ಭಾರತದಿಂದ ಆಗಮಿಸಿದ ಮೊದಲ ಹಜ್ಜ್ ವಿಮಾನ; ಯಾತ್ರಾರ್ಥಿಗಳನ್ನು ಮದೀನಾದಲ್ಲಿ ಬರಮಾಡಿಕೊಂಡ ಕೆಸಿಎಫ್ ತಂಡ

ಮದೀನಾ: ಪವಿತ್ರ ಹಜ್ಜ್ ನಿರ್ವಹಿಸಲು ಭಾರತದಿಂದ ಆಗಮಿಸಿದ ಮೊದಲ ತಂಡ ಮದೀನಾದ ಪ್ರಿನ್ಸ್ ಮುಹಮ್ಮದ್ ಬಿನ್ ಅಬ್ದುಲ್ ಅಝೀಝ್ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣ ತಲುಪಿದೆ. ಇದರೊಂದಿಗೆ, ಈ ವರ್ಷದ ಹಜ್‌ಗಾಗಿ ವಿದೇಶಿ ಯಾತ್ರಿಕರ ಆಗಮನ ಪ್ರಾರಂಭವಾಗಿದೆ. ‌

ಭಾರತದಿ೦ದ ಆಗಮಿಸಿದ ಮೊದಲ ತಂಡವನ್ನು ವಿಮಾನ ನಿಲ್ದಾಣದಲ್ಲಿ ರಾಯಭಾರ ಕಚೇರಿಯ ಅಧಿಕಾರಿಗಳು, ಹಜ್ ಮಿಷನ್ ಅಧಿಕಾರಿಗಳು ಮತ್ತು ಹಜ್ ಸ್ವಯಂಸೇವಕ ಗುಂಪು ಬರಮಾಡಿಕೊಂಡವು.

ಮದೀನಾ ಮುನವ್ವರ ವಿಮಾನ ನಿಲ್ದಾಣದಿಂದ ಬಸ್ ಮೂಲಕ ರೂಮ್ ತಲುಪಿದ ಯಾತ್ರಾರ್ಥಿಗಳನ್ನು ಕೆಸಿಎಫ್ ಕಾರ್ಯಕರ್ತರು ಹೂಗುಚ್ಛ ನೀಡಿ ಸ್ವಾಗತಿಸಿದರು. ಎಂಟು ದಿನಗಳ ಕಾಲ ಮದೀನಾ ಮುನವ್ವರದಲ್ಲಿ ತಂಗಲಿದ್ದು, ಆ ಬಳಿಕ ಮಕ್ಕಾ ತೆರಳಲಿದ್ದಾರೆ. ಈ ಬಾರಿ ಭಾರತದಿಂದ 1,75,000ಕ್ಕಿಂತ ಅಧಿಕ ಯಾತ್ರಾರ್ಥಿಗಳು ಹಜ್ಜ್ ಕರ್ಮ ನಿರ್ವಹಿಸಲು ಆಗಮಿಸಲಿದ್ದಾರೆ ಎಂದು ತಿಳಿದುಬಂದಿದೆ.