Bidar | ಅಂಬೇಡ್ಕರ್ ಕಾಲೇಜಿನಲ್ಲಿ ʻವಿದ್ಯಾರ್ಥಿ ದಿನʼ ಆಚರಣೆ

ಬೀದರ್: ಮಹಾರಾಷ್ಟ್ರದ ಸತಾರಾದ ಈಗಿನ ಛತ್ರಪತಿ ಪ್ರತಾಪಸಿಂಹ ಪ್ರೌಢಶಾಲೆಯಲ್ಲಿ 1900ರ ನ.7ರಂದು ಡಾ.ಬಿ.ಆರ್.ಅಂಬೇಡ್ಕರ್ ಅವರು ವಿದ್ಯಾರ್ಥಿ ಜೀವನಕ್ಕೆ ಪಾದಾರ್ಪಣೆ ಮಾಡಿದ ಸ್ಮರಣಾರ್ಥ ಬಸವಕಲ್ಯಾಣದ ಬಸವ ಶಿಕ್ಷಣ ಸಂಸ್ಥೆಯ ಡಾ. ಅಂಬೇಡ್ಕರ್ ಸ್ವತಂತ್ರ ಪದವಿ ಪೂರ್ವ ಕಾಲೇಜಿನಲ್ಲಿ ಭಾನುವಾರ ವಿದ್ಯಾರ್ಥಿ ದಿನಾಚರಣೆ ಆಚರಿಸಲಾಯಿತು.

ಈ ಸಂದರ್ಭದಲ್ಲಿ ಸಂಸ್ಥೆಯ ಆಡಳಿತಾಧಿಕಾರಿ ರವೀಂದ್ರ ಗಾಯಕವಾಡ್ ಅವರು ಡಾ. ಅಂಬೇಡ್ಕರ್ ಅವರ ಭಾವಚಿತ್ರಕ್ಕೆ ಪೂಜೆ ಸಲ್ಲಿಸಿದರು.

ಕಾರ್ಯಕ್ರಮದಲ್ಲಿ ಪ್ರಾಂಶುಪಾಲ ಡಾ. ಜೈಶೇನಪ್ರಸಾದ್ ಆರ್., ಉಪನ್ಯಾಸಕರಾದ ಸತೀಷ್ ಕಾಂಬಳೆ, ನಿತ್ಯಾನಂದ ಮಂಠಾಳಕರ್, ಶ್ರೀನಿವಾಸ್ ಫುಲೆ, ವಿಲಾಸ್ ಜಾಧವ್, ಶಿಲ್ಪಾ ಕಾಲೇಬಾಗ್ ಹಾಗೂ ದೀಪಕ್ ಮೋರೆ ಸೇರಿದಂತೆ ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು.