ಎಸ್‍ಐಆರ್ ವಿರುದ್ಧದ ಯುವಜನತೆ ಹೋರಾಟ ಸಮಂಜಸ: ಅಮನ್ ಆನಂದರಾಜ್
ಬೆಂಗಳೂರು : ದೇಶದಲ್ಲಿ ಎಸ್‍ಐಆರ್ ಪ್ರಕ್ರಿಯೆ ವಿರುದ್ಧ ತೀವ್ರ ಹೋರಾಟ ನಡೆಯುತ್ತಿದೆ. ಮಹಾರಾಷ್ಟ್ರದಲ್ಲಿಯೂ ಮತದಾರ ಪಟ್ಟಿಯಿಂದ ಕೆಲವರನ್ನು ಕೈ ಬಿಡಲಾಗಿದೆ. ಯುವ ಜನತೆ ಇದರ ವಿರುದ್ಧ ದ್ವನಿ ಎತ್ತಿರುವುದು ಸಮಂಜಸವಾಗಿದೆ ಎಂದು ಡಾ.ಬಿ.ಆರ್.ಅಂಬೇಡ್ಕರ್ ಮರಿಮೊಮ್ಮಗ ಅಮಾನ್ ಅಂಬೇಡ್ಕರ್ ತಿಳಿಸಿದರು.
ಶನಿವಾರ ನಗರದ ಖಾಸಗಿ ಹೋಟೆಲ್‍ನಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಮುಂಬರುವ ಜಿಬಿಎ ಮತ್ತು ತಾಲೂಕು, ಜಿಲ್ಲಾ ಪಂಚಾಯತ್ ಚುನಾವಣೆಯಲ್ಲಿ ರಿಬಿಪ್ಲಕನ್ ಸೇನೆ ಪಕ್ಷ ತಮ್ಮ ಅಭ್ಯರ್ಥಿಗಳನ್ನು ಕಣಕ್ಕಿಳಿಸಲಿದೆ. ಈ ಹಿನ್ನಲೆಯಲ್ಲಿ ರಾಜ್ಯದಲ್ಲಿ ಯುವಕರನ್ನು ಸಂಘಟಿಸುವ ಪ್ರಯತ್ನ ನಡೆಸಲಾಗುವುದು ಎಂದರು.
ರಾಜ್ಯದಲ್ಲಿ ಯಾವುದೇ ಪಕ್ಷದ ಜತೆ ಹೊಂದಾಣಿಕೆ ಮಾಡಿಕೊಳ್ಳದೇ ಮುಂಬರುವ ಸ್ವತಂತ್ರವಾಗಿ ಚುನಾವಣೆಯಲ್ಲಿ ಅಭ್ಯರ್ಥಿಗಳನ್ನು ಕಣಕ್ಕಿಳಿಸಲಾಗುವುದು. ದೇಶಾದ್ಯಂತ ಪಕ್ಷದ ಸಂಘಟನೆಗೆ ಹೆಚ್ಚಿನ ಆದ್ಯತೆ ನೀಡಲಾಗುವುದು ಎಂದು ಅಮಾನ್ ಅಂಬೇಡ್ಕರ್ ಹೇಳಿದರು.
ಈ ವೇಳೆಯಲ್ಲಿ ರಿಪಬ್ಲಿಕನ್ ಸೇನೆ ಪಕ್ಷದ ದಕ್ಷಿಣ ಭಾರತ ಅಧ್ಯಕ್ಷ ವೈಟ್ ಪೀಲ್ಡ್ ಮುರುಗೇಶ್, ಭೀಮ್ ಪ್ರಜಾ ಸಂಘದ ಉಪಾಧ್ಯಕ್ಷ ಬೊಮ್ಮಸಂದ್ರ ಮುನಿರಾಜು ಸೇರಿದಂತೆ ಇತರರು ಉಪಸ್ಥಿತರಿದ್ದರು.
