ಮಂಗಳೂರು: ಕರಾವಳಿಯಲ್ಲಿ ಪ್ರಥಮ ಸಚಿವ ಸಂಪುಟ ಸಭೆಗೆ ಕ್ಷಣಗಣನೆ

ಮಂಗಳೂರು, ಸೆ.18: ಕರಾವಳಿಯ ಐತಿಹಾಸಿಕ ರಾಜ್ಯ ಸಚಿವ ಸಂಪುಟಕ್ಕೆ ಕ್ಷಣಗಣನೆ ಆರಂಭವಾಗಿದ್ದು, ಸಚಿವರು, ಹಿರಿಯ ಅಧಿಕಾರಿಗಳ ದಂಡೇ ಜಿಲ್ಲಾಧಿಕಾರಿ ಕಚೇರಿ ಪ್ರಜಾಸೌಧದತ್ತ ಅಗಮಿಸುತ್ತಿದೆ.

ಸರ್ಕ್ಯೂಟ್ ಹೌಸ್ ನಿಂದ ಹೊರಟ ಮುಖ್ಯಮಂತ್ರಿ ನಗರದ ಕದ್ರಿ ದೇವಸ್ಥಾನ ಸೇರಿದಂತೆ ನಾನಾ ಕಡೆ ತೆರಳಿದರು. ಇದಾದ ಬಳಿಕ ಮುಖ್ಯಮಂತ್ರಿ, ಎಲ್ಲ ಸಚಿವರು ಅಂಬಾರಿ ಡಬಲ್ ಡೆಕ್ಕರ್ ವಾಹನದಲ್ಲಿ ಪ್ರಜಾಸೌಧಕ್ಕೆ ಹೊರಟರು.

10:30ಕ್ಕೆ ಸಚಿವ ಸಂಪುಟ ಆರಂಭವಾಗಲಿದೆ. ನಗರದ ಪಂಪ್ ವೆಲ್ ನಿಂದ ಪಡೀಲ್ ನಲ್ಲಿರುವ ಜಿಲ್ಲಾಧಿಕಾರಿ ಕಚೇರಿಯವರೆಗೆ ಕಲಾ ತಂಡಗಳು, ಬ್ಯಾಂಡ್, ಚೆಂಡೆ, ವೇಷಭೂಷಣಗಳು ಭವ್ಯ ಸ್ವಾಗತ ನೀಡಲು ಸಜ್ಜಾಗಿವೆ.