ಸೂರಿಂಜೆ ಸರಕಾರಿ ಪ್ರೌಢಶಾಲೆಯಲ್ಲಿ ಪ್ರತಿಭಾ ಪುರಸ್ಕಾರ

ಸುರತ್ಕಲ್ : ಸರಕಾರಿ ಪ್ರೌಢಶಾಲೆ ಸೂರಿಂಜೆ ಇದರ ವತಿಯಿಂದ 2023-24 ಸಾಲಿನ ಎಸೆಸೆಲ್ಸಿಯಲ್ಲಿ ಶೇ‌.100 ಫಲಿತಾಂಶ ಪಡೆದ ವಿದ್ಯಾರ್ಥಿಗಳಿಗೆ ಅಭಿನಂದನೆ, ದತ್ತಿ ನಿಧಿ ಹಸ್ತಾಂತರ ಮತ್ತು ಉಚಿತ ಪುಸ್ತಕ ವಿತರಣಾ ಕಾರ್ಯಕ್ರಮವು ಶಾಲೆಯಲ್ಲಿ ನಡೆಯಿತು.

ಶರತ್ ಭಟ್ ಮತ್ತು ಶೋಭಾ ಭಟ್ ಇವರ ಹೆತ್ತವರಾದ ದಿ. ಭವಾನಿ ರಾಧಾಕೃಷ್ಣ ಭಟ್ ಪೊಂಗಾರು ಸೂರಿಂಜೆ ಇವರ ಸ್ಮರಣಾರ್ಥ ನೀಡಲಾದ ದತ್ತಿ ನಿಧಿಯನ್ನು ಮತ್ತು ದಿ. ದೂಜ ಶೆಟ್ಟಿ ಗೋಣಾಮಜಲು ಸೂರಿಂಜೆ ಸ್ಮರಣಾರ್ಥ ಮಕ್ಕಳಾದ ವಾಮನ ಶೆಟ್ಟಿ ಮತ್ತು ರಾಜೇಶ್ ಶೆಟ್ಟಿ ನೀಡಲಾದ ಪ್ರೋತ್ಸಾಹ ಧನ ಮತ್ತು ಪುಸ್ತಕಗಳನ್ನು ವಿದ್ಯಾರ್ಥಿಗಳಿಗೆ ವಿತರಿಸಲಾಯಿತು.

ಇದೇ ಸಂದರ್ಭದಲ್ಲಿ ಅತಿಥಿ ಶಿಕ್ಷಕರನ್ನು ಗೌರವಿಸಲಾಯಿತು. ಎಸ್‌ಸಿಡಿಸಿಸಿ ಬ್ಯಾಂಕಿನ ಉಪಾಧ್ಯಕ್ಷ ವಿನಯ ಕುಮಾರ್ ಸೂರಿಂಜೆ ಅಧ್ಯಕ್ಷತೆಯನ್ನು ವಹಿಸಿದ್ದರು.

ಕಾರ್ಯಕ್ರಮದಲ್ಲಿ ಗ್ರಾಮ ಪಂಚಾಯತ್ ಸದಸ್ಯರಾದ ಪದ್ಮಾವತಿ, ರಝಾಕ್, ಎಸ್‌ಡಿಎಂಸಿ ಸದಸ್ಯರಾದ ರಾಧಾಕೃಷ್ಣ ಭಂಡಾರ್ಕರ್, ಮನೋಹರ್ ಶೆಟ್ಟಿ ಉಪಸ್ಥಿತರಿದ್ದರು.

ಸವಿತಾ ನಾಯ್ಕ್ ಸ್ವಾಗತಿಸಿದರು, ವಿನೋದ್‌ಕುಮಾರ್ ವಂದಿಸಿದರು, ಸುರೇಶ್ ನಿರೂಪಿಸಿದರು.