ಜಪಾನ್‌ನ ಪ್ರತಿಷ್ಠಿತ ಹೊಡೋ ವಿಶ್ವವಿದ್ಯಾಲಯದೊಂದಿಗೆ JSS AHER ಮೈಸೂರು ಒಡಂಬಡಿಕೆ
ಮೈಸೂರು: ನ್ಯಾಕ್ ನಿಂದ A ಶ್ರೇಣಿಯನ್ನು ಪಡೆದಿರುವ ಜೆಎಸ್‌ಎಸ್ ಉನ್ನತ ಶಿಕ್ಷಣ ಮತ್ತು ಸಂಶೋಧನಾ ಅಕ್ಯಾಡೆಮಿ ಮೈಸೂರು,150 ವರ್ಷ ಸುದೀರ್ಘ ಇತಿಹಾಸ ಹೊಂದಿರುವ ಜಪಾನಿನ Hokkaido ವಿಶ್ವವಿದ್ಯಾಲಯದೊಂದಿಗಿನ ಜೈವಿಕ ತಂತ್ರಜ್ಞಾನ, ಆಹಾರ ಮತ್ತು ಕೃಷಿ ವಿಜ್ಞಾನಗಳಲ್ಲಿ ಹೊಸ ಆವಿಷ್ಕಾರಗಳನ್ನು ಹೊರತರಲು ಉಭಯ ವಿಶ್ವವಿದ್ಯಾನಿಲಯಗಳು ಒಡಂಬಡಿಕೆಗೆ (MOU) ಪರಸ್ಪರ ಸಹಿ ಹಾಕಲಾಯಿತು.
ಇದು ಎರಡು ಸಂಸ್ಥೆಗಳ ನಡುವಿನ ಭರವಸೆಯ ಶೈಕ್ಷಣಿಕ ಮತ್ತು ವೈಜ್ಞಾನಿಕ ಸಹಯೋಗದ ಆರಂಭವನ್ನು ಸೂಚಿಸುವುದಲ್ಲದೆ ಭವಿಷ್ಯದ ಸಂಶೋಧನೆಗೆ ಅಡಿಗಲ್ಲು ಇಟ್ಟಂತ ದಿನವಾಗಿ ಹೊರಹೊಮ್ಮಿತು. ಉಭಯ ವಿಶ್ವವಿದ್ಯಾನಿಲಯಗಳು ಬಹಳ ಪ್ರಮುಖವಾಗಿ ಈ ಕೆಳಕಂಡ ಕ್ಷೇತ್ರಗಳಲ್ಲಿ ಪರಸ್ಪರ ಸಹಕಾರ ಮತ್ತು ಸಂಶೋಧನೆಗೆ ಮುನ್ನುಡಿ ಬರೆದಿವೆ.
> ಪರಸ್ಪರ ಆಸಕ್ತಿಯ ಕ್ಷೇತ್ರಗಳಲ್ಲಿ ಜಂಟಿ ಶೈಕ್ಷಣಿಕ ಮತ್ತು ಸಂಶೋಧನಾ ಉಪಕ್ರಮಗಳು.
> ಶೈಕ್ಷಣಿಕ ಉಪನ್ಯಾಸಗಳು, ಸಂಶೋಧನಾ ಸಂವಹನಗಳು ಮತ್ತು ವಿದ್ವಪೂರ್ಣ ಚರ್ಚೆಗಳಿಗಾಗಿ ಅಧ್ಯಾಪಕರ ವಿನಿಮಯ.
> ಇಂಟರ್ನ್‌ ಶಿಪ್‌ಗಳು ಮತ್ತು ಅನುಭವಿ ಕಲಿಕೆಗೆ ಅವಕಾಶಗಳು ಸೇರಿದಂತೆ ಪದವಿಪೂರ್ವ ಮತ್ತು ಸ್ನಾತಕೋತ್ತರ ವಿದ್ಯಾರ್ಥಿ ವಿನಿಮಯ.
> ಹೊಸ ಪಠ್ಯಕ್ರಮ ಮತ್ತು ಜಂಟಿ ಶೈಕ್ಷಣಿಕ ಕಾರ್ಯಕ್ರಮಗಳ ಅಭಿವೃದ್ಧಿ.
> ಜಂಟಿ ಪ್ರಕಟಣೆಗಳು, ಶೈಕ್ಷಣಿಕ ಸಂಪನ್ಮೂಲಗಳು ಮತ್ತು ತರಬೇತಿ ಸಾಮಗ್ರಿಗಳ ತಯಾರಿಕೆ.
> ಅಂತರರಾಷ್ಟ್ರೀಯ ಸಮ್ಮೇಳನಗಳು, ವಿಚಾರ ಸಂಕಿರಣಗಳು ಮತ್ತು ವೈಜ್ಞಾನಿಕ ವಿಚಾರ ಸಂಕಿರಣಗಳ ಸಂಘಟನೆ.
JSS AHER ನ ಸಮುಲಾಧಿಪತಿಯಾದ ಪ್ರೊ. ಬಿ. ಸುರೇಶ್ ಮತ್ತು ಹೊಕ್ಕೊಡೋ ವಿಶ್ವವಿದ್ಯಾಲಯದ ಗ್ರಾಜುಯೇಟ್ ಸ್ಕೂಲ್ ಆಫ್ ಗ್ಲೋಬಲ್ ಫುಡ್ ರಿಸೋರ್ಸಸ್‌ನ ಡೀನ್ ಪ್ರೊ. ಟೆರುಯೊ ಸೋನ್ ಅವರು ಅ.13ರಂದು ಜಪಾನ್‌ನ ಸರೊದಲ್ಲಿ ಉಭಯ ವಿಶ್ವವಿದ್ಯಾನಿಲಯಗಳ ಬೆಳವಣಿಗೆ ಹಾಗೂ ಸಾಮಾಜಿಕ ಬದ್ಧತೆಯನ್ನು ಮನಗಂಡು, ಭವಿಷ್ಯದ ದಿನಗಳಲ್ಲಿ ಉತ್ತಮ ಸಂಶೋಧನೆ ಹಾಗೂ ನೆಮ್ಮದಿಯುತ ಬದುಕಿಗೆ ಅಗತ್ಯವಿರುವ ಎಲ್ಲಾ ಅಂಶಗಳನ್ನು ಚರ್ಚಿಸಿ ಈ ನೂತನ ಒಡಂಬಡಿಕೆಗೆ ಉಭಯ ಗಣ್ಯರು ಸಹಿ ಹಾಕಿದರು.
ಈ ವಿಚಾರವು ಎರಡು ವಿಶ್ವವಿದ್ಯಾನಿಲಯಗಳಿಗೆ ಕಿರೀಟ ಪ್ರಾಯವಾದ ಸಂಗತಿಯಾಗಿದ್ದು ಜಗತ್ತಿಗೆ ಒಳಿತನ್ನು ಬಯಸುವ ಅನೇಕ ವಿಚಾರಗಳಲ್ಲಿ ಇದು ಕೂಡ ಸೇರ್ಪಡೆಯಾದ ಕೀರ್ತಿ ಉಭಯತ್ರಯರಿಗೂ ಸಲ್ಲುತ್ತದೆ ಎಂಬುವುದು ನಮ್ಮೆಲ್ಲರಿಗೂ ಅತೀವ ಸಂತೋಷವನ್ನು ತಂದಿರುತ್ತದೆ ಹಾಗೂ 2026 ರಲ್ಲಿ ಹೊಕ್ಕೊಡೋ ವಿಶ್ವವಿದ್ಯಾಲಯವು ತನ್ನ 150 ನೇ ವಾರ್ಷಿಕೋತ್ಸವವನ್ನು ಆಚರಿಸುತ್ತಿರುವುದರಿಂದ ಈ ಒಪ್ಪಂದವು ವಿಶೇಷ ಮಹತ್ವವನ್ನು ಪಡೆದುಕೊಂಡಿದೆ ಎಂದು ಪ್ರಕಟನೆ ತಿಳಿಸಿದೆ.
