಾಯಿಸಲಾಗಿದೆ - ಪ್ರತಾಪಸಿಂಹ, ಸಂಸದ
ದುರುದ್ದೇಶಪೂರ್ವಕ ಎಂದರೆ ಇನ್ನಷ್ಟು ಅರ್ಥ ಪೂರ್ಣ.

ಅಂತರ್‌ರಾಷ್ಟ್ರೀಯ ಮಟ್ಟದಲ್ಲಿ ತೈಲ ದರವು ಗರಿಷ್ಠ ಮಟ್ಟದಲ್ಲಿರುವುದು ರಾಷ್ಟ್ರದ ಆರ್ಥಿಕತೆಗೆ ಸವಾಲನ್ನು ಸೃಷ್ಟಿಸಿದೆ -ನಿರ್ಮಲಾ ಸೀತಾರಾಮನ್, ಸಚಿವೆ
ಸವಾಲು ನಿಭಾಯಿಸಲು ಪ್ರಜೆಗಳ ಮೇಲೆ ಹೊಸ ತೆರಿಗೆ ಹೇರುವ ಉದ್ದೇಶ ಇದ್ದಿರಬೇಕು.

ನ್ಯಾಯಾಲಯಗಳಲ್ಲಿ ನಿರ್ಣಯ ಸಿಗುತ್ತದೆಯೇ ಹೊರತು ನ್ಯಾಯ ಸಿಗುತ್ತಿಲ್ಲ - ವಿಶ್ವೇಶ್ವರ ಹೆಗಡೆ ಕಾಗೇರಿ, ವಿಧಾನ ಸಭಾಧ್ಯಕ್ಷ
ರಾಜಕಾರಣಿಗಳು ನೆಮ್ಮದಿಯಿಂದ ಇರುವುದು ಆ ಕಾರಣಕ್ಕಾಗಿಯೇ.

ಗೋಸಂಪತ್ತು ಉಳಿಸುವ ಪ್ರಯತ್ನದ ಅಂಗವಾಗಿ ಸರಕಾರಿ ನೌಕರರು, ಇತರ ಸಂಸ್ಥೆಗಳ ಅಧಿಕಾರಿಗಳು ಗೋವನ್ನು ದತ್ತು ಪಡೆಯಬೇಕು - ಪ್ರಭು ಚವ್ಹಾಣ್, ಸಚಿವ
ಬೀದಿಯಲ್ಲಿರುವ ಅನಾಥ ಮಕ್ಕಳನ್ನು ಯಾರೂ ದತ್ತು ತೆಗೆದು ಕೊಳ್ಳುವ ಅಗತ್ಯವಿಲ್ಲವೇ ?

ಪ್ರಧಾನಿ ಮೋದಿ ವಿಶ್ವಗುರು ಅಲ್ಲ, ಅವರೊಬ್ಬ ಪುಕ್ಕಲು ಗುರು - ಸಿದ್ದರಾಮಯ್ಯ, ಮಾಜಿ ಸಿಎಂ
ಗುರು ಹೌದು ಎನ್ನುವುದನ್ನು ಒಪ್ಪಿಕೊಂಡಿರಲ್ಲ, ಭಕ್ತರಿಗೆ ಅಷ್ಟು ಸಾಕು.

ವಿಚಾರಣೆಗಾಗಿ ಭಾರತಕ್ಕೆ ಗಡಿಪಾರು ಮಾಡಿದರೆ ನನ್ನ ಕೊಲೆಯಾಗಬಹುದು ಅಥವಾ ನಾನೇ ಆತ್ಮಹತ್ಯೆ ಮಾಡಿಕೊಳ್ಳಬಹುದು - ನೀರವ್ ಮೋದಿ, ದೇಶದಿಂದ ಪಲಾಯನ ಮಾಡಿರುವ ವಜ್ರೋದ್ಯಮಿ
ಬ್ಯಾಂಕ್ ನಿಂದ ಸಾಲ ಪಡೆಯುವಾಗ ಈ ಭಯ ಯಾಕೆ ಇರಲಿಲ್ಲ?

ನನ್ನನ್ನು ಅವಹೇಳನ ಮಾಡುವ ಕೆಲಸವನ್ನು ಕಾಂಗ್ರೆಸ್ ಈಗ ಹೊರಗುತ್ತಿಗೆ ನೀಡಿದೆ - ನರೇಂದ್ರ ಮೋದಿ, ಪ್ರಧಾನಿ
ದೇಶದ ಅವನತಿಗೆ ನೀವು ಹೊರ ಗುತ್ತಿಗೆ ನೀಡಿದ ಹಾಗೆಯೇ?

ಜಯಪ್ರಕಾಶ್ ನಾರಾಯಣರು ಕಾಂಗ್ರೆಸ್ ವಿರುದ್ಧ ಜೀವನವೆಲ್ಲ ಹೋರಾಡಿದ್ದರೆ, ಅದೇ ಕಾಂಗ್ರೆಸ್ ಪಕ್ಷದ ತೊಡೆಯಲ್ಲಿ ಅವರ ಅನುಯಾಯಿಗಳು ಕುಳಿತಿದ್ದಾರೆ - ಅಮಿತ್ ಶಾ, ಕೇಂದ್ರ ಸಚಿವ
ಅದಾನಿ, ಅಂಬಾನಿ ತೊಡೆಯಲ್ಲಿ ಕುಳಿತು ದೇಶ ಆಳುವುದಕ್ಕಿಂತ ವಾಸಿ ಅಲ್ಲವೇ ?

ಮುಸ್ಲಿಮ್ ಮಹಿಳೆಯರು ಪುರುಷರ ತಾಳಕ್ಕೆ ತಕ್ಕಂತೆ ಕುಣಿಯಬಾರದು - ಶೋಭಾ ಕರಂದ್ಲಾಜೆ, ಕೇಂದ್ರ ಸಚಿವೆ
ಬಿಜೆಪಿ ತಾಳಕ್ಕೆ ತಕ್ಕಂತೆ ಕುಣಿದರೆ ಆಗಬಹುದೇ?

ಭಾರತ ದೇಶವನ್ನು ಇಬ್ಭಾಗಮಾಡಲು ಯಾರಿಂದಲೂ ಸಾಧ್ಯವಿಲ್ಲ - ಬಾಬಾ ರಾಮ್‌ದೇವ್, ಯೋಗ ಗುರು
ಅದಕ್ಕಾಗಿಯೇ ನಿಮ್ಮಂಥವರನ್ನು ಇಟ್ಟುಕೊಂಡಿರುವುದು ಸರಕಾರ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

ಇಂದು ಹೆಚ್ಚು ಓದಿದ್ದು


Back to Top