iPhone 18 ಸೀರೀಸ್ ಬಿಡುಗಡೆ ಬೆನ್ನಲ್ಲೇ ಭಾರತದಲ್ಲಿ iPhone 17 ಬೆಲೆಯಲ್ಲಿ ಭಾರೀ ಏರಿಕೆ

iPhone 17 Pro ಮತ್ತು iPhone 17 Pro Max ಮಾಡೆಲ್ ಳನ್ನು Apple ಸ್ಥಗಿತಗೊಳಿಸಿದೆ.

--

ಈ ವರ್ಷದ iPhone 18 ಸೀರೀಸ್‌ ಬಿಡುಗಡೆಯಾದ ಬೆನ್ನಲ್ಲೇ Apple ತನ್ನ iPhone 17 ಬೆಲೆಯನ್ನು ಭಾರತದಲ್ಲಿ ಶೇ 20ರಷ್ಟು ಹೆಚ್ಚಿಸಿದೆ. 82,900 ರೂ.ಗೆ ಭಾರತದಲ್ಲಿ ಬಿಡುಗಡೆಯಾಗಿದ್ದ iPhone 17 ಫೋನ್ ಈಗ 99,900 ರೂ. ಗೆ ಮಾರಾಟವಾಗುತ್ತಿದೆ. ಅಂದರೆ ಫೋನ್ ಗೆ 17,000 ರೂ. ರಷ್ಟು ಭಾರೀ ಏರಿಕೆಯಾಗಿದೆ. ಅದೇ ರೀತಿ iPhone Air ಮೊದಲು 1,19,900 ರೂ. ಬೆಲೆಗೆ ಸಿಗುತ್ತಿತ್ತು. ಇದೀಗ 30,000 ರೂ. ಹೆಚ್ಚಿಸಿದ ಕಾರಣ ಬೆಲೆ 1,49,900 ರೂ. ಗೆ ತಲುಪಿದೆ.

ಸೆಪ್ಟೆಂಬರ್ 9ರ ‘ಸರ್ಪ್ರೈಸ್ ಆಂಡ್ ಶೈನ್’ ಕಾರ್ಯಕ್ರಮದ ಸಂದರ್ಭದಲ್ಲಿ iPhone 18 Pro ಸೀರೀಸ್ ಮತ್ತು Apple ನ ಮೊದಲ ಮಡಿಸಬಹುದಾದ ಫೋನ್ iPhone Duo ಅನ್ನು ಬುಧವಾರ ಬಿಡುಗಡೆ ಮಾಡಿದ ಕೆಲವೇ ನಿಮಿಷಗಳಲ್ಲಿ ಬೆಲೆ ಏರಿಕೆಯಾಗಿದೆ. iPhone 18 ನ ಮೂಲ ಮಾಡೆಲ್ ಅನ್ನು ಮತ್ತು iPhone Air ನ ನಂತರದ ಮಾಡೆಲ್ ಅನ್ನು ಇನ್ನೂ ಬಿಡುಗಡೆ ಮಾಡಿಲ್ಲ.

iPhone 18 ಮೂಲ ಮಾಡೆಲ್ ಮತ್ತು iPhone Air ಅನ್ನು 2027ರ ಮಧ್ಯಭಾಗದಲ್ಲಿ ಬಿಡುಗಡೆ ಮಾಡುವ ಸಾಧ್ಯತೆಯಿದೆ. ಸದ್ಯದ ಮಟ್ಟಿಗೆ iPhone 17 ಫೋನ್ Apple ನ ಅತ್ಯುತ್ತಮ ಮಾರಾಟವಾಗುತ್ತಿರುವ ಮಾಡೆಲ್ ಆಗಿದೆ. ಇಡೀ iPhone 17 ಸೀರೀಸ್ ಅದರ ಮೊದಲ ವರ್ಷದ ಮಾರಾಟದಲ್ಲಿ 170 ಶತಕೋಟಿ ಡಾಲರ್ ಗಿಂತ ಹೆಚ್ಚು ಗಳಿಸಿದೆ ಎಂದು ವರದಿಯಾಗಿದೆ.

iPhone 18 ನ ಮೂಲ ಮಾಡೆಲ್ ತರದೆ ಇರುವುದರಿಂದ ಖರೀದಿದಾರರು ಮತ್ತೆ ತಮ್ಮ ಮುಂದಿನ ಖರೀದಿ ಅಥವಾ ಅಪ್ಗ್ರೇಡ್ಗಾಗಿ iPhone 17 ಮೂಲ ಮಾಡೆಲ್ ಅನ್ನೇ ಆಯ್ಕೆ ಮಾಡುತ್ತಾರೆ. iPhone 17 ಪ್ರೊ ಮತ್ತು iPhone 17 ಪ್ರೊ ಮ್ಯಾಕ್ಸ್ ಮಾಡೆಲ್ಗಳನ್ನೂ ಸಹ ಸ್ಥಗಿತಗೊಳಿಸಲಾಗಿದೆ.

ಮೆಮೊರಿ ಕೊರತೆಯಿಂದಾಗಿ ಸ್ಮಾರ್ಟ್ಫೋನ್ ಬೆಲೆಗಳನ್ನು ಹೆಚ್ಚಿಸುತ್ತಿರುವ ಆಂಡ್ರಾಯ್ಡ್ ಕಂಪನಿಗಳ ಸಾಲಿಗೆ ಈಗ Apple ಕೂಡ ಸೇರಿದೆ. ಭಾರತದಲ್ಲಿ Apple ನ ಹೊಸ iPhone ಸಾಧನಗಳ ಬೆಲೆಗಳು ಅಮೆರಿಕಕ್ಕಿಂತ ಗಮನಾರ್ಹವಾಗಿ ಹೆಚ್ಚಿದೆ. iPhone 17 ಪ್ರೊ ಅನ್ನು 1,34,900 ರೂ. ಮತ್ತು iPhone 17 ಪ್ರೊ ಮ್ಯಾಕ್ಸ್ ಅನ್ನು 1,49,900 ರೂ. ಬೆಲೆಗೆ ಬಿಡುಗಡೆ ಮಾಡಲಾಗಿತ್ತು. ಇದೀಗ ಎರಡರ ಬೆಲೆ ಸುಮಾರು 30,000 ರೂ. ನಷ್ಟು ಏರಿಕೆಯಾಗಿದೆ.