ಹುಮನಾಬಾದ್ ತಾಲೂಕಿನಾದ್ಯಂತ ಗಾಳಿ-ಮಳೆ : ಧರೆಗುರುಳಿದ ಗಿಡಗಳು

ಹುಮನಾಬಾದ್ : ಪಟ್ಟಣ ಸೇರಿದಂತೆ ದುಬಲಗುಂಡಿ, ಜಲಸಂಗಿ ಹಾಗೂ ತಾಲೂಕಿನ ಹಲವು ಗ್ರಾಮಗಳಲ್ಲಿ ಸೋಮವಾರ ಸಾಯಂಕಾಲ ಗುಡುಗು ಸಹಿತ ಗಾಳಿ ಮಳೆಯಾಗಿದ್ದು, ಗಾಳಿಯ ರಬಸಕ್ಕೆ ಗಿಡಗಳು ಬೇರು ಸಮೇತ ಉರುಳಿ ರಸ್ತೆಗೆ ಬಿದ್ದಿವೆ.

ದುಬಲಗುಂಡಿ ಗ್ರಾಮದ ಹುಮನಾಬಾದ್-ಭಾಲ್ಕಿ ಮುಖ್ಯ ರಸ್ತೆಯಲ್ಲಿ ಸುಮಾರು ನಾಲ್ಕು ಗಿಡಗಳು ಬೇರು ಸಮೇತ ಉರುಳಿ ರಸ್ತೆ ಮೇಲೆ ಬಿದ್ದಿದ್ದವು. ಪರಿಣಾಮವಾಗಿ ಬೈಕ್ ಗಳು ರಸ್ತೆ ಬಿಟ್ಟು ರಸ್ತೆ ಕೆಳಗಡೆಯಿಂದ ಹೋಗುತ್ತಿರುವುದು ಕಂಡು ಬಂದಿತ್ತು. ಅದೇ ರೀತಿ ದೊಡ್ಡ ವಾಹನಗಳ ಸಂಚಾರಕ್ಕೆ ಕೆಲ ಹೊತ್ತು ಅಡ್ಡಿಯುಂಟಾಯಿತು.