ಬಸವಕಲ್ಯಾಣದಲ್ಲಿ ಎಐ ತಂತ್ರಜ್ಞಾನದ ಬಳಕೆ ಕುರಿತು ಶಿಕ್ಷಕರಿಗೆ ಕಾರ್ಯಾಗಾರ
ಬಸವಕಲ್ಯಾಣ (ಬೀದರ್): ಆಧುನಿಕ ಶಿಕ್ಷಣ ವ್ಯವಸ್ಥೆಯಲ್ಲಿ ಕೃತಕ ಬುದ್ಧಿಮತ್ತೆ (ಎಐ) ತಂತ್ರಜ್ಞಾನದ ಪರಿಣಾಮಕಾರಿ ಬಳಕೆ ಹಾಗೂ ಬೋಧನಾ ವಿಧಾನಗಳ ಸುಧಾರಣೆ ಕುರಿತು ಆಲ್ ಇಂಡಿಯಾ ಐಡಿಯಲ್ ಟೀಚರ್ಸ್ ಅಸೋಸಿಯೇಷನ್‌ (ಐಟಾ) ಬಸವಕಲ್ಯಾಣ ಘಟಕದ ವತಿಯಿಂದ ನಗರದ ಭೋಜ್ಗೆ ಫಂಕ್ಷನ್ ಹಾಲ್‌ನಲ್ಲಿ ‘ಟೀಚರ್ಸ್ ಫಾರ್ ಚೇಂಜ್’ ಶೀರ್ಷಿಕೆಯಡಿ ಒಂದು ದಿನದ ಕಾರ್ಯಾಗಾರ ನಡೆಯಿತು.
ಕಾರ್ಯಾಗಾರದಲ್ಲಿ ಪಾಠ ಯೋಜನೆ ಸಿದ್ಧಪಡಿಸುವುದು, ಪ್ರಶ್ನೆಪತ್ರಿಕೆ ರಚನೆ, ಅಭ್ಯಾಸ ಹಾಳೆಗಳನ್ನು ತಯಾರಿಸು ವುದು ಹಾಗೂ ಶೈಕ್ಷಣಿಕ ಚಟುವಟಿಕೆಗಳನ್ನು ಆಕರ್ಷಕವಾಗಿ ರೂಪಿಸುವಲ್ಲಿ ಎಐ ತಂತ್ರಜ್ಞಾನವನ್ನು ಬಳಸುವ ಕುರಿತು ಶಿಕ್ಷಕರಿಗೆ ಮಾಹಿತಿ ನೀಡಲಾಯಿತು.
ಬದಲಾಗುತ್ತಿರುವ ಕಾಲಘಟ್ಟದಲ್ಲಿ ಜೆನ್‌ ಝಡ್‌ ಮತ್ತು ಜೆನ್‌ ಆಲ್ಫಾ ತಲೆಮಾರಿನ ವಿದ್ಯಾರ್ಥಿಗಳ ಮನೋಭಾವ ವನ್ನು ಅರ್ಥಮಾಡಿಕೊಳ್ಳುವುದು ಹಾಗೂ ಅವರ ಕಲಿಕೆಯ ಅಗತ್ಯಗಳಿಗೆ ಅನುಗುಣವಾಗಿ ಬೋಧನಾ ವಿಧಾನಗಳಲ್ಲಿ ಬದಲಾವಣೆ ತರುವ ಬಗ್ಗೆಯೂ ಚರ್ಚಿಸಲಾಯಿತು.
ಕಾರ್ಯಕ್ರಮದಲ್ಲಿ ಖಾಲಿದ್ ಪರ್ವಾಜ್, ಅಲ್ತಾಫ್, ಅಮ್ಜದ್, ಬಿಲ್ಕಿಸ್ ಫಾತಿಮಾ, ಡಾ. ಜಿಲಾನಿ ಅಹಮದ್ ಹಾಗೂ ಸೈಯದ್ ಫುರ್ಖಾನ್ ಪಾಷಾ ಸೇರಿದಂತೆ ಹಲವರು ಭಾಗವಹಿಸಿದ್ದರು. ಈ ಸಂದರ್ಭದಲ್ಲಿ ಜಿಪಿಎಸ್ ಸಂಸ್ಥೆಯ ನೂತನ ನಿರ್ದೇಶಕರು ಹಾಗೂ ಪದಾಧಿಕಾರಿಗಳನ್ನು ಐಟಾ ವತಿಯಿಂದ ಪುಷ್ಪಗುಚ್ಛ ನೀಡಿ ಗೌರವಿಸಲಾಯಿತು.
ಐಟಾ ಬಸವಕಲ್ಯಾಣ ಘಟಕದ ಅಧ್ಯಕ್ಷ ಮಹಮ್ಮದ್ ಇಮಾಮುದ್ದೀನ್, ಉಪಾಧ್ಯಕ್ಷ ಅಹಮದ್, ಕಾರ್ಯದರ್ಶಿ ಜಾಕಿರ್, ಜಂಟಿ ಕಾರ್ಯದರ್ಶಿ ಮಸ್ತಾನ್, ಹಾಗೂ ಸಂಚಾಲಕರಾದ ನುಸ್ರತ್ ಟೀಚರ್ ಮತ್ತು ಮುಷ್ತಾಕ್ ಸರ್ ಉಪಸ್ಥಿತರಿದ್ದರು.
