-

ಓ ಮೆಣಸೇ...

-

ಇಡೀ ಜಗತ್ತಿನಲ್ಲೇ ಪಾಕಿಸ್ತಾನ ಅತ್ಯಂತ ಅಪಾಯಕಾರಿ ದೇಶ - ಜೋ ಬೈಡನ್, ಅಮೆರಿಕ ಅಧ್ಯಕ್ಷ
 ನಿಮ್ಮ ಮಿತ್ರನಾಗಿರುವ ಯಾವ ದೇಶ ಅಪಾಯಕಾರಿ ಅಲ್ಲ ಹೇಳಿ?

ಭಾರತವನ್ನು ದ್ವೇಷ, ಹಿಂಸೆ, ನಿರುದ್ಯೋಗ ಮುಕ್ತ ಮಾಡುವುದೇ ಭಾರತ್ ಜೋಡೊ ಯಾತ್ರೆಯ ಉದ್ದೇಶ - ಬಿ.ಕೆ.ಹರಿಪ್ರಸಾದ್, ವಿ.ಪ. ನಾಯಕ
 ಕನಿಷ್ಠ ಕಾಂಗ್ರೆಸ್‌ನೊಳಗಿರುವ ನಿರುದ್ಯೋಗ ಅಳಿದರೂ ಭಾರತ್ ಜೋಡೊ ಸಾರ್ಥಕ.

ನಮಗೆ ಎಲ್ಲ ಪ್ರಾದೇಶಿಕ ಭಾಷೆಗಳು ಕೂಡಾ ರಾಷ್ಟ್ರೀಯ ಭಾಷೆಗಳಾಗಿವೆ - ಧರ್ಮೇಂದ್ರ ಪ್ರಧಾನ್, ಕೇಂದ್ರ ಸಚಿವ
ಹಾಗಿದ್ದರೆ ಉತ್ತರ ಭಾರತೀಯರು ಒಂದೆರಡು ಪ್ರಾದೇಶಿಕ ಭಾಷೆಗಳನ್ನು ಕಲಿಯಬಾರದೇ?
 
ಆತ್ಮ ಸಾಕ್ಷಾತ್ಕಾರದಿಂದ ಬ್ರಾಹ್ಮಣತ್ವ ಸಿಗುತ್ತದೆ ಹೊರತು ಜಾತಿಯಿಂದಲ್ಲ - ಬಾಬಾ ರಾಮ್‌ದೇವ್, ಯೋಗ ಗುರು
 ಪತಂಜಲಿ ಕಂಪೆನಿ ಆತ್ಮ ಸಾಕ್ಷಾತ್ಕಾರವನ್ನು ಯಾವಾಗ ಮಾರುಕಟ್ಟೆಗೆ ಬಿಡುಗಡೆ ಮಾಡುತ್ತದೆ?

ಆರೆಸ್ಸೆಸ್‌ನ ಬಗ್ಗೆ ಟೀಕೆ ಮಾಡುವ ಒಂದು ವರ್ಗ ಇದೆ. ಅವರು ಆರೆಸ್ಸೆಸ್ ಬಗ್ಗೆ ಜ್ಞಾನ ಪಡೆದುಕೊಳ್ಳಬಹುದು - ಪ್ರಮೋದ್ ಮಧ್ವರಾಜ್, ಮಾಜಿ ಸಚಿವ
 ಆರೆಸ್ಸೆಸ್‌ನ ಬಗ್ಗೆ ಜ್ಞಾನ ಪಡೆದುಕೊಂಡ ಬಳಿಕ ಅವರು ಟೀಕಿಸಲು ಶುರು ಮಾಡಿದ್ದು.

ನಾನು ರಾಹುಲ್ ಗಾಂಧಿಯಂತೆ ಪೆದ್ದನಲ್ಲ - ಶ್ರೀರಾಮುಲು, ಸಚಿವ
 ಹೌದು ದೇಶ ಒಡೆದು ಸುಲಭದಲ್ಲಿ ಮತ ಕೇಳುವ ದಾರಿ ಇರುವಾಗ ದೇಶ ಜೋಡಿಸಿ ಮತ ಕೇಳಲು ಹೊರಟಿರುವುದು ಪೆದ್ದುತನವೇ ಸರಿ.

ಭಾರತದ ರೂಪಾಯಿ ವೌಲ್ಯ ಕುಸಿಯುತ್ತಿಲ್ಲ, ಅಮೆರಿಕದ ಡಾಲರ್ ವೌಲ್ಯ ಏರಿಕೆ ಕಾಣುತ್ತಿದೆ - ನಿರ್ಮಲಾ ಸೀತಾರಾಮನ್, ಕೇಂದ್ರ ಸಚಿವೆ
 ಭಾರತದಲ್ಲಿ ಹಸಿವು ಏರಿದ್ದು ಅಲ್ಲ, ನೇಪಾಳದಲ್ಲಿ ಹಸಿವು ಕುಸಿದದ್ದು ಎಂದು ಸಮರ್ಥಿಸಿದಂತೆ.

ಗುಲಾಮಗಿರಿಯ ಅಂಶಗಳು ನಮ್ಮ ರಕ್ತದಲ್ಲಿವೆ. ಇದನ್ನು ತೊಲಗಿಸಿ ಆಡಳಿತ ಸೂತ್ರ ನೀಡಲು ಪ್ರಧಾನಿ ಮೋದಿ ಮುಂದಾಗಿದ್ದಾರೆ - ಡಿ.ವಿ.ಸದಾನಂದ ಗೌಡ, ಮಾಜಿ ಸಿಎಂ
 ನಿಮ್ಮ ರಕ್ತದಲ್ಲಿ ಇರುವುದರಿಂದಲೇ ನೀವು ಆರೆಸ್ಸೆಸ್ ಗುಲಾಮರಾಗಿರುವುದು.

ಮೀನು ಸಸ್ಯಾಹಾರಿ. ವಿದೇಶಗಳಲ್ಲಿ ಮೀನನ್ನು ಸಸ್ಯಾಹಾರಿ ಎಂದು ವ್ಯಾಖ್ಯಾನ ಮಾಡುತ್ತಾರೆ - ಬಸವರಾಜ್ ಬೊಮ್ಮಾಯಿ, ಸಿಎಂ
ವಿದೇಶದಲ್ಲಿ ಮೀನು ಮಾಂಸಾಹಾರಿ ಎಂದು ಗುರುತಿಸಲ್ಪಟ್ಟರೆ ಇಲ್ಲಿ ತಿನ್ನಲು ನಿಷೇಧ ಮಾಡುತ್ತೀರಾ ?

ಬಿಜೆಪಿ-ಕಾಂಗ್ರೆಸ್ ಭರಾಟೆ ಏನೇ ಇದ್ದರೂ ಜನರ ಒಲವು ಮಾತ್ರ ಜೆಡಿಎಸ್ ಪರ ಇದೆ - ಕುಮಾರಸ್ವಾಮಿ, ಮಾಜಿ ಸಿಎಂ
ಜೆಡಿಎಸ್ ಒಲವು ಬಿಜೆಪಿಯ ಪರವಾಗಿದೆಯೋ, ಕಾಂಗ್ರೆಸ್ ಪರವಾಗಿದೆಯೋ?

ವರುಣಾ ಕ್ಷೇತ್ರದಿಂದ ಸಿದ್ದರಾಮಯ್ಯ ಸ್ಪರ್ಧಿಸಿದರೆ ನಾನು ಬೇರೆ ಯಾವುದೇ ಕ್ಷೇತ್ರದಿಂದ ಸ್ಪರ್ಧಿಸದೆ ಅವರ ಪರ ಕೆಲಸ ಮಾಡುತ್ತೇನೆ - ಡಾ.ಯತೀಂದ್ರ ಸಿದ್ದರಾಮಯ್ಯ, ಶಾಸಕ
ವರುಣಾ ಕ್ಷೇತ್ರದ ಟಿಕೆಟ್ ಕೊಟ್ಟರೆ ಮಾತ್ರ ಸ್ಪರ್ಧಿಸುತ್ತೇನೆ ಎಂದು ಅಪ್ಪನಿಗೆ ಬೆದರಿಕೆಯೇ?

ಮತಕ್ಕಾಗಿ ದಲಿತರನ್ನು ರಾಜಕಾರಣಿಗಳು ಒಡೆಯುತ್ತಿದ್ದಾರೆ - ಶ್ರೀನಿವಾಸ ಪ್ರಸಾದ್, ಸಂಸದ
ಒಡೆಯಿರಿ ಎಂದು ನೀವಾಗಿ ತಲೆಯನ್ನು ಒಪ್ಪಿಸಿದರೆ ಅವರು ಒಡೆಯದೆ ಇರುತ್ತಾರೆಯೇ?

ಕಾಶ್ಮೀರಿಗಳಿಗೆ ನ್ಯಾಯ ಸಿಗುವವರೆಗೂ ಪಂಡಿತರ ಹತ್ಯೆಗಳು ನಿಲ್ಲುವುದಿಲ್ಲ - ಫಾರೂಕ್ ಅಬ್ದುಲ್ಲಾ, ಕಾಶ್ಮೀರ ಮಾಜಿ ಸಿಎಂ
ಪಂಡಿತರ ಹತ್ಯೆಗಳಿಂದ ಕಾಶ್ಮೀರಿಗಳಿಗೆ ನ್ಯಾಯ ಸಿಗುತ್ತದೆ ಎಂದು ಭಾವಿಸುತ್ತೀರಾ?

ಸುರತ್ಕಲ್ ಟೋಲ್ ಗೇಟ್ ಸ್ಥಾಪನೆಯಾದಾಗ ಮೊದಲು ವಿರೋಧಿಸಿದ್ದು ನಮ್ಮ ಪಕ್ಷ - ನಳಿನ್ ಕುಮಾರ್ ಕಟೀಲು, ಸಂಸದ
ಈಗ ಯಾಕೆ ಬೆಂಬಲಿಸುತ್ತಿದ್ದೀರಿ? ಅದನ್ನು ಹೇಳಿ.

ಬಿಲ್ಕಿಸ್ ಬಾನು ಪ್ರಕರಣದಲ್ಲಿ ಅಪರಾಧಿಗಳ ಬಿಡುಗಡೆ ಕಾನೂನು ಪ್ರಕಾರ ನಡೆದಿದೆ - ಪ್ರಹ್ಲಾದ ಜೋಶಿ, ಕೇಂದ್ರ ಸಚಿವ
ಅತ್ಯಾಚಾರವೇ ಕಾನೂನು ಪ್ರಕಾರ ನಡೆದಿದೆ ಎಂದು ಹೇಳಲಿಲ್ಲ, ಪುಣ್ಯ.

ರಾಜ್ಯದಲ್ಲಿ ಜನಸಂಖ್ಯೆಗೆ ಅನುಗುಣವಾಗಿ ಮೀಸಲಾತಿ ನೀಡುವ ವಿಚಾರದ ಬಗ್ಗೆ ಸರಕಾರ ಗಂಭೀರ ಚಿಂತನೆ ನಡೆಸಿದೆ- ಎಂ.ಟಿ.ಬಿ.ನಾಗರಾಜ್, ಸಚಿವ
ಅಂದರೆ, ಅವರು ಶೋಷಿತ ಸಮುದಾಯಕ್ಕೆ ಸೇರಿರಬೇಕಾಗಿಲ್ಲ ಎಂದಾಯಿತು.

ಇಂಗ್ಲಿಷನ್ನು ಮನುಷ್ಯನ ಬುದ್ಧಿವಂತಿಕೆಯ ಮಾನದಂಡವಾಗಿ ನೋಡಬಾರದು - ನರೇಂದ್ರ ಮೋದಿ, ಪ್ರಧಾನಿ
ನಿಮಗೆ ಇಂಗ್ಲಿಷ್ ಗೊತ್ತಿಲ್ಲ ಎನ್ನುವ ಕಾರಣಕ್ಕಾಗಿಯೇ?

ಸಾಂಘಿಕ ಪ್ರಯತ್ನದಿಂದ ನಾವು ಕಾಂಗ್ರೆಸನ್ನು ಹೊಸ ಎತ್ತರಕ್ಕೆ ಕೊಂಡೊಯ್ಯುತ್ತೇವೆ - ಶಶಿ ತರೂರು, ಕಾಂಗ್ರೆಸ್ ಮುಖಂಡ
ಕೇಸರಿ ಸಂಘದ ಬೆಂಬಲದಿಂದ ಎಂದು ಹೇಳುತ್ತಿರಬೇಕು

ಹಿಂದೆ ಭಾರತ ಶಾಂತಿಯ ಸಂಕೇತವಾದ ಪಾರಿವಾಳಗಳನ್ನು ಹಾರಿಬಿಡುತ್ತಿತ್ತು. ಈಗ ಚೀತಾಗಳನ್ನು ಬಿಡುವ ಸಾಮರ್ಥ್ಯವನ್ನು ಹೊಂದಿದೆ - ನರೇಂದ್ರ ಮೋದಿ, ಪ್ರಧಾನಿ
ಅತ್ಯಾಚಾರ ಅಪರಾಧಿಗಳನ್ನು ಹೊರಬಿಡುತ್ತಿರುವುದು ಕೂಡ ಭಾರತದ ಸಾಧನೆಯೇ ಆಗಿದೆ.

ಸಚಿವ ಸ್ಥಾನ ಕೊಡಿ ಎಂದು ಕೇಳುವ ಸ್ವಭಾವ ನನ್ನದಲ್ಲ- ತಿಪ್ಪಾರೆಡ್ಡಿ, ಶಾಸಕ
ಕೊಡುವುದಿಲ್ಲ ಎನ್ನುವುದು ಖಚಿತವಾಗಿರುವಾಗ ಕೇಳಲು ಹೋಗಬಾರದು.

ಎಲ್ಲ ವರ್ಗದವರನ್ನು ಗುರುತಿಸಿ ಒಟ್ಟುಗೂಡಿಸಿಕೊಂಡು ಮೀಸಲಾತಿ ಕಲ್ಪಿಸಿರುವುದು ನಾನು ಮಾತ್ರ - ದೇವೇಗೌಡ, ಮಾಜಿ ಪ್ರಧಾನಿ
ತಮ್ಮ ಕುಟುಂಬದ ಎಲ್ಲ ವರ್ಗದವರನ್ನು ಗುರುತಿಸಿ ಎಂದರೆ ಸರಿಯಾಗುತ್ತದೆ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

ಇಂದು ಹೆಚ್ಚು ಓದಿದ್ದು


Back to Top