ಮೂಡುಬಿದಿರೆ : ಬಾಲಕಿಯ ಅತ್ಯಾಚಾರಕ್ಕೆ ಯತ್ನ ಪ್ರಕರಣ; ಹುಲಿ ವೇಷಧಾರಿ ಪವನ್ ಬಂಧನ

ಮೂಡುಬಿದಿರೆ : ಅಪ್ರಾಪ್ತ ಬಾಲಕಿಯೋರ್ವಳ ಮೇಲೆ ಅತ್ಯಾಚಾರಕ್ಕೆ ಯತ್ನಿಸಿದ ಹುಲಿ ವೇಷಧಾರಿಯೊಬ್ಬನನ್ನು ಮೂಡುಬಿದಿರೆ ಪೊಲೀಸರು ಬಂಧಿಸಿ ಆತನ ವಿರುದ್ಧ ಪೋಕ್ಸೋ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

ಅಲಂಗಾರಿನ ಉಳಿಯ ನಿವಾಸಿ ಪವನ್ (20) ಬಂಧಿತ ಆರೋಪಿ ಎಂದು ತಿಳಿದು ಬಂದಿದೆ.

ಮೂಡುಬಿದಿರೆ ಗಣೇಶೋತ್ಸದ ಪ್ರಯುಕ್ತ ಗಣೇಶನ‌ಮೂರ್ತಿ ವಿಸರ್ಜನಾ ಮೆರವಣೆಗೆಯಲ್ಲಿ ತಂಡವೊಂದರಲ್ಲಿ ಹುಲಿವೇಷ ಹಾಕಿ ಭಾಗವಹಿಸಿದ್ದು, 6 ವರ್ಷದ ಬಾಲಕಿಯೂ ಇದೇ ತಂಡದೊಂದಿಗೆ ಹುಲಿವೇಷ ಹಾಕಿದ್ದಳು ಎಂದು ತಿಳಿದು ಬಂದಿದೆ.

ಹುಲಿವೇಷದ ವಾಹನದಲ್ಲಿದ್ದ ಬಾಲಕಿಯನ್ನು ಮೂತ್ರ ಮಾಡಲು ಕರೆದೊಯ್ಯುವ ನೆಪದಲ್ಲಿ ಮೂಡುಬಿದಿರೆ ಬಸ್ ನಿಲ್ದಾಣದ ಹಿಂಭಾಗದ ಶೌಚಾಲಯಕ್ಕೆ ಕರೆದೊಯ್ದ ಆರೋಪಿ ಪವನ್‌ ಬಾಲಕಿಯ ಮೇಲೆ ಅತ್ಯಾಚಾರಕ್ಕೆ ಯತ್ನಿಸಿದ್ದಾನೆ ಎಂದು ದೂರಲಾಗಿದೆ.

ಈ ಸಂಬಂಧ ಬಾಲಕಿಯ ತಂದೆ ಮೂಡುಬಿದಿರೆ ಪೊಲೀಸರಿಗೆ ದೂರು ನೀಡಿದ್ದು, ಅದರಂತೆ ಪೊಲೀಸರು ಆರೋಪಿ ಪವನ್ ವಿರುದ್ಧ ಬಿಎನ್ ಎಸ್ ಮತ್ತು ಪೊಕ್ಸೊ ಕಾಯ್ದೆಯಡಿ ಪ್ರಕರಣ ದಾಖಲಿಸಿಕೊಂಡು ಕಾನೂನು ಕ್ರಮಗಳನ್ನು ಕೈಗೊಂಡಿದ್ದಾರೆ.‌

ಆರೋಪಿ ಪವನ್‌ ವಿರುದ್ಧ 2025ರಲ್ಲೂ ಬಾಲಕಿಯೋರ್ವಳ‌ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಿದ ಕುರಿತು ಮೂಡುಬಿದಿರೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು ಎಂದು ತಿಳಿದು ಬಂದಿದೆ.