ವಿನೋಲಾ ಸಾಂಡ್ರಾ ಸಿಕ್ವೇರಾಗೆ ಪಿಎಚ್‌ಡಿ ಪದವಿ

ಮಂಗಳೂರು, ಆ. 4: ನಗರದ ಸಂತ ಅಲೋಶಿಯಸ್ ಪರಿಗಣಿತ ವಿಶ್ವವಿದ್ಯಾನಿಲಯದ ಕಲಾ ಮತ್ತು ಮಾನವಿಕ ಶಾಲೆಯ ಅರ್ಥಶಾಸ್ತ್ರ ವಿಭಾಗದ ಸಹಾಯಕ ಪ್ರಾಧ್ಯಾಪಕಿ ವಿನೋಲಾ ಸಾಂಡ್ರಾ ಸಿಕ್ವೇರಾ ಅವರ ‘ಮಹಿಳಾ ಮತ್ತು ಮಕ್ಕಳ ಆರೋಗ್ಯ ಸೇವೆಗಳು - ದಕ್ಷಿಣ ಕನ್ನಡ ಜಿಲ್ಲೆಯ ಉಲ್ಲೇಖದೊಂದಿಗೆ ಒಂದು ಅಧ್ಯಯನ’ಎಂಬ ಮಹಾಪ್ರಬಂಧಕ್ಕೆ ಮಂಗಳೂರು ವಿಶ್ವವಿದ್ಯಾಲಯವು ಪಿಎಚ್‌ಡಿ ಪದವಿಯನ್ನು ನೀಡಿ ಗೌರವಿಸಿದೆ.

ಇವರು ಮಂಗಳೂರು ವಿಶ್ವವಿದ್ಯಾಲಯದ ಅರ್ಥಶಾಸ್ತ್ರ ವಿಭಾಗದ ನಿವೃತ್ತ ಪ್ರಾಧ್ಯಾಪಕ ಪ್ರೊ. (ಡಾ) ಶ್ರೀಪತಿ ಕಲ್ಲೂರಾಯ ಪಿ. ಅವರ ಮಾರ್ಗದರ್ಶನದಲ್ಲಿ ಪ್ರಬಂಧ ಮಂಡಿಸಿದ್ದರು.

ವಿನೋಲಾ ಕಿನ್ನಿಗೋಳಿಯ ವಿನ್ಸೆಂಟ್ ಸಿಕ್ವೇರಾ ಮತ್ತು ಏಂಜೆಲಿನ್ ಸಿಕ್ವೇರಾ ಅವರ ಪುತ್ರಿ ಮತ್ತು

ಕಾರ್ಕಳದ ಬೆಳ್ಮಣ್‌ನ ರೋವೆನ್ ಪ್ರೇಮ್ ಡಿಸಿಲ್ವಾರ ಪತ್ನಿ.